అసంగతం
కొన్ని నిజమైతే బాగుండనిపిస్తుంది. కొన్ని అబద్ధమైతే బాగుండనిపిస్తుంది. నిజానికీ అబద్ధానికీ మధ్యదూరం- అందులో ఏదో ఒకటి ఎదుటి పక్షం వహించేంతవరకే! అది తేలేవరకే చర్చ. ఈ సంవత్సరాంతాన 2013లో అలా విస్త్రృతంగా వార్తల్లోకొచ్చిన శాస్త్రీయాంశాల్లోని నిజానిజాలేమిటో చూద్దాం!
1
సముద్ర రాక్షసి కనపడింది: అబద్ధం
ఇదీ చందమామ కథలాంటిదే! సముద్రపుటడుగునెక్కడో అతి భారీ రక్కసిలాంటిదేదో ఉంటుందని నమ్మడం. ఇది నిజంగానే కనబడిందన్న వార్త రావడానికి కారణం, అమెరికాలోని కాలిఫోర్నియా తీరంలో అలాంటి ప్రాణి కనబడటం! అయితే, అది సముద్రసర్పంలా అనిపించే ఓర్ చేప అని తేలింది. 32 అడుగుల వరకు పెరిగే ఈ చేపలు సముద్రంలో 3000 అడుగుల లోతున మనుషుల కంటబడకుండా జీవిస్తాయి. ఇవిగనక ఉపరితలానికి వచ్చాయంటే, ఏ భూకంపానికో సంకేతమని జపనీయులు నమ్ముతారు.
2
అంతరిక్ష పిడుగు: నిజం
ప్రతి సంవత్సరం భూమ్మీద భిన్న రూపాల్లోని ‘ఆకాశ ధూళి’ 15000 టన్నుల దాకా రాలిపడుతూనే ఉంటుంది. కానీ ఈసారి పడిన ఉల్క మనుషుల్ని వణికించినమాట నిజం. ఈ ఏడాది ఫిబ్రవరిలో- రష్యాలోని ‘చెల్యాబిన్స్క్’ ప్రాంతం మీద 23.3 కిలోమీటర్ల ఎగువన ఈ ఉల్క పేలి, నిప్పులు జిమ్ముకుంటూ భూవాతావరణంలోకి ప్రవేశించింది. 7000 భవనాలు ధ్వంసమైనాయి. 1500 మంది ఆసుపత్రుల పాలయ్యారు. ఆ సమయంలో విడుదలైన శక్తి హిరోషిమా మీద పడిన అణుబాంబుకన్నా 20-30 రెట్లు అధికం.
3
సాగరకన్యలు కనబడ్డారు: అబద్ధం
మనదగ్గరే కాదు, ఇంకా ఎన్నో దేశాల్లోని ‘చందమామ’ కథల్లో కూడా సాగరకన్యలు కనిపిస్తారు. నడుము పైన అమ్మాయిలాగానూ, కిందిభాగమంతా చేపతోకలాగానూ ఉండే ఈ ‘మెయ్మెయ్డ్’ ఒక సృజనాత్మక ఊహ. కానీ ‘ఏనిమల్ ప్లానెట్’ వారు వాటిమీద ఏకంగా డాక్యుమెంటరీ తీశారు. కాకపోతే మనుషుల్తో నటింపజేసి. ప్రేక్షకుల్ని తప్పుదారి పట్టించారన్న విమర్శలు ఎన్నివచ్చాయో, వినోదాత్మకంగా ఉందన్న ప్రశంసలు అంతకంటే ఎక్కువొచ్చాయి. ఇప్పటికైతే సాహసవీరులు ఆరాటపడే సాగరకన్యలు లేనట్టే!
4
ప్రాచీన ఏనుగుకు కొత్త జీవితం: అయితేకావొచ్చు
2007లో సైబీరియాలో యూరీ ఖుదీ అనే వేటగాడు మంచుతో కప్పివున్న ఏనుగు మృతదేహాన్ని గుర్తించాడు. అంతరించిపోయిన భారీ ఏనుగు జాతికి చెందినదనీ, 10,000 ఏళ్ల క్రితపుదనీ, రెండున్నరేళ్ల వయసులో సింహాల దాడిలో చనిపోయివుంటుందనీ పరిశోధనలో తేలింది. ‘యూకా’ అని పిలుస్తున్న ఆ భారీ ఏనుగుపిల్ల శరీరంలో వైటల్ ఆర్గన్స్ ఏమీ దక్కలేదు. అయినా, జన్యు పదార్థాన్ని భారతీయ ఏనుగు అండకణాల్లోకి ఎక్కించి, తిరిగి ఆ ఏనుగులను నడిపించే ఆలోచనైతే సాగుతోంది.
5
కుజపుష్పం: అబద్ధం
కుజగ్రహం ఎప్పటికైనా మానవ నివాసయోగ్యమేనా అన్న భారీ లక్ష్యంతో ‘క్యూరియాసిటీ’ రోవర్ అక్కడ సంచరిస్తోంది. కారు పరిమాణంలో ఉన్న ఈ రోవర్ పంపిన కొన్ని ఫొటోల్లో తెల్లటి పుష్పాకృతి కనబడటంతో కుతూహలం మొదలైంది. పూవే ఉందంటే, ఇంకా చాలా ఉన్నట్టే కదా! అది రోవర్లోంచే విరిగిపడిన ప్లాస్టిక్ ముక్క కావొచ్చునని ‘నిర్ధారణ’కు వచ్చారు. ఇది అబద్ధమైనప్పటికీ ఆనందకరమైన విషయం కుజగ్రహం మీద నీటిజాడల్ని రోవర్ గుర్తించడం! అక్కడి మట్టి పరిమాణంలో రెండు శాతం మేర నీరు ఉండొచ్చని అంచనా!
6
భూవినాశనం: అబద్ధం
యుగాంతం లాంటిదే ఇది కూడా! ‘డిఎ 14’గా పిలిచే ఒక ఆస్టరాయిడ్ భూమిని ఢీకొట్టబోతోందనీ, భూమి మాడిమసైపోతుందనీ కొందరు భయపడ్డారు కూడా! అలాంటిదేం జరగకుండానే, దారి మళ్లిపోయింది. 45-50 మీటర్ల వ్యాసం, 40,000 టన్నుల బరువున్న ఈ ఆస్టరాయిడ్ భూమికి 27,700 కిలోమీటర్ల ‘సమీపం’దాకా వచ్చింది.
7
పెరిగిన చంద్రుడు: నిజం
ఇది పూర్తి నిజం కాదు. పౌర్ణమిరోజు చంద్రుడు ప్రకాశవంతంగా కనబడతాడు. అదే పౌర్ణమి రోజు చంద్రుడు భూమికి అతిదగ్గరగా గనక వస్తే దాన్ని సూపర్మూన్ అంటారు. భూమికి 3,56,990 కిలోమీటర్ల సమీపానికి చంద్రుడు వచ్చాడు. అలా ఇంతకుముందటికంటే పెద్దచంద్రుడు ఈ ఏడాది కనిపించాడు.
నిజం-అబద్ధం-అయితేకావొచ్చు
Published Sun, Dec 29 2013 2:52 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
ప్రశాంత ఎన్నికలకు సహకరించాలి
గర్భిణులూ జెర జాగ్రత్త..
న్యూస్రీల్
వడగండ్ల వాన
‘బీఆర్ఎస్తోనే గ్రామాల అభివృద్ధి’
● ఎమ్మెల్యేలకు ప్రతిష్టాత్మకంగా పార్లమెంట్ ఎన్నికలు ● ప్రచారంపై దృష్టి పెట్టిన ప్రజాప్రతినిధులు ● అసెంబ్లీ ఎలక్షన్స్ తర్వాత మారిన పరిస్థితులు ● అధికార కాంగ్రెస్లో చేరికలు ప్రభావం చూపేనా..?
ఉద్యోగాలిప్పిస్తానని ఘరానా మోసం
ఎన్నికల వేళ డేగకళ్ల నిఘా
నాంచారమ్మ జాతర విజయవంతం చేయండి
క్లుప్తంగా
తప్పక చదవండి
- బీజేడీ కంచుకోటను బద్దలు కొట్టేలా.. బీజేపీ ఎన్నికల ప్రచారం
- క్యాస్టింగ్ కౌచ్పై రమ్యకృష్ణ కామెంట్స్.. కొన్నిసార్లు తప్పదంటూ!
- ‘ప్రజ్వల్ రేవణ్ణ’ వీడియోల వెనుక కుట్ర: హెచ్డి కుమారస్వామి
- 25 వేల మంది టీచర్ల నియామకం రద్దుపై సుప్రీం స్టే
- యువీ, ధావన్ కాదు!.. నాకిష్టమైన ప్లేయర్లు వాళ్లే!
- ‘నేను దేశాన్ని విడిచి వెళ్లాలా?’.. బెంగళూరుపై ఆంత్రప్రెన్యూర్ అసహనం
- అమోథీ.. రాహుల్, ప్రియాంకల సంపద
- అదిరిపోయిన అందాలు.. తృప్తి అలా ఆయేషా ఇలా!
- ఓటుకు నోటు..అజిత్ పవార్ వర్గంపై నాన్ కాగ్నిజబుల్ కేసు నమోదు
- T20 WC: బుమ్రాకు విశ్రాంతి?.. పొలార్డ్ కీలక వ్యాఖ్యలు
Advertisement