హైదరాబాద్: విమెన్ మ్యాగజీన్ ‘జెఎఫ్డబ్ల్యు’ (జస్ట్ ఫర్ విమెన్) కవర్పేజీపై టాలీవుడ్ స్టార్ హీరోయిన్ సమంత మెరిసిపోతోంది. సన్నింగ్ లుక్ లో జెఫ్డబ్ల్యు ముఖచిత్రంపై చేనేత వస్త్రాల్లో దర్శనమిచ్చింది. దీంతో అటు నాగ చైతన్య , ఇటు సామ్ ఫ్యాన్స్ ఫిదా అయిపోతున్నారట. ఫాన్స్ ట్వీట్ చేసిన తాజా ఫోటోను సమంత రీట్వీట్ చేసింది.
ముచ్చటైన ప్రేమ పక్షులు నాగచైతన్య, సమంతల వివాహం ఈ అక్టోబర్ 6న గోవాలో వైభవంగా నిర్వహించన్నారని తెలుస్తోంది. అభిమానులతోపాటు, మొత్తం సినీ పరిశ్రమ ఆసక్తిగా వెయిట్ చేస్తున్న వీరి పెళ్లిని అక్టోబర్ 6 నుంచి 8 వరకు మూడు రోజుల పాటు ఘనంగా నిర్వహించనున్నారని టాలీవుడ్ టాక్.
కాగా ప్రస్తుతం రాజుగారి గది– 2, రామ్చరణ్కు జోడీగా వస్తున్న చిత్రాలతో బిజీగా ఉంది ఈ అమ్మడు. పెళ్లికి ముందే చేతిలో ఉన్న ప్రాజెక్టులను పూర్తి చేసి పెళ్లి పీటలెక్కేందుకు సన్నద్ధమవుతోంది. త్వరలోనే ప్రియుడు, హీరో నాగ చైతన్యతో ఏడుఅడుగులు వేయబోతున్న సమంత ఇటీవల ఫొటో షేరింగ్ సైట్ ఇన్ స్టాగ్రామ్లో పోస్ట్ చేసింది. ఈ ఫొటో షూట్కు సంబంధించిన ఫోటోలతో అభిమానులను విపరీతంగా ఆకట్టుకున్న సంగతి తెలిసిందే.
Our @Samanthaprabhu2 on the latest cover of JGW Magazine