మేషం: మీ చిరకాల స్వప్నం నెరవేరుతుంది. వృత్తి వ్యాపార ఉద్యోగాల్లోను, వ్యక్తిగత జీవితంలోను పరిస్థితులు సంతృప్తికరంగా ఉంటాయి. చాలాకాలంగా దూరంగా ఉంటున్న మిత్రులను అనూహ్యంగా కలుసుకుంటారు. అనవసర గోప్యత పాటించకండి. దీనివల్ల లేనిపోని సమస్యల్లో చిక్కుకునే అవకాశాలు ఉన్నాయి. ఆరోగ్య దృష్ట్యా ఆహార విహారాల్లో ఆత్మనియంత్రణను పాటించక తప్పదు.
లక్కీ కలర్: ముదురు ఊదా
వృషభం: వృత్తి ఉద్యోగాల్లో విపరీతమైన పోటీని ఎదుర్కొంటారు. వ్యూహాత్మకంగా వ్యవహరించడం ద్వారా ప్రత్యర్థులు ఎవరో తెలుసుకోగలుగుతారు. ప్రేమ వ్యవహారాల్లో అవరోధాలు తప్పకపోవచ్చు. క్రీడా పోటీల్లో గెలుపు కోసం విపరీతంగా శ్రమించాల్సి ఉంటుంది. ఇల్లు లేదా కార్యాలయం మార్పు చేయడానికి ఇది తగిన సమయం. కొత్త ప్రదేశాలకు వెళ్లడం ద్వారా సాంత్వన పొందుతారు.
లక్కీ కలర్: లేత పసుపు
మిథునం: బాధాకరమైన పరిస్థితులు ఎదురవుతాయి. పని ప్రదేశంలో ప్రతికూలతలు తప్పకపోవచ్చు. మానసిక సై్థర్యాన్ని ప్రోది చేసుకోవాల్సి ఉంటుంది. ప్రతికూలతలు పునరావృతం కాకుండా ఎప్పటికప్పుడు అప్రమత్తంగా ఉండాల్సి ఉంటుంది. మార్పును స్వాగతించడానికి సిద్ధపడితేనే పరిస్థితులు మెరుగుపడగలవని తెలుసుకుంటారు. శక్తియుక్తులన్నింటినీ కార్యాచరణపై కేంద్రీకరిస్తారు.
లక్కీ కలర్: ముదురు నారింజ
కర్కాటకం: వృత్తి ఉద్యోగాల్లో పరిస్థితులు పూర్తి అనుకూలంగా ఉంటాయి. ఒక దురలవాటు నుంచి బయటపడే ప్రయత్నం చేస్తారు. కష్టాల నుంచి గట్టెక్కుతారు. ఇదివరకటి శ్రమకు తగిన ఫలితాలు చేతికందడం ఇప్పుడిప్పుడే మొదలవుతుంది. కొత్త ప్రదేశాల్లో పర్యటిస్తారు. పని ప్రదేశంలో గట్టి పోటీ ఎదురైనా మీ సత్తా చాటుకుంటారు. సహాయం కోసం కీలకమైన వ్యక్తులను కలుసుకుంటారు.
లక్కీ కలర్: లేత ఎరుపు
సింహం: లక్ష్యసాధన కోసం సర్వశక్తులూ కేంద్రీకరిస్తారు. స్వయంకృషితో అత్యున్నత స్థితికి చేరుకుంటారు. అయితే, జీవితంలో సాహసం లోపించినట్లుగా అనిపిస్తుంది. కొత్త అవకాశాలు వెదుక్కుంటూ వస్తాయి. రెట్టించిన ఆత్మవిశ్వాసంతో దూసుకుపోతారు. అనుభవాన్నంతా రంగరించి కీలక నిర్ణయాలు తీసుకుంటారు. కోపతాపాలను అదుపులో పెట్టుకోవడం మంచిది. ఆసక్తికరమైన కొత్త వ్యక్తిని కలుసుకుంటారు.
లక్కీ కలర్: పసుపు
కన్య: జీవితంలో కొత్త దశ మొదలవుతుంది. సాధించిన ఫలితాలపై ఆత్మతృప్తి చెందుతారు. ప్రశాంతంగా రోజులు గడుపుతారు. జీవితం ఇదివరకటి కంటే ఆనందభరితంగా ఉంటుంది. నిరంతర శ్రమ నుంచి కొంత విరామం తీసుకుంటారు. సుదూర ప్రాంతాలకు విహారయాత్రలకు వెళతారు. ప్రేమలో సాఫల్యత సాధిస్తారు. ఆధ్యాత్మిక చింతనలో పడతారు. ఆరోగ్యంపై దృష్టిపెడతారు.
లక్కీ కలర్: లేత ఊదా
తుల: ప్రత్యర్థులపై సవాలు విసురుతారు. శక్తిసామర్థ్యాలతో పరిస్థితులను మీకు అనుకూలంగా మలచుకుంటారు. కలలను నెరవేర్చుకోగల అవకాశాలు కలసి వస్తాయి. అన్నీ మీ అంచనాల మేరకే జరుగుతాయి. దైవబలం మీవైపే ఉంటుంది. లక్ష్యం నుంచి దృష్టి మరల్చకుండా ఏకాగ్రతతో మెలగవలసి ఉంటుంది. వ్యాపారులు ఈ వారంలో ఎవరికీ ఎలాంటి అప్పులు ఇవ్వకపోవడమే మేలు.
లక్కీ కలర్: ఆకుపచ్చ
వృశ్చికం: కాలం పరీక్ష పెడుతుంది. దేనికైనా సిద్ధమే అనేట్లు ఉండే మీ సహజ ధోరణే మిమ్మల్ని కాపాడుతుంది. ప్రతికూల పరిస్థితుల నుంచి గట్టెక్కేందుకు శాయశక్తులా శ్రమిస్తారు. పోరాటం లేనిదే గెలుపు సాధ్యం కాదని అనుభవపూర్వకంగా తెలుసుకుంటారు. అసలే గడ్డు పరిస్థితుల్లో ఉన్న మిమ్మల్ని సలహాలు కోరే మిత్రులు ఎదురవుతారు. కుటుంబం పట్ల శ్రద్ధ చూపుతారు.
లక్కీ కలర్: నలుపు
ధనుస్సు: వృత్తి ఉద్యోగాల్లో ఆశించిన లక్ష్యాలను అవలీలగా సాధిస్తారు. పని ఒత్తిడితో తీరిక లేకుండా గడుపుతారు. కొంత విశ్రాంతి, స్వేచ్ఛ కోరుకుంటారు. వెన్నునొప్పి బాధపెట్టవచ్చు. కుటుంబ సభ్యులపై ప్రత్యేక శ్రద్ధ చూపాల్సి వస్తుంది. ఇతరులతో ఆలోచనలు పంచుకుంటారు. ఊగిసలాటకు దూరంగా ఉంటూ పరిస్థితులపై నియంత్రణ కోల్పోకుండా జాగ్రత్తలు తీసుకోవాల్సి ఉంటుంది.
లక్కీ కలర్: ముదురు గోధుమ
మకరం: సభలు సమావేశాలు, విందు వినోదాల్లో పాల్గొంటారు. మీరు తీసుకున్న నిర్ణయాలకు సంబంధించి జీవిత భాగస్వామి నుంచి వ్యతిరేకత ఎదుర్కొంటారు. ఫలితంగా ఇంట్లో గొడవలు తలెత్తే అవకాశాలు లేకపోలేదు. వేళాపాళా లేని పని ఒత్తిడి వల్ల ఆరోగ్యం మందగించవచ్చు. ఆహార విహారాల్లో మార్పులు అవసరమవుతాయి. బరువు అదుపులో ఉంచుకోవడానికి జాగ్రత్తలు ప్రారంభిస్తారు.
లక్కీ కలర్: లేత నీలం
కుంభం: మంచి చెడులలో ఏదో ఒకటి ఎంపిక చేసుకోక తప్పని పరిస్థితి ఎదురవతుంది. పని ఒత్తిడి విపరీతంగా ఉంటుంది. వృత్తి ఉద్యోగాల్లో సాధించిన విజయాలు మంచి గుర్తింపు తెచ్చిపెడతాయి. కుటుంబ అవసరాల కోసం ప్రయాణాలు చేస్తారు. ఇంతవరకు గడిపిన ఉక్కిరిబిక్కిరి జీవితం నుంచి కొంత స్వేచ్ఛ దొరుకుతుంది. వాయిదా వేస్తూ వస్తున్న వ్యాపకాలలో నిమగ్నమయ్యేందుకు ప్రయత్నిస్తారు. లక్కీ కలర్: తెలుపు
మీనం: ఇంటా బయటా మీ ప్రాముఖ్యత పెరుగుతుంది. వృత్తి ఉద్యోగాలకు సంబంధించిన నిర్ణయాల్లో కీలక పాత్ర పోషిస్తారు. క్రమశిక్షణతో ఘన విజయాలు సాధిస్తారు. సామాజిక హోదా పెరుగుతుంది. పేరు ప్రఖ్యాతులు ఇనుమడిస్తాయి. అనుకున్న పనులన్నీ సజావుగా పూర్తవుతాయి. జీవిత భాగస్వామి కోసం తగినంత సమయాన్ని కేటాయించాల్సి ఉంటుంది. ఆరోగ్యంపై శ్రద్ధ అవసరమవుతుంది. లక్కీ కలర్: పసుపు
టారో 7 మే నుంచి 13 మే 2017 వరకు
Published Sun, May 7 2017 1:57 AM
# Tag
Related news
-
టారో : 29 అక్టోబర్ నుంచి 4 నవంబర్, 2017 వరకు
మేషం (మార్చి 21 – ఏప్రిల్ 19) మీ మనసుకు నచ్చిన పని చేయడం ద్వారానే మీదైన గుర్తింపు పొందగలరని గుర్తించండి. కాస్త ఆలస్యమైనా, ఈ పనిలో విజయం మీవైపే ఉంటుంది. ప్రేమ జీవితం చాలా బాగుంటుంది. మీ జీవిత భాగస్వామికి బహుమతిగా ఏదైనా ప్రేమలేఖ రాసివ్వండి. కొన్ని కీలక నిర్ణయాలు తీసుకోవాల్సిన పరిస్థితులు ఎదురవుతాయి. మీ ఆలోచనా విధానానికి తగ్గ నిర్ణయమే తీసుకోండి. కొన్ని ప్రతికూల పరిస్థితులు ఎదురైనా ధైర్యంగా ఎదుర్కోండి. ప్రశాంతంగా ఉండడం అలవర్చుకోండి. కలిసివచ్చే రంగు : తెలుపు వృషభం (ఏప్రిల్ 20 – మే 20) కొత్త పనులు మొదలుపెడతారు. ఎప్పట్నుంచో ఎదురుచూస్తోన్న విజయం ఈ కొత్త పనుల్లో సాధిస్తారు. మీ శక్తినంతా కేంద్రీకరించి పనిచేయండి. గతాన్ని గురించి ఎక్కువ ఆలోచించడం మానండి. ప్రేమ జీవితంలో కొన్ని ఒడిదుడుకులు తప్పవు. అయితే మీ జీవిత భాగస్వామితో ఎదురయ్యే గొడవలు కూడా మిమ్మల్ని వారికి మరింత దగ్గర చేసేవే. ఇష్టంగా వారి మనసును గెలుచుకునే ప్రయత్నం చేయండి. ఇల్లు మారే సూచనలు కనిపిస్తున్నాయి. వృత్తిరీత్యా కొత్త పదవులను అలంకరిస్తారు. కలిసివచ్చే రంగు : పీచ్ మిథునం (మే 21 – జూన్ 20) ప్రశాంతంగా ఆలోచించాల్సిన సమయం ఇది. చేపట్టిన పనులు కాస్త ఆలస్యంగా పూరయ్యే సూచనలు కనిపిస్తున్నాయి. అయినప్పటికీ మీ ప్రయత్నంలో మాత్రం లోటు అనేది ఉండకుండా చూసుకోండి. వృత్తిరీత్యా కొత్త అవకాశాలు తలుపు తడతాయి. మీ స్థాయికి తగిన అవకాశాలైతేనే ఎంచుకోండి. ఆర్థిక పరిస్థితి కొంత గందరగోళంగా ఉంటుంది. ఈ విషయంలో కాస్త జాగ్రత్తగా వ్యవహరించండి. ప్రేమ జీవితం ఆహ్లాదకరంగా ఉంటుంది. మీ సమస్యలు ప్రేమ జీవితాన్ని ప్రభావితం చేయకుండా చూసుకోండి. కలిసివచ్చే రంగు : నారింజ కర్కాటకం (జూన్ 21 – జూలై 22) కొద్దికాలంగా మిమ్మల్ని ఇబ్బందిపెడుతోన్న సమస్యలన్నింటికీ పరిష్కారం లభిస్తుంది. గతంలో జరిగిన తప్పులు మళ్లీ జరగకుండా చూసుకోండి. జీవితంలో ఏది జరిగినా అంతిమంగా అది అలాగే జరుగుతుందన్న సత్యాన్ని గ్రహిస్తూ ముందుకెళ్లండి. వృత్తి జీవితం సాఫీగా సాగిపోతుంది. కొన్ని కొత్త అవకాశాలు అందిపుచ్చుకుంటారు. ఈ కొత్త అవకాశాల ద్వారానే మీరు ఎప్పట్నుంచో కోరుకుంటోన్న గుర్తింపు దక్కుతుంది. ప్రేమ జీవితంలో కొన్ని ఒడిదుడుకులు తప్పవు. కలిసివచ్చే రంగు : ఆకుపచ్చ సింహం (జూలై 23 – ఆగస్ట్ 22) ఈ వారం మీకు కొన్ని ఊహించని ప్రతికూల పరిస్థితులు ఎదురవుతాయి. ధైర్యంగా పరిస్థితులను ఎదుర్కోండి. వృత్తిరీత్యా మార్పు సూచనలు కనిపిస్తున్నాయి. కొత్త అవకాశం వస్తే వెంటనే మీదైన ప్రతిభ చూపించేందుకు సిద్ధమైపోండి. ఇంటికి సంబంధించిన మరమ్మత్తులు చేసేందుకు ఇదే సరైన సమయం. ఆరోగ్య సమస్యలు తలెత్తే అవకాశం కనిపిస్తోంది. జాగ్రత్తగా ఉండండి. ప్రేమ జీవితం బాగుంటుంది. ఆర్థిక పరిస్థితి మెరుగుపడుతుంది. కలిసివచ్చే రంగు : ముదురు గులాబి కన్య (ఆగస్ట్ 23 – సెప్టెంబర్ 22) మీకు రానున్నదంతా మంచి కాలమే. మీదైన శైలిలో పనిచేస్తూ పోతే, మీకు ఎదురులేదన్న విషయాన్ని ఎప్పట్లానే బలంగా నమ్ముతూ ముందుకు వెళ్లండి. ప్రతికూల ఆలోచనలన్నీ పక్కనపెట్టేయండి. వృత్తిజీవితం కొత్తగా ఉంటుంది. ఉన్నత పదవిని అలంకరిస్తారు. ఆర్థిక పరిస్థితి కూడా మరింత మెరుగవుతుంది. ప్రేమ జీవితం ఆశాజనకంగా ఉండదు. విహార యాత్రలకు సన్నాహాలు చేయండి. మీ జీవిత భాగస్వామికి ఎక్కువ సమయం కేటాయించేలా చూసుకోండి. కలిసివచ్చే రంగు : ఎరుపు తుల (సెప్టెంబర్ 23 – అక్టోబర్ 22) జీవితం మీకు ఎలాంటి అవకాశాలు తెచ్చిపెడుతుందో కొద్దిరోజుల్లోనే చూస్తారు. ఆ అవకాశాలను అందిపుచ్చుకునేందుకు మానసికంగా సిద్ధంగా ఉండండి. ప్రతికూల ఆలోచనలను దగ్గరకు కూడా రానివ్వకండి. కొత్త మార్పులు చోటుచేసుకోబోతున్నాయి. ఈ మార్పు మీ జీవితాశయం వైపుకు పడే మొదటి అడుగు అన్న ధైర్యంతో ఉండండి. జీవిత భాగస్వామితో చిన్న చిన్న మనస్పర్థాలు వచ్చే సూచనలున్నాయి. వారికి ఎక్కువ సమయం కేటాయించి మీ ప్రేమను చాటుకోండి. ఆర్థిక పరిస్థితి మెరుగుపడుతుంది. కలిసివచ్చే రంగు : వెండి వృశ్చికం (అక్టోబర్ 23 – నవంబర్ 21) మీ బాధ్యతలేంటో, ఆలోచనలేంటో సరిగ్గా తెలుసుకోవాల్సిన సమయం ఇది. మీ జీవితాశయాన్ని చేరుకోవడానికి ఎప్పట్నుంచో వెనుకడుగు వేస్తూ వస్తున్నారు. దానికి ఇదే సరైన సమయం అని గ్రహించండి. మీ శక్తులేంటో గ్రహించి, వాటిని పూర్తి స్థాయిలో వాడుకుంటున్నారా లేదా అన్న విషయాన్ని తేల్చుకోండి. మీదైన గుర్తింపు దక్కాలంటే మీ శక్తినంతా కూడగట్టాలన్న విషయం మరవకండి. ప్రేమ జీవితం ఆహ్లాదకరంగా ఉంటుంది. మీ జీవిత భాగస్వామికి బహుమతినివ్వండి. కలిసివచ్చే రంగు : బంగారం ధనుస్సు (నవంబర్ 22 – డిసెంబర్ 21) ఈ వారమంతా మీకు శుభ సూచకంగానే కనిపిస్తోంది. ఊహించని స్థాయి విజయం దక్కుతుంది. ఆ విజయం మీకు ఒక ప్రత్యేక గుర్తింపును తెచ్చిపెడుతుంది. మీపై మీకున్న నమ్మకాన్ని ఎప్పటికీ కోల్పోకండి. ఆత్మ విశ్వాసంతో కొత్త పనులు మొదలుపెడతారు. ఆర్థిక పరిస్థితి గతంలో కంటే మెరుగుపడుతుంది. ప్రేమ జీవితం బాగుంటుంది. పెళ్లి సూచనలు కనిపిస్తున్నాయి. అందరినీ కలుపుకోయే మీ ఆలోచనా విధానమే మీకు అన్నివిధాలా తోడ్పడుతుందని గ్రహించండి. కలిసివచ్చే రంగు : పసుపు మకరం (డిసెంబర్ 22 – జనవరి 19) గతాన్ని గురించి ఆలోచిస్తూ కొన్ని అద్భుతమైన అవకాశాలను కోల్పోతున్నారన్న విషయాన్ని గ్రహించండి. మిమ్మల్ని విజయ తీరాలకు చేర్చే ఈ అవకాశాలను ఆత్మస్థైర్యంతో స్వీకరించండి. విజయం మీ వైపే ఉందన్న విషయాన్ని మరవకండి. ఆర్థిక పరిస్థితి మెరుగుపడుతుంది. ప్రేమ జీవితం ఆహ్లాదకరంగా ఉంటుంది. ఎప్పట్నుంచో నేర్చుకోవాలని అనుకుంటున్న కొత్త విషయాన్ని ఇప్పుడే నేర్చేసుకోండి. ఆరోగ్యం పట్ల జాగ్రత్త అవసరం. వ్యాయామం మొదలుపెడితే మంచిది. కలిసివచ్చే రంగు : వెండి కుంభం (జనవరి 20 – ఫిబ్రవరి 18) జీవితాశం వైపుకు అడుగులు వేయాల్సిన సమయం ఇదే. పరిస్థితులన్నీ మీకు అనుకూలంగానే ఉన్నాయి. ఎక్కువ ఆలోచించకుండా మీరు ఏమవ్వాలనుకుంటున్నారో, అందుకు మీరు ఎంచుకోవాల్సిన మార్గం ఏంటో నిర్ణయించుకోండి. ఆర్థిక పరిస్థితి మెరుగుపడుతుంది. వృత్తి జీవితం కొంత నిరాశాజనకంగానే ఉంటుంది. అయితే అన్నీ కుదురుకునే వరకూ మీ ప్రయత్నాల్లో మాత్రం లోటు అనేది ఉండకుండా చూసుకోండి. జీవిత భాగస్వామికి ఎక్కువ సమయం కేటాయించండి. విహారయాత్రలకు సన్నాహాలు చేయండి. కలిసివచ్చే రంగు : నారింజ మీనం (ఫిబ్రవరి 19 – మార్చి 20) మీ ఆలోచనా విధానం పూర్తిగా మారాల్సిన సమయం ఇదే. ఏదీ చేయలేమంటూ ఒక దగ్గరే ఆగిపోయే మీ ఆలోచనలకు స్వస్తి పలకాలి. మీ శక్తి, సామర్ధ్యాలు ఏంటో తెలుసుకొని ఆ దిశగా కష్టపడితే ఫలితం కనిపిస్తుంది. ప్రేమ జీవితం కొంత కలవరపెడుతుంది. జీవిత భాగస్వామికి ఎక్కువ సమయం కేటాయించండి. ఒక కొత్త అవకాశం మీ తలుపు తట్టబోతోంది. ఆత్మవిశ్వాసంతో ఆ అవకాశాన్ని అందిపుచ్చుకోండి. మీదైన గుర్తింపు కోసం శక్తియుక్తులన్నీ పెట్టాలని నమ్మండి. కలిసివచ్చే రంగు : గోధుమ -
టారో : 22 అక్టోబర్ నుంచి 28 అక్టోబర్, 2017 వరకు
మేషం (మార్చి 21 – ఏప్రిల్ 19) ఈ వారమంతా కొన్ని అనుకోని సమస్యలు ఎదురైనా కూడా ధైర్యంగా వాటిని ఎదుర్కొండి. మీకు బాగా దగ్గరైన వారొకరు మిమ్మల్ని మోసం చేసే అవకాశం ఉంది. జీవితాశయానికి చాలా దూరంలో ఉన్నట్లైతే, ఇప్పటికైనా ఆ విషయాన్ని గ్రహించి ఆ వైపు అడుగులు వేయండి. వ్యక్తిగత జీవితంలో కొన్ని ఒడిదుడుకులు తప్పవు. వృత్తిరీత్యా కొత్త పదవులను అలంకరిస్తారు. ప్రేమ విషయంలో మాత్రం మొండిగా ఉన్న మీ ఆలోచనా తీరును మార్చుకోవాల్సిన అవసరం ఉంది. కలిసివచ్చే రంగు : ఊదా వృషభం (ఏప్రిల్ 20 – మే 20) పరిస్థితులు కొన్ని మీకు ప్రతికూలంగా మారిపోయే అవకాశం ఉంది. జీవితమంతా చీకట్లో గడిచిపోతున్నట్లు ఉంటుంది. అయితే ఇదేమీ శాశ్వతం కాదన్న విషయం తెలుసుకోవాలి. మీ జీవితంలో వెలుగులు నింపడానికి ఒక కొత్త వ్యక్తి మీకు పరిచయమవుతారు. మీదైన ఆలోచనా విధానమే మిమ్మల్ని పై స్థాయికి తీసుకెళుతుంది. అందరినీ ఒకేలా చూడాలన్న ఆలోచన కూడా మీకు ఒక ప్రత్యేక గౌరవాన్ని తెచ్చిపెడుతుంది. కొత్త పనులు మొదలుపెట్టడానికి ఇదే సరైన సమయం. కలిసివచ్చే రంగు : ముదురు గోధుమ మిథునం (మే 21 – జూన్ 20) ఇప్పటివరకూ ఏ చెడు జరిగినా అదంతా మంచికే అని గ్రహించాల్సిన సమయం ఇది. కొత్త ఉత్సాహంతో పనిచేయడానికి మిమ్మల్ని సిద్ధం చేసే ఆలోచన ఇదే. మీకు ఏది అవసరమో, మీ ఆలోచనలు మిమ్మల్ని ఎక్కడికి తీసుకెళుతున్నాయో అటువైపే మీ అడుగులు వేయండి. మీకు పెద్దగా ఉత్సాహం లేని పనులు మాత్రం అస్సలు మొదలుపెట్టకండి. ఫలితం గురించి ఆలోచించకుండా పనిచేయండి. త్వరలోనే మీ సమస్యలన్నీ సద్దుమణిగి జీవితం కొత్తగా మళ్లీ మొదలవుతుంది. కలిసివచ్చే రంగు : పసుపు కర్కాటకం (జూన్ 21 – జూలై 22) గతాన్ని గురించి ఆలోచిస్తూ అద్భుతమైన భవిష్యత్ను నాశనం చేసుకోకండి. ప్రస్తుతాన్ని బాగా ఆస్వాధించాల్సిన సమయం ఇది. మీ శక్తినంతా కూడగట్టుకొని భవిష్యత్ను నిర్మించుకోండి. కొత్త అవకాశాలు మీ తలుపు తడతాయి. ఆత్మ విశ్వాసంతో ఆ అవకాశాలను అందిపుచ్చుకోండి. మీదైన శైలిని నమ్ముకొని ముందుకు వెళ్లండి. కొత్త శిఖరాలను అధిరోహిస్తారు. పిల్లలతో ఎక్కువ సమయం గడపడం వల్ల కొత్త ఉత్సాహం పొందుతారు. మీకోసం కాస్త ఎక్కువ సమయాన్ని కేటాయించుకోండి. విహారయాత్రలకు వెళ్లండి. కలిసివచ్చే రంగు : నారింజ సింహం (జూలై 23 – ఆగస్ట్ 22) కొత్త అవకాశాలు అందిపుచ్చుకుంటారు. మీదైన ఆలోచనా విధానాన్ని ఎప్పటికీ మార్చుకోవద్దు. విజయం మీవైపే ఉంది. కష్టపడి దాన్ని సొంతం చేసుకోవాలన్న ఆలోచనను బలంగా నమ్మండి. పోటీ ప్రపంచంలో మీకొక గుర్తింపు దక్కాలని కోరుకుంటున్నారు. మీ ప్రతిభకు తగ్గ గుర్తింపు త్వరలోనే లభిస్తుంది. ఎక్కువ పనులు మీద వేసుకొని ఒత్తిడికి లోనుకావద్దు. ప్రేమ విషయం ఆహ్లాదకరంగా ఉంటుంది. పెళ్లి సూచనలు కూడా కనిపిస్తున్నాయి. కలిసివచ్చే రంగు : ఆకుపచ్చ కన్య (ఆగస్ట్ 23 – సెప్టెంబర్ 22) ప్రేమ జీవితం మిమ్మల్ని కొన్నాళ్లుగా బాగా ఇబ్బంది పెడుతోన్న అంశం. ఈ వారంలో అన్నీ చక్కబడతాయి. ఈ విషయంలో మీరు కోరుకుంటున్న రీతిలోనే ఒక పూర్తి అవగాహన వస్తుంది. కొత్త జీవితం మొదలుపెడతారు. మీ జీవిత భాగస్వామితో కలిసి ఒక విహారయాత్రకు వెళ్లండి. ఇది మీలో కొత్త ఉత్సాహాన్ని నింపుతుంది. వృత్తిరీత్యా కొత్త అవకాశాలను అందిపుచ్చుకుంటారు. ప్రేమ జీవితానికి, వృత్తి జీవితానికి మధ్య సమన్వయం కుదుర్చుకోవాల్సిన అవసరం ఉంది. కలిసివచ్చే రంగు : పసుపు తుల (సెప్టెంబర్ 23 – అక్టోబర్ 22) జీవితమంతా నిరాశాజనకంగా సాగుతుందని భావిస్తారు. ఆ ఆలోచనల నుంచి బయటకు వచ్చి మిమ్మల్ని మీరు కొత్తగా ఆవిష్కరించుకోవాల్సిన సమయం ఇదే. అపజయాలు సర్వ సాధారణమనీ, వాటికి ఎదురెళ్లి నిలబడే ధైర్యం ఎప్పుడూ కోల్పోవద్దని తెలుసుకోండి. ఏది జరిగినా దానికి మూల కారణం మీరేనన్న విషయాన్ని నమ్మండి. కీలకమైన నిర్ణయాలు తీసుకునేముందు ప్రశాంతంగా ఆలోచించండి. ఆర్థిక పరిస్థితి బాగా మెరుగవుతుంది. కలిసివచ్చే రంగు : తెలుపు వృశ్చికం (అక్టోబర్ 23 – నవంబర్ 21) పరిస్థితులకు ఎదురెళ్లి ధైర్యంగా ముందడుగు వేయాల్సిన సమయం ఇది. ఊహలకు, వాస్తవ ప్రపంచానికి ఉన్న దూరాలను తగ్గించాలంటే, మీరు ఊహా ప్రపంచాలను వీడి వాస్తవాన్ని అర్థం చేసుకోవాలి. మిమ్మల్ని తక్కువ అంచనా వేసిన వారికి సమాధానంగా ఓ గొప్ప విజయం చేకూరుతుంది. వృత్తి జీవితంలో మంచి రోజులు కనిపిస్తున్నాయి. ఉన్నత పదవులు అలంకరిస్తారు. ప్రేమ జీవితం చాలా బాగుంటుంది. మీ జీవిత భాగస్వామిని సంతోషపెట్టడానికి కొత్త ఆలోచనలు చేస్తారు. ఆరోగ్యం విషయంలో జాగ్రత్త అవసరం. కలిసివచ్చే రంగు : లేత గులాబీ ధనుస్సు (నవంబర్ 22 – డిసెంబర్ 21) ఫలితం గురించి ఆలోచిస్తూ కూర్చోవడం మానండి. మీ శక్తినంతా వెచ్చించి పనిచేయండి. ఫలితం దానంతట అదే వస్తుందని నమ్మండి. వృత్తి జీవితం సాఫీగా సాగిపోతుంది. కొత్త అవకాశాలను అందిపుచ్చుకొని మరింత ఉత్సాహంతో పనిచేస్తారు. ప్రేమ జీవితంలో కొన్ని ఒడిదుడుకులు తప్పవు. మీ జీవిత భాగస్వామిని అర్థం చేసుకొని, వారితో ప్రేమగా మెలగండి. ఆరోగ్యం విషయంలో కొంత జాగ్రత్త అవసరం. ఉదర సంబంధ సమస్యలు తలెత్తే అవకాశం కనిపిస్తోంది. కలిసివచ్చే రంగు : లేత గోధుమ మకరం (డిసెంబర్ 22 – జనవరి 19) ప్రేమ జీవితంలో ఒడిదుడుకులు అలాగే ఉంటాయి. అయితే నమ్మకంతో, కాస్త విరామం తీసుకొని మీ జీవిత భాగస్వామికి మరింత దగ్గరయ్యే ప్రయత్నాలు చేయండి. వృత్తి జీవితం కూడా ఊహించినంత ఆశాజనకంగా ఉండటం లేదు. కొద్దిరోజులు అన్నింటికీ దూరంగా ఒక విహారయాత్రకు వెళ్లే ఆలోచన చేయండి. మిమ్మల్ని మీరు తక్కువ అంచనా వేసుకునే ఆలోచనా∙విధానంలోనూ మార్పు రావాల్సిన అవసరం ఉంది. కలిసివచ్చే రంగు : ముదురు గోధుమ కుంభం (జనవరి 20 – ఫిబ్రవరి 18) జీవితాన్ని నిరంతరం ఆస్వాధించడమే మన ఉన్నతికి పాటుపడే అంశమని గ్రహించి పనిచేయడం అలవర్చుకోండి. అనవసరమైన విషయాలను గురించి, మీ ఆత్మవిశ్వాసాన్ని దెబ్బతీసే విషయాలను గురించి ఎక్కువ ఆలోచించకండి. జీవితం మీద మీకున్న అభిప్రాయాలను చిన్న చిన్న అంశాలేవీ ప్రభావితం చేయకుండా చూసుకోండి. కొత్త అవకాశాలు మీ తలుపు తడతాయి. అందులో మీ స్థాయికి తగ్గవాటినే ఎంచుకోండి. మీ చుట్టూనే కొందరు మీ అభివృద్ధికి అడ్డు పడుతున్నారు. కాస్త జాగ్రత్తగా ఉండండి. కలిసివచ్చే రంగు : ముదురు గోధుమ మీనం (ఫిబ్రవరి 19 – మార్చి 20) గతంలో జరిగిన పొరపాట్లను గురించే నిరంతరం ఆలోచిస్తూ కూర్చోకండి. కొత్త అవకాశాలు మీ తలుపు తడతాయి. వాటిని అందిపుచ్చుకునేందుకు సిద్ధంగా ఉండండి. జరిగిపోయిన దాన్ని ఎవ్వరూ మార్చలేరన్న విషయాన్ని గ్రహించండి. వృత్తిరీత్యా కొత్త జీవితం మిమ్మల్ని ఆహ్వనిస్తోంది. ధైర్యంగా ఆ వైపుకు అడుగులు వేయండి. ప్రేమ జీవితంలో కొన్ని ఒడిదుడుకులు తప్పవు. జీవిత భాగస్వామికి ఎక్కువ సమయం కేటాయించండి. విహారయాత్రకు సన్నాహాలు చేసుకోండి. కలిసివచ్చే రంగు : లేత ఆకుపచ్చ -
టారో : 17 సెప్టెంబర్ నుంచి 23 సెప్టెంబర్ 2017 వరకు
మేషం (మార్చి 21 – ఏప్రిల్ 19) వృత్తిరీత్యా పదోన్నతి పొందుతారు. ఏదీ కష్టపడకుండా పొందలేరని గ్రహించి పనిచేయండి. కొత్త అవకాశాలను అందిపుచ్చుకోవడానికి, పనిలో మీదైన గుర్తింపు తెచ్చుకోవడానికి నిరంతర శ్రమ అవసరం. కొద్దికాలంగా మిమ్మల్ని కలవరపెడుతోన్న విషయాలన్నీ సద్దుమణిగి అంతా మంచే జరుగుతుంది. ప్రేమ జీవితంలో చిన్న కలవరపాటు. అయితే అది కూడా మంచికే అనుకోండి. కొద్ది రోజులు సంయమనంగా ఉండండి. మీరు అనుకున్నట్లుగా జీవితం సాగిపోతుంది. కలిసివచ్చే రంగు : ఆకుపచ్చ వృషభం (ఏప్రిల్ 20 – మే 20) వృత్తిరీత్యా మీకు అన్నీ మంచి రోజులే! మీ జీవిత ఆశయం వైపుకు అడుగులు వేయాల్సిన సమయమిది. కష్టపడి పనిచేస్తే రానున్న రోజుల్లో మీరు కలలుగన్న స్థాయిని చేరుకుంటారు. పని, ప్రేమ జీవితం మధ్యన సంయమనం కుదుర్చుకోండి. ఆర్థిక పరిస్థితి మరింత మెరుగుపడుతుంది. మీ జీవిత భాగస్వామికి సమయం కేటాయించండి. వారు మీ నుంచి ఏం కోరుకుంటున్నారో తెలుసుకొని ప్రేమ జీవితాన్ని మరింత అందంగా మార్చుకునే ప్రయత్నం చేయండి. కలిసివచ్చే రంగు : గోధుమ మిథునం (మే 21 – జూన్ 20) సాహసోపేతమైన నిర్ణయాలు తీసుకోవాల్సిన సమయమిది. ఎప్పట్నుంచో కోరుకుంటున్న మార్పు దగ్గరలోనే ఉంది. ఆరోగ్యం పట్ల జాగ్రత్తగా ఉండండి. పని ఒత్తిడిని పూర్తిగా మీద వేసుకొని కుమిలిపోకండి. కాస్త విశ్రాంతి అవసరమని గ్రహించండి. ప్రేమ జీవితం చాలా బాగుంటుంది. మీ జీవిత భాగస్వామికి ఎక్కువ సమయం ఇవ్వండి. త్వరలో విహారయాత్రకు సన్నాహాలు చేస్తారు. కలిసివచ్చే రంగు : గులాబి కర్కాటకం (జూన్ 21 – జూలై 22) ఆధ్యాత్మిక అంశాల వైపుకు మీ ఆలోచనలు వెళతాయి. అది మీకు ప్రశాంతతను చేకూరుస్తుంది. ఆర్థిక పరిస్థితి గతంలో కంటే చాలా మెరుగవుతుంది. మీపై మీకున్న ఆత్మవిశ్వాసం చెదరకుండా చూస్కోండి. ధైర్యంగా పనిచేస్తూ వెళ్లండి. ప్రేమ విషయంలోనూ మనసు పెట్టి నిర్ణయం తీసుకోండి. కుటుంబానికి ఎక్కువ సమయం కేటాయించండి. మీరు కోరుకునే ఆనందం అక్కడే ఉంది. కలిసివచ్చే రంగు : నారింజ సింహం (జూలై 23 – ఆగస్ట్ 22) మీ జీవితంలో ఆసక్తికర పరిణామాలు చోటు చేసుకోబోతున్నాయి. మీదైన శైలిలో ఆత్మవిశ్వాసంతో ముందడుగు వేయండి. చేపట్టే కొత్త పనులన్నీ విజయవంతం అవుతాయి. ప్రేమ జీవితం కాస్త ఇబ్బంది పెట్టొచ్చు. ప్రశాంతంగా ఉంటూ మీ జీవిత భాగస్వామిని సంతోషంగా ఉంచగలిగే ఆలోచన చేయండి. ఆరోగ్యం విషయంలో శ్రద్ధ అవసరం. మీదైన ఆలోచన విధానం, నడవడిక మీ ఉన్నతికి తోడ్పడేదని ఎప్పుడూ మరచిపోకండి. కలిసివచ్చే రంగు : తెలుపు కన్య (ఆగస్ట్ 23 – సెప్టెంబర్ 22) మిమ్మల్ని ఎంతగానో ఇబ్బంది పెడుతోన్న సమస్యలు మరికొద్ది రోజులు కూడా అలాగే ఉండే అవకాశం కనిపిస్తోంది. పరిస్థితులకు భయపడి నిరుత్సాహం చెందకండి. చెడు జరిగిపోతుందని ఆత్మవిశ్వాసాన్ని కోల్పోకుండా ధైర్యంగా పరిస్థితులపై పోరాడండి. ఆస్తి సంబంధిత ఇబ్బందులు తలెత్తే అవకాశం కనిపిస్తోంది. ఈ విషయంలో చాలా జాగ్రత్తగా వ్యవహరించండి. ఇల్లు మారే సూచనలు కనిపిస్తున్నాయి. కలిసివచ్చే రంగు : ఊదా తుల (సెప్టెంబర్ 23 – అక్టోబర్ 22) చాలాకాలంగా విజయం కోసం ఎదురుచూస్తూ, మీ కష్టాన్నంతా వెచ్చిస్తూ వస్తున్నారు. ఆ కష్టానికి తగ్గ ప్రతిఫలం దక్కడానికి మరెన్నో రోజులు ఎదురుచూడాల్సిన పనిలేదు. ఈ వారమో, మరో రెండు వారాల్లోనో శుభవార్త వింటారు. అంతా మంచే జరుగుతుంది. జీవితమంతా కుదురుగా ఓ సరైన చోట ఆగినట్లు అనిపిస్తుంది. అదే మీరు కోరుకున్న సంతృప్తి అని బలంగా నమ్మండి. కలిసివచ్చే రంగు : ఆకుపచ్చ వృశ్చికం (అక్టోబర్ 23 – నవంబర్ 21) ఈ వారమంతా మీరు ఊహించనంత సంతోషంగా గడుపుతారు. ప్రేమ జీవితం ఆహ్లాదకరంగా ఉంటుంది. కొత్త అవకాశాలు అందిపుచ్చుకుంటారు. రానున్న రోజులు కూడా ఇంతే ఆహ్లాదకరంగా ఉంటాయి. ఆరోగ్యంపై శ్రద్ధ పెట్టండి. జీవితమంటేనే వేడుక అని మీరు నమ్మే సిద్ధాంతాన్నే ఎప్పటికీ మరవకండి. ఆర్థిక పరిస్థితి మెరుగుపడుతుంది. అనవసర ఖర్చులకు దూరంగా ఉండండి. కలిసివచ్చే రంగు : నీలం ధనుస్సు (నవంబర్ 22 – డిసెంబర్ 21) అనాలోచిత నిర్ణయాలు తీసుకొని తడబడతారు. అయితే అది మీ ఆత్మస్థైర్యాన్ని దెబ్బతీయకుండా చూసుకోండి. మీ అనుభవానికి తగ్గ పనులు చేస్తూ ఉండండి. మీ ఆలోచనల్లో మీ స్థాయి ఉండడం లేదన్న విషయం గమనించండి. అదే మీ అభివృద్ధికి ఆటంకంగా మారిన అంశం కూడా! మార్పు కోరుకుంటున్నట్లయితే ఇదే సరైన సమయం. ప్రేమ జీవితంలోనూ కొన్ని ఒడిదుడుకులు తప్పవు. ఈ పరిస్థితులన్నీ మీ ఆలోచనలను విపరీతంగా ప్రభావితం చేయకుండా జాగ్రత్త పడండి. కలిసివచ్చే రంగు : గోధుమ మకరం (డిసెంబర్ 22 – జనవరి 19) మీ శక్తినంతా కేంద్రీకరించి పనిచేయండి. మీ ఆలోచన విధానం, ఆత్మవిశ్వాసమే మీకు ఆయుధమన్న విషయాన్ని నమ్మండి. మీ బలమేంటో ప్రపంచానికి పరిచయం చేయాల్సిన సమయమిది. కొత్త అవకాశాలు మీకోసం ఎదురుచూస్తున్నాయి. మీకు ఎంతగానో ఉపకరించే ఆ అవకాశాలను వదులుకోవద్దు. ఏదైనా పని మొదలుపెట్టి మధ్యలోనే వదిలిపెట్టే ఆలోచనలు చేస్తున్నట్లైతే అలాంటివి మానుకోండి. కలిసివచ్చే రంగు : నారింజ కుంభం (జనవరి 20 – ఫిబ్రవరి 18) భవిష్యత్పై నమ్మకాన్ని సడలనివ్వకండి. ఇప్పుడు మిమ్మల్ని కష్టాల్లోకి నెట్టేస్తున్నట్లు కనిపిస్తోన్న పరిస్థితులన్నీ తాత్కాలికమేనని నమ్మండి. కొద్దికాలంగా ఇబ్బంది పెడుతోన్న ఆరోగ్య సమస్యలన్నీ సర్దుకుంటాయి. ప్రేమ జీవితం కాస్త కలవరపరుస్తుంది. ఎక్కువ ఆలోచించి నిరాశ చెందకండి. ఏ కొత్త అవకాశం మీకోసం ఎదురుచూస్తున్నా, ఇదే సరైన సమయమని నమ్మి ముందుకు వెళ్లండి. కలిసివచ్చే రంగు : పసుపు మీనం (ఫిబ్రవరి 19 – మార్చి 20) పిల్లలు, ఉద్యోగం, జీవితం మీద అభద్రతా భావం మిమ్మల్ని తీవ్రంగా కలచివేస్తోంది. ఇదేమీ మీ ఆత్మవిశ్వాసాన్ని దెబ్బతీయకుండా చూసుకోండి. మిమ్మల్ని బాగా ఇష్టపడే వ్యక్తులు మీ చుట్టూ ఉన్నారు. వారికి కాస్త సమయం కేటాయించాలన్న విషయం మరవకండి. బంధాల విషయంలో కాస్త జాగ్రత్తగా ఉండండి. కొత్త అవకాశాలను అందిపుచ్చుకుంటారు. మీదైన శైలిలో నిర్ణయాలు తీసుకోండి. కలిసివచ్చే రంగు : ఎరుపు -
టారో : 10 సెప్టెంబర్ నుంచి 16 సెప్టెంబర్ 2017 వరకు
మేషం (మార్చి 21 – ఏప్రిల్ 19) మిమ్మల్ని మీరు తక్కువగా అంచనా వేసుకోవడమన్నదే మీ ఉన్నతికి అడ్డుపడుతున్నదని గ్రహించండి. ప్రతికూల ఆలోచనలను పూర్తిగా దూరం పెట్టి ఆత్మవిశ్వాసంతో ముందడుగు వేయండి. చెడు వ్యసనాలకు దూరం అయ్యేందుకు ఇదే సరైన సమయం. చేసే పని మీద శ్రద్ధ పెడితే విజయం మీవైపే ఉంటుంది. ఒక మంచి అవకాశం మిమ్మల్ని వెతుక్కుంటూ వస్తుంది. కలిసివచ్చే రంగు : బూడిద వృషభం (ఏప్రిల్ 20 – మే 20) కొత్తగా మొదలుపెట్టిన మీ పనులన్నీ విజయవంతమవుతాయి. ప్రేమ జీవితం ఆహ్లాదకరంగా ఉంటుంది. ఆత్మవిశ్వాసమే మీ పెట్టుబడి అని నమ్మండి. వృత్తి రీత్యా పెద్ద పదవిని అలంకరించే సూచనలు కనిపిస్తున్నాయి. ఆ పదవిని ధైర్యంగా స్వీకరించి మీదైన ముద్ర వేయండి. కొన్ని ఊహించని సవాళ్లు ఎదురవుతాయి. సవాళ్లకు భయపడకుండా వాటిని ఎదుర్కొండి. కలిసివచ్చే రంగు : నీలం మిథునం (మే 21 – జూన్ 20) కొద్దికాలంగా అభద్రతతో కష్టంగా జీవితం వెళ్లదీస్తున్న మీకు ఇకపై వచ్చేదంతా మంచి కాలమే! మీ శక్తులేంటో, మీరు చేయగలిగింది ఏంటో సమీక్షించుకోండి. స్థిమితమైన ఆలోచనలు వచ్చేవరకూ ఏ కొత్త నిర్ణయాన్నీ తీసుకోకండి. ఆచితూచి అడుగు వేస్తే మంచిది. ముందు భయాలన్నింటినీ దూరం చేసుకోండి. మీరు ప్రేమించిన వ్యక్తి మీకు మరింత దగ్గరవుతారు. వారి రాకతో మీ జీవితం కొత్త వెలుగులు నింపుకుంటుంది. కలిసివచ్చే రంగు : ఆకుపచ్చ కర్కాటకం (జూన్ 21 – జూలై 22) మీ జీవితాన్ని మలుపు తిప్పే విజయం కోసం ఎదురుచూస్తున్నారు. ఆ విజయం మీకు త్వరలోనే వస్తుంది. నిరాశ చెందకుండా పనిచేస్తూ ఉండండి. మీ నమ్మకమే మీకు ఆయుధం. వృత్తిరీత్యా కొన్ని అనుకోని మార్పులు చోటుచేసుకుంటాయి. అది మీ మంచికే అని నమ్మండి. ప్రయాణ సూచనలు కనిపిస్తున్నాయి. ఎప్పట్నుంచో కారు కొనాలని భావిస్తున్నట్లైతే వెంటనే వెళ్లి కొనేయండి. ఇదే సరైన సమయం. కలిసివచ్చే రంగు : ఎరుపు సింహం (జూలై 23 – ఆగస్ట్ 22) ప్రేమ జీవితం ఊహించని మలుపులు తిరుగుతుంది. మీరిప్పుడు ఇదే విషయం గురించే ఆలోచించకపోయినా మీ జీవితాన్ని మార్చే ఒక నిర్ణయం తీసుకుంటారు. ఆ నిర్ణయం తీసుకునే ముందు మీ ఇష్టాలేంటో జాగ్రత్తగా గుర్తించండి. ఎందుకంటే ఆ నిర్ణయం మీ జీవితం మొత్తాన్నీ ప్రభావితం చేస్తుంది. వృత్తిరీత్యా మార్పులు చోటు చేసుకుంటాయి. ఈ మార్పు మీకు మంచే చేస్తుందని విశ్వసించండి. కలిసివచ్చే రంగు : నారింజ కన్య (ఆగస్ట్ 23 – సెప్టెంబర్ 22) ఇప్పటివరకూ కష్టంగా చేస్తూ వస్తోన్న పనికి స్వస్తి చెప్పాల్సిన సమయం ఇది. కొన్ని ఊహించని అవకాశాలు మీ తలుపు తడతాయి. మీ జీవితాన్ని మలుపుతిప్పే ఆ అవకాశాలను నిర్లక్ష్యంతో దూరం చేసుకోకండి. మీరు కోల్పోయిన ఉత్సాహమంతా తిరిగి వస్తుంది. అదే ఉత్సాహంతో పనిచేయండి. విజయాన్ని త్వరలోనే ఆస్వాదిస్తారు. పనులన్నీ చకచకా జరిగిపోతాయి. కలిసివచ్చే రంగు : పసుపు తుల (సెప్టెంబర్ 23 – అక్టోబర్ 22) ఏ పనీ సరిగ్గా జరగడం లేదని చింతిస్తూ కూర్చోకండి. ఇదంతా తాత్కాలికమేనని, ముందున్నది అంతా మంచి కాలమే అని నమ్మండి. ఎవరికోసమో, దేన్నో త్యాగం చేస్తూ కూర్చోకుండా మీ ఉన్నతికి తోడ్పడే పనులను మీదైన శైలిలో చేస్తూ వెళ్లండి. అంతా గందరగోళంగా తయారైనట్లు కనిపిస్తే, భయపడిపోకండి. అన్నీ క్రమంగా సర్దుకొని జీవితమంతా సాఫీగా సాగుతుంది. కలిసివచ్చే రంగు : గులాబి వృశ్చికం (అక్టోబర్ 23 – నవంబర్ 21) ప్రేమ జీవితంలో ఎప్పట్నుంచో ఎదురుచూస్తోన్న పరిణామానికి ఇదే సమయం. పెళ్లి సూచనలు కనిపిస్తున్నాయి. ఆత్మవిశ్వాసంతో, ఏ పని చేసినా విజయం సాధించగలమన్న ధీమాతో ముందుకు వెళ్లండి. వృత్తి పరంగా మార్పు చోటు చేసుకునే అవకాశం ఉంది. కొత్త పనిలో ఉత్సాహంగా ఉంటారు. మీరు పనిచేసే చోట ఎనిమిది నారింజ పండ్లు ఉంచుకుంటే ఆర్థిక పరిస్థితి మెరుగుపడుతుంది. కలిసివచ్చే రంగు : నారింజ ధనుస్సు (నవంబర్ 22 – డిసెంబర్ 21) ఒంటరితనాన్ని కొద్దికాలంగా బాగా ఇష్టపడుతూ వస్తున్నారు. జీవితం ఏ వైపు వెళుతుందోనన్న అనుమానం మిమ్మల్ని అలాగే వెంటాడుతుంది. ఇవన్నీ మీ ఆరోగ్యాన్ని దెబ్బ తీయకుండా చూసుకోండి. కొంత విశ్రాంతి తీసుకోండి. అంతా చక్కబడుతుంది. అనాలోచితంగా ఏ నిర్ణయమూ తీసుకోకండి. ఒత్తిడికి లోనుకాకండి. ఏదైనా విహారయాత్రకు సన్నాహాలు చేసుకోండి. మీకు విశ్రాంతి ఎంతో అవసరం. కలిసివచ్చే రంగు : లేత గోధుమ మకరం (డిసెంబర్ 22 – జనవరి 19) జీవితాన్ని మలుపు తిప్పే నిర్ణయం తీసుకునే సమయం వచ్చింది. అనాలోచితంగా తొందరపడి తప్పుడు నిర్ణయం తీసుకోవద్దు. మీ అనుభవాన్ని సరిగ్గా వాడుకోండి. కొన్ని అనుకోని సవాళ్లు ఎదురవుతాయి. పరిస్థితుల నుంచి తప్పించుకోకుండా మీదైన శైలిలో ధైర్యంగా ఎదుర్కోండి. ఎక్కువ శ్రమ పడకుండా ప్రశాంతంగా పని చేసుకుంటూ వెళ్లండి. కలిసివచ్చే రంగు : ముదురు ఆకుపచ్చ కుంభం (జనవరి 20 – ఫిబ్రవరి 18) ఏదో చెడు జరగబోతోందని మిమ్మల్ని మీరే నిరుత్సాహపరచుకోకండి. ప్రస్తుతానికి మీరు కోరుకున్నట్లుగా పనులేవీ జరగకున్నా, తాత్కాలికమేనని గ్రహించండి. కొన్ని రోజులు ఓపిక పడితే ఊహించని మార్పులు చోటు చేసుకుంటాయి. భయపడకుండా మీ పని మీరు చేస్తూ వెళ్లండి. దీన్నే అలవాటుగా మార్చుకుంటే కోరుకున్నవన్నీ క్రమక్రమంగా జరుగుతాయి. కలిసివచ్చే రంగు : గులాబి మీనం (ఫిబ్రవరి 19 – మార్చి 20) ఎన్ని అవాంతరాలు ఎదురైనా నమ్మకమే మీ ఆయుధం. ఆ నమ్మకంతోనే పనిచేయండి. ఆరోగ్య పరమైన సమస్యలు తలెత్తే సూచనలు కనిపిస్తున్నాయి. జాగ్రత్తగా ఉండండి. ప్రేమ జీవితంలో కొన్ని ఒడిదుడుకులు తప్పవు. ఉద్యోగం మారాలనో, మీకిష్టమైన రంగం వైపుకు వెళ్లాలనో... ఇలా మీ ఆలోచనల్లో ఏ కొత్త విషయం కోరుకుంటున్నా ఆ వైపు నిస్సంకోచంగా అడుగులు వేయండి. కొత్త జీవితం మిమ్మల్ని ఆహ్వానిస్తుంది. కలిసివచ్చే రంగు : పసుపు -
టారో : 3 సెప్టెంబర్ నుంచి 9 సెప్టెంబర్ 2017 వరకు
మేషం (మార్చి 21 – ఏప్రిల్ 19) మీ జీవితాన్ని పూర్తిగా మలుపు తిప్పే నిర్ణయం తీసుకోబోతున్నారు. వినాయకుడి ఆశీస్సులు మిమ్మల్ని వెన్నంటే ఉంటాయి. ఉద్యోగంలో మార్పు సూచనలు కనిపిస్తున్నాయి. కొలిక్కిరాకుండా ఇబ్బంది పెడుతోన్న ప్రాజెక్టు ఈ వారం విజయవంతంగా పూర్తవుతుంది. ఆలోచించి నిర్ణయాలు తీసుకోండి. ఆత్మవిశ్వాసంతో పనిచేస్తే విజయం మీవైపే ఉంటుందని మరవకండి. న్యాయ సంబంధిత విషయంలో నిర్ణయాలు మీకు అనుకూలంగా ఉంటాయి. కలిసివచ్చే రంగు : ఊదా వృషభం (ఏప్రిల్ 20 – మే 20) మీ ఆలోచనా తీరు, పద్ధతులను చక్కబెట్టుకునేందుకు మంచి సమయమిది. వృత్తిపరంగా ఉన్న ఇబ్బందులు సర్దుకుంటాయి. సరైన సమయంలో, సరైన నిర్ణయాలు తీసుకుంటే విజయం మీవైపే నిలుస్తుంది. వినాయకుడిపై నమ్మకం ఉంచండి. కొత్త పదవిని అలంకరిస్తారు. మీదైన శైలిలో నాయకత్వ లక్షణాలను అలవర్చుకొని కొత్త పదవిలో మంచి గుర్తింపు తెచ్చుకుంటారు. మీ నాయకత్వంలో పనిచేస్తున్న వారు మిమ్మల్ని గౌరవప్రదంగా చూస్తారు. కలిసివచ్చే రంగు : ముదురు ఆకుపచ్చ మిథునం (మే 21 – జూన్ 20) మీ ప్రణాళికలను సమీక్షించుకోవాల్సిన సమయమిది. కొత్త కోణంలో పరిస్థితులను అర్థం చేసుకునే ప్రయత్నం చేయండి. జీవితమంతా ఓ దగ్గర ఆగిపోయినట్టు, ఇక ముందుకు కదలడం లేదేమో అనిపిస్తూ ఉన్నట్లైతే, ఇదంతా తాత్కాలికమేనని నమ్మండి. ముందంతా మంచే జరుగుతుంది. వినాయకుడిని ఇష్టంగా పూజించండి. కొత్త ఉత్సాహంతో జీవితం అందంగా తయారవుతుంది. కలిసివచ్చే రంగు : లేత గోధుమ కర్కాటకం (జూన్ 21 – జూలై 22) మీ జీవితాన్ని మలుపుతిప్పే మార్పు చోటు చేసుకుంటుంది. వినాయకుడిని ఇష్టంగా కొలవండి. కొత్త అవకాశాలను అందిపుచ్చుకుంటారు. ఆత్మ విశ్వాసంతో ముందడుగు వేయండి. మీ ఆలోచనా విధానాలే మిమ్మల్ని విజయానికి చేరువ చేస్తాయి. అడ్డంకులేవైనా ఎదురైనట్లు కనిపించినా, అదంతా తాత్కాలికమే. విజయంపై ధీమాతో కష్టపడండి. జిమ్లో చేరాల్సిన సమయమిది. బరువు తగ్గే ఆలోచన చేయండి. కలిసివచ్చే రంగు : వెండి సింహం (జూలై 23 – ఆగస్ట్ 22) మీ జీవితానికి ఎంతో ప్రత్యేకమైన ఓ విషయంలో అటో ఇటో తేల్చుకోవాల్సిన పరిస్థితి వస్తుంది. వినాయకుడిని పూజించండి. మీరు తీసుకునే నిర్ణయం మీకు అనుకూలంగానే ఉంటుంది. మీ ఆలోచనలను చెడు వైపుకు మళ్లించే వ్యక్తులు మీ చుట్టూ ఉన్నారు. అలాంటి వారికి దూరంగా ఉంటూ జాగ్రత్త పడండి. మీ విశ్వాసాలను బలంగా చెప్పడం అలవర్చుకోండి. కొత్త బాధ్యతలు వచ్చి పడతాయి. నమ్మకంతో ఆ బాధ్యతలను చేపట్టండి. కలిసివచ్చే రంగు : నలుపు కన్య (ఆగస్ట్ 23 – సెప్టెంబర్ 22) మీకు రానున్నదంతా మంచి కాలమే. మీరు కలలో కూడా సాధ్యపడదు అనుకున్న పనులు కూడా చక్కగా జరుగుతాయి. మంచి గుర్తింపు సంపాదిస్తారు. కొత్తగా మొదలుపెట్టే పనులన్నింటిపై నమ్మకం ఉంచి ముందడుగు వేయండి. విజయం మీవైపే ఉంటుంది. మీపై మీరు నమ్మకం ఉంచడం మరవొద్దు. శారీరకంగా, మానసికంగా ఉత్సాహంగా ఉండేందుకు వ్యాయామం చేయండి. తల్లిదండ్రుల ఆరోగ్యం కాస్త కలవరపెడుతుంది. జాగ్రత్తగా చూసుకోండి. కలిసివచ్చే రంగు : తెలుపు తుల (సెప్టెంబర్ 23 – అక్టోబర్ 22) మిమ్మల్ని మీరు తక్కువ చేసి చూసుకోవడమే జీవితంలో ఒడిదుడుకులకు కారణం అన్నది తెలుసుకోండి. ఆత్మవిశ్వాసంతో పనిచేయడం అలవర్చుకోండి. జీవితంలో గొప్ప నిర్ణయాలు తీసుకొని ౖపైకి ఎదిగే సమయమిదే. మీకు ఇష్టమైన వ్యక్తి ఇచ్చే సూచనలు పాటించండి. కొత్త పనులు మొదలుపెడతారు. సరికొత్త ఉత్సాహంతో పనిచేస్తారు. కొంత కాలంగా పూర్తి చేయాలనుకుంటున్న ఇంటి పనులు కొన్ని పూర్తవుతాయి. మానసిక ఉల్లాసానికి విహారయాత్రకు వెళ్లండి. కలిసివచ్చే రంగు : నీలం వృశ్చికం (అక్టోబర్ 23 – నవంబర్ 21) చాలాకాలంగా మిమ్మల్ని ఇబ్బంది పెడుతోన్న సమస్యలన్నింటికీ పరిష్కారం దొరుకుతుంది. కొత్తగా, ఉత్సాహంగా, మీదైన శైలిలో సవాళ్లను ఎదుర్కొండి. మీ శరీరానికి, మనసుకు విశ్రాంతి అవసరం. కొన్ని రోజుల పాటు ఏదైనా విహార యాత్రలకు వెళ్లండి. ఈ యాత్రతో మీకు ప్రశాంతత చేకూరడంతో పాటు ఆరోగ్యం కూడా చక్కబడుతుంది. మిమ్మల్ని ఎప్పుడూ ప్రోత్సాహించే వ్యక్తులతో బాగా మాట్లాడండి. కలిసివచ్చే రంగు : ఊదా ధనుస్సు (నవంబర్ 22 – డిసెంబర్ 21) కొత్త విషయాలు తెలుసుకోవాలన్న మీ ఉత్సాహాన్ని అలాగే కొనసాగించండి. వినాయకుడిపై నమ్మకం ఉంచి పనిచేయండి. ఆర్థిక పరిస్థితి మెరుగుపడుతుంది. విదేశీ ప్రయాణ సూచనలు కనిపిస్తున్నాయి. ఈ ప్రయాణం మీకు మరింత ఆదాయాన్ని తెచ్చిపెడుతుంది. గతంలో తీసుకున్న కొన్ని నిర్ణయాల వల్ల ఇప్పుడు కొత్త అవకాశాలు తలుపు తడతాయి. మీకు ఇష్టమైన తత్వశాస్త్రాన్ని ఎప్పటికప్పుడు చదువుతూనే ఉండండి. కలిసివచ్చే రంగు : లేత గోధుమ మకరం (డిసెంబర్ 22 – జనవరి 19) జీవితాన్ని మీరు కోరుకునే విధంగా మలుచుకునే సమయం ఇదే. మీపై మీకున్న నమ్మకంతో నిర్ణయాలు తీసుకోండి. మీరు చేసిన ప్రమాణాలు, మీకు మీరే ఏర్పరచుకున్న నియమాలను గుర్తు తెచ్చుకొని పనిచేయండి. పెద్దలను గౌరవించడం మరవకండి. వారి ఆశీస్సులు మీకు మరింత శక్తినిస్తాయి. కొత్త నిర్ణయాలు తీసుకుంటారు. గతంలో చేసిన తప్పులను సమీక్షించుకుంటారు. ఇది మీ ఉన్నతికి ఎంతగానో ఉపయోగపడుతుంది. సోమవారాలు మీకు బాగా కలిసివస్తాయి. కలిసివచ్చే రంగు : నారింజ కుంభం (జనవరి 20 – ఫిబ్రవరి 18) రానున్న రోజుల్లో మీ ఆర్థిక పరిస్థితి ఊహించని స్థాయిలో మెరుగుపడుతుంది. కొత్త కొత్త ఆదాయ మార్గాలను అన్వేషిస్తారు. ధైర్యంగా ముందడుగు వేసే మీ ఆలోచనా విధానాలే మిమ్మల్ని విజయానికి చేరువ చేస్తాయి. జీవితాన్ని ఎప్పట్లానే బాగా ఆస్వాదించండి. వృత్తిపరంగా మీకు గొప్ప గుర్తింపు దక్కుతుంది. ఎప్పట్నుంచో ఎదురుచూస్తోన్న ఓ మంచి పని కూడా జరుగుతుంది. మీ జీవిత భాగస్వామిని కలుసుకుంటారు. కలిసివచ్చే రంగు : ముదురు ఆకుపచ్చ మీనం (ఫిబ్రవరి 19 – మార్చి 20) అనవసర ఖర్చులు చేస్తారు. ఇదే విషయంపై విపరీతంగా ఆలోచిస్తారు కూడా. మీ గమ్యం వైపుకు సరైన అడుగులు వేయాల్సిన సమయమిది. మీకు ఉపకరించే కొన్ని పనుల నుంచి మీకై మీరే దూరమయ్యే సూచనలు కనిపిస్తున్నాయి. వాటిని సరిగ్గా అర్థం చేసుకొని మీకేం కావాలో నిర్ణయించుకోండి. ఆరోగ్యం విషయంలో శ్రద్ధ అవసరం. లాఫింగ్ బుద్ధను ఇంట్లో తెచ్చిపెట్టుకోండి. ఆదివారాలు మీకు బాగా కలిసివస్తాయి. కలిసివచ్చే రంగు : బూడిద
Related News by category
-
చైనాలోని రాచప్రాసాదం.. ఏకంగా 8వేలకు పైగా గదులు
ఈ ఫొటోలో కనిపిస్తున్నది ప్రపంచంలోనే అతిపెద్ద ప్రాసాదం. చైనా రాజధాని బీజింగ్లో దాదాపు 178 ఎకరాల సువిశాల ప్రాంగణంలో నిర్మించిన ఈ ప్రాసాదం ‘ఫర్బిడెన్ సిటీ’గా పేరు పొందింది. చైనాలోని మింగ్ వంశీయులు చేపట్టిన దీని నిర్మాణం 1406లో మొదలుపెడితే, 1420లో పూర్తయింది. హోంగ్వు చక్రవర్తి కొడుకు ఝుడి నాన్జింగ్ నుంచి బీజింగ్కు తన రాజధానిని మార్చుకున్నాక, బీజింగ్లో ఈ నిర్మాణం చేపట్టాడు. దాదాపు ఐదు శతాబ్దాల కాలం ఇది చైనా చక్రవర్తులకు రాచప్రాసాదంగా వర్ధిల్లింది. కమ్యూనిస్టు పాలన మొదలయ్యాక ఇది మ్యూజియంగా మారింది. దాదాపు ఒక ఊరంత విస్తీర్ణంలో ఉన్న ఈ సువిశాల ప్రాసాదంలో 980 భవంతులు, 8,886 గదులు ఉన్నాయి. యునెస్కో దీనిని 1987లోనే ప్రపంచ వారసత్వ నిర్మాణంగా ప్రకటించింది. ఈ అద్భుత నిర్మాణాన్ని ఏటా సుమారు 15 లక్షల మంది పర్యాటకులు సందర్శిస్తుంటారు. (చదవండి: Karnataka Sakaleshapura : సకలేశపుర చూడడానికి రెండు కళ్లు చాలవు.!) -
19 ఏళ్ల క్రితం మిస్సింగ్.. ఇప్పటికీ మిస్టరీగానే! ఎవరీ బ్రియానా?
ఈ రంగుల ప్రపంచంలో చీకటి లోకమనేది ఒకటుంటుందని, అందులో దేనికైనా తెగించే మనుషులుంటారని తెలుసుకోలేరు కొందరు. కేవలం తమ కలల ప్రపంచం వైపు పరుగులు తీస్తూ జీవితాలనే పోగొట్టుకుంటుంటారు. బ్రియానా మైట్ల్యాండ్ అనే 17 ఏళ్ల అమ్మాయి తన జీవితంలో అదే పొరబాటు చేసింది. అమెరికాలోని బర్లింగ్టన్ వర్మోంట్లో కెల్లీ, బ్రూస్ దంపతులకు 1986లో బ్రియానా జన్మించింది. ఈస్ట్ ఫ్రాంక్లిటన్ అనే చిన్న పట్టణంలో తన అన్నతో కలిసి పెరిగింది. పిల్లలిద్దరూ తల్లిదండ్రులతో పాటు తమ పొలాల్లోనే పనులకు వెళ్తూ, స్కూల్లో చదువుకునేవారు. ఇంట్లో అంతా ఆమెని ముద్దుగా బ్రీ అని పిలిచేవారు. బ్రీకి తన జీవనశైలి ఏమాత్రం నచ్చేది కాదు. పొలం పనులకు, పల్లె జీవితానికి దూరంగా ఉండాలనే ఉద్దేశంతో తనకు 17 ఏళ్ల వయసు వచ్చేసరికి ఇంటికి 15 మైళ్ల దూరంలో ఉన్న ఎనోస్బర్గ్ ఫాల్స్ హైస్కూల్లో చేరతానని పేరెంట్స్పై ఒత్తిడి తెచ్చింది. అక్కడే పట్టణంలో ఉద్యోగం చేసుకుంటూ చదువుకుంటానని పట్టుబట్టింది. మొదట సంకోచించిన పేరెంట్స్ చివరికి బ్రీ కోరికను కాదనలేకపోయారు. ఆరు నెలలు గడిచేసరికి ఆ హైస్కూల్ నుంచి డ్రాప్ ఔట్ అయ్యి.. ఇంకాస్త పైస్థాయికి వెళ్లేందుకు ఎఉఈ పరీక్షల కోసం ప్రిపేర్ అవ్వడం మొదలుపెట్టింది. అందుకోసం మోంట్గోమేరీకి దగ్గరల్లో తన చిన్ననాటి స్నేహితురాలు జిలియన్తో కలిసి రూమ్లో ఉంటూ, జాబ్ చేసుకుంటూనే చదువుకునేది. తనున్న పట్టణం తన బాయ్ ఫ్రెండ్ని కలవడానికి, ఉద్యోగానికి, భవిష్యత్తులో ఎదుగుదలకూ అనువైనదని ఆమె నమ్మింది. 2004 మార్చి 19 శుక్రవారం ఉదయాన్నే తన తల్లిని కలిసిన బ్రీ.. తనకు మరో పార్ట్ టైమ్ జాబ్ దొరికిందని, మర్నాడే డ్యూటీలో జాయి¯Œ అవుతానని చెప్పింది. ఆ ఆనందంలోనే కెల్లీని రెస్టారెంట్కి తీసుకెళ్లింది. అప్పుడే తన కెరీర్ గురించి తల్లితో మాట్లాడింది. మధ్యాహ్నం మూడున్నర దాటే సరికి రూమ్ దగ్గర డ్రాప్ చేసి, కెల్లీ వెళ్లిపోయింది. కెల్లీ బ్రీని చూడటం అదే చివరిసారి. అదేరోజు ఈవినింగ్ డ్యూటీకి వెళ్లిన బ్రీ సోమవారం వరకూ రాకపోయేసరికి రూమ్ మేట్ జిలియన్కి భయమేసి బ్రీ కుటుంబానికి, పోలీసులకు చెప్పింది. రంగంలోకి దిగిన పోలీసులు బ్రీ శుక్రవారం రాత్రి 11:20కే డ్యూటీ నుంచి తన రూమ్కు బయలుదేరిందని తెలుసుకున్నారు. డ్యూటీ తర్వాత పార్టీకి రమ్మని పిలిచిన కొలిగ్స్తో ‘రేపు ఉదయాన్నే న్యూ జాబ్లో జాయిన్ అవ్వాలి, ఇప్పుడు త్వరగా వెళ్లి రెస్ట్ తీసుకోవాలి’ అందట. మరో రెండు రోజులు గడిచేసరికి ఓ షాకింగ్ నిజం అక్కడ మీడియాని షేక్ చేసింది. అప్పటికే కేసు నమోదైన యాక్సిడెంట్ కారు ఎవరిదో కాదని, కనిపించకుండా పోయిన ‘బ్రీ’దేనని తేలింది. మార్చి 20 శనివారం ఉదయానికి మోంట్గోమెరీ రోడ్ నం. 118లో పాడుబడిన ఇంటిని చాలా విచిత్రంగా వెనుక నుంచి ఢీ కొట్టి ఉందట ఆ కారు. ఎవరో తాగుబోతు యాక్సిడెంట్ చేసి, పారిపోయి ఉంటాడని భావించిన ఓ పోలీసు దాన్ని స్థానిక గ్యారేజ్కి తరలించాడట. ఆ ఇల్లు ఓ నిర్మానుష్యమైన దారిలో పెద్ద మలుపు దాటగానే ఉంటుంది. అదేం ప్రమాదకరమైన మలుపు కూడా కాదు. అయితే ఈ వార్తలు వెలుగులోకి రావడంతో చాలామంది సాక్షులు ఆ కారుని తాము చూశామంటూ ముందుకొచ్చారు. ఆ రాత్రి పన్నెండుంపావుకి ఆ ఇంటిముందు హెడ్ లైట్స్ వెలుగుతున్న కారుని గమనించానని ఒకరు, పన్నెండున్నరకి లైట్స్ వెలగడంతో కారు టర్న్ చేస్తున్నారేమో అనుకున్నానని మరొకరు చెప్పారు. ఇక అసలు ట్విస్ట్ ఏంటంటే, ఆ రాత్రి రెండున్నర తర్వాత బ్రీ మాజీ బాయ్ ఫ్రెండ్ రోబాటియాలే కూడా ఆ కారుని చూశాడు. ఆగి, అక్కడ ఎవరూ లేకపోవడంతో కారు లైట్స్ ఆఫ్ చేసి, డోర్స్ క్లోజ్ చేసి, తన దారిన తాను వెళ్లిపోయాడట. ‘అది బ్రీ కారని నీకు తెలుసా?’ అని అడిగితే అప్పటికి తెలియదని చెప్పాడు. ఏది ఏమైనా 11.20కే కారులో బయలుదేరిన బ్రీ, పన్నెండుంపావుకే ఆ కారులో లేదు. యాక్సిడెంట్ అయిన ప్రదేశం తన ఆఫీస్కి చాలా దగ్గర్లో ఉంది. అంటే గంట సమయంలోనే తను మిస్ అయ్యింది. ఇక మరుసటి రోజు మార్చి 20న ఆ పోలీసు కారుని గ్యారేజ్కి పంపించకముందు ఓ బృందం విహారయాత్రకు వెళ్తూ ఆ కారుని చూసి ఆగింది. వారంతా తమ కెమేరాల్లో చాలా ఫొటోలు తీశారు. ఆ ఫొటోలే తర్వాత ఈ క్రైమ్సీన్ కి కీలక సాక్ష్యాలయ్యాయి. అయితే ఆ పర్యాటకులు కారు పక్కనే విరిగిన బ్రేస్లెట్ చూసినట్లు చెప్పారు. కానీ అది పోలీస్ రికార్డుల్లో లేదు. మొదట అనుమానం రోబాటియాలే మీదకు మళ్లింది. అయితే అతడు విచారణ కొనసాగుతుండగానే బైక్ యాక్సిడెంట్లో చనిపోయాడు. దాంతో కేసుకు ముందు సాగలేదు. బ్రీ మిస్సింగ్కి ఐదువారాల ముందు మౌరా ముర్రే అనే అమ్మాయి ఇలాంటి పరిస్థితుల్లోనే గల్లంతైంది. బ్రీ కారు దొరికిన ప్రదేశానికి సరిగ్గా 90 మైళ్ల దూరంలోనే ముర్రే కారుని పోలీసులు స్వాధీనం చేసుకున్నారు. ఆ దిశగా విచారణ జరిపినా ఫలితం లేదు. మిస్సింగ్కి 3 వారాల ముందు ఒక పార్టీలో బ్రీకి తన మాజీ స్నేహితురాలు లాక్రోస్కి మధ్య గొడవ జరిగిందట. లాక్రోస్ ఆ గొడవలో బ్రీని ముక్కు విరిగేలా కొట్టిందట. మార్షల్ ఆర్ట్స్లో ప్రావీణ్యం ఉన్న బ్రీ.. లాక్రోస్పై తన ప్రతాపాన్ని చూపించకుండా వదిలిపెట్టిందట. ఆ కథ తెలుసుకున్న పోలీసులు, లాక్రోస్ని కూడా విచారించారు. కానీ ఏ ఆధారం దొరకలేదు. ఇలా ఎంతమందిని ప్రశ్నించినా? నిజానిజాలు బయటపడలేదు. చాలామంది బ్రీ పారిపోయి ఉంటుందని నమ్ముతారు. కానీ అది నిజం కాదని వాదించేవారు, ఇదో మానవ అక్రమ రవాణా కేసని నమ్ముతారు. బ్రీ ఎవరి నుంచో తప్పించుకునే క్రమంలో కారు వెనక్కి టర్న్ చేసుకునేటప్పుడు ఆ యాక్సిడెంట్ జరిగి ఉంటుందని, అందుకే లైట్స్ వెలుగుతూ, డోర్స్ ఓపెన్ లోనే ఉన్నాయని ఊహిస్తుంటారు. పైగా కరాటేలో నిష్ణాతురాలైన బ్రీని ఒకరు కిడ్నాప్ చేయలేరని ఎక్కువ మందే ఉండి ఉంటారనేది డిటెక్టివ్స్ మాట. 2022 మార్చి 18న ఇప్పటి దాకా దొరకని కొత్త డీఎన్ఏ దొరికిందని వెళ్లడించడంతో అది క్రిమినల్ది అయ్యే అవకాశం ఉండొచ్చని ఆశ మొదలైంది. పదిహేడేళ్లప్పుడు మాయం అయిన బ్రీకి ఇప్పుడు సుమారు 36 ఏళ్లు ఉండి ఉండొచ్చు. అయితే గత 19 ఏళ్లుగా ఈ కేసు మిస్టరీగానే ఉంది. ∙సంహిత నిమ్మన -
నాకు మా బావ అంటే చాలా ఇష్టం.. కానీ
నాకు మా బావ అంటే చాలా ఇష్టం. మేనరికం పెళ్లి మంచిదికాదని తెలిసినా ఈ పెళ్లిని అవాయిడ్ చేయలేను. పెళ్లికి ముందే జెనెటికల్ కౌన్సెలింగ్ తీసుకుంటే నాకేమైనా హెల్ప్ అవుతుందా? – ఎన్కేఎస్, గుంటూరు మేనరికం పెళ్లి అనుకుంటే.. పెళ్లికి ముందే ఫ్యామిలీ అండ్ కపుల్ జెనిటిక్ కౌన్సెలింగ్ తీసుకోవడం చాలా అవసరం. దీనిని ప్రీకన్సెప్షనల్ జెనెటిక్ కౌన్సెలింగ్ అంటారు. మేనరికం పెళ్లిళ్లలో తరతరాలుగా అంటే తాతముత్తాతల నుంచి వస్తున్న సేమ్ జీన్స్తో కొన్ని జన్యుపరమైన లోపాలతో పిల్లలు పుట్టే రిస్క్ లేకపోలేదు. రక్తసంబంధీకుల మధ్య పెళ్లిళ్లు జరిగినప్పుడు కొన్ని రెసెసివ్ జెనెటిక్ వ్యాధులను చూస్తాం. మేనరికం పెళ్లిళ్లలో కాగ్నీషియల్ డిసీజెస్ అంటే పుట్టుకతో వచ్చే లోపాలు రెండు.. మూడు రెట్లు ఎక్కువ. మీరు కౌన్సెలింగ్ వెళ్లినప్పుడు మీ ఇద్దరి ఫ్యామిలీ ట్రీలో వంశపారంపర్యమైన జబ్బులు, డిజార్డర్స్ ఏవైనా ఉన్నాయా అని మీ మీ కుటుంబాల ఆరోగ్య చరిత్రను క్షుణ్ణంగా తెలుసుకునే ప్రయత్నం చేస్తారు. జన్యుపరమైన వ్యాధి ఉన్న కుటుంబసభ్యుల వ్యాధి నిర్ధారణ, ఆ జన్యువుకి సంబంధించి ఎలాంటి మ్యుటేషన్ ఉంది వగైరా వివరాలను తెలుసుకోవడానికి ప్రయత్నిస్తారు. అది క్యారియర్గా కపుల్కీ ఉన్నట్టయితే అది పిల్లలకు వచ్చే రిస్క్ ఎంత ఉందో చెప్తారు క్యారియర్ టెస్టింగ్లో.. భవిష్యత్లో గర్భస్థ శిశువుకి చేసే శాంప్లింగ్ ద్వారా ఆ వ్యాధి బిడ్డకు వస్తుందా లేదా అని కూడా తెలిపే డిటెక్షన్ టెస్ట్స్ ఉంటాయి. పుట్టే పిల్లలకు అవకరాలు ఉండే రిస్క్ ఎక్కువగా ఉంటే ప్రెగ్నెన్సీ మూడవ నెల, అయిదవ నెలలో వైద్యపరీక్షలతో కనిపెట్టి గర్భస్రావం చేయించుకోమని సూచిస్తాం. అందుకే బేసిక్ టెస్ట్స్కి హాజరవడం చాలా అవసరం. సాధారణంగా మేనరికం పెళ్లిళ్లలో బెటా తలసీమియా, సిస్టిక్ ఫైబ్రోసిస్, సికిల్ సెల్ అనీమియా వంటివి ఎక్కువ. వీటిని పెళ్లిచేసుకునే జంటకు చేసే మామూలు రక్తపరీక్షతో కూడా కనిపెట్టి రిస్క్ను అంచనావేయొచ్చు. జన్యుపరమైన వ్యాధులకు చికిత్స లేదు.. నివారణ మాత్రమే చేయగలం. నాకు 43 ఏళ్లు. పీరియడ్స్ రెగ్యులర్గా రావడంలేదు. స్కానింగ్ ద్వారా ఇంకెన్ని రోజుల్లో నాకు పీరియడ్స్ ఆగిపోవచ్చనేది తెలుసుకోవచ్చా? – జి. ప్రసన్నకుమారి, కోటగిరి మెనోపాజ్ అంటే నెలసరి పూర్తిగా ఆగిపోవడం. మామూలుగా నెలలు ఆగి.. ఏడాది వరకూ రాకపోతే దాన్ని మెనోపాజ్గా పరిగణిస్తాం. పెరీమెనోపాజ్.. అంటే మెనోపాజ్ కంటే రెండుమూడేళ్లు ముందు.. వెనుక టైమ్ అన్నమాట. అండాశయాల్లో అండాలు తయారుకానప్పుడు పీరియడ్స్ ఆగిపోతాయి. ఈస్ట్రోజెన్ హార్మోన్ బాగా తగ్గిపోతుంది. మెనోపాజ్కి సగటు వయసు 51 ఏళ్లు. నలభై అయిదేళ్లలోపు ఆగిపోతే ఎర్లీ మెనోపాజ్ అంటారు. అల్ట్రాసౌండ్ స్కానింగ్లో గర్భసంచి లైనింగ్ పలుచగా ఉండడం, అండాశయాల్లో అండాలు లేదా ఫాలికిల్స్ లేకపోవడం.. మెనోపాజ్ అని చెప్పడానికి కొన్ని మార్గాలు.. సూచనలు. నిర్ధారించడానికి ఫాలికల్ స్టిములేటింగ్ హార్మోన్ అనే రక్తపరీక్ష చేసినప్పుడు అది 35 కన్నా ఎక్కువ ఉంటే మెనోపాజ్ అని నిర్ధారిస్తారు. కొన్నిసార్లు ఒంట్లోంచి వేడివేడి ఆవిర్లు, ఆ వెంటనే చెమటలు, మూడ్స్వింగ్స్ వంటి లక్షణాలు కూడా ఉంటాయి. నెలలు ఆగిపోయిన తర్వాత కూడా గర్భసంచి లైనింగ్ పలుచగా కాకుండా దళసరిగా అంటే 5ఎమ్ఎమ్ కన్నా ఎక్కువగా ఉంటే తర్వాత పరీక్షల కోసం సూచిస్తాం. దీనిని ఎండోమెట్రియల్ హైపర్ప్లాజియా అంటారు. అందుకే 40 నుంచి 45 ఏళ్లలోపు నెలసరి ఆగిపోతే టీఎస్హెచ్, థైరాయిడ్ పరీక్షలను కచ్చితంగా చేయించాలి. డా‘‘ భావన కాసు గైనకాలజిస్ట్ – ఆబ్స్టెట్రీషియన్ హైదరాబాద్ -
నాకిప్పుడు 43 ఏళ్లు అనుకోకుండా ప్రెగ్నెన్సీ వచ్చింది..
మా పాపకు పద్దెనిమిదేళ్లు. ఛాతీ మరీ ఫ్లాట్గా ఉంది. ఇంప్రూవ్ అవడానికి ఏమైనా మందులు ఉన్నాయా? వాడితే సైడ్ ఎఫెక్ట్స్ ఉంటాయా? – పి. పుష్పలత, అమలాపురం బ్రెస్ట్ డెవలప్మెంట్ సాధారణంగా తొమ్మిది నుంచి పదకొండేళ్ల మధ్య మొదలవుతుంది. ఈ గ్రోత్ ప్రతి అమ్మాయికి డిఫరెంట్గా ఉంటుంది. దాదాపుగా 17 – 18 ఏళ్లు వచ్చేసరికి బ్రెస్ట్ గ్రోత్ పూర్తవుతుంది. పరిమాణం, ఆకారం అందరమ్మాయిలకు ఒకేలా డెవలప్ అవదు. మస్సాజ్లు, క్రీములు, మాత్రలు, వ్యాయామం.. లాంటివేవీ కూడా బ్రెస్ట్ సైజ్ని, షేప్ని చేంజ్ చేయలేవు. రొమ్ములు ఫ్యాటీ టిష్యూతో ఉంటాయి. అది మజిల్ కాదు కాబట్టి వ్యాయామంతో బ్రెస్ట్స్ సైజ్ను పెంచలేం. బరువు తగ్గినప్పుడు బ్రెస్ట్ సైజ్ కూడా కొంత తగ్గవచ్చు. బరువు పెరిగినప్పుడు పెరగవచ్చు. కానీ ఇది తాత్కాలిక మార్పు మాత్రమే. కాస్మెటిక్ బ్రెస్ట్ సర్జరీ ద్వారా బ్రెస్ట్ సైజ్ను పెంచే అవకాశం ఉంది. కానీ దానికి సైడ్ ఎఫెక్ట్స్ కూడా చాలానే ఉంటాయి. స్కార్ టిష్యూ ఫామ్ అవడం, బ్రెస్ట్ ఫీడ్ చెయ్యలేకపోవడం వంటి శాశ్వత సమస్యలు కూడా ఉండొచ్చు. కొన్ని అరుదైన వ్యాధుల్లో కూడా బ్రెస్ట్ చాలా చిన్నగా ఉండొచ్చు. టర్నర్ సిండ్రోమ్ అనే జన్యుపరమైన డిజార్డర్లో కూడా ఫ్లాట్ చెస్ట్ అండ్ నిపుల్స్ ఉండొచ్చు. అలాంటి అనుమానాలేమైనా ఉంటే ఒకసారి గైనకాలజిస్ట్ని సంప్రదించండి. కొన్ని రక్తపరీక్షలు చేస్తారు. నాకిప్పుడు 43 ఏళ్లు. అనుకోకుండా ప్రెగ్నెన్సీ వచ్చింది. ఈ వయసులో పిల్లల్ని కంటే ఆరోగ్యంగా పుడతారా?ఇది నాకు తొలి కాన్పు. పిల్లల కోసం మందులు వాడీవాడీ విసిగిపోయి ఆపేశాక వచ్చిన ప్రెగ్నెన్సీ అండీ...! – ఎన్. చంద్రప్రభ, సిర్పూర్ కాగజ్నగర్ నలభై ఏళ్లు దాటిన ప్రెగ్నెన్సీలో చాలా రిస్క్స్ ఉంటాయి అనేది చాలామంది భయం. కానీ సింగిల్టన్ ప్రెగ్నెన్సీ సాఫీగా సాగే అవకాశం లేకపోలేదు. 25– 35 ఏళ్ల మధ్య ఉండే కాంప్లికేషన్స్ కన్నా కొంచెం ఎక్కువ రిస్క్ ఉండొచ్చు. వాటిలో ఆపరేషన్ ద్వారా డెలివరీ అవటం, నెలలు నిండక ముందే కాన్పు అయ్యే రిస్క్ వంటివి ఎక్కువ. ఐవీఎఫ్, కవలల ప్రెగ్నెన్సీలో ఈ రిస్క్ ఇంకాస్త పెరుగుతుంది. మొదటి మూడునెలల్లో పుట్టుక లోపాలు .. డౌన్సిండ్రోమ్ లాంటివి, గర్భస్రావం, ఎక్టోపిక్ ప్రెగ్నెన్సీ వంటి ప్రమాదాలు ఎక్కువుంటాయి. బాడీ పెయిన్స్, కీళ్ల నొప్పులు, కండరాల నొప్పులూ ఎక్కువుండొచ్చు. డాక్టర్ని సంప్రదించినప్పుడు వాటికి తగిన ట్రీట్మెంట్ను ఇస్తారు. తొలి మూడునెలల్లో తప్పనిసరిగా జెనెటిక్ స్క్రీనింగ్ టెస్ట్స్ చేయించుకోవాలి. ప్రతినెల బీపీ, సుగర్, థైరాయిడ్ పరీక్షలూ చేయించుకోవాలి. ప్రతినెల తప్పకుండా గైనకాలజిస్ట్ను సంప్రదిస్తూ టైమ్కి చేయవలసిన స్కానింగ్లు, పరీక్షలు చేయించుకుంటూండాలి. సరైన చికిత్సతో నలభై ఏళ్లు దాటిన తర్వాత కూడా సురక్షితమైన, ఆరోగ్యకరమైన ప్రెగ్నెన్సీ, కాన్పూ సాధ్యమే. నేను కెరీర్ ఓరియెంటెడ్. సరోగసీ ద్వారా పిల్లల్ని కనాలనుకుంటున్నాను. దానివల్ల బ్రెస్ట్ ఫీడ్ ఇవ్వడం కుదరదు కాబట్టి బ్రెస్ట్ క్యాన్సర్ వచ్చే ప్రమాదం ఉంటుందా? – రంజనీ ప్రసాద్, పుణె సరోగసీ ద్వారా పిల్లల కోసం ప్లాన్ చేసినా కొంతమంది.. మందుల ద్వారా బ్రెస్ట్ ఫీడ్కి ట్రై చేయవచ్చు. దాన్ని లాక్టేషన్ ఇండక్షన్ అంటారు. సరోగసీ బేబీ డెలివరీ టైమ్ కన్నా ముందు నుంచే మీరు బ్రెస్ట్ ఫీడ్ ట్రై చేయడానికి ప్రిపరేషన్ చేసుకోవాలి. అందరికీ ఇది సక్సెస్ కాకపోవచ్చు. కానీ బ్రెస్ట్ ఫీడింగ్ వల్ల ప్రయోజనాలు అందరికీ తెలిసినవే. ఏడాది వరకు బ్రెస్ట్ ఫీడింగ్తో నాలుగు నుంచి అయిదు శాతం వరకు బ్రెస్ట్ క్యాన్సర్ రిస్క్ తగ్గుతుంది. బ్రెస్ట్ క్యాన్సర్ రిస్క్ అనేది హార్మోన్స్, జన్యుపరమైన, జీవనశైలి మీద ఆధారపడి పెరుగుతుంది. 5 నుంచి 10 శాతం జన్యుపరమైన కారణాలుంటాయి. బ్రెస్ట్ ఫీడ్ ఇవ్వనందువల్ల బ్రెస్ట్ క్యాన్సర్ రిస్క్ కొంచెం మాత్రమే మారుతుంది. ఆరోగ్యకరమైన జీవనశైలి.. అంటే అధిక బరువు లేకుండా, సరైన బీఎమ్ఐ ఉండేలా క్రమం తప్పకుండా వ్యాయామాలు చేస్తూ .. పోషకాహరం తీసుకుంటూ ఉంటే క్యాన్సర్ రిస్క్ తగ్గుతుంది. హైరిస్క్ జన్యుపరమైన కారణాలు ఉన్నవారిలో అంటే బీఆర్సీఏ (ఆఖఇఅ) జీన్ పాజిటివ్ అని స్క్రీనింగ్లో తేలినవారిలో ప్రాఫిలాక్టిక్ సర్జరీల ద్వారా ఆ రిస్క్ను తగ్గించవచ్చు. బ్రెస్ట్స్ అల్ట్రాసౌండ్, మామోగ్రఫీ ద్వారా తొలిదశలోనే క్యాన్సర్ మార్పులను కనిపెట్టవచ్చు. ఈ రోజుల్లో సరోగసీతో పిల్లల్ని కన్నా కొన్ని మందుల ద్వారా బ్రెస్ట్ ఫీడ్ ఇచ్చేలా బిడ్డ.. తల్లి స్పర్శ పొందేలా చూస్తున్నాం. -
సద్దాం హుస్సేన్ వాడని ఓడ
ఈ ఫొటోలో కనిపిస్తున్న ఓడ ఇరాక్ మాజీ అధినేత సద్దాం హుస్సేన్ ముచ్చటపడి ప్రత్యేకంగా తయారు చేయించుకున్నది. అయితే, ఆయన తన జీవితకాలంలో ఎన్నడూ దీనిని వాడలేదు. నాలుగు అంతస్తులు, పద్దెనిమిది విశాలమైన గదులు, లోపల అధునాతన సౌకర్యాలతో రూపొందించిన ఈ 270 అడుగుల పొడవైన ఓడ పేరు ‘బస్రా బ్రీజ్’. ఇందులో ఫైవ్స్టార్ హోటల్ను తలదన్నే ఏర్పాట్లన్నీ ఉన్నాయి. ఒక సెలూన్, డ్రైక్లీనింగ్ రూమ్, ఫస్ట్ ఎయిడ్ రూమ్ వంటి సౌకర్యాలు కూడా ఉన్నాయి. సద్దాం హుస్సేన్ ఈ ఓడను ఒక డెన్మార్క్ కంపెనీ ద్వారా తయారు చేయించుకున్నాడు. దీని తయారీ 1980లో ప్రారంభమైంది. తయారీ పూర్తయ్యాక మరుసటి ఏడాది ఇది ఇరాక్ తీరానికి చేరుకుంది. ఇంత ప్రత్యేకంగా తయారు చేయించుకున్న ఈ ఓడలో సద్దాం హుస్సేన్ ఎన్నడూ అడుగుపెట్టలేదు. ఇరాక్ ప్రభుత్వం ప్రస్తుతం ఈ ఓడను బస్రా యూనివర్సిటీ ఆధ్వర్యంలో శాస్త్ర పరిశోధన కేంద్రంగా మార్చింది. నిజానికి ఇరాక్ ప్రభుత్వం 2018లో ఈ ఓడను 30 మిలియన్ డాలర్లకు (రూ.245 కోట్లు) అమ్మకానికి పెట్టినా, దీని కొనుగోలుకు ఎవరూ ముందుకు రాలేదు. చివరకు ఇప్పుడిది శాస్త్ర పరిశోధన కేంద్రంగా మారడంతో వార్తలకెక్కింది.
Advertisement
Photos
View allVideo
View allTuesdays and Fridays Movie: వెబ్ ఫ్లిక్స్.. మూడు షరతులు
Shankar-Ram Charan Movie: సరికొత్త పాత్రలో చెర్రీ
టైటిల్ నిలబెట్టుకోవాలనే లక్ష్యంతో...
వాట్సప్లో మారిన రంగులు.. కారణం అదేనంటూ
బెయిర్ స్టో విధ్వంసకర సెంచరీ.. కేవలం 45 బంతుల్లోనే
లాయర్గా...
పరుగుల పంజా...
పరుగు ఇవ్వకుండానే 7 వికెట్లు
‘మిక్స్డ్’ ఫైనల్లో సురేఖ–అభిషేక్ జోడీ
చెడుపై గెలుపు
చరిత్ర సృష్టించిన పంజాబ్ కింగ్స్.. ప్రపంచంలోనే తొలి జట్టుగా
ఇదెక్కడి విధ్వంసం... కేవలం 28 బంతుల్లోనే! 8 సిక్స్లతో
Bullet List Block
- rabri devi: రబ్రీ దేవి ఇంటికి సీబీఐ బృందం
- sreemukhi: ఖతర్నాక్ అందాలతో కవ్విస్తోన్న అందాల యాంకర్ శ్రీముఖి (ఫొటోలు)
- Actress Sreeleela: శ్రీలీల బ్యూటిఫుల్ ఫొటోలు
- Sree Lakshmi Reddy: కలహాలు లేని కాపురం ఉండబోదు.. అంతమాత్రాన
- TCSS ఆధ్వర్యంలో ఘనంగా వినాయక చవితి వేడుకలు
- PR Sreejesh: ఆవును అమ్మి.. కొడుకు కలను సాకారం చేసి
- PR Sreejesh: ఆవును అమ్మి.. కొడుకు కలను సాకారం చేసి
- RRR Movie : ఆ పాట కంటతడి పెట్టిస్తుందట
- Bellamkonda Sreenivas: మరో సూపర్ హిట్ రీమేక్తో వస్తోన్న బెల్లంకొండ
- Shankar-Ram Charan Movie: సరికొత్త పాత్రలో చెర్రీ
What’s your opinion
is snake reptile?
What is your fav car
ముంబై కెప్టెన్గా హార్దిక్ పాండ్యా నియామకం సరైందేనా?
AP : కూటమి మ్యానిఫెస్టోపై ఏమనుకుంటున్నారు?
నమ్మశక్యం కాని వాగ్దానాలిస్తారు
ఏ పార్టీకి నచ్చిన వాగ్దానాలు వారిస్తారు
Advertisement