TV
కోహీర్‌(జహీరాబాద్‌) : కోహీర్‌ మండల ప్రజా పరిషత్‌ ఉపాధ్యక్షుడు ఎస్‌కే జావెద్‌ ఓ ఇంటి వారయ్యారు. సోమవారం సాయంత్రం పట్టణంలోని నూర్‌ మసీదులో ఆయన వివాహం సంప్రదాయబద్ధంగా నిర్వహించారు. కోహీర్‌ సర్పంచ్‌ పదవికి పోటీ చేయాలని జావెద్‌ చాలా కాలంగా ఉవ్విళ్లూరుతున్నారు. అయితే రిజర్వేషన్‌లో జనరల్‌ (మహిళ)కు కేటాయించారు. దీంతో జావెద్‌ మొదట తన సహోదరి చేత ఎన్నికల్లో పోటీ చేయిస్తారని ఊహాగానాలు వెలువడ్డాయి. అనంతరం కోహీర్‌ పట్టణంలోని కాజీవాడకు చెందిన బాబుమియా కూతురు అతియా సుల్తానతో నూర్‌మసీద్‌లో వివాహం జరిగింది. టీఆర్‌ఆర్‌ఎస్‌ పార్టీ మండల అధ్యక్షుడు ఉమర్‌ అహమద్‌తో పాటు గ్రామపెద్దలు, నాయకులు పెళ్లి వేడుకల్లో పాల్గొని శుభాకాంక్షలు తెలిపారు.
