మోదీ నేతృత్వంలో బీజేపీ ఘనవిజయం
యూపీఏ పుట్టిముంచిన వరుస కుంభకోణాలు
మట్టికరిచిన కాంగ్రెస్
నేషనల్ డెస్క్: 2014.. చరిత్ర విస్మరించలేని సంవత్సరం. భారతదేశ రాజకీయాల్లో కొత్త శకం ప్రారంభమైన సంవత్సరం. బీజేపీ పునరుత్థాన సంవత్సరం. కాంగ్రెస్ చావుదెబ్బ తిన్న సంవత్సరం. కొత్త సమీకరణాలు, సరికొత్త ముఖాలు తెరపైకి వచ్చిన.. మరికొన్ని మొత్తంగా తెరమరుగైన సంవత్సరం. మొత్తంగా 2014.. ‘నమో’ నామ సంవత్సరం. 2014 సంవత్సరం మొత్తాన్ని నరేంద్ర దామోదరదాస్ మోదీ(64) ఆక్రమించుకున్నారు. లోక్సభ ఎన్నికల్లో పార్టీ ప్రధాని అభ్యర్థిగా, గుజరాత్ సీఎం నరేంద్ర మోదీని బీజేపీ ప్రకటించిన క్షణం నుంచీ.. దేశ రాజకీయాల్లో ఆయన ప్రభావం ప్రారంభమైంది.
దేశంలో సార్వత్రిక ఎన్నికలు ఏప్రిల్ 7 నుంచి మే 12 వరకు 9 దశల్లో సుదీర్ఘంగా జరిగాయి. సార్వత్రిక ఎన్నికల చరిత్రలోనే ఈ ఎన్నికల్లో అత్యంత భారీగా 66.38% పోలింగ్ నమోదైంది. మే 16న వెలువడిన ఫలితాల్లో బీజేపీ ప్రభంజనం కనిపించింది. 31% ఓట్లు సాధించి 282 స్థానాల్లో గెలిచి, మొట్ట మొదటిసారి సొంతంగా పూర్తి మెజారిటీ సంపాదించింది. మిత్రపక్షాలతో కలసి 336 సీట్లతో కేంద్రంలో మోదీ ఎన్డీయే ప్రభుత్వాన్ని ఏర్పాటు చేశారు. కాంగ్రెస్ నేతృత్వంలోని యూపీఏ ఘోరంగా ఓడిపోయింది. మొత్తంగా యూపీఏ 58 సీట్లు గెలుచుకోగా.. కాంగ్రెస్ 44 స్థానాలతో ప్రధాన ప్రతిపక్ష హోదా సైతం సాధించలేకపోయింది. ఈ గెలుపుతో మోదీ అటు పార్టీలోనూ, ఇటు దేశంలోనూ ఎదురులేని నేతగా నిలిచారు.
బీజేపీని గెలిపించిన కాంగ్రెస్
బీజేపీ విజయం ఒక రికార్డైతే.. కాంగ్రెస్ పరాజయం మరో రికార్డు. చరిత్రలోనే ఎన్నడూ ఎరగని దారుణ ఓటమిని ఈ ఎన్నికల్లో కాంగ్రెస్ చవి చూసింది. దేశవ్యాప్తంగా ప్రాంతాలకతీతంగా మట్టికరిచింది. లోక్సభ ఎన్నికల్లో బీజేపీ గెలుపుకు మోదీ ఇమేజ్, ఆయన సన్నిహితుడు అమిత్ షా వ్యూహాల కన్నా గత పదేళ్ల యూపీఏ వైఫల్యాలు ఎక్కువగా దోహదపడ్డాయి. ఆ పదేళ్లలో కామన్వెల్త్, 2జీ స్కాం, బొగ్గు కుంభకోణం.. ఒకదాన్ని మించిన స్కామ్ మరొకటి.. తెరపైకి వచ్చాయి. ఈ పదేళ్లలో ప్రధానిగా మన్మోహన్కున్న ‘మిస్టర్ క్లీన్’ ఇమేజ్ కాస్తా ‘మిస్టర్ ఇనెఫిషియెంట్(అసమర్థ)’గా, ‘మౌన ముని’గా మారింది. మోదీకి దీటైన నేతగా రాహుల్గాంధీని కాంగ్రెస్ ప్రొజెక్ట్ చేయలేకపోయింది. మరోవైపు, పెద్ద రాష్ట్రాలైన ఉత్తరప్రదేశ్, రాజస్థాన్, గుజరాత్, బిహార్, మధ్యప్రదేశ్లు బీజేపీకి అత్యధిక స్థానాలందించి మెజారిటీ సాధించడానికి తోడ్పడ్డాయి. లోక్సభతో పాటు తెలంగాణ, ఆంధ్రప్రదేశ్, అరుణాచల్ప్రదేశ్, సిక్కిం, ఒడిశాలకు అసెంబ్లీ ఎన్నికలు జరిగాయి. తెలంగాణలో టీఆర్ఎస్, ఆంధ్రప్రదేశ్లో ఎన్డీయే మిత్రపక్షం టీడీపీ, సిక్కింలో ఎస్డీఎఫ్, ఒడిశాలో బిజూ జనతాదళ్ విజయం సాధిం చగా, అరుణాచల్ ప్రదేశ్లో మాత్రం కాంగ్రెస్ అధికారాన్ని నిలుపుకుంది. అనంతరం జరిగిన మహారాష్ట్ర, హరియాణా అసెంబ్లీ ఎన్నికల్లోనూ మోదీ హవా కొనసాగింది. హరియాణాలో సొంతంగా ప్రభుత్వాన్ని ఏర్పాటు చేసిన బీజేపీ.. మహారాష్ట్రలో మాత్రం శివసేనతో జట్టుకట్టింది. డిసెంబర్లో జమ్మూకశ్మీర్, జార్ఖండ్ రాష్ట్రాల్లో అసెంబ్లీ ఎన్నికలు జరిగాయి. జార్ఖండ్లో మోదీ అభివృద్ధి మంత్రం పనిచేసి తొలిసారి మెజారిటీ సీట్లు సాధించగా.. జమ్మూకశ్మీర్లో ఆశించిన స్థాయిలో సీట్లు గెలవలేకపోయినా, అత్యధిక ఓట్ల శాతం మాత్రం సాధించింది. కానీ, బిహార్ ఉప ఎన్నికల్లో బీజేపీకి ఎదురుదెబ్బ తగిలింది.
పీఎంగా మోదీ: ప్రజలు పెట్టుకున్న భారీ అంచనాలు, ఆశల మధ్య ప్రధానిగా మోదీ ప్రమాణ స్వీకారం చేశారు. పాలనలోనూ తనదైన ముద్ర వేస్తూ మేక్ ఇన్ ఇండియా, జనధన యోజన, స్వచ్ఛభారత్.. తదితర పథకాలను ప్రారంభించారు. గత ప్రధానికి భిన్నంగా తరచుగా ప్రజల్లోకి వెళ్లూ క్రియాశీలక ప్రధానిగా పేరుతెచ్చుకున్నారు. మరోపక్క చాపకింద నీరులా హిందుత్వ ఎజెండాను అమలు చేస్తున్నారని, పార్టీలోనూ, ప్రభుత్వంలోనూ నియంతృత్వ పోకడలను ప్రదర్శిస్తున్నారని మోదీపై ఆరోపణలు ప్రారంభమయ్యాయి. హిందుత్వ సంస్థల బలవంతపు మత మార్పిళ్లు మోదీని ఇరకాటంలోకి నెట్టాయి. నల్లధనాన్ని 100 రోజుల్లో తిరిగి తెస్తానని, యువతకు ఉపాధి కల్పిస్తానని చేసిన ఎన్నికల హామీల అమలు విషయంలో ప్రతిపక్షాల విమర్శలను ఎదుర్కొన్నారు.
‘నమో’నామ సంవత్సరం!
Published Mon, Dec 29 2014 12:43 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఐవోసీ లాభం సగానికి డౌన్
సిగ్గూ ఎగ్గూ లేని తెంపరితనం
సెల్ఫ్–మేడ్ మ్యూజిక్ స్టార్స్
మే డే స్ఫూర్తిని కాపాడుకోవాలి!
ధర పెరిగినా బంగారమే
ఆ హీరోయిన్ నన్ను మునిగిపోకుండా కాపాడింది: టాలీవుడ్ హీరో
కాంగ్రెస్ ప్రేమ దుకాణాల్లో ఫేక్ వీడియోలు
IPL 2024: ఉత్కంఠ పోరులో లక్నో విజయం.. ముంబై ఇక ఇంటికే!
పార్టీ నుంచి ప్రజ్వల్ సస్పెండ్
‘ఆల్ ఫ్రీ బాబు’ పునరాగమనం
తప్పక చదవండి
- బీజేపీలో చేరిన నటి రూపాలీ గంగూలీ
- ఆస్ట్రేలియా నుంచి వచ్చిన ఓటరుకు నిరాశే
- పెళ్లయిన నెలకే విడాకులా? ఆ కామెంట్స్పై క్లారిటీ ఇచ్చిన నటి
- Hassan sex scandal: రాజుకుంటున్న పెన్డ్రైవ్
- లోకం చెడ్డదేం కాదు బాస్.. హార్ట్ టచింగ్ వీడియో
- ఏడు పదుల వయసులో ఇదేం కోరిక..ఏకంగా గర్ల్ఫ్రెండ్ కావాలంటూ..!
- స్టార్ హీరో అజిత్ బర్త్ డే.. అద్భుతమైన గిఫ్ట్తో భార్య సర్ప్రైజ్
- కార్మిక సోదరులకు సీఎం జగన్ మే డే శుభాకాంక్షలు
- టీ20 వరల్డ్కప్ కోసం ఆస్ట్రేలియా జట్టు ప్రకటన.. విధ్వంసకర వీరుడికి నో ఛాన్స్
- ఈసారి ఓటు మార్పు కోసమే
Advertisement