బాకీ తీర్చని ఓ టీనేజర్‌పై సీనియర్లు దాష్టికానికి దిగారు.  తీర్చాల్సిన బాకీ కంటే ఎన్నో రెట్ల డబ్బులివ్వాలంటూ బెదిరించారు. ఇవ్వలేనని చెప్పడంతో వేధింపులకు దిగారు. ఆ వేధించడం మరీ హింసాత్మకంగా ఉండడం.. ఆ వీడియో కాస్త వైరల్‌ కావడంతో పోలీసులు జోక్యం చేసుకోవాల్సి వచ్చింది.ఉత్తరప్రదేశ్‌ ఎటావాకు చెందిన టీనేజర్‌.. నీట్‌ కోచింగ్‌ కోసం కాన్పూర్‌ వచ్చాడు. కోచింగ్‌ సెంటర్‌లో సీనియర్లతో స్నేహం కుదిరి..వాళ్లు ఉంటున్న ప్లాట్‌కి మకాం మార్చాడు. ఆన్‌లైన్‌ బెట్టింగ్‌ గేమ్‌ కోసం వాళ్ల దగ్గరి నుంచి రూ.20 వేలు తీసుకున్నాడు. అయితే గేమ్‌లో ఆ డబ్బంతా పొగొట్టుకున్నాడు.దీంతో.. ఆ సీనియర్లు 20 వేలకు బదులు రూ.2 లక్షలు ఇవ్వాలంటూ బెదిరింపులకు దిగారు. సదరు విద్యార్థి చెల్లించకలేకపోయేసరికి.. అతన్ని చిత్రహింసలు పెడుతూ ఆ తతంగం అంతా వీడియో తీశారు. ఆ విద్యార్థినిని కింద పడేసి చితకబాదారు. కాళ్లు మొక్కుతున్నా విడిచిపెట్టకుండా.. బలవంతంగా అతని దుస్తులు విప్పించారు. మర్మాంగానికి ఇటుకను కట్టి వేలాడదీస్తూ వేధించారు. ఈ దాష్టీకం ఇంతటితోనే ఆగలేదు. అతని వెంట్రుకల్ని తగలబెట్టే ప్రయత్నమూ చేశారు.#UttarPradesh: Students preparing for #NEET in #Kanpur brutally beat up their classmate. He was hung by tying a rope around his private part. They tried to burn his hair with fire spray.Actually, the victim student lost 20K in an online game. pic.twitter.com/TO1MhtAt0y— Siraj Noorani (@sirajnoorani) May 7, 2024చివరకు బాధితుడు తల్లిదండ్రులకు ఈ విషయం చెప్పడంతో.. వాళ్లు పోలీసులకు ఫిర్యాదు చేశారు. అయితే ఎటావా పోలీసులు నిందితులను పిలిపించి.. కేవలం మందలించి వదిలేశారు. ఈలోపు టీనేజర్‌ను వేధించిన వీడియోలు వాట్సాప్‌ ద్వారా బయటకు వచ్చాయి. దీంతో పోలీసులు  ఈసారి సీరియస్‌ యాక్షన్‌ తీసుకున్నారు. వీడియోలో ఉన్న ఆరుగురు నిందితులను గుర్తించి.. అరెస్ట్‌ చేశారు. ఒక ముఠాగా మారి కోచింగ్‌సెంటర్‌కు వచ్చే విద్యార్థులను వీళ్లు టార్గెట్‌ చేసినట్లు పోలీసులు చెబుతున్నారు.

బన్సీలాల్‌పేట్‌: సికింద్రాబాద్‌ ఎంపీగా నియోజకవర్గాన్ని పట్టించుకోని బీజేపీ అభ్యర్థి కిషన్‌రెడ్డిని, రాజకీయ నిలకడలేని కాంగ్రెస్‌ అభ్యర్థి దానం నాగేందర్‌లను ప్రజలు ఓడించాలని ఎమ్మెల్యే తలసాని శ్రీనివాస్‌ యాదవ్‌, బీఆర్‌ఎస్‌ అభ్యర్థి టి. పద్మారావు గౌడ్‌లు కోరారు. బన్సీలాల్‌పేట్‌ డివిజన్‌ భోలక్‌పూర్‌, న్యూబోయిగూడ, ఐడీహెచ్‌ కాలనీ, గొల్లకొమురయ్య కాలనీ తదితర ప్రాంతాల్లో మంగళవారం లోక్‌సభ ఎన్నికల ప్రచారంలో వారు పాల్గొని మాట్లాడారు. సికింద్రాబాద్‌ లోక్‌సభ నియోజకవర్గంతో పాటు నగరాన్ని అన్ని విధాలా అభివృద్ధి చేసిన ఘనత బీఆర్‌ఎస్‌ ప్రభుత్వానికే దక్కుతుందన్నారు. ఫ్లైఓవర్‌ బ్రిడ్జీలు, నాలా విస్తరణ, డబుల్‌ బెడ్రూం ఇళ్లు, శాంతిభద్రతల పరిరక్షణ, ట్రాఫిక్‌ నియంత్రణ వంటి అనేక కార్యక్రమాలను అమలు చేసిన ఘనత బీఆర్‌ఎస్‌దేనన్నారు. ఈ ప్రాంతం నుంచి ఎంపీగా, కేంద్ర మంత్రిగా కిషన్‌ రెడ్డి ప్రాతినిధ్యం వహించి సికింద్రాబాద్‌కు చేసింది ఏమీ లేదని ఎద్దేవా చేశారు. బీఆర్‌ఎస్‌ అభ్యర్థి పద్మారావు విజయం ఖాయమని ధీమా వ్యక్తం చేశారు. అలవికాని హామీలతో ప్రజలను మోసం చేసి అధికారంలోకి వచ్చిన కాంగ్రెస్‌ ప్రభుత్వం పట్ల నగర ప్రజలు ఆగ్రహంతో ఉన్నారని పేర్కొన్నారు. నగరంలో కరెంట్‌ కోతలు, నీటి సరఫరా, ఇతరత్రా సమస్యలతో ప్రజలు ఇబ్బంది పడుతున్నారని వివరించారు. ● దానం నాగేందర్‌కు రాజకీయ నిలకడ లేదు ● బీఆర్‌ఎస్‌ అభ్యర్థి పద్మారావు, ఎమ్మెల్యే తలసాని

మంత్రి కోమటిరెడ్డి వెంకట్‌రెడ్డి అబిడ్స్‌: సికింద్రాబాద్‌ లోక్‌సభ కాంగ్రెస్‌ అభ్యర్థి దానం నాగేందర్‌ను గెలిపిస్తే కేంద్రమంత్రి అవుతారని రాష్ట్ర మంత్రి కోమటిరెడ్డి వెంకట్‌రెడ్డి పేర్కొన్నారు. మంగళవారం నాంపల్లి నియోజకవర్గంలోని పలు ప్రాంతాల్లో జరిగిన రోడ్‌ షోల్లో కోమటిరెడ్డి వెంకట్‌రెడ్డి పాల్గొని ప్రసంగించారు. అయిదేళ్లుగా ఎంపీగా ఉన్న కిషన్‌రెడ్డి సికింద్రాబాద్‌ ప్రజలకు ఏ ఒక్కరోజు అందుబాటులో లేరన్నారు. ఎన్నికలు ఉన్నా, లేకున్నా ప్రజలకు అందుబాటులో ఉండే దానం నాగేందర్‌ను గెలిపిస్తే సికింద్రాబాద్‌ మరింత అభివృద్ధి చెందుతుందన్నారు. ఆరు గ్యారంటీలను తాము ఇచ్చిన హామీ ప్రకారం.. ముఖ్యమంత్రి రేవంత్‌రెడ్డి ప్రభుత్వం అమలు చేస్తే ప్రతిపక్షాలు జీర్ణించుకోలేకపోతున్నాయన్నారు. బీఆర్‌ఎస్‌, బీజేపీలు తప్పుడు ప్రచారాలతో ప్రజలను పక్కదోవ పట్టిస్తున్నాయన్నారు. రాష్ట్రంలో ఇందిరమ్మ రాజ్యం వచ్చి.. అన్ని వర్గాల ప్రజలకు మేలు జరుగుతుంటే బీజేపీ, బీఆర్‌ఎస్‌లు తట్టుకోలేక పోతున్నాయన్నారు. దానం నాగేందర్‌ మాట్లాడుతూ.. తనను గెలిపిస్తే ప్రజలకు అండగా ఉండి సేవలందిస్తానన్నారు. ఒక్కరోజు కూడా ప్రజల వద్దకు రాని కిషన్‌రెడ్డిని ఓడించాలని కోరారు. కార్యక్రమంలో నాంపల్లి నియోజకవర్గ ఇన్‌చార్జి ఫిరోజ్‌ఖాన్‌, నాయకులు కొండల్‌, వినోద్‌కుమార్‌, శ్రీశైలం యాదవ్‌, సత్యనారాయణ్‌, ఫరీద్‌, కంచెర్ల చంద్రశేఖర్‌రెడ్డి, మెట్టు సాయికుమార్‌ తదితరులు పాల్గొన్నారు.

చార్మినార్‌: అన్ని వర్గాల ప్రజల మద్దతు కాంగ్రెస్‌కే ఉందని తెలంగాణ ప్రచార, ప్రణాళిక కమిటీ కన్వీనర్‌ అలీ మస్కతి అన్నారు. మంగళవారం నిర్వహించిన ప్రచారం అనంతరం ఆయన విలేకర్లతో మాట్లాడారు. రాష్టంలో ప్రస్తుతం కాంగ్రెస్‌ పార్టీ గాలి వీస్తోందన్నారు. ఈ పార్లమెంట్‌ ఎన్నికల్లో అన్ని వర్గాల ఓటర్లతో పాటు ముస్లిం ఓటర్లు తమ పార్టీ అభ్యర్థులకే ఓట్లు వేసి భారీ మెజార్టీతో గెలిపించనున్నారని పేర్కొన్నారు. ఇక హైదరాబాద్‌లో మత రాజకీయాలకు స్థానికులు స్వస్తి చెప్పనున్నారన్నారు. సెక్యులర్‌ పార్టీ అయిన కాంగ్రెస్‌కు ఓటు వేయడానికి ఇరు వర్గాల ప్రజలు సిద్ధంగా ఉన్నారన్నారు. అన్ని వర్గాల ప్రజలు కాంగ్రెస్‌కు మద్దతు తెలియజేస్తున్నారన్నారు. తమ ప్రభుత్వం ప్రవేశపెట్టి అమలు చేస్తున్న గ్యారంటీ పథకాలతో సంతృప్తి చెందుతున్న ఇరు వర్గాల ఓటర్లు తమ పార్టీకే ఓటు వేయనున్నారన్నారు.

మల్కాజిగిరి లోక్‌సభ బీజేపీ అభ్యర్థి ఈటల రాజేందర్‌ ● నాకు ప్రత్యర్థులు ఎవరూ లేరు ● రేవంత్‌రెడ్డి అయిదేళ్లు ఏమీ చేయలేదు ● మోదీ ప్రధాని కావాలని దేశం కోరుకుంటోంది ● జవహర్‌నగర్‌ డంపింగ్‌ యార్డు సమస్యను పరిష్కరిస్తాం ● ఫ్లై ఓవర్‌ బ్రిడ్జీలు, ఆర్‌ఓబీలు ఏర్పాటు చేయిస్తాం ● ఇండస్ట్రియల్‌ కారిడార్‌ అవసరం ఎంతో ఉంది మేనిఫెస్టోను ప్రజల ముందుంచాం.. మేం అధికారంలోకి వస్తే స్థానికంగా ఏం చేస్తామనేది ప్రత్యేకంగా మేనిఫెస్టో తయారు చేసి ప్రజల ముందుంచాం. ఐటీ పరిశ్రమల ఏర్పాటు, ఉద్యోగ, ఉపాధి అవకాశాల కల్పనపై మాకు స్పష్టమైన ఎజెండా ఉంది. నగరం విస్తరిస్తుండడంతో తాగునీటి ఇబ్బందులు తలెత్తుతున్నాయి. అంతర్గత రహదారులు, ట్రాఫిక్‌ సమస్యను అధిగమించేందుకు, ఫ్లై ఓవర్‌ బ్రిడ్జిలు, ఆర్‌.ఓ.బీలు ఏర్పాటు చేయిస్తాం. ఇండస్ట్రియల్‌ కారిడార్‌ అవసరం ఉంది. మురుగుకూపంగా మారిపోయిన జవహర్‌నగర్‌ను సరికొత్తగ తీర్చిదిద్దుతాం. మార్ఫింగ్‌ వీడియోలను ప్రజలు నమ్మరు అందుబాటులో ఉన్న సాంకేతిక పరిజ్ఙానం ఉపయోగించి, ఆర్టిఫీషియల్‌ ఇంటెలిజెన్స్‌ సాయంతో నేను అనని మాటలను అన్నట్లు వీడియోలను క్రియేట్‌ చేసి సోషల్‌ మీడియాలో ప్రచారం చేస్తున్నారు. వాటిని ప్రజలు నమ్మే పరిస్థితి లేదు. ప్రజలకు లోకల్‌ నాన్‌లోకల్‌తో సంబంధం లేదు. వాళ్లను కష్టంలో ఆదుకునే నాయకుడు కావాలని కోరుకుంటున్నారు. మతపరమైన రిజర్వేషన్ల రద్దుతో నష్టం లేదు.. మత ప్రాతిపదికన రిజర్వేషన్లు వద్దని మాత్రమే బీజేపీ అంటోంది. సుమారు 50 శాతం మంది ముస్లింలు బీసీ–ఈ లో ఉన్నారు. ఆపై ఈబీసీ కోటా 10 శాతంలో రిజర్వేషన్‌ వర్తిస్తుంది. ఇంకా నష్టం జరిగేది ఎవరికి? మేము ముస్లిం రిజర్వేషన్లకు వ్యతిరేకమని ప్రత్యర్థి పార్టీలు ప్రచారం చేస్తున్నాయి. అదంతా రాజకీయ లబ్ధి కోసం తప్ప ముస్లింలపై ప్రేమతో కానే కాదు. మల్కాజిగిరికి రేవంత్‌ ఏమీ చేయలేదు ముఖ్యమంత్రి రేవంత్‌రెడ్డి గత ఎన్నికల్లో ప్రశ్నించే గొంతుక అని ప్రచారం చేసుకుంటే మల్కాజిగిరి ప్రజలు ఆదరించారు. గెలిచిన తర్వాత ఈ నియోజకవర్గానికి ఆయన చేసిన అభివృద్ధి ఏమీ లేదు. చేసింది చెప్పుకోలేక తప్పుడు వాగ్దానాలతో మరోసారి ప్రజలను మోసం చేయాలని చూస్తున్నారు. కేసీఆర్‌పై వ్యతిరేకత రావడానికి చాలా సమయం పట్టింది. రేవంత్‌రెడ్డిని కేవలం 4 నెలల్లోనే ప్రజలు అసహ్యించుకుంటున్నారు. కంటోన్మెంట్‌ను జీహెచ్‌ఎంసీలో విలీనం చేయాలి సికింద్రాబాద్‌ కంటోన్మెంట్‌ ప్రాంతంలో ప్రజలు తీవ్ర ఇబ్బందులు ఎదుర్కొంటున్నారు. రహదారుల విస్తరణ, ఇతర అభివృద్ధి కార్యక్రమాలు ఏవి చేయాలన్న అడ్డంకిగా మారుతోంది. వీలయితే ఇక్కడి నుంచి కంటోన్మెంట్‌ను పూర్తిగా ఎత్తేయడం లేదా జీహెచ్‌ఎంసీలో విలీనం చేయాల్సిన అవసరం ఉంది. దేశ రక్షణ, అభివృద్ధి కోరుకుంటున్నారు. ప్రజలు దేశ రక్షణ, అభివృద్ధిని కోరుకుంటున్నారు. అది మోదీతోనే సాధ్యమని గట్టిగా నమ్ముతున్నారు. మల్కాగిజిరిలో నేను గెలవడం, దేశంలో మోదీ మూడోసారి ప్రధాని కావడం తథ్యం. ‘ఈ ఎన్నికల్లో నాకు సమీప ప్రత్యర్థులు ఎవరూ లేరు. గేటెడ్‌ కమ్యూనిటీ నుంచి బస్తీ వరకు ఎక్కడికి వెళ్లినా ప్రజలు ఘన స్వాగతం పలుకుతున్నారు. ప్రత్యర్థులు ఎన్ని మార్ఫింగ్‌ వీడియోలు విడుదల చేసినా.. అవాస్తవాలు ప్రచారం చేసినా ఓటర్లు నమ్మే పరిస్థితిలో లేరు. నేనేంటో గత 24 ఏళ్లుగా రాష్ట్ర ప్రజలు చూస్తున్నారు. దేశంలో మోదీ పాలన రావాలని.. బీజేపీని గెలిపించాలని ఓటర్లు బలంగా కోరుకుంటున్నారు’ అని పేర్కొన్నారు మల్కాజిగిరి లోక్‌సభ బీజేపీ అభ్యర్థి ఈటల రాజేందర్‌. ‘ఎన్నికల ప్రచారంలో భాగంగా అన్ని బస్తీలు చుట్టేశాను. అక్కడి ప్రజలతో మాట్లాడి సమస్యలు తెలుసుకున్నాను. జవహర్‌నగర్‌ డంపింగ్‌ యార్డు, చెరువులు, ఇతర ప్రభుత్వ స్థలాల కబ్జాలు, యువతకు ఉద్యోగ, ఉపాధి అవకాశాలు, సికింద్రాబాద్‌ కంటోన్మెంట్‌లో సమస్యల పరిష్కారంపై ప్రధానంగా దృష్టి సారిస్తా’నంటున్నారు ఆయన. ‘సాక్షి’తో ఈటల రాజేందర్‌ ఇంటర్వ్యూ వివరాలు ఇవీ.. – సాక్షి, సిటీ బ్యూరో I N T E R V I E W