సాక్షి, వాకాడు (నెల్లూరు): రోజూ తెల్లవారు జామున మూడు గంటలకే మత్స్యకారులు సముద్ర తీరానికి చేరుకుని గంగమ్మతల్లికి పూజలు నిర్వహించి, వేటకు బయలుదేరుతారు. అయితే చేపల జాడ కనిపించక ఒట్టి చేతులతో దరికి చేరుకోవాల్సి వస్తోంది. 61 రోజులపాటు బోసిపోయిన సముద్రతీరం నిషేధ ఆంక్షలు తొలగిన తరువాత కళ కళలాలి. అయితే ఒక్క చేప కూడా దొరక్కపోవడంతో ఖాళీ బోట్లు ఒడ్డుకు చేరుకుంటుండడంతో తీరం కళతప్పింది. మత్స్య సంపద ఏ వైపున అధికంగా ఉంటుందని సాగర పుత్రులకు అనుభవం ఉన్నప్పటికీ వారి అంచనాలు తప్పి నిరాశే ఎదురవుతోంది. రెండు వారాలుగా వాతావరణంలో మార్పు చోటు చేసుకుని సముద్రంపై హోరుగాలి, అలల ఉధృతి, సుడులు తిరగడం తదితర కారణాలతో వేట సజావుగా సాగడంలేదు. అలాగే కెరటాలు ఎగసి పడడంతో తీరం కోతకు గురవుతూ మత్స్యకారుల బోట్లు లోపలకు దిగలేని పరిస్థితి. ఎలాగోల వేటకెళ్లిన మత్స్యకారులు వేట సాగక రెండు గంటలకే కొద్దిపాటి మత్స్య సంపదతో నిరాశతో వెనుతిరిగి, ఒడ్డుకు చేరుకుంటున్నారు. సంధి కాలంలో చేపలు గుడ్లు పెట్టి సముద్రంలో మత్స్య సంపద వృద్ధి చెంది విలువైన మత్స్య సంపద దండిగా దొరుకుతుందని భావించిన మత్స్యకారుల అంచనాలు తారుమారవుతున్నాయి. జిల్లాలో మత్స్యకార మండలాలు 12 మత్స్యకార గ్రామాలు 118 మత్స్యకార జనాభా 2 లక్షలు కుటుంబాలు 80 వేలు మరబోట్లు 40 సాధారణ, ఇంజిన్‌ బోట్లు 5 వేలు చిన్న పీతలే.. సముద్రంలో ఎంతటి విపత్కర పరిస్థితుల్లోనైనా కానా కచ్చేడి చేపలు దొరకడం సర్వ సాధారణమని మత్స్యకారులు అంటున్నారు. ప్రస్తుతం చిన్న పీతలు తప్ప చేపలు దొరకడం లేదని మత్స్యకారులు వాపోతున్నారు. జిల్లాలో 12 తీర ప్రాంత మండలాలున్నాయి. కావలి, అల్లూరు, విడవలూరు, కొడవలూరు, ఇందుకూరుపేట, తోటపల్లి గూడూరు, ముత్తుకూరు, చిల్లకూరు, వాకాడు, కోట, సూళ్లూరుపేట, తడ మండలాల్లో ఇదే పరిస్థితి నెలకొంది. వేట సాగకపోవడంతో 86 వేల మత్స్యకార కుటుంబాల జీవనం కష్టతరంగా మారింది. దీంతో జిల్లాలోని 40 మర పడవలు, 5 వేలకు పైగా ఇంజిన్, సాధారణ బోట్లు ఒడ్డున లంగరేసి ఉన్నాయి. నేటి ఆధునిక ప్రపంచంలో పూట గడవడానికి అనేక మార్గాలు ఉన్నప్పటికీ మత్స్యకారులు తమ కుల వృత్తినే నమ్ముకుని కడలిపై బతుకు నావ సాగిస్తున్నారు. ఈ క్రమంలో మూడేళ్లుగా ప్రకృతి విపత్తులు, ప్రతికూల వాతావరణం వెరసి అరకొర వేటతో గంగపుత్రులు దుర్భర జీవితాలు గడుపుతున్నారు. ప్రతి ఏటా చేపల పునరుత్పత్తి సమయంలో ప్రభుత్వం అందించే పరిహారం గత రెండేళ్లుగా అందడం లేదు. పొరుగు రాష్ట్రాల నుంచి మరబోట్లు, యాంత్రీకరణ పడవలు జిల్లా తీరం వెంబడి సముద్రంలో వేట చేయడంతో మత్స్య సంపద నసించిపోతోంది. కనుక పొరుగు రాష్ట్రాల మరబోట్లు వేటను పూర్తిగా నిలుపుదల చేయాలని ఇరు రాష్ట్రాల మధ్య ఒప్పందం ఉన్నప్పటికీ దానిని బేఖాతరు చేసి వేట సాగిస్తున్నారు. చేపలు దొరకడం లేదని జిల్లా మత్స్యకారులు ఆందోళన వ్యక్తం చేస్తున్నారు. ముఖ్యమంత్రిగా వైఎస్‌ జగన్‌మోహన్‌రెడ్డి బాధ్యతలు చేపట్టడంతో మత్స్యకారుల్లో ఆనందోత్సాహం నెలకొంది. తమకు సీఎం సాయం అందించి ఆదుకుంటారని ఆశాభావం వ్యక్తం చేస్తున్నారు. ఒక్క చేప కూడా పడడంలేదు  వేట విరామం తరువాత మత్స్య సంపద బాగా దొరుకుతుందని ఎంతో ఆశతో 15 రోజులుగా వేట సాగిస్తున్నాం. రోజంతా గాలించినా ఒక్క చేప కూడా దొరకడం లేదు. తెల్లవారు జామున నాలుగు గంటలకు సముద్రంపై వేటకు వెళ్లాం. నాలుగు గంటలకు పైగా సముద్రంపై గాలించినా చిన్న పీతలు తప్ప ఒక్క చేపకూడా దొరకలేదు. బోటు డీజిల్‌ ఖర్చు తప్ప ఆదాయం లేదు. – దక్షాది సతీష్, మత్స్యకారుడు, తూపిలిపాళెం మత్స్య సంపదను దోచుకెళ్తున్నారు  సముద్రంపై పొరుగు రాష్ట్రాల మత్స్యకారులు మరపడవలతో వేటాడి ఉన్న మత్స్యసంపదనంతా దోచుకెళ్తున్నారు. రోజంతా వేట చేసినా ఒక్క చేప చిక్కడం లేదు. రెండు వారాలుగా వాతావరణంలో మార్పు కారణంగా సముద్రంపై పోరుగాలి, అలల ఉద్ధృతి అధికంగా ఉంది. దీంతో వేట సక్రమంగా సాగడం లేదు. సాధారణంగా వేట నిషేధం తరువాత రింగు వలకు ఖరీదైన చేపలు దొరుకుతాయి. అలాంటిది ఈ సారి ఒక్క చేప కూడా దొరక లేదు. ఖాళీ వలతో వెనుతిరిగి రావాల్సి వస్తోంది. – కె కనకయ్య, మత్స్యకారుడు, తూపిలిపాళెం

పాలస్తీనా అనుకూల నిరసనలతో అమెరికాలోని ప్రముఖ యూనివర్సిటీలు అట్టుడుకుతున్నాయి. గాజాపై ఇజ్రాయెల్‌ దాడులకు వ్యతిరేకంగా  పలు విశ్వవిద్యాలయాల్లోని విద్యార్థులు కొన్ని రోజులుగా ఆందోళనలను కొనసాగిస్తున్నారు. తరగతి గదులను బహిష్కరించి పాలస్తీనాకు సంఘీభావంగా, మద్దతుగా నిరసనల ప్రదర్శనలు నిర్వహిస్తున్నారు. దీంతో అనేక యూనివర్సిటీల్లో విద్యార్థులను పోలీసులు అరెస్ట్‌ చేస్తున్నారు.తాజాగా ప్రఖాత్య హార్వర్డ్‌ యూనివర్సిలో ఇజ్రాయెల్‌ వ్యతిరేక నిరసనలు మిన్నంటాయి. హార్వర్డ్‌ యార్డ్‌లోని జాన్‌ హార్వర్డ్‌ విగ్రహంపై పాలస్తీనా జెండాను నిరసనకారులు ఎగువేశారు. అమెరికన్‌ జెండా కోసం కేటాయించిన స్థలంలో పాలస్తీనా జెండాను ఎగరేయడం గమనార్హం. ఐవీ లీగ్ స్కూల్ క్యాంపస్‌లో కొనసాగుతున్న తమ ఆందోళనలను ముగించేందుకు నిరాకరించడంతో శనివారం ఈ చర్యకు పాల్పడ్డారు. మరోవైపు నిరసనకారులతో పోలీసులు ఉక్కుపాదం మోన్నారు. గత వారం న్యూయార్క్‌లోని కొలంబియా విశ్వవిద్యాలయంలో 100 మందికిపైగా నిరసనకారులను అరెస్ట్‌ చేసిన తర్వాత నిరసనలు తీవ్రతరమయ్యాయి. దీంతో నిరసనకారులను స్థానిక పోలీసులు ఎక్కడిక్కడ అరెస్ట్‌ చేసి స్టేషన్లకు తరలిస్తున్నారు. గత పదిరోజుల వ్యవధిలో అమెరికా వ్యాప్తంగా ఉన్న వర్సిటీల్లో అరెస్ట్‌ల సంఖ్య 900కు చేరుకుంది. అమెరికా వ్యాప్తంగా కొనసాగుతోన్న ఆందోళనలపై అధ్యక్షుడు జో బైడెన్ స్పందించారు. ఆందోళనలు శాంతియుతంగా ఉండాలని, లేకుంటే కఠిన చర్యలు తప్పవని హెచ్చరించారు.    

ప్రపంచవ్యాప్తంగా ప్రధాని మోదీకి అంతకంతకూ ఆదరణ పెరుగుతోంది. ఈ నేపధ్యంలో తాజాగా బ్రిటన్‌లోని ప్రవాస భారతీయులు, బీజేపీ మద్దతుదారులు లండన్‌లో రన్ ఫర్ మోదీ ఈవెంట్‌ను నిర్వహించారు. దీనిలో పెద్ద సంఖ్యలో ఎన్నారైలు పాల్గొని బీజేపీపై, ప్రధాని మోదీపై తమకున్న ప్రత్యేక అభిమానాన్ని చాటుకున్నారు.2019 ఎన్నికల సమయంలోనూ  రన్‌ ఫర్‌ మోదీ కార్యక్రమాన్ని నిర్వహించినట్లు బీజేపీ యూకే ఓవర్సీస్ ఫ్రెండ్స్ ప్రధాన కార్యదర్శి సురేష్ మంగళగిరి తెలిపారు. నాడు కూడా ప్రజలు బీజేపీపై తమ అభిమానాన్ని  ఇదే రీతిలో వ్యక్తం చేశారన్నారు. బీజేపీపై, ప్రధాని మోదీపై ఎన్నారైలకు అమితమైన ప్రేమ ఉన్నదన్నారు.అయోధ్యలో రామమందిర నిర్మాణం, ఆర్టికల్ 370 తొలగింపు తదితర మంచి పనులను బీజేపీ చేపట్టిందని సురేష్‌ పేర్కొన్నారు. లండన్‌లో నిర్వహించిన రన్‌ ఫర్‌ మోదీ కార్యక్రమంలో పాల్గొన్న బీజేపీ మద్దతుదారులు  ఆ పార్టీ జెండాలను చేత పట్టుకుని ‘భారత్ మాతా కీ జై’ ‘వందేమాతరం’ అంటూ నినాదాలు చేశారు.  ఈ కార్యక్రమంలో 400కు పైగా ఎన్‌ఆర్‌ఐలు పాల్గొన్నారు. 

పొరుగు దేశం పాకిస్తాన్‌ రుణ సాయం కోసం మరోమారు చేయి చాచింది. పాక్‌ ప్రధాని షెహబాజ్ షరీఫ్ ఆదివారం అంతర్జాతీయ ద్రవ్యనిధి (ఐఎంఎఫ్) చీఫ్ క్రిస్టాలినా జార్జివాను కలుసుకున్నారు. ఈ సందర్భంగా ఆయన నగదు సంక్షోభాన్ని ఎదుర్కొంటున్న తమ దేశానికి కొత్త రుణం కోసం అభ్యర్థించారు.పాక్‌ మీడియా తెలిపిన వివరాల ప్రకారం వరల్డ్ ఎకనామిక్ ఫోరమ్ (డబ్ల్యుఇఎఫ్) సమావేశంలో పాక్‌కు మూడు బిలియన్ యూఎస్ డాలర్లు ఎస్‌బీఏ కింద అందించేందుకు ఐఎంఎఫ్‌ మద్దతు ఇచ్చినందుకు పాక్‌ ప్రధాని షెహబాజ్ షరీఫ్ కృతజ్ఞతలు తెలిపారు. ఈ వివరాలను పీటీవీ న్యూస్‌ సోషల్‌ మీడియా ప్లాట్‌ఫారం ‘ఎక్స్‌’లో తెలిపింది. కాగా స్టాండ్‌బై అరేంజ్‌మెంట్ (ఎస్‌బీఏ) కింద 1.1 బిలియన్ డాలర్ల రుణంపై తుది నిర్ణయం తీసుకునేందుకు ఐఎంఎఫ్‌ ఎగ్జిక్యూటివ్ బోర్డు సోమవారం సమావేశం కానుంది.గత ఏడాది జూన్‌లో జరిగిన ఐఎంఎఫ్‌ కార్యక్రమంలో పాకిస్తాన్ మూడు బిలియన్ డాలర్ల రుణం అందుకుంది. తాజాగా జరిగిన డబ్ల్యుఈఎఫ్‌ ప్రత్యేక సమావేశంలో పాక్‌ ప్రధాని షరీఫ్ ‘ప్రపంచ ఆరోగ్య అజెండాను పునర్నిర్వచించడం’పై జరిగిన చర్చా కార్యక్రమంలో పాల్గొన్నారు. ఈ సందర్భంగా ఆయన ఆరోగ్య సంరక్షణలో ప్రపంచ అసమానతలను ప్రస్తావించారు. 2003లో సౌదీ అరేబియా వెళ్లినప్పుడు తనకు క్యాన్సర్ సోకిందని షరీఫ్ తెలిపారు. ఆ తర్వాత న్యూయార్క్‌కు వెళ్లి వేల డాలర్లు వెచ్చించి శస్త్రచికిత్స చేయించుకోవాల్సి వచ్చిందని తెలిపారు. ఇంతటి ఖరీదైన చికిత్సను తమ దేశంలోని ప్రజలు భరించలేరని తెలిపారు.తాను పాకిస్తాన్‌కు తిరిగి వచ్చినప్పుడు, పంజాబ్ ప్రావిన్స్‌కు ముఖ్యమంత్రిగా ఎన్నికయ్యానని, తమ ప్రభుత్వం కిడ్నీ, కాలేయ వ్యాధులతో పాటు క్యాన్సర్‌ చికిత్సకు సంబంధించిన ప్రత్యేక ఆసుపత్రులను నిర్మించిందని షాబాజ్ చెప్పారు. కరోనా మహమ్మారి ప్రపంచంలోని ఆరోగ్య అసమానతలను, లోపాలను బహిర్గతం చేసిందని షరీఫ్ పేర్కొన్నారు.

దుబాయ్‌లో మరో అద్భుతం ఆవిష్కృతం కానుంది. ప్రపంచంలోనే అత్యంత పెద్దదైన అంతర్జాతీయ విమానాశ్రయాన్ని దుబాయ్‌లో నిర్మించబోతున్నారు. ఈ మేర‌కు దుబాయ్ రాజు షేక్ మొహమ్మద్ బిన్ రషీద్ అల్ మక్తూమ్ ప్ర‌క‌ట‌న చేశారు. దీని కోసం 35 బిలియన్‌ డాలర్లు (రూ.2.9 లక్షల కోట్లు) ఖర్చు చేయనున్నారు.వివరాల ప్రకారం.. దుబాయ్‌లో ప్ర‌పంచంలోనే అతిపెద్ద విమానాశ్ర‌యం నిర్మించచోతున్నారు. ఈ విషయాన్ని దుబాయ్‌ రాజు షేక్‌ మహమ్మద్‌ బిన్‌ రషీద్‌ అల్‌ మక్తోమ్‌ ఆదివారం ప్రకటించారు. ఈ విమానాశ్రయం పేరును అల్ మక్తూమ్ అంతర్జాతీయ విమానాశ్రయంగా పిల‌వ‌నున్న‌ట్లు ఆయ‌న తెలిపారు. ఇది ఈ విమానాశ్రయాం నిర్మించడానికి 35 బిలియన్‌ డాలర్లు (రూ.2.9 లక్షల కోట్లు) ఖర్చు చేయనున్నారు. ఏడాదికి 260 మిలియన్ల మంది రాక‌పోక‌లు కొన‌సాగించేలా ఈ విమానాశ్ర‌యాన్ని నిర్మిస్తున్న‌ట్లు పేర్కొన్నారు.ఒక్క ఏడాదిలో దాదాపు 260 మిలియన్ల మంది ప్రయాణీకులు ఈ ఎయిర్‌పోర్టు ద్వారా ప్ర‌యాణాలు కొన‌సాగించ‌వ‌‍చ్చన్నారు. ఈ విమానాశ్రయంలో ఐదు సమాంతర రన్‌వేలు, 400 ఎయిర్‌క్రాఫ్ట్‌ గేట్స్‌ దీని ప్రత్యేకతలుగా చెప్పారు. కాగా, అల్ మక్తూమ్ ఇంటర్నేషనల్ ఎయిర్‌పోర్ట్ ప్ర‌స్తుత‌ దుబాయ్ ఇంటర్నేషనల్ ఎయిర్‌పోర్ట్ కంటే ఐదు రెట్లు పెద్దదిగా ఉంటుంది. రాబోయే సంవత్సరాల్లో దుబాయ్ ఎయిర్‌పోర్టు నుండి అన్ని కార్యకలాపాలు అల్ మక్తూమ్‌కు బదిలీ చేయడం జ‌రుగుతుంద‌ని స్పష్టం చేశారు. Today, we approved the designs for the new passenger terminals at Al Maktoum International Airport, and commencing construction of the building at a cost of AED 128 billion as part of Dubai Aviation Corporation's strategy.Al Maktoum International Airport will enjoy the… pic.twitter.com/oG973DGRYX— HH Sheikh Mohammed (@HHShkMohd) April 28, 2024 ఇక, ఈ ఎయిర్‌పోర్టు ఫ్లాగ్‌షిప్ క్యారియర్ ఎమిరేట్స్, లోబడ్జెట్‌ విమానయాన సంస్థ ఫ్లైదుబాయ్‌తో పాటు ప్రపంచాన్ని దుబాయ్‌కి, బయటికి కనెక్ట్ చేసే అన్ని ఎయిర్‌లైన్ భాగస్వాములకు కొత్త డెస్టినేష‌న్‌ కానుందని దుబాయ్ ప్రభుత్వ ఎయిర్‌లైన్ ఎమిరేట్స్ చైర్మన్ షేక్ అహ్మద్ బిన్ సయీద్ అల్-మక్తూమ్ వెల్ల‌డించారు. ఈ నిర్మాణం ప్రపంచ వేదికపై ప్రముఖ ఏవియేషన్ హబ్‌గా దుబాయ్ స్థానాన్ని మరింత పటిష్టం చేస్తుందని దుబాయ్ ఎయిర్‌పోర్ట్స్ సీఈఓ పాల్ గ్రిఫిత్స్ తెలిపారు. 

జంతువుల్లో ప్రాణాంతకమైన బర్డ్‌ఫ్లూ వైరస్‌ అమెరికాలో మనిషికి సోకడం భయాందోళన కలిగిస్తోంది. వైరస్‌ ఆనవాళ్లు మనుషులు తాగే ఆవు పాలలో కనిపించడంతో అందరూ భయాందోళన చెందుతున్నారు. ఈ నేపథ్యంలో అమెరికా ఆరోగ్య శాఖ అధికారులు కీలక విషయం చెప్పారు.యూఎస్‌ స్టోర్లలో విక్రయిస్తున్న పాలు బర్డ్ ఫ్లూ నుండి సురక్షితమైనవని అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ వెల్లడించింది. ఎందుకంటే ఈ పాలను పాశ్చరైజేషన్ చేస్తారని, పాశ్చరైజేషన్ వ్యాధిని ప్రభావవంతంగా చంపుతుందని పేర్కొన్నారు.అత్యంత వ్యాధికారక ఏవియన్ ఇన్‌ఫ్లుయంజా (HPAI) వ్యాప్తి దేశవ్యాప్తంగా పాడి పశువుల మందల ద్వారా వ్యాపించింది. తేలికపాటి లక్షణాలతో ఒక వ్యక్తికి సోకింది. దీంతో దేశవ్యాప్తంగా అన్ని పాల విక్రయ సంస్థల నుంచి నమూనాలను ఎఫ్‌డీఏ పరీక్షించింది. ఇందులో ప్రతి ఐదు శాంపిల్స్‌లో ఒక దాంట్లో వైరస్‌ ఆనవాళ్లు కనిపించాయని ఎఫ్‌డీఏ పేర్కొంది.అయితే పాశ్చరైజేషన్ ప్రక్రియ కారణంగా వైరస్ పాల ద్వారా ఆరోగ్యానికి హాని కలిగించే అవకాశం లేదని ఎఫ్‌డీఏ ప్రకటించింది. దీనిపై మరిన్ని పరీక్షలు అవసరమని పేర్కొంది. హెచ్‌పీఏఐని నిష్క్రియం చేయడంలో పాశ్చరైజేషన్ ప్రభావవంతంగా ఉంటుందిని ప్రాథమిక ఫలితాల్లో గుర్తించినట్లు ఎఫ్‌డీఏ వెల్లడించింది. ఇంతకుముందు బర్డ్ ఫ్లూ ఆనవాళ్లు పచ్చి పాలలో కనుగొనడంతో ఆరోగ్య అధికారులు పచ్చి పాలను తాగొద్దని సూచించారు.