మెదక్‌: ఆరు గ్యారంటీలు అమలయ్యే గ్రామాల్లో మేం ఓట్ల అడగమని, అమలు కాని గ్రామాల్లో మీరు ఓట్లు అడగొద్దని మాజీ మంత్రి హరీశ్‌రావు సవాల్‌ విసిరారు. సోమవారం నర్సాపూర్‌లో ఆయన విలేకరులతో మాట్లాడారు. అమలు కాని గ్యారెంటీలపై మాట్లాడిన రాహుల్‌గాం«దీకి, కేసీఆర్‌ను బూతులు తిడుతున్న రేవంత్‌రెడ్డికి ఓట్లతో బుద్ధి చెప్పాలని ప్రజలకు పిలుపునిచ్చారు. కాంగ్రెస్, బీజేపీలు అబద్ధాలకు పుట్టిన కవలలని విమర్శించారు.ఎన్నికల్లో లబ్ధి పొందేందుకు కాంగ్రెస్‌ రిజర్వేషన్లు, బీజేపీ మతం పేరుతో ఓటర్లను రెచ్చగొడుతూ గ్లోబల్‌ ప్రచారం చేస్తున్నాయని మండిపడ్డారు. సీఎం రేవంత్‌రెడ్డి జిల్లాలను ఎత్తివేస్తానంటున్నారని, దీనిపై ప్రజలు ఆలోచించాలన్నారు. పదేళ్ల బీజేపీ పాలన కార్పొరేట్లకు దోచిపెట్టిందన్నారు. బీజేపీ అభ్యర్థి రఘునందన్‌రావు ఎన్నికలకు ముందు ఫేక్‌ వీడియోలు విడుదల చేసి ప్రజలను తప్పుదోవ పట్టించే ఆలోచనతో ఉన్నారని చెప్పారు.అనంతరం ఎమ్మెల్యే సునీతారెడ్డి మా ట్లాడుతూ.. బీఆర్‌ఎస్‌ నాయకులు, కార్యకర్తల జోలికి వస్తే సహించేది లేదన్నారు. హత్నూర మండలం రెడ్డిపాలెంలో పలువురికి బలవంతంగా కాంగ్రెస్‌ కండువాలు కప్పడంపై ఆగ్రహం వ్యక్తం చేశారు. ఈనెల 8న నర్సాపూర్‌లో నిర్వహించే రోడ్‌షోలో కేసీఆర్‌ పాల్గొంటారని, ప్రజలు పెద్ద ఎత్తున తరలిరావాలని పిలుపునిచ్చారు. కార్యక్రమంలో బీఆర్‌ఎస్‌ ఎంపీ అభ్యర్థి వెంకట్రాంరెడ్డి, నాయకులు సింగయ్యపల్లి గోపి, చంద్రగౌడ్, మన్సూర్, మున్సిపల్‌ చైర్మన్‌ అశోక్‌గౌడ్, పట్టణ అధ్యక్షుడు భిక్షపతి, సత్యంగౌడ్, నయీమ్, ఆంజనేయులుగౌడ్‌ తదితరులు పాల్గొన్నారు.ఇవి చదవండి: కాంగ్రెస్, బీఆర్ఎస్‌ల పోటీ.. రెండో స్థానం కోసమే! : కిషన్‌రెడ్డి

స్టేషన్‌ఘన్‌పూర్‌/రఘునాథపల్లి: ఎమ్మెల్యే కడియం శ్రీహరి అవినీతికి కేరాఫ్‌ అడ్రస్‌ అని, నమ్మించి మోసం చేయడంలో దిట్ట అని జనగామ ఎమ్మెల్యే పల్లా రాజేశ్వర్‌రెడ్డి అన్నారు. పార్లమెంట్‌ ఎన్నికల నేపథ్యంలో ఘన్‌పూర్‌ డివిజన్‌ కేంద్రంలో బీఆర్‌ఎస్‌ స్టేషన్‌ఘన్‌పూర్‌, చిల్పూరు మండలాల నాయకులు, ముఖ్య కార్యకర్తల సన్నాహక సమావేశాన్ని సోమవారం నిర్వహించారు. ఘన్‌పూర్‌ పార్టీ మండల అధ్యక్షుడు మాచర్ల గణేష్‌గౌడ్‌ అధ్యక్షతన నిర్వహించిన సమావేశానికి ముఖ్యఅతిథిగా పల్లా హాజరై మాట్లాడారు. నీతి నిజాయితీ ఉంటే ఎమ్మెల్యే పదవికి రాజీనామా చేయాలని డిమాండ్‌ చేశారు. అనంతరం మాజీ ఎమ్మెల్యే డాక్టర్‌ రాజయ్య మాట్లాడుతూ కడియం శ్రీహరి కులమే తప్పు అని, గత ముప్‌పై ఏళ్లుగా తప్పుడు కులంతో నియోజకవర్గాన్ని జలగలా పట్టి పీడిస్తున్నాడన్నారు. ఈ కార్యక్రమంలో రాజయ్య సతీమణి ఫాతిమామేరి, పార్టీ నాయకులు ఎడవెల్లి కృష్ణారెడ్డి, ఆకుల కుమార్‌, మనోజ్‌రెడ్డి, పి.మహేందర్‌రెడ్డి, తాటికొండ సురేష్‌, నర్సింహారెడ్డి, ఎ.మల్లేశం, ఎన్నకూస రాంనర్సయ్య, పొన్నం మధు, జనగాం యాదగిరి, గాదె రాజు, ఒగ్గు రాజు, గుండె మల్లేష్‌, సంజీవ, కె.కుమార్‌, ఎం.రాజు, సంజీవ తదితరులు పాల్గొన్నారు. అలాగే రఘునాథపల్లి మండలం యశ్వంతాపూర్‌లోని జిల్లా కార్యాలయంలో పార్టీ మండల అధ్యక్షుడు వారాల రమేష్‌ అధ్యక్షతన జరి గిన సన్నాహక సమావేశంలో వారు పాల్గొని మాట్లాడారు. సమావేశంలో బీఆర్‌ఎస్‌ నియోజకవర్గ కో ఆర్డినేటర్‌ కుమార్‌గౌడ్‌ తదితరులు పాల్గొన్నారు. ఎమ్మెల్యే పల్లా రాజేశ్వర్‌రెడ్డి

పాలకుర్తి/కొడకండ్ల: ఆదివారం రాత్రి భారీగా కురిసిన వర్షాలకు నష్టపోయిన రైతులకు పరిహారం అందించి ఆదుకుంటామని ఎమ్మెల్యే యశస్వినిరెడ్డి, నియోజకవర్గ కాంగ్రెస్‌ పార్టీ ఇన్‌చార్జ్‌ ఝాన్సీ రాజేందర్‌ రెడ్డి అన్నారు. సోమవారం ఈదురుగాలులు, వడగళ్ల వర్షానికి నష్టపోయిన బాధిత రైతులను వారు పరామర్శించారు. క్షేత్రస్థాయిలో నేలరాలిన మామిడి కాయలను పరిశీలించారు. అ నంతరం వారు మాట్లాడుతూ అకాల వర్షానికి జరిగిన నష్టం తీవ్రతను కలెక్టర్‌కు వివరించడం జరిగిందన్నారు. త్వరలోనే అంచనా వేసి నష్టపరిహారం అందించేందుకు కృషి చేస్తామన్నారు. ఈ కార్యక్రమంలో బ్లాక్‌ కాంగ్రెస్‌ అధ్యక్షుడు రాపాక సత్యనారాయణ, మండల కార్యదర్శి గిరగాని కుమారస్వామి, పీఏసీఎస్‌ చైర్మన్‌ కాకిరాల హరిప్రసాద్‌, తిరుపతి రెడ్డి తదితరులు ఉన్నారు. ఎమ్మెల్యే యశస్వినిరెడ్డి

బచ్చన్నపేట: బీఆర్‌ఎస్‌ పార్టీలో నిబద్ధతతో పని చేసిన ప్రతీ నాయకుడు, కార్యకర్తకు తగిన గుర్తింపు ఉంటుందని ఆ పార్టీ భువనగిరి పార్లమెంట్‌ అభ్యర్థి క్యామ మల్లేష్‌ అన్నారు. సోమవారం మండల కేంద్రంలోని ఓ గార్డెన్‌లో కార్యకర్తలు, నాయకుల ఆత్మీయ సమ్మేళనాన్ని నిర్వహించారు. ఈ సందర్భంగా ఆయన మాట్లాడుతూ పార్టీని వీడిన వారు చెత్తకుప్పల పాలవక తప్పదన్నారు. కాంగ్రెస్‌ పార్టీ అమలుకు సాధ్యం కాని హామీలను ఇచ్చి అధికారంలోకి వచ్చిందన్నారు. కార్యకర్తలు గడపగడపకూ తిరిగి బీఆర్‌ఎస్‌ చేసిన అభివృద్ధిని వివరించి ఎంపీ స్థానాన్ని గెలిపించుకోవాలన్నారు. ఈ కార్యక్రమంలో ఎమ్మెల్యే పల్లా రాజేశ్వర్‌రెడ్డి, జెడ్పీ చైర్‌పర్సన్‌ గిరబోయిన భాగ్యలక్ష్మి, పీఏసీఎస్‌ చైర్మన్‌ పులిగిళ్ల పూర్ణచందర్‌, వైస్‌ చైర్మన్‌ మద్దికుంట రాధ, రైతు బంధు సమితి జిల్లా మాజీ కోఆర్డినేటర్‌ ఇర్రి రమణారెడ్డి, మండల అధ్యక్షుడు బొడిగం చెంద్రారెడ్డి, ఎంపీటీసీ దూడల కనుకయ్య పాల్గొన్నారు.

రఘునాథపల్లి: కేంద్రంలో మరోసారి బీజేపీ అధికారంలోకి రావడం ఖాయమని బీజేపీ ఎంపీ అఽభ్యర్థి అరూరి రమేశ్‌ అన్నారు. సోమవారం మండలకేంద్రంలో ఏర్పాటు చేసిన కార్నర్‌ సమావేశంలో ఆయన మాట్లాడారు. అసెంబ్లీ ఎన్నికల సమయంలో కాంగ్రెస్‌ పార్టీ ప్రజలకు ఇచ్చిన హామీల అమలులో విఫలమైందన్నారు. తనను గెలిపిస్తే అన్ని రంగాల్లో అభివృద్ధి చేస్తానని హామీ ఇచ్చారు. అనంతరం మండలంలోని పలు గ్రామాలకు చెందిన కాంగ్రెస్‌, బీఆర్‌ఎస్‌ నాయకులు అరూరి రమేష్‌ సమక్షంలో బీజేపీలో చేరారు. కార్యక్రమంలో రాష్ట్ర నాయకుడు మాదాసి వెంకటేష్‌, కావటి ముత్యాలు, మండల అధ్యక్షుడు పుప్పాల వేణుకుమార్‌, ఉపేందర్‌, వెంకట్‌రెడ్డి, వెంకటేశంయాదవ్‌, మల్కపురం శ్రీకాంత్‌, వెంకటేష్‌, దొరగొల్ల రవి తదితరులు పాల్గొన్నారు. స్టేషన్‌ఘన్‌పూర్‌: కడియం శ్రీహరి దళిత ద్రోహి అని, ఉమ్మడి వరంగల్‌ జిల్లాలో దళితులకు అన్యాయం చేసిన మొదటి వ్యక్తి కడియం అని వరంగల్‌ పార్లమెంట్‌ బీజేపీ అభ్యర్థి అరూరి రమేశ్‌ అన్నారు. మండలంలోని తాటికొండ, ఇప్పగూడెం, స్టేషన్‌ఘన్‌పూర్‌ గ్రామాల్లో సోమవారం నిర్వహించిన ఎన్నికల ప్రచారంలో పాల్గొని మాట్లాడారు. జఫర్‌గఢ్‌: మండల కేంద్రంలో ఎంపీ అభ్యర్థి రమే్‌శ్‌ ఎన్నికల ప్రచారాన్ని సోమవారం నిర్వహించారు. ఈ సందర్భంగా పార్టీ శ్రేణులు, ప్రజలు పెద్ద ఎత్తున స్వాగతం పలికారు. అనంతరం గాంధీ సెంటర్‌ వరకు భారీ ర్యాలీ నిర్వహించారు. వరంగల్‌ ఎంపీ అభ్యర్థి అరూరి రమేశ్‌