‘‘హలో అప్పారావు... నేను సుబ్బారావుని మాట్లాడుతున్నాను. ఇప్పుడే సికింద్రాబాద్ స్టేషన్లో రైలు దిగాను. నీ అడ్రసు చెప్పు’’ రైల్వేస్టేషన్ నుంచి బయటికి వస్తూ ఫోన్లో అడిగాడు సుబ్బారావు.‘‘నేరుగా ఆటోలో నా బొంద కాలనీకి వచ్చేయ్’’ అన్నాడు అప్పారావు.‘‘నా బొంద కాలనా?! ఇదేం పేరురా బాబు... జోక్ చేస్తున్నావా!’’ ఆశ్చర్యపోయాడు సుబ్బారావు.‘‘అదేం లేదు...నువ్వు వచ్చేయ్’’ అన్నాడు అప్పారావు.ఒక గంట తరువాత కాలనీకి చేరుకున్నాడు సుబ్బారావు. ‘నా బొంద కాలనీ’ అనే పెద్దబోర్డ్ ఒకటి అక్కడ కనిపిస్తుంది. ‘‘ఇదేం పేరురా బాబు!’’ అంటూ రెండోసారి జడుసుకున్న సుబ్బారావుకు ఆ కాలనీ ఫ్లాష్బ్యాక్ను ఇలా చెప్పాడు అప్పారావు...
మల్లయ్యగారి పుల్లయ్యకు ముగ్గురు కొడుకులు. పెద్ద కొడుకు ఇంజనీర్. రెండో కొడుకు డాక్టర్. మూడో కొడుకు లాయర్.‘‘ఇలా అయితే ఎలా? ఏదైనా చిన్న ఉద్యోగమైనా చేసి చావండి’’ అని రోజూ చాటుగానో మాటుగానో కొడుకులను తిడుతుండేవాడు పుల్లయ్య.‘అదేమిటి? ఒక కొడుకు ఇంజనీర్, ఒక కొడుకు డాక్టర్, ఇంకో కొడుకు లాయర్ కదా... బోలెడు సంపాదన. మరి ఉద్యోగం చేయాల్సిన ఖర్మ వాళ్లకు ఏమిటి?’ అనే కదా మీ డౌటు.నిజానికి పెద్ద కొడుకు ఇంజనీర్ కాదు. అతడి పేరు ఇంజనీర్. రెండో కొడుకు డాక్టర్ కాదు. అతని పేరు డాక్టర్... మూడో వాడి పరిస్థితి కూడా సేమ్ టు సేమ్!!భవిష్యత్లో ఇంజనీర్, డాక్టర్, లాయర్గా చూసుకోవాలనే ఆశతో తన కొడుకులకు... ఆ పేర్లు పెట్టుకొని మురిసిపోయాడు పుల్లయ్య. కానీ ఏం లాభం... ఏ కొడుకూ తన పేరును నిజం చేసుకోలేదు.మిగిలిన కొడుకుల విషయం ఎలా ఉన్నా... తండ్రి తిట్లను తట్టుకోలేక పెద్దకొడుకు ఇంజనీర్ ఎలాగైనా సరే ఉద్యోగం సంపాదించాలను కున్నాడు. అయితే పోటీ పరీక్షల్లో మంచి మార్కులు తెచ్చుకున్నాఇంజనీర్ ఇంటర్వ్యూలో మాత్రం ఘోరంగా విఫలమయ్యేవాడు. దీనికి కారణం... అతని అజ్ఞానం మాత్రం కాదు... కేవలం ‘ఊతపదం’. ‘నా బొంద’ అనేది అతని ఊతపదం. ప్రతి ఇంటర్వ్యూలోనూ ఈ ఊతపదం అతని కొంపముంచుతూ ఉద్యోగం రాకుండా చేసేది. అదెలాగో చూద్దాం... ఇంజనీర్ ఎప్పటిలాగే ఒక ఇంటర్వ్యూకు వెళ్లాడు.మేనేజర్: ఏం చదువుకున్నావు?
ఇంజనీర్: నా బొందా.... ఆ ఏదో బీఏ చదువుకున్నాను!మేనేజర్ లైట్గా ఖంగు తిన్నాడు. మళ్లీ మామూలు మనిషై...‘‘నేను కొన్ని దేశాల పేర్లు చెబుతాను. వాటి రాజధానుల పేర్లు చెప్పు చాలు. ఉద్యోగం ఇస్తాను’’ అన్నాడు మేనేజర్.‘‘ఓకే’’ అన్నాడు ఇంజనీర్.మేనేజర్: ఆఫ్గానిస్తాన్ రాజధాని ఏమిటి?ఇంజనీర్: కాబుల్మేనేజర్: జర్మనీ రాజధాని?ఇంజనీర్: బెర్లిన్మేనేజర్: ఫ్రాన్స్ రాజధాని ఎథెన్స్. అవునా కాదా?ఇంజనీర్: మీ బొంద. ఫ్రాన్స్ రాజధాని ఎథెన్స్ ఏమిటి?! ప్యారిస్మేనేజర్:!!!!!...సరే, ఏవైనా ఆటలు వచ్చా?ఇంజనీర్: నా బొంద! నాకేం వస్తాయండి. అప్పుడప్పుడూ క్యారమ్స్ ఆడేవాడిని. పౌడర్ ఎలర్జీ వల్ల అది కూడా ఆడడం మానేశాను.మేనేజర్: అంతా బాగానే ఉంది కానీ.... మధ్యలో ఈ బొంద ఏమిటి? ఇంజనీర్: ఏదో అలా అనడం అలవాటైపోయింది.... నా బొంద! ఎన్నోసార్లు మానేద్దామని ప్రయత్నించానుగానీ కుదరలేదు.‘‘సరే వెళ్లు!’’ అన్నాడు మేనేజర్.‘‘నా బొంద! మీరు ఏం చెప్పనిదే ఎలా వెళతానండి. ఇంతకీ నాకు ఉద్యోగం ఇస్తున్నట్లా? ఇవ్వనట్లా?’’ డౌటు అడిగాడు ఇంజనీర్.‘‘నా బొంద! ఇప్పుడే అడిగితే ఎలా చెబుతాం. వారం తరువాత మేమే కబురు చేస్తాం’’ అన్నాడు మేనేజర్.అప్పుడే ఫోన్ మోగింది.
మేనేజర్ భార్య...‘‘యావండీ... ఇవ్వాళ ఏ కూర వండమంటారు?’’ అని అడిగింది.‘‘ ఏదో ఒక కూర వండిచావు... నా బొందలో కూర’’ అని విసుక్కున్నాడు మేనేజర్.ఆ తరువాత సంస్థ యజమాని అప్పల్నాయుడు నుంచి మేనేజర్కు ఫోన్ వచ్చింది.‘‘ఏమిటయ్యా కంపెనీ లాస్లో ఉంది... నువ్వేం చేస్తున్నావు?’’ అని కాస్త కోపంగా అడిగాడు.‘‘నా బొందలో లాసు... అదీ ఓ లాసేనా! వ్యాపారం అన్నాక ఈమాత్రం లాస్ ఉండదా... నా బొంద!’’ అన్నాడు మేనేజర్.మేనేజర్తో కొద్దిసేపు మాట్లాడిన తరువాత ‘నా బొంద’ అనే ఊతపదం అప్పల్నాయుడు నోట్లోకి దూరిపోయింది. ఇంజనీర్ పుణ్యమా అని... ‘నా బొంద’ అనే ఊతపదం మేనేజర్ నుంచి అప్పల్నాయుడుకు, అటు నుంచి ఆయన భార్యకు, ఆ తరువాత ఆమె తమ్ముడికి... అలా చుట్టాలు పక్కాలు మొత్తానికి పాకింది. అంతేనా!‘నా బొంద’ ఊతపదం ఉన్నవాళ్లు ఫేస్బుక్లో ఒక కమ్యూనిటీగా ఏర్పడ్డారు.అంతేనా! అక్కడితో ఆగలేదు.‘నా బొంద’ అనే ఊతపదం ఉన్నవాళ్లందరూ కలిసి ‘నా బొంద’ పేరుతో ఏకంగా ఒక కాలనీ కట్టుకున్నారు. అది మా కాలనీ కథ!’’
– యాకుబ్ పాషా
ఒక కాలనీ కహానీ!
Published Sun, Apr 8 2018 12:25 AM
Advertisement
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
భర్తతో విడిపోయిన హీరోయిన్.. కూతురితో కలిసి..
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
ప్రభుత్వ పథకాలతో మెరుగుపడిన జీవనం
ఆ కుటుంబానికి పథకాలే ఆధారం
ఫ మా గుండెల్లో పెట్టుకుంటాం ఫ లంచాలు లేని పాలన తొలిసారి చూశాం ఫ చంద్రబాబును నమ్మి మరోసారి మోసపోలేం ఫ మనసు విప్పిన ‘తూర్పు’ ఫ ఉమ్మడి జిల్లాలో ‘సాక్షి’ రోడ్ షో ఫ ఆరు నియోజకవర్గాల్లో 82 కిలోమీటర్ల మేర నిర్వహణ
ఓటరన్నా.. ఆలోచించు!
తాగునీటికి 2.25 టీఎంసీల నీళ్లు
నేటి నుంచి ఇంజనీరింగ్ సెట్
అక్రమ నిర్మాణాల తొలగింపులో లోకాయుక్త జోక్యం చేసుకోలేదు
ఇప్పట్లో మరమ్మతులు కష్టమే!
అథ్లెటిక్స్ సంఘంలో రాజకీయ నేతల పెత్తనం
పాప్లెట్ చేపలతో పరేషాన్!
తప్పక చదవండి
- PK: 'పులుసు కారుతోంది'..!
- ఓటీటీకి వచ్చేసిన పుష్ప విలన్ హిట్ మూవీ.. స్ట్రీమింగ్ ఎక్కడంటే?
- సీఎం నితీష్కు షాకిచ్చి.. లాలూ చెంతకు బడా నేత!
- నాడు తిట్లు.. నేడు కౌగిలింతలు!
- నల్ల ఖజానా గేట్లు తెరచిన బాబు
- ‘సూపర్ సీఎం’ పాండియన్!
- Lok Sabha Election 2024: ఎన్నికల చరిత్రలో ఏకగ్రీవాలు
- Sakshi.com ఇప్పుడు సరికొత్తగా మీ ముందుకు
- బర్త్ డే స్పెషల్.. విజయ్ దేవరకొండ ఎక్కడ తప్పు చేస్తున్నాడు?
- మొలకలతో బోలెడన్ని ప్రయోజనాలు, ఈ సైడ్ ఎఫెక్ట్స్తెలుసుకోండి!
Advertisement