లక్నో:  ఉత్తరప్రదేశ్ లోని మథురలో ని జవహర్ భాగ్ ప్రాంతంలో జరిగిన 24 మంది మృతిపై సీఎం అఖిలేష్ యాదవ్ స్పందించారు. పోలీసులు పూర్తి ప్రిపరేషన్ తో వెళ్లక పోవడంవల్లే ప్రాణ నష్టం జరిగిందన్నారు. పోలీసులు కొంచెం ముందస్తు గా సిద్ధమయి వెళ్లాల్సి ఉండేదని ఆయన అభిప్రాయ పడ్డారు. ఆజాద్ భరత్ వైదిక్ వైచారిక్ క్రాంతి సత్యాగ్రహి సభ్యుల దగ్గర మందుగుండు సామాగ్రి , ఆయుధాలు ఉంటాయని ఊహించలేదని తెలిపారు. 

 

ఆందోళన కారులకు చాలా విధాలా ప్రభుత్వ స్థలాన్ని కాలీ చేయమని సూచించామని వారు మాటవిననందువల్లనే పోలీసు చర్య తీసుకున్నామని పేర్కొన్నారు. పోలీసు కమిషనర్ స్థాయి వ్యక్తితో దర్యాప్తు జరుపుతున్నామని ఈ ఘటనకు కారణమైన దోషులను కఠినంగా శిక్షిస్తామని స్సష్టం చేశారు . చనినపోయిన ఇద్దరు పోలీసు కుటుంబాలను ఆదుకుంటామని చెప్పారు. ఇప్పటి వరకు 320 మందిని అదుపులోకి తీసుకున్నామని అఖిలేష్ తెలిపారు.

 

● నకిలీ నియామకపత్రాలతో వంచన ● నిరుద్యోగులకు ఓ మహిళ టోకరా నిర్మల్‌టౌన్‌: కేంద్ర, రాష్ట్ర ప్రభుత్వ ఉద్యోగాలిప్పిస్తానన్న ఓ మహిళ చేతిలో పలువురు యువకులు మోసపోయారు. ఈ ఘటన ఆలస్యంగా వెలుగులోకి వచ్చింది. వివరాలు.. నిర్మల్‌ జిల్లా కేంద్రానికి చెందిన ఓ మహిళ పలువురు నిరుద్యోగులను ఏజెన్సీ ద్వారా కేంద్ర, రాష్ట్ర ప్రభుత్వ ఉద్యోగాలిప్పిస్తానని నమ్మించింది. ముందుగా కొంత నగదు ఇవ్వాలని కోరింది. దీంతో ఆమెను కలిసిన కొందరు నిరుద్యోగులు రూ.2లక్షల నుంచి రూ.10 లక్షల వరకు ముట్టజెప్పారు. పట్టణానికి చెందిన ఓ యువకుడు ప్రైవేట్‌ ఉద్యోగం చేస్తూ ప్రభుత్వ ఉద్యోగంపై ఆశతో కంప్యూటర్‌ ఆపరేటర్‌ పోస్టు కోసం రూ.3 లక్షలు ఇచ్చాడు. వీరికి సదరు మహిళ నియామక పత్రాలు కూడా ఇచ్చింది. సంబంధిత ఉద్యోగాల్లో చేరేందుకు వెళ్లిన ముగ్గురు బాధితులకు అవి నకిలీ పత్రాలుగా తెలిసింది. విషయం తెలుసుకున్న ఓ నిరుద్యోగి సదరు మహిళను నిలదీయగా మోసం బయటపడింది. ఇదే తరహాలో కేంద్ర ప్రభుత్వ ఉద్యోగం ఇప్పిస్తానని ఒకరి వద్ద రూ.8 లక్షల నగదు తీసుకుని నకిలీ ఆర్డర్‌ కాపీలు చేతిలో పెట్టింది. ఉద్యోగం కోసం ఆరు నెలలు తిరిగిన బాధితులు తమ డబ్బులివ్వాలని వారు అడిగితే పోర్జరీ చెక్కులు, బాండ్లు రాసిచ్చి తప్పించుకుంది. నిలదీస్తే తమ పైనే కేసు పెడతానని బెదిరిస్తోందని బాధితులు వాపోయారు. నిర్మల్‌ పట్టణంలోనే పదుల సంఖ్యలో సదరు మహిళ బాధితులున్నారు. వీరికి రూ.కోటికి పైగా టోకరా వేసినట్లు సమాచారం. ఇంకా ఎంతమంది బాధితులున్నారో కొద్దిరోజుల్లో తెలవనుంది. ఉద్యోగాల పేరిట మోసగించిన మహిళపై బాధితులు బుధవారం ఎస్పీకి ఫిర్యాదు చేయనున్నట్లు సమాచారం.

● ఈసీ ఆధ్వర్యంలో వ్యయ పరిశీలకుల పర్యవేక్షణ ● ఎప్పటికప్పుడు అభ్యర్థుల ఖర్చులపై ఆరా మంచిర్యాలరూరల్‌(హాజీపూర్‌): లోక్‌సభ ఎన్నికల్లో ధనబాలానికి తావు లేకుండా ఎన్నికల సంఘం పకడ్బందీ చర్యలు చేపడుతోంది. ఎన్నికల కోడ్‌ అమలులోకి వచ్చిన వెంటనే జిల్లా సరిహద్దులతోపాటు జిల్లా వ్యాప్తంగా తనిఖీలు ముమ్మరం చేసింది. ఎలాంటి ఆధారాలు లేకుండా రూ.50 వేలకు మించి వెంట తీసుకెళ్తున్న నగదు సహా బంగారం, వెండి ఆభరణాలు, మద్యం, చీరలు, ఇతర కానుకలు, వస్తువులు ఏవైనా గుర్తించి సీజ్‌ చేస్తోంది. మంచిర్యాల జిల్లాలో ఇప్పటి వరకు 749 తనిఖీల్లో రూ.3,71,36,272 పైగా విలువైన 89,508 లీటర్ల మద్యం స్వాధీనం చేసుకున్నారు. 328 మందిని అరెస్ట్‌ చేసి 25 బెల్ట్‌ దుకాణాలు మూసి వేయించారు. ఇక వాహన తనిఖీల్లో భాగంగా 80 వాహనాల్లో రూ.97,72,502 నగదు, రూ.36,808 విలువైన ఇతర వస్తువులు సీజ్‌ చేశారు. వ్యయ పరిశీలకులు.. ఎన్నికల్లో ధనప్రవాహాన్ని కట్టడి చేసేందుకు ఐఏ ఎస్‌, ఐపీఎస్‌, ఐఆర్‌ఎస్‌, ఐడీఏఎస్‌ స్థాయి అధి కారులను ఈసీ వ్యయ పరిశీలకులుగా నియమించింది. లోక్‌సభ పరిధిలోని నియోజకవర్గాల్లో పర్యటిస్తూ అభ్యర్థుల ప్రచార వ్యయాలను పరిశీలిస్తున్నారు. పెద్దపల్లి లోకసభ నియోజకవర్గ వ్యయ పరిశీలకులు ఇండియన్‌ డిఫెన్స్‌ అకౌంట్స్‌ సర్వీసెస్‌ అధికారి(ఐడీఏఎస్‌) సమీర్‌ నైరన్‌తర్య జిల్లా రిటర్నింగ్‌, ఎన్నికల అధికారులతో సమావేశమై అభ్యర్థుల ఖర్చులపై ఆరా తీశారు. సీ–విజిల్‌కు ఫిర్యాదులు.. సీ–విజిల్‌ యాప్‌ ద్వారా ఈ నెల 5వరకు 78 ఫిర్యాదులు అందాయి. మెజారిటీ ఫిర్యాదులు ఓటర్లను ప్రభావితం చేసే అంశాలు, ఫ్లెక్సీలు, పార్టీ జెండాలకు సంబంధించినవే ఉన్నాయి. ఫిర్యాదు అందిన గంటన్నరలోగా సంబంధిత బృందాలు క్షేత్రస్థాయిలో పర్యటించి చర్యలు తీసుకుంటున్నారు.

● బూత్‌ కమిటీ నియామకాల్లో ఇన్‌చార్జీల నిలదీత ● క్యాంప్‌ కార్యాలయంలో నాయకుల మధ్య వాగ్వాదం చెన్నూర్‌: చెన్నూర్‌ కాంగ్రెస్‌ పార్టీలో విభేదాలు భగ్గుమన్నాయి. బూత్‌ కమిటీ నియామకాల్లో సీనియర్లను విస్మరించారని ఇన్‌చార్జీలను కొందరు నాయకులు నిలదీశారు. ఎమ్మెల్యే క్యాంపు కార్యాలయంలో నాయకుల మధ్య వాగ్వాదం జరిగినట్లు తెలిసింది. ఎమ్మెల్యే క్యాంపు కార్యాలయంలో మంగళవారం కాంగ్రెస్‌ బూత్‌ కమిటీల నియామకం మాజీ జెడ్పీ వైస్‌ చైర్మన్‌ మూల రాజిరెడ్డి నేతృత్వంలో జరిగినట్లు తెలిసింది. బూత్‌ కమిటీలో తమ పేర్లు ఎందుకు రాయలేదని కాంగ్రెస్‌ పార్టీ సీనియర్‌ నాయకుడు పాతర్ల నాగరాజు రాజిరెడ్డిని ప్రశ్నించిట్లు తెలిసింది. పార్టీలో మొదటి నుంచి పని చేసిన వారిని పక్కన పెట్టి కొత్తగా వచ్చిన వారికి ప్రాధాన్యత ఇస్తున్నారని నిలదీసినట్లు సమాచారం. ఇరువర్గాల మధ్య మాటల యుద్ధం నెలకొన్నట్లు తెలిసింది. ఈ విషయాన్ని ఎమ్మెల్యే దృష్టికి తీసుకెళ్తామంటూ నాగరాజు వర్గం అక్కడి నుంచి వెళ్లిపోయినట్లు తెలిసింది. పార్లమెంట్‌ ఎన్నికల సమయంలో కాంగ్రెస్‌ పార్టీలో విభేదాలపై ఎమ్మెల్యే ఏ విధంగా స్పందిస్తారో వేచి చూడాల్సిందే.

నస్పూర్‌: వరి ధాన్యం కొనుగోలు ప్రక్రియ వేగవంతం చేయాలని జిల్లా అదనపు కలెక్టర్‌ మోతీలాల్‌ అన్నారు. మంగళవారం ఆయన పట్టణ పరిధిలోని సీతారాంపల్లిలో మెప్మా ఆధ్వర్యంలో నిర్వహిస్తున్న వరి ధాన్యం కొనుగోలు కేంద్రాన్ని పరిశీలించారు. ఈ సందర్భంగా ఆయన మాట్లాడుతూ కాంటా అయిన ధాన్యాన్ని వెంటనే రైస్‌మిల్లులకు తరలించాలని అన్నారు. లారీల కొరత లేకుండా చూసుకోవాలని తెలిపారు. ఏదైనా కొనుగోలు కేంద్రం వద్ద కాంటా అయిన ధాన్యం బస్తాలు అకాల వర్షం కారణంగా తడిస్తే వెంటనే రైస్‌మిల్లులకు తరలించే ఏర్పాట్లు చేసి రైతులకు నష్టం లేకుండా చూస్తామని అన్నారు. ఈ కార్యక్రమంలో పాక్స్‌ డైరెక్టర్‌ ధర్ని మధూకర్‌, మెప్మా సిబ్బంది పాల్గొన్నారు.

నెన్నెల: 800 ఏళ్ల క్రితం కాకతీయ రాజులు నిర్మించిన ఎరుకల నాంచారమ్మ జాతరను విజయవంతం చేయాలని ఎరుకల సంఘం జిల్లా అధ్యక్షుడు దుగ్యాల బాపు పిలుపునిచ్చారు. మండల కేంద్రంలో మంగళవారం ఆయన విలేకరులతో మాట్లాడారు. ములుగు జిల్లా వెంకటపురం మండలం రామానుజపురం గ్రామంలో ఈ నెల 23న నాంచారమ్మ జాతర నిర్వహించనున్నట్లు తెలిపారు. జిల్లాలోని ఎరుకల కులస్తులు పెద్ద సంఖ్యలో హాజరై విజయవంతం చేయాలని కోరారు. ఈ జాతరకు రాష్ట్రంలోని 33జిల్లాల నుంచే కాకుండా చుట్టు పక్కల నాలుగు రాష్ట్రాల నుంచి భక్తులు పెద్ద ఎత్తున హాజరుకానున్నట్లు తెలిపారు. ఈ జాతరకు రాష్ట్ర ప్రభుత్వం ప్రాముఖ్యత కల్పించి భక్తుల సౌకర్యార్థం నిధులు కేటాయించాలని కోరారు. కార్యక్రమంలో ఎరుకల సంఘం జిల్లా ప్రధాన కార్యదర్శి లోకిని రవి, జిల్లా కోశాధికారి సార్ల సంపత్‌, మండల అధ్యక్షుడు ఉండ్రాల అశోక్‌, ఉపాధ్యక్షుడు దుగ్యాల మహేందర్‌, ప్రధాన కార్యదర్శి దుగ్యాల సుభాష్‌, కోశాధికారి సుదర్శన్‌ పాల్గొన్నారు.