సాక్షి, హైదరాబాద్‌: తెలుగు రాష్ట్రాల్లో పోలింగ్‌ ప్రక్రియ ముగిసింది. ఎన్నికల్లో ఓటు వేసేందుకు సొంత ఊళ్లకు వెళ్లిన నగర వాసులు తిరిగి హైదరాబాద్‌ బాట పట్టారు. రైళ్లు, ఆర్టీసీ బస్సులు, ప్రైవేటు వాహనాల్లో మంగళవారం తెల్లారేసరికి నగరానికి చేరుకున్నారు. దీంతో విజయవాడ నుంచి హైదరాబాద్‌కు వచ్చే జాతీయ రహదారిపై వాహనాల రద్దీ కొనసాగుతున్నది.చాలాచోట్ల కిలోమీటర్ల కొద్దీ వాహనాల బారులు కనిపించాయి. అలాగే సికింద్రాబాద్‌ రైల్వే స్టేషన్‌, బీజేఎస్‌, ఎంజీబీఎస్‌ బస్టాండ్లలో రద్దీ నెలకొంది. హైదరాబాద్‌ శివారుకు చేరుకున్న ప్రజలు అక్కడి నుంచి నగరంలోని వివిధ ప్రాంతాలకు చేరుకునేందుకు మెట్రోను ఆశ్రయిస్తుండడంతో మెట్రో  రైళ్లు కూడా కిక్కిరిసిపోతున్నాయి.మెట్రో ప్రాంగణాలు ప్రయాణికులతో రద్దీగా మారాయి. ముఖ్యంగా విజయవాడ వైపు నుంచి వచ్చే ప్రయాణికులు ఎల్బీనగర్ వద్ద దిగి మెట్రో ఎక్కేస్తుండడంతో ఎల్బీనగర్-మియాపూర్ రూట్ ఒక్కసారిగా రద్దీగా మారింది. ఎల్బీనగర్ మెట్రో స్టేషన్ లో టికెట్ల కోసం పెద్ద క్యూ ఉందిప్రయాణికుల రద్దీని దృష్టిలో పెట్టుకుని ఈ ఉదయం అరగంట ముందే అంటే 5.30 గంటలకే మెట్రో సేవలు ప్రారంభమయ్యాయి. అంతేకాదు, ప్రయాణికుల రద్దీని దృష్టిలో పెట్టుకుని నేడు అదనపు ట్రిప్పులు నడిపాలని మెట్రో నిర్ణయించినట్టు తెలిసింది. 

జనగామ: పార్లమెంట్‌ ఎన్నికల నేపథ్యంలో పోలింగ్‌ బూత్‌లోకి అనుమతి విషయమై కాంగ్రెస్‌ వర్సెస్‌ బీఆర్‌ఎస్‌ నాయకుల మధ్య వాగ్వాదం ఉద్రిక్తతల కు దారి తీసింది. జిల్లా కేంద్రంలోని ధర్మకంచ బాలికల ఉన్నత పాఠశాల 263 బూత్‌లో పోలింగ్‌ పర్సంటేజీ పరిశీలించేందుకు కాంగ్రెస్‌ నాయకుడు కొమ్మూరి ప్రశాంత్‌రెడ్డి వెళ్లగా.. బీఆర్‌ఎస్‌ బూత్‌ ఏజెంట్‌ ప్రవీణ్‌ అభ్యంతరం వ్యక్తం చేశారు. కాంగ్రెస్‌ భువనగిరి ఎంపీ అభ్యర్థి చామల కిరణ్‌కుమార్‌రెడ్డి తరఫున ఎలక్షన్‌ ఆథరైజ్డ్‌ పర్సన్‌గా వచ్చానని చెప్పే క్రమంలో మాటా మాటా పెరిగింది. బీఆర్‌ఎస్‌ నాయకులు ఎమ్మెల్యే పల్లా రాజేశ్వర్‌రెడ్డికి సమాచారం ఇవ్వగా ఆయన అక్కడికి చేరుకున్న సమయంలోనే ప్రశాంత్‌రెడ్డి బయటకు వస్తూ ఎదురుపడ్డారు. ఇరువురి మధ్య మాటల తూటాలు పేలాయి. పరిస్థితి ఉద్రిక్తంగా మారనుండగా.. అక్క డే ఉన్న ఏసీపీ అంకిత్‌కుమార్‌, సీఐ రఘుపతిరెడ్డి, ఎస్సైలు ఇరువురికి నచ్చజెప్పారు. రెండు వర్గాలను పంపించి పోలింగ్‌ స్టేషన్‌ ప్రధాన ద్వారం వద్ద బందోబస్తు ఏర్పాటు చేశారు. అనంతరం డీసీపీ సీతారాం చేరుకుని పరిస్థితిని పర్యవేక్షించారు. గానుగుపహాడ్‌లో లాఠీచార్జ్‌ జనగామ మండలం గానుగుపహాడ్‌ గ్రామ కూడలి లో డమ్మీ ఈవీఎంలతో పాటు పార్టీల తరఫున ప్రచారం చేస్తున్న పలువురు నాయకులు, కార్యకర్తలను పోలీసులు చెరదగొట్టారు. టెంట్లు కూల్చి వేసి, లాఠీలతో కొట్టడంతో దుర్గామాత ఆలయ పూజారి రెడ్డబోయిన నర్సయ్యతో పాటు మరి కొందరు స్వల్పంగా గాయపడ్డారు. సీఐ వచ్చీ రావడంతోనే కొట్టారని బాధితులు గాయాలు చూపిస్తూ కన్నీటి పర్యంతమయ్యారు. ఈ ఘటపై పలువురు ఓటర్లు నిరసన వ్యక్తం చేశారు. లాఠీ చార్జ్‌ ఘటనను ఎలక్షన్‌ కమిషన్‌ సుమొటోగా తీసుకుని కేసు నమో దు చేసి విచారణ చేపట్టాలని బీజేపీ జిల్లా అధ్యక్షు డు ఆరుట్ల దశమంతరెడ్డి డిమాండ్‌ చేశారు. సీఐ రఘుపతిరెడ్డి మాట్లాడుతూ తాము ఎవరిపైనా లాఠీ చార్జ్‌ చేయలేదని, డమ్మీ ఈవీఎంలతో ప్రచా రం చేస్తుంటే వద్దని చెప్పడంతో దురుసుగా ప్రవర్తించారని, ఈ విషయమై బీజేపీ నాయకులు శానబోయిన మహిపాల్‌పై కేసు నమోదు చేసినట్లు చెప్పారు. కాగా మద్దూరు మండలం బైరాన్‌పల్లి, చేర్యాల పట్టణంలో కాంగ్రెస్‌–బీఆర్‌ఎస్‌ పార్టీల నాయకుల మధ్య చిన్న పాటి ఘర్షణ చోటుచేసుకుంది. అలాగే జనగామ మండలం పెంబర్తిలో కాంగ్రెస్‌ నాయకుడు కొమ్మూరి ప్రశాంత్‌రెడ్డి పోలింగ్‌ బూత్‌లోకి వెళ్లే క్రమంలో బీఆర్‌ఎస్‌ నాయకులు అడ్డుకోవడంతో ఉద్రిక్తత నెలకొంది. పోలీసులు రావడంతో గొడవ సద్దుమణిగింది. ఎమ్మెల్యే పల్లా రాజేశ్వర్‌రెడ్డి, ప్రశాంత్‌రెడ్డి మధ్య వాగ్వాదం జనగామ ధర్మకంచలో ఉద్రిక్తత గానుగుపహాడ్‌లో పోలీసుల లాఠీ చార్జ్‌ నిరసన వ్యక్తం చేసిన ఓటర్లు, నాయకులు

జనగామ: కలెక్టర్‌, జిల్లా ఎన్నికల అధికారి షేక్‌ రిజ్వాన్‌ బాషా సోమవా రం పట్టణంలోని హనుమకొండరోడ్డులోని ప్రెస్టన్‌ స్కూల్‌ పోలింగ్‌ బూత్‌లో సతీమణితో కలిసి క్యూలో నిలబడి ఓటుహక్కును వినియోగించుకున్నా రు. అలాగే పట్టణంలోని సిద్దిపేట రోడ్డు ప్రభుత్వ బాలికల ఉన్నత పాఠశాల బూత్‌ 232లో ఎమ్మెల్యే పల్లా రాజేశ్వర్‌రెడ్డి, 233 బూత్‌లో సతీమణి నీలిమ ఓటుహక్కు వినియోగించుకున్నారు. డీసీసీ అధ్యక్షుడు ప్రతాప్‌రెడ్డి కుమారుడు, కాంగ్రెస్‌ యువ నాయకు డు కొమ్మూరి ప్రశాంత్‌రెడ్డి జెడ్పీ హైస్కూల్‌ బూత్‌లో ఓటు వేశారు. బీజేపీ జిల్లా అధ్యక్షుడు దశమంతరెడ్డి తన కుమారుడితో కలిసి రైల్వేస్టేషన్‌ ఆవరణ ప్రభుత్వస్కూల్‌ పోలింగ్‌ కేంద్రంలో, టీపీసీసీ అధికార ప్రతినిధి మొగుళ్ల రాజిరెడ్డి వీరన్నపేటలో, ఎన్పీడీసీఎల్‌ ఎస్‌ఐ వేణుమాధవ్‌ దంపతులు, జిల్లా ఆస్పత్రుల సమన్వయకర్త డాక్టర్‌ సుధాసుగుణాకర్‌ దంపతులు జనగామలో ఓటుహక్కు వినియోగించుకున్నారు.

● అర గంట నుంచి రెండు గంటల పాటు ఆలస్యంగా పోలింగ్‌జనగామ: జిల్లా వ్యాప్తంగా సోమవారం జరిగిన పార్లమెంట్‌ ఎన్నికల పోలింగ్‌లో ఈవీఎం, వీవీప్యాడ్‌ల మొరాయింపుతో ఓటింగ్‌ ఆలస్యంగా ప్రారంభమైంది. ఈవీఎంలను తనిఖీ చేసిన తర్వాతే పోలింగ్‌ కేంద్రాలకు తరలించగా.. మాక్‌ పోలింగ్‌ సమయంలో సాంకేతిక సమస్య తలెత్తి పోలింగ్‌ అరగంట నుంచి రెండు గంటలు ఆలస్యంగా మొదలైయింది. జనగామ నియోజకవర్గం పరిధి మద్దూరు మండలం లద్నూరు 102 బూత్‌, చేర్యాల మండలం ఆకునూరు 32వ బూత్‌, చిల్పూరు మండలం నష్క ల్‌ 103 బూత్‌లో ఈవీఎంలు, కొమురవెల్లి మండలం కిష్టంపేట పోలింగ్‌ కేంద్రంలో వీవీప్యాట్‌ మొ రాయించడంతో పోలింగ్‌ ఆలస్యంగా మొదలైంది. బటన్‌ లాక్‌.. రెండు గంటలు నిలిచిన పోలింగ్‌ జనగామ వ్యవసాయ మార్కెట్‌ 11వ వార్డు పరిధి 240 పోలింగ్‌ బూత్‌లో ఈవీఎం బటన్‌ లాక్‌ కావడంతో మధ్యాహ్నం 12.45 గంటలకు పోలింగ్‌ నిలిపి వేశారు. టెక్నీషియన్లు వచ్చి సమస్య పరిష్కరించాక అరగంట పాటు పనిచేసిన ఈవీఎంలు మరోసారి ఆగిపోయాయి. రెండు గంటల పాటు నిరీక్షించిన ఓటర్లు చాలా మంది ఓటు వేయకుండా నే ఇళ్లకు వెళ్లి పోయారు. మధ్యాహ్నం 1.55 గంట లకు తిరిగి పోలింగ్‌ ప్రారంభించారు. రైల్వేస్టేషన్‌ ప్రభుత్వ కళాశాల 244 బూత్‌లో ఈవీఎం గుర్తుపై ఇంకు మరక ఉండడంతో ఓ ఓటరు అభ్యంతరం వ్యక్తం చేయడంతో అధికారులు ఆ మరకను తుడిచి వేశారు. పట్టణంలోని ప్రాథమిక పాఠశాల 232 పోలింగ్‌ బూత్‌లో వెలుతురు సరిగా లేక బ్యాలెట్‌ యూనిట్‌లో గుర్తులు కనిపించకపోవడంతో ఓటర్లు ఆందోళన వ్యక్తం చేశారు. వృద్ధ ఓటర్లు టార్చ్‌లైట్‌ వెలుతురులో ఓటు వేయాల్సి వచ్చింది. జనగామ మండలం గానుగుపహాడ్‌ 210, పెద్దపహాడ్‌ 208 బూత్‌లలో ఈవీఎంలు మొరాయించగా పోలింగ్‌ అరగంట నిలిచింది.

మండలం పర్సంటేజీ జనగామ రూరల్‌ 73.00నర్మెట 76.89 స్టేషన్‌ఘన్‌పూర్‌ 78.54 జనగామ అర్బన్‌ 74.00 దేవరుప్పుల 78.00 లింగాలఘణపురం 79.16 పాలకుర్తి 72.17 చిల్పూరు 72.06మండలం పర్సంటేజీ కొమురవెల్లి 77.11 చేర్యాల 72.31 దూల్మిట్ట 75.00 తరిగొప్పుల 76.76 రఘునాథపల్లి 76.45 బచ్చన్నపేట 71.85 మద్దూరు 72.56 జఫర్‌గఢ్‌ 75.34