న్యూయార్క్‌: అమెరికాలోని న్యూయార్క్‌లో ఓ ఐదంతస్తుల భవనంలో భారీ అగ్నిప్రమాదం సంభవించింది. ఈ ప్రమాదంలో ఏడాదిన్నర వయసున్న ఓ చిన్నారి సహా 12 మంది ప్రాణాలు కోల్పోగా, నలుగురు తీవ్రంగా గాయపడ్డారు. భవనంలో చిక్కుకున్న 12 మందిని సహాయక బృందాలు రక్షించాయి. బ్రాంక్స్‌ ప్రాంతంలో ఉన్న ప్రాస్పెక్ట్‌ అవెన్యూ అపార్ట్‌మెంట్‌లోని మొదటి అంతస్తులో స్థానిక కాలమానం ప్రకారం గురువారం సాయంత్రం 6.50 గంటల సమయంలో మంటలు చెలరేగినట్లు అధికారులు తెలిపారు. దాదాపు 160 మంది అగ్నిమాపక సిబ్బంది కష్టపడి మంటల్ని అదుపులోకి తీసుకొచ్చారు. గత పాతికేళ్లలో న్యూయార్క్‌లో సంభవించిన ఘోర అగ్నిప్రమాదమని నగర మేయర్‌ బిల్‌ డే బ్లాసియో తెలిపారు.
TV
