కేంద్ర ప్రభుత్వం తీసుకొస్తున్న భూసేకరణ చట్టం సవరణ బిల్లును ఆర్థికమంత్రి అరుణ్ జైట్లీ గట్టిగా సమర్థించారు. ఈ బిల్లు విషయంలో ప్రతిపక్షాలు చర్చను పక్కదారి పట్టిస్తున్నాయని అన్నారు. రాజ్యసభలో ఈ విషయంపై మాట్లాడిన ఆయన సుధీర్ఘ వివరణ ఇచ్చే ప్రయత్నం చేశారు. జైట్లీ మాటల్లో కొన్ని ముఖ్యాంశాలు ఇవీ..
బిల్లు విషయంలో చర్చను పక్కదోవ పట్టిస్తున్నారు.
మన దేశంలోకి వచ్చే పెట్టుబడులను పక్క దేశాలకు వెళ్లనిద్దామా.. మన వద్దకు ఆహ్వానిద్దామా?
అత్యంత ముఖ్యమైన ప్రాజెక్టులను ఏమాత్రం జాప్యం చేయకూడదు.
యూపీఏ తీసుకొచ్చిన భూచట్టం లోపభూయిష్టంగా ఉంది.. దానిని సవరించాలి.
మౌలిక సదుపాయాలు, పరిశ్రమలు అనే మాటల్ని తప్పుడు పదాలుగా చిత్రించొద్దని కాంగ్రెస్కు విజ్ఞప్తి చేస్తున్నాను.
మీరు మాట్లాడేది చూస్తుంటే పరిశ్రమ అనే పదం చాలా చెడ్డది అనుకునే స్థాయికి మనం వెళ్లిపోతున్నామా అనిపిస్తుంది.
దేశానికి పరిశ్రమలను, మౌలిక సదుపాయాలను కల్పించాల్సిన అవసరం ఉంది. ఇందుకోసం చాలామందిని వ్యవసాయ రంగం నుంచి తప్పించి తయారీ రంగంలో ఉపాధి కల్పించాల్సిన అవసరం ఉంది.
ప్రస్తుతం ఉన్న చట్టంలో చేయబోయే సవరణలు 5 మాత్రమే..
విపక్షాలేమో రైతు వ్యతిరేక చర్యలు చేస్తున్నామని, పారిశ్రామిక వేత్తలకు మేలు చేస్తున్నామని ఆరోపిస్తున్నారు.. కానీ ఆయిల్ మార్కెటింగ్ కంపెనీలు 30 వేల కోట్ల నష్టాన్ని చవిచూశాయి.
ప్రతిపక్షాలు సహకరించడం లేదు. జమ్ము కశ్మీర్ విషయంలో కూడా ఇలాగే ప్రవర్తిస్తున్నాయి. దయచేసి ఆ ప్రాంతంపై కూడా మేం చేసే ఆలోచనను గౌరవించండి.
TV
