పౌరాణిక పితామహుడు కమలాకర కామేశ్వరరావుగారి దర్శకత్వంలో వచ్చిన ‘వినాయక విజయం’ చిత్రంలోని ‘ఎవరవయా’ పాటలో ఎంతో కొత్తదనం ఉంది. పార్వతీదేవి తన కుమారుడిని ‘ఎవరవయా ఎవరవయా’ అంటూ ప్రశ్నించడంతో ప్రారంభమవుతుంది. ఈ పాటను జోల పాటలాగ చేయమంటారా అని నాన్నగారు (ఎస్.రాజేశ్వరరావు) అడిగితే, ‘ఇది జోల పాట కాదు, గంభీరంగా ప్రశ్నిస్తున్నట్లుగా రావాలి’ అని చెప్పారట. అందువల్ల ఈ పాటను నాన్నగారు మిశ్ర ఖమాస్ రాగంలో స్వరపరిచారు. పాటంతా ఒకే లొకేషన్లో తీస్తున్నారు కాబట్టి, రాగమాలికలో చేయవలసిన అవసరం లేదని, ఒకే రాగంలో చేయమని కోరారట దర్శకులు.
నాన్నగారికి ఆస్థాన గాయని పి.సుశీల... ‘ఈ పాట జోలపాటలా పాడాలా’ అని అడిగారట. అందుకు రాజేశ్వరరావుగారు, ఈ పాటలో బాలుడిని నిద్రపుచ్చట్లేదు, ఊయలపాట కాదు, ఆశ్చర్యంగా ప్రశ్నిస్తూంది. కాబట్టి పాటలో ఆశ్చర్యంతో, గంభీరంగా ప్రశ్నించడం కనపడాలని దర్శకులు నిర్దేశించిన విషయం వివరించారట. ఇది ఈ పాట నేపథ్యం.‘అసలు నువ్వు ఎవరివయ్యా, ఏ అద్భుత ప్రదేశం నుంచి వచ్చి ఈ అమ్మ ఒడిలోకి చేరావు’ అని ఆశ్చర్యంగా గంభీరంగా ప్రశ్నిస్తుంది పార్వతి ఆ పసిబాలుడిని. తన ఒంటి నలుగుతో రూపొందిన బాలుడు, తాను తయారుచేసుకున్న బాలుడు తనకే ఆశ్చర్యం కలిగించడంతో పిల్లవాడిని ప్రశ్నిస్తుంది పార్వతి. తన బిడ్డ ఎంతటివాడో అనుకుంటుంది.
‘ఆ కనుల వెలిగేవి ఏ జ్యోతులో గాని........ పూజలలో మొదటిపూజ నీదేనేమో’ అని బాలుడిని చూస్తూ తన ఆశ్చర్యాలను ప్రకటిస్తుంది తల్లి. కళ్లు మెరుస్తుంటే, అవి కాంతులీనే జ్యోతులేమో అని ప్రశ్నించింది. ఆ పసిబాలుడి నవ్వులలో పలికే అర్థాలు వేదమంత్రాలేమో అని ఆశ్చర్యపోయింది. అసలు దేవతలందరిలోకీ తొలిదేవత ఇతడేనేమో, భక్తులు తొలి పూజ చేసేది ఈ బాలుడికేనేమో అనే సంభ్రమాన్ని ప్రదర్శించింది.
‘చిట్టిపొట్టి నడకలు –
జిలిబిలి పలుకులు....... ఈరేడు లోకాలు ఏలేవో’ ఎన్ని లోకాలు ఏలుతావో నువ్వు... అని పసిబాలుడిని ఆనందాశ్చర్యాలతో ప్రశ్నించింది తల్లి. ఈ పాట ఒక చిత్రమైన ప్రయోగం. పసిబాలుడికి సాధారణంగా జోలలు పాడతారు. కాని ఇందులో ఈ బాలుడు ఊయలలో ఊగే వేలుపు. అందుకే ఆ బాలుడికి జోల పాడకుండా, తన సందేహాలన్నీ ప్రశ్నిస్తూ పాడుతుంది తల్లి. ఇది కమలాకర కామేశ్వరరావుగారి ప్రతిభ. వారి దర్శకత్వం, కృష్ణశాస్త్రి కలం, నాన్నగారి సంగీతం, సుశీలమ్మ గళం అన్నీ కలిసి ఎంతో మధురంగా వచ్చింది ఈ పాట.
– సంభాషణ: డా. వైజయంతి
ఆ కనుల వెలిగేవి ఏ జ్యోతులో!
Published Sun, Aug 20 2017 12:39 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఎండుతున్న జలకళ
రెండు యుద్ధాలు – ఒక నాయకుడు
షూటింగ్... పార్టీయింగ్...
బాక్ సరికొత్త అనుభూతి ఇస్తుంది : తమన్నా
అజిత్కి జోడీగా...
బయటే డాబు.. లోపల బాబ్బాబు! రెండు నాల్కల చంద్రం
Lok sabha elections 2024: కాంగ్రెస్, ఆప్...మిత్రభేదం
అమేథీపై తేల్చుకోలేకపోతున్న కాంగ్రెస్?
బిందువే సిరుల సింధువు
చెన్నైకి గేమ్
తప్పక చదవండి
- రాజా.. రాణి.. అప్పట్లో అదో రికార్డు..
- యార్లగడ్డకు ఎదురుగాలి!
- Sagubadi: 'గో ఆధారిత సజీవ సేద్యం'! అద్భుతం!!
- ఢిల్లీ మాజీ పీసీసీ చీఫ్ సంచలన వ్యాఖ్యలు
- ఆ సమయంలో నా బాయ్ఫ్రెండ్ భార్య కూడా ఉంది: వరలక్ష్మీ శరత్కుమార్
- ‘గంట’కు రూ.100.!
- మూడోదశలో పోటీ చేస్తున్న క్రిమినల్ కేసులున్న అభ్యర్థులు
- దాడులు, దౌర్జన్యాలు, దమనకాండే టీడీపీ అజెండా
- అమరజీవికి అవమానం
- సడన్ బ్రేక్... జీవితాలనే మార్చేసింది
Advertisement