సత్తెనపల్లి: సత్తెనపల్లి మున్సిపాలిటీగా ఆవిర్భవించి 40 ఏళ్లు పూర్తయింది. తొలుత 17 వార్డులు, 30వేల జనాభాతో మూడో గ్రేడ్‌ మున్సిపాలిటీగా ప్రస్థానం మొదలైంది. ప్రస్తుతం 31 వార్డులతో 56,663 మంది జనాభాతో రెండో గ్రేడ్‌ మున్సిపాలిటీగా అప్‌గ్రేడ్‌ అయ్యింది. ఈ మున్సిపాలిటీకి ఇప్పటి వరకు నలుగురు చైర్మన్లు పాలించారు. వీరిలో వెలుగూరి విజయవెంకటలక్ష్మీనారాయణ, కొడాలి ఉమాదేవి, కొల్లిపర కాశీవిశ్వనాధం, గంటా సరస్వతి, యెల్లినేడి రామస్వామిలు పాలించారు. ముగ్గురు ఆర్యవైశ్యులు కాగా, ఒక్కరు బీసీ, ఒక్కరు కమ్మ సామాజిక వర్గానికి చెందిన వారు. రెండో సారి పాలించే అవకాశం ఇప్పటి వరకు ఎవరికి రాలేదు. ప్రస్తుతం చల్లంచర్ల లక్ష్మీతులసీ మున్సిపల్‌ చైర్‌పర్సన్‌గా కొనసాగుతున్నారు. ఈమె ఆర్యవైశ్య సామాజికవర్గానికి చెందిన వారు. పట్టణంలో రూ.367.96 కోట్లతో సంక్షేమాభివృద్ధి పట్టణంలో మునుపెన్నడూ లేని విధంగా రూ.367,96,82,268తో సంక్షేమాభివృద్ధి చేపట్టారు. 29 సంక్షేమ పథకాల ద్వారా డీబీటీ కింద 67,876 మందికి రూ.216,77,69, 454 లబ్ధి చేకూరగా .. నాన్‌ డీబీటీ కింద 14,495 మందికి రూ.124,98,55,656 లబ్ధి చేకూరింది. డీబీటీ, నాన్‌డీబీటీ కింద 82,371 మందికి రూ.341,76,25,110 లబ్ధి చేకూరింది. ఇక అభివృద్ధి విషయానికి వస్తే రూ.262,05,7,158 ఖర్చు చేశారు. వీటిల్లో ప్రధానంగా విద్య, వైద్యం, వ్యవసాయానికి ప్రాధాన్యం ఇచ్చారు. విద్య, వైద్య రంగాల్లో విప్లవాత్మక మార్పులకు శ్రీకారం చుట్టారు. పట్టణంలో 30 ఏళ్లుగా పేరుకుపోయిన డంపింగ్‌ యార్డ్‌ల్లోని చెత్తా చెదారాన్ని శాసీ్త్రయ పద్ధతిలో తొలగించారు. ఏరియా వైద్యశాల అభివృద్ధితోపాటు రెండు ఆక్సిజన్‌ ప్లాంట్లు ఏర్పాటు చేశారు. నాడు–నేడు కింద పాఠశాలల రూపురేఖలు మార్చారు. మూడు వైఎస్సార్‌ అర్బన్‌ హెల్త్‌ సెంటర్‌ భవనాలను నిర్మించారు. మార్కెట్‌ యార్డ్‌ వద్ద అగ్రి టెస్టింగ్‌ ల్యాబ్‌ను నిర్మించారు. ప్రభుత్వ స్థలాలు అన్యాక్రాంతం కాకుండా 14వ వార్డులో రెండు మున్సిపల్‌ కాంప్లెక్స్‌లు నిర్మించారు. జల్లిపరిషత్‌ గెస్ట్‌హౌస్‌ చుట్టూ ప్రహరీ నిర్మాణం చేపట్టారు. ముస్లింలకు మసీదు స్ధలానికి ప్రత్యేకంగా హక్కులు కల్పించారు. చెక్‌పోస్ట్‌ వద్ద ముస్లింసోదరులకు గదుల నిర్మాణం చేపట్టారు. పట్టణంలో సీసీ రోడ్లు, డ్రెయిన్‌లు ... ఇలా ఎన్నో అభివృద్ధి పనులు చేపట్టారు. నాడు–నేడు కింద పాఠశాలల అభివృద్ధి అర్బన్‌ హెల్త్‌ సెంటర్లలో సకల సౌకర్యాలు

నరసరావుపేట: ఐదేళ్లుగా సంక్షేమ పథకాలు అందించిన ముఖ్యమంత్రి వైఎస్‌ జగన్‌మోహన్‌రెడ్డికి కాపులు మళ్లీ ఓటువేసి రుణం తీర్చుకోవాలని ఎమ్మెల్యే డాక్టర్‌ గోపిరెడ్డి శ్రీనివాసరెడ్డి పేర్కొన్నారు. బుధవారం స్థానిక జమిందారు ఫంక్షన్‌ హాలులో కనీసవేతన చట్టం అమలు జిల్లా సభ్యులు రామిశెట్టి కొండ, పార్టీ జిల్లా కోశాధికారి ఎన్‌కే ఆంజనేయులు ఆధ్వర్యంలో నిర్వహించిన కాపు, తెలగ, బలిజ ఆత్మీయుల సమావేశానికి ముఖ్యఅతిథిగా విచ్చేసి మాట్లాడారు. సినీ అభిమానం వేరు, రాజకీయం వేరు అన్నారు. పవన్‌ కల్యాణ్‌పై అభిమానం ఉండొచ్చునని, అతనికి ముఖ్యమంత్రి పదవిలో వాటా ఇచ్చి ఉంటే కాపులు అతడికి ఓటువేయటంలో ధర్మం ఉందన్నారు. చంద్రబాబునాయుడు జైలులో ఉండగా టీడీపీ చనిపోయే దశకు వచ్చిందన్నారు. అలాంటి పరిస్థితుల్లో ఆ పార్టీని బతికించాడన్నారు. బతికించిన పవన్‌కు కనీసంగా 40సీట్లు, సీఎం పదవి ఇవ్వాల్సి ఉండగా 21 సీట్లు ఇచ్చి వాటిలో పది సీట్ల వరకు టీడీపీ వారినే పోటీ చేయిస్తున్నాడన్నారు. అతడిని రాజకీయంగా వాడుకుంటున్నాడే కాని అతడికి న్యాయం చేయాలనే ఆలోచన బాబుకు లేదన్నారు. కాపు నేస్తం చంద్రబాబు ఏనాడు ఇవ్వలేదన్నారు. డెప్యూటీ సీఎం పదవితోపాటు మంత్రివర్గంలో ఐదుగురు కాపులకు సీఎం జగన్‌ అవకాశం ఇచ్చారన్నారు. కాపులకు రిజర్వేషన్‌ కోసం ముద్రగడ పద్మనాభం ఉద్యమం చేస్తే పోలీసులచేత చంద్రబాబు అవమానింపచేశాడన్నారు. రైలు దగ్ధం చేయించాడన్నారు. ఆ సమయంలో పెట్టిన కేసులను సీఎం జగన్‌ రద్దు చేయించాడని గుర్తు చేశారు. ఎంపీగా పోటీచేస్తున్న డాక్టర్‌ పి.అనీల్‌కుమార్‌యాదవ్‌, తనకు ఫ్యాన్‌గుర్తుపై ఓటేసి గెలిపించాలని కోరారు. విజయవాడ వైఎస్సార్‌ సీపీ కాపు నాయకుడు వంగవీటి నరేంద్ర మాట్లాడుతూ దివంగత ఎమ్మెల్యే వంగవీటి మోహనరంగాను అతి కిరాతకంగా టీడీపీ గుండాలు చంపారని అన్నారు. తమతోపాటు వంగవీటి అనుచరులపై కేసులు పెట్టించి చదువులు ముందుకు సాగకుండా చేశారన్నారు. జనసేన తరపున పోటీచేసేందుకు టీడీపీకి చెందిన కాపు నాయకులకే సీట్లు దక్కాయన్నారు. సీఎం జగన్‌ కాపులకు ఇళ్లపట్టాలు, కాపునేస్తంతోపాటు అనేక సంక్షేమ పథకాలు అందజేశారన్నారు. సంక్షేమం అందజేసిన సీఎం జగన్‌పై కాపులు విశ్వాసం చూపించాలని కోరారు. ఎమ్మెల్యే అభ్యర్థిగా పోటీ చేస్తున్న డాక్టర్‌ గోపిరెడ్డిని గెలిపించుకుంటే భవిష్య త్‌ బాగుంటుందని అన్నారు. జీడీసీసీ బ్యాంకు చైర్మన్‌ రాతంశెట్టి సీతారామాంజనేయులు(లాలుపురం రాము) మాట్లాడుతూ కుల వివక్షలేని వ్యక్తి సీఎం జగన్‌ అన్నారు. కాపులకు సీఎం జగన్‌ పాలనలోనే రక్షణ ఉంటుందనేది గుర్తుపెట్టుకోవాలన్నా రు. సీనియర్‌ నాయకులు చందు సాంబశివరావు, గాలం కోటేశ్వరరావు, ఉప్పాల శ్రీనివాసరావు, కంచర్ల రామకోటేశ్వరరావు, నిమ్మిశెట్టి తిప్పరయ్య, ఐలా ఉమాలు, బండి వాసంతి, కోవూరి నాగరాజు, బొబ్బిలి నాయుడు పాల్గొన్నారు. కాపుల ఆత్మీయ సమావేశంలో ఎమ్మెల్యే అభ్యర్ధి డాక్టర్‌ గోపిరెడ్డి వంగవీటి రంగాను చంపింది టీడీపీ గుండాలే ఆత్మీయ సమావేశంలో వెల్లడించిన వంగవీటి నరేంద్ర

రెంటచింతల: గ్రామంలో వైఎస్సార్‌సీపీ బలోపేతానికి పార్టీ కార్యకర్తలు, అభిమానులు, నాయకులందరితో కలిసి సమిష్టిగా కృషి చేసి రానున్న సార్వత్రిక ఎన్నికల్లో పార్టీ అభ్యర్ధుల గెలుపునకు కృషి చేయాలని ప్రభుత్వ విప్‌,మాచర్ల ఎమ్మెల్యే పిన్నెల్లి రామకృష్ణారెడ్డి అన్నారు. బుధవారం రాత్రి మండలంలోని తుమృకోట గ్రామంలో 20 కుటుంబాల వారికి వైఎస్సార్‌సీపీ కండువా కప్పి ప్రభుత్వ విప్‌ పార్టీలోకి ఆహ్వానించి మాట్లాడారు. ముఖ్యమంత్రి జగన్‌ మోహన్‌ రెడ్డి అమలు చేస్తున్న సంక్షేమ పథకాలను గ్రామంలో పార్టీలకతీతంగా అర్హులైన ప్రతి ఒక్కరికీ అందచేసి పార్టీ బలోపేతానికి కృషి చేయాలన్నారు. చిన్న చిన్న సమస్యలు ఉన్నా మనసులో పెట్టుకోకుండా తన దృష్టికి తీసుకురావాలన్నారు. మే 13 న నిర్వహించే సార్వత్రిక ఎన్నికల్లో గెలుపే లక్ష్యంగా ముందుకు సాగాలన్నారు. మళ్లీ జగనన్నను సీఎంగా చేసుకుంటేనే సంక్షేమ పథకాలు కొనసాగుతాయని ప్రజలకు వివరించాలన్నారు. కార్యక్రమంలో సర్పంచ్‌ మీరావత్‌ నలబాలునాయక్‌, ఎంపీపీ పాముల సంపూర్ణమ్మ, మాజీ సర్పంచ్‌ పోట్ల ముత్తయ్య, సోసైటీ అధ్యక్షులు మేకల మల్లయ్య, ఎంపీటీసీలు షేక్‌ షైదా, షేక్‌ జానీభాష, నేతలు పోట్ల శ్రీనివాసరావు, కారంపూడి నన్నె, కర్రా సత్యానందం, మహ్మద్‌ షరీప్‌, మేకల గోపి, షేక్‌ సైసావలి, ముక్కా శ్రీను తదితరులున్నారు. ప్రభుత్వ విప్‌ పిన్నెల్లి రామకృష్ణారెడ్డి తుమృకోటలో 20 కుటుంబాలు టీడీపీని వీడి వైఎస్సార్‌లో చేరిక

మాచర్ల: అట్టడుగు వర్గాల అభివద్ధే లక్ష్యంగా అభివద్ధి, సంక్షేమం రెండు కళ్ళుగా భావించి పరిపాలన సాగించిన జగనన్నకు మరోసారి అండగా నిలిచి సంక్షేమ ప్రభుత్వాన్ని ఏర్పరచుకుందామని పల్నాడు జిల్లా వైఎస్సార్‌సీపీ అధ్యక్షుడు, ప్రభుత్వ విప్‌ పిన్నెల్లి రామకృష్ణారెడ్డి కోరారు. గురువారం పట్టణంలోని 7వ వార్డు లో ప్రభుత్వ విప్‌ పిఆర్కే ఎన్నికల ప్రచారం నిర్వహిస్తున్న సమయంలో వార్డుకు చెందిన 20 కుటుంబాల వారు టీడీపీని వీడి వైఎస్సార్‌సీపీలో చేరిన సందర్భంగా ఆయన మాట్లాడారు. ఎస్సీ, ఎస్టీ, బీసీ, మైనారిటీల సంక్షేమం కోసం కోట్లాది రూపాయలను వెచ్చించి గ్రామాల్లోనే సచివాలయం, రైతు భరోసా, వైఎస్సార్‌ క్లినిక్‌లు ఏర్పాటు చేసి ప్రజల వద్దకే అధికారం తీసుకువచ్చి సంక్షేమ పాలన అందించిన జగనన్నను మళ్ళీ సీఎంగా చేసుకుందామన్నారు. ఈ కార్యక్రమంలో వైఎస్సార్‌సీపీ నాయకులు కొమ్మారెడ్డి చలమారెడ్డి, మార్కెట్‌ యార్డు మాజీ చైర్మన్‌ యరబోతుల శ్రీనివాసరావు, కౌన్సిలర్‌ మందా సంతోష్‌, వేముల కళ్యాణి, పలువురు నాయకులు, కార్యకర్తలు, అభిమానులున్నారు.

పిడుగురాళ్ల: పల్నాడు జిల్లాల్లోనే బెస్ట్‌ రెసిడెన్షియల్‌ కాలనీగా ఆక్స్‌ఫర్డ్‌ని ఒక్క సంవత్సరంలోనే చేయబోతున్నామని వైఎస్సార్‌సీపీ గురజాల నియోజకవర్గ ఎమ్మెల్యే అభ్యర్ధి కాసు మహేష్‌రెడ్డి అన్నారు. పట్టణ శివారులోని ఆక్స్‌ఫర్డ్‌ రెసిడెన్షియల్‌ నందు ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. ఆక్స్‌ఫర్డ్‌ రెసిడెన్షియల్‌లో నివసించే ప్రజలంతా వ్యాపారస్తులేనని, వారు జానపాడు రైల్వే బ్రిడ్జి లేక నానా ఇబ్బందులు పడుతున్నారని, దీనిని గమనించే తాము రూ. 52 కోట్లతో రైల్వే గేటు వద్ద రైల్వే బ్రిడ్జి నిర్మాణం పనులు జరుగుతున్నాయని, వచ్చే 12 నెలల్లో రైల్వే బ్రిడ్జి నిర్మించి శాశ్వత పరిష్కారం చూపించబోతున్నామన్నారు. అదేవిధంగా ఆక్స్‌ఫర్డ్‌ కాలనీ జానపాడు పరిధిలో ఉండటం వలన జానపాడు గ్రామానికి రూ. 4 కోట్లు కేటాయించిన ఇంటింటికి మంచినీటి అందిస్తున్నామని, దీనిలోనే రూ. 70, రూ. 80 లక్షలు ఖర్చు చేసి ప్రతి అపార్టుమెంట్‌లోని ఇంటింటికి పైపులైన్‌ ద్వారా కృష్ణా జలాలు అందిస్తామని ఆయన తెలిపారు. ఈ కార్యక్రమంలో గురజాల నియోజకవర్గ వైఎస్సార్‌సీపీ నాయకులు డాక్టర్‌ అశోక్‌కుమార్‌, వైఎస్సార్‌సీపీ నాయకులు మలబార్‌ హనిమిరెడ్డి, ముడేల రవీంద్రారెడ్డి, బోయా శ్రీనివాస్‌రెడ్డి, గున్నంరెడ్డి రమణారెడ్డి, పోట్లవల్లి నాగిరెడ్డి, ఈశ్వర్‌రెడ్డి, చంద్రారెడ్డి, పిచ్చిరెడ్డి, అక్కింరెడ్డి, బ్రహ్మం, సాంబశివరావు, గురజాల నియోజకవర్గ యూత్‌ నాయకుడు గొట్టెముక్కల పవన్‌రెడ్డి, వైఎస్సార్‌సీపీ నాయకులు, కార్యకర్తలు, అభిమానులు పాల్గొన్నారు.