TV
హీరోయిన్ కాజల్ అగర్వాల్‌పై నిర్మాత, హీరో ఉదయనిధి స్టాలిన్ తమిళ నిర్మాతల మండలికి ఫిర్యాదు చేశారు. ఉదయనిధి స్టాలిన్ ప్రస్తుతం ‘నన్బేణ్డా’ అనే చిత్రంలో హీరోగా నటిస్తున్నారు. ఈ చిత్రంలో హీరోయిన్‌గా తొలుత కాజల్ అగర్వాల్‌తో ఒప్పందం చేసుకుని రూ.40 లక్షలు అడ్వాన్స్‌గా చెల్లించారు. కొన్ని అవాంతరాల వల్ల కాజల్ స్టానంలో నయనతార వచ్చారు. ఉదయనిధి, నయనతార జంటగా చేస్తున్న ఈ చిత్రం షూటింగ్ ముగింపు దశకు చేరుకుంది. హీరోయిన్‌గా నటించనందున అడ్వాన్సుగా పుచ్చుకున్న మొత్తాన్ని వాపసు ఇవ్వాల్సిందిగా కాజల్‌ను ఉదయనిధి కోరారు. ఇందుకు నిరాకరించిన కాజల్ వచ్చే చిత్రంలో ఆ మొత్తాన్ని చెల్లింపు చేసుకొమ్మని బదులిచ్చారు. అనేక సార్లు ఒత్తిడి చేసినా అదే సమాధానం రావడంతో, కాజల్ అగర్వాల్ నుండి రూ.40లక్షలు ఇప్పించాల్సిందిగా కోరుతూ ఉదయనిధి స్టాలిన్ తమిళ నిర్మాతల మండలికి ఫిర్యాదు చేశాడు. త్వరలో విచారణ జరగనుంది.
