భూసేకరణ, ఆహార బిల్లులను విపక్షాలు అడ్డుకున్నాయి
వీటికోసం నాతోపాటు సోనియా, మన్మోహన్ ఎంతగానో కష్టపడ్డారు
తదుపరి ప్రభుత్వం దేశ గతినే మార్చేస్తుంది
కనీసం పేదల వద్దకు పోకుండా అంతా తామే చేశామని విపక్షాలు చెప్పుకుంటున్నాయి
రాహుల్ వ్యాఖ్యలపై బీజేపీ ధ్వజం
రామ్పూర్ (ఉత్తరప్రదేశ్): కాంగ్రెస్ ఉపాధ్యక్షుడు రాహుల్ గాంధీ యువ మంత్రం జపించారు. 2014 ఎన్నికల తర్వాత యువకులతో కూడిన ప్రభుత్వం అధికారంలోకి వస్తుందని జోస్యం చెప్పారు. ఇది పేదల కోసం పాటుపడటంతోపాటు దేశగతినే మార్చివేస్తుందని పేర్కొన్నారు. ఈ వ్యాఖ్యల నేపథ్యంలో లోక్సభ తదుపరి ఎన్నికల్లో కాంగ్రెస్ పార్టీ గెలుపొందితే 43 ఏళ్ల రాహుల్ గాంధీనే సారథ్యం వహిస్తారనే ఊహాగానాలు జోరందుకున్నాయి. బుధవారం రామ్పూర్లో నిర్వహించిన బహిరంగ సభలో రాహుల్ మాట్లాడారు. ఈ సందర్భంగా ఆయన విపక్షాలను లక్ష్యంగా చేసుకొని విమర్శనాస్త్రాలు సంధించారు.
పేదలు, సాధారణ ప్రజల కోసం యూపీఏ ప్రభుత్వం చొరవ తీసుకొని ఆహార భద్రత, భూసేకరణలాంటి ముఖ్యమైన బిల్లులను తీసుకొస్తుంటే విపక్షాలు మోకాలడ్డటానికి తీవ్రంగా ప్రయత్నించాయని ధ్వజమెత్తారు. అయితే మన్మోహన్ ప్రభుత్వ దృఢ సంకల్పంతో ఈ బిల్లులు ఆమోదం పొందాయన్నారు. ‘భారత్లో ఎన్నికల్లో గెలవాలంటే పేదలకు సాయం చేయాలి. వారికోసం పనిచేయాలి. అప్పుడే విజయం సాధించగలం. అయితే మీరు (విపక్షాలు) మాత్రం కనీసం పేదల వద్దకు కూడా వెళ్లకుండా మీడియా సమావేశాలు నిర్వహించి అంతా మేమే చేశామంటూ గొప్పలు చెప్పుకుంటారు’ అని రాహుల్ ఎద్దేవా చేశారు. ‘2014 ఎన్నికలు సమీపిస్తున్నాయి. అప్పుడు కూడా పేదలు, సామాన్య ప్రజల ప్రభుత్వమే ఏర్పాటవుతుంది. యువకులతో కూడిన ప్రభుత్వం వస్తుంది. అది దేశ గతినే మార్చేస్తుంది. ప్రతి ఒక్కరూ సాధికారత సాధించేలా మార్పును తీసుకొస్తుంది’ అని పేర్కొన్నారు.
ఈ సందర్భంగా పేదలు, రైతుల కోసం యూపీఏ ప్రభుత్వం చేపట్టిన పథకాల గురించి రాహుల్ వివరించారు. దేశంలో లక్షలాది మంది ఆకలిమంటలతో నిద్రపోతున్నారని, అయితే తాము తీసుకొచ్చిన ఆహార భద్రత చట్టం దీన్ని మార్చివేసిందన్నారు. దీనికంటే పెద్ద విజయాన్ని ఎవరూ సాధించలేదన్నారు. ఎక్కువ మందికి లబ్ధిచేకూరే ఈ బిల్లును పార్లమెంటులో అడ్డుకోవడానికి ప్రతిపక్షాలు ఎంతగానో ప్రయత్నించాయని రాహుల్ ఆరోపించారు. ‘దీనికోసం మేము మూడేళ్లపాటు కష్టపడ్డాం. నాతోపాటు సోనియాజీ, మన్మోహన్జీ దీనికోసం ఎంతగా పోరాడామో మీకు తెలియదు’ అని రాహుల్ చెప్పారు. ఇందిరాగాంధీ కాలం నాటి ‘సగం రొట్టైనా తిందాం.. కాంగ్రెస్కు ఓటేద్దాం’ నినాదానికి కాలం చెల్లిందని, ఆహార భద్రత చట్టంతో ఆ నినాదం ‘కడుపునిండుగా తిందాం. కాంగ్రెస్ను గెలిపిద్దాం’ అని మారిందన్నారు. ఆహార చట్టాన్ని అమలుచేస్తే ఎక్కడ తమకు లబ్ధిచేకూరుతుందోననే భయంతో యూపీలో అఖిలేష్ ప్రభుత్వం దీన్ని అమలుచేయడం లేదని ఆక్షేపించారు. మహిళల నేతృత్వంలోని రాష్ట్రాలు పురోగతిని సాధిస్తున్నాయంటూ తమిళనాడు (జయలలిత)ను ఉదాహరణగా చెప్పారు.
యూపీలో వరుసగా ఏర్పాటైన ఎస్పీ, బీఎస్పీ ప్రభుత్వాలు ప్రజల కోసం ఏమీ చేయలేదని, అందువల్ల దీన్ని మార్చాల్సిన సమయం ఆసన్నమైందని రాహుల్ పిలుపునిచ్చారు. కులాలు, ప్రాంతాల మధ్య చిచ్చుపెట్టే హింసాత్మక రాజకీయాలకు కాంగ్రెస్ దూరమని, తమ పార్టీ అభివృద్ధి రాజకీయాలనే చేస్తుందని స్పష్టం చేశారు. 50 మంది ప్రజల మృతికి కారణమైన ముజఫర్నగర్ అల్లర్లకు సమాజ్వాదీ పార్టీ, బీజేపీనే కారణమని రాహుల్ ధ్వజమెత్తారు. రాజకీయ లబ్ధికోసమే వారు రెండు వర్గాల మధ్య చిచ్చుపెట్టారని మండిపడ్డారు.
రాహుల్ వాస్తవాలు తెలుసుకో: సుష్మా
భూసేకరణ బిల్లును విపక్షాలు అడ్డుకున్నాయన్న రాహుల్ వ్యాఖ్యలపై బీజేపీ సీనియర్ నాయకురాలు సుష్మాస్వరాజ్ మండిపడ్డారు. ధైర్యంతో వాస్తవాలను మాట్లాడాలని హితవుపలికారు. ఆగస్టు 29న పార్లమెంటులో ఈ బిల్లుపై కేంద్ర మంత్రి జైరామ్ రమేష్ చెప్పిన విషయాలను ఆమె గుర్తుచేశారు. ‘రెండు అఖిలపక్ష సమావేశాల్లోనూ ఈ బిల్లుపై ఎటూ ముందుకుపోలేకుండా ఉన్నప్పుడు సుష్మా దీనికి పరిష్కారం కనుగొన్నారు.
ఆమె వల్లనే నేడు సభలో దీనిపై చర్చిస్తున్నాం. ఆమెకు ప్రత్యేక కృతజ్ఞతలు’ అని జైరామ్ చెప్పిన విషయాన్ని సుష్మా ట్విట్టర్లో పొందుపరిచారు. దేశంలో దళితులు, ముస్లింలు దుర్భర స్థితిలో ఉన్నందుకు కాంగ్రెసే కారణమంటూ బీజేపీ సీనియర్ నాయకుడు ఎం.వెంకయ్యనాయుడు... రాహుల్ వ్యాఖ్యలను తిప్పికొట్టారు. స్వాతంత్య్రం తర్వాత పదేళ్లు తప్ప మిగిలిన 57 సంవత్సరాలు దేశాన్ని పాలించింది మీ పార్టీ, మీ కుటుంబమే కదా అని దుయ్యబట్టారు. వచ్చే లోక్సభ ఎన్నికల్లో కాంగ్రెస్కు 100కు మించి సీట్లు రావని జోస్యం చెప్పారు. కాగా, ఉత్తరప్రదేశ్లో ఎస్సీలు ఎదగకుండా బీఎస్పీ చీఫ్ మాయావతి అడ్డుకున్నారంటూ రాహుల్ చేసిన వ్యాఖ్యలపై ఆమె మండిపడింది.
2014లో యువ ప్రభుత్వం
Published Thu, Oct 10 2013 5:03 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
పోటాపోటీ హామీలు
దేశమంతా ‘మోదీ’ గాలి వీస్తోంది
హజ్ యాత్రికులకు టీకాలు
ఎన్నికల తర్వాత మరిన్ని పథకాలు
ఓసీపీల్లో పనివేళల మార్పు
● మూడు ఎంపీ నియోజకవర్గాల్లో కానరాని ఈఎస్ఐ ఆస్పత్రి ● బీడీ, గ్రానైట్, ఔట్సోర్సింగ్ ఉద్యోగులకు సేవలు దూరం ● ఆన్ డిమాండ్ అంగన్వాడీ సెంటర్లకు ప్రతిపాదనలేవి? ● ఊసే లేని మైనార్టీ స్కిల్ డెవలప్మెంట్ కేంద్రాలు
ప్రజాస్వామ్యవాదులు గౌరవించేలా హైకోర్టు తీర్పు
ఓసీపీల్లో పని వేళలు మార్చాలి
కార్మికుల పనివేళలు మార్చాలి
మూడు పార్టీలకూ...‘కంటోన్మెంట్’ కీలకం
తప్పక చదవండి
- పేరుకు స్వతంత్రులు.. టీడీపీతో చెట్టాపట్టాలు!
- ప్రియుడితో బ్రేకప్ చేసుకున్న లైగర్ భామ!
- బాబుకు బొమ్మ కనిపిస్తోంది: విజయసాయిరెడ్డి సెటైర్లు
- ఓటమి భయంలో కొడుకు.. డబ్బు మూటలతో తండ్రి!
- నెహ్రూ తండ్రి అప్పటి అంబానీ: కంగనా కీలక వ్యాఖ్యలు
- సుచరితకు హ్యాండిచ్చిన కాంగ్రెస్.. పూరీ బరిలో ఆయనే..
- ఐపీఎల్లో ఇవాళ (మే 5) డబుల్ ధమాకా
- వరుస ఫ్లాప్స్.. పూజా హెగ్డేకు మరో ఛాన్స్
- నిజ్జర్ కేసులో అరెస్ట్.. భారత్కు సంబంధంలేదన్న జయశంకర్
- తోడేళ్ళను తరిమే రోజు!
Advertisement