జనగామ రూరల్‌: అప్రమత్తతతోనే డెంగీ వ్యాధిని నివారించవచ్చని డీఎంహెచ్‌ఓ హరీష్‌రాజ్‌ అన్నా రు. జాతీయ డెంగీ నివారణ దినోత్సవం సందర్భంగా గురువారం జిల్లా ఆస్పత్రి నుంచి అవగాహన ర్యాలీ నిర్వహించారు. ఈ సందర్భంగా ఆయన మా ట్లాడుతూ.. పరిసరాలను శుభ్రంగా ఉంచుకోవాల ని, దోమ తెరలను వినియోగించి చిన్న పిల్లల విషయంలో జాగ్రత్తగా ఉండాలని సూచించారు. సాధారణంగా పొద్దటి సమయంలో దోమలు ఎక్కువగా కుడతాయని, తలనొప్పి, కళ్లు ఎర్రబడడం, చర్మం నుంచి రక్తం కారడం, కండరాల నొప్పి వంటి లక్షణాలుంటే వెంటనే నిర్ధారణ పరీక్షలు చేసుకోవాల న్నారు. సామాజికాధికారి రహెమాన్‌, సుగుణాకర్‌రాజు, అశోక్‌, భాస్కర్‌, తేజ పాల్గొన్నారు. డెలివరీల సంఖ్య పెంచాలి లింగాలఘణపురం: ప్రభుత్వ ఆస్పత్రుల్లో డెలివరీల సంఖ్య పెంచాలని ఇందుకు సిబ్బంది అవసరమైన చర్యలు తీసుకోవాలని డీఎంహెచ్‌ఓ హరీశ్‌రాజ్‌ అన్నారు. స్థానిక పీహెచ్‌సీని గురువారం ఆయన ఆకస్మికంగా సందర్శించారు. ఆస్పత్రి సిబ్బంది పనితీరును తెలుసుకున్నారు. ప్రసూతి గదిని పరిశీలించి అందులోని పరికరాలు ఎలా ఉన్నాయనే విషయాన్ని డాక్టర్‌ కరుణాకర్‌రాజును, సిబ్బందిని అడిగి తెలుసుకున్నారు. నేషనల్‌ హెల్త్‌ ప్రొగ్రామ్స్‌ నిర్వహణ బాగుండాలని చెప్పారు.

జనగామ: వినియోగదారులకు నిరంతరంగా నాణ్యమైన విద్యుత్‌ సరఫరా చేయడానికి ప్రీ మాన్‌సూన్‌ తనిఖీలు గురువారం చేపట్టినట్లు ఎన్పీడీసీఎల్‌ ఎస్‌ఈ వేణుమాధవ్‌ తెలిపారు. ఆయన గురువారం స్థానిక విలేకరులతో మాట్లాడుతూ.. వానా కాలం సీజన్‌ ప్రారంభానికి ముందుగా 11కేవీ, 33కేవీ, సబ్‌స్టేషన్లు, విద్యుత్‌ స్తంభాలపై ఉన్న చెట్ల కొమ్మలు, తదితరాలకు సంబంధించి జిల్లా వ్యాప్తంగా తనిఖీలు ప్రారంభించామన్నారు. భారీ వర్షాలు కురిసిన సమయంలో తరుచూ విద్యుత్‌ సరఫరాలో అంతరాయం కలుగకుండా ప్రీ మాన్‌సూన్‌ తనిఖీల తో చర్యలు చేపట్టి నిరోధించవచ్చన్నారు. జనగామ మండలం పసరమడ్లలో 11కేవీ అగ్రికల్చర్‌ ఫీడర్‌, వెంకిర్యాల 11కేవీ, అర్బన్‌ పరిధిలోని ధర్మకంచ 11కేవీ, రఘునాథపల్లి మండలంలోని 33కేవీ, ఘన్‌పూర్‌, ఖిలాషాపూర్‌, తరిగొప్పుల మండలం అంకుషాపూర్‌ ఫీడర్లను పరిశీలించినట్లు పేర్కొన్నారు. దేవరుప్పల, లింగాలఘణపురం, స్టేషన్‌ఘన్‌పూర్‌ మండలంలోని సింగరాజుపల్లి, నేలపోగుల, తానేదార్‌పల్లి 11కేవీ అగ్రికల్చర్‌ ఫీడర్ల కండీషన్‌ను చెక్‌ చేసినట్లు వివరించారు. అలాగే లింగాలఘణపురం మండలం జీడికల్‌, కళ్లెం పెద్దతండా 33కేవీ సబ్‌స్టేషన్లను ఎస్‌ఈ తనిఖీ చేశారు. విద్యుత్‌ సరఫరాలో అంతరాయం లేకుండా చర్యలు ఎన్పీడీసీఎల్‌ ఎస్‌ఈ వేణుమాధవ్‌

శిక్షణలో పాల్గొన్న వారికి సర్టిఫికెట్ల అందజేతసాక్షి మైత్రి మహిళ ఆధ్వర్యంలో ఈ నెల 22 నుంచి జూన్‌ 21 వ తేదీ వరకు బ్యూటీషియన్‌ కోర్సులో శిక్షణ ఇవ్వనున్నారు. ఆదివారం మినహా మిగిలిన రోజుల్లో ఉదయం 10 నుంచి మధ్యాహ్నం 1 గంట వరకు శిక్షణ ఇస్తారు. శిక్షణలో నేర్పించే అంశాలు త్రెడ్డింగ్‌, వ్యాక్స్‌, పెడిక్యూర్‌, మెనిక్యూర్‌, బ్లీచింగ్‌, స్కిన్‌కేర్‌, హెయిర్‌ కేర్‌, వైట్నింగ్‌ ఫేస్‌ ప్యాక్స్‌, డ్యాండ్రఫ్‌ ట్రీట్‌మెంట్‌, హెయిర్‌ ఫాల్‌ ట్రీట్‌మెంట్‌, హెయిర్‌ కట్స్‌, హెయిర్‌ స్టైల్స్‌, హెన్నా ప్రిపరేషన్‌, డై అప్లికేషన్‌, మేకప్స్‌ (బ్రైడల్‌, పార్టీ, లైట్‌ మేకప్స్‌), పింపుల్‌ ట్రీట్మెంట్‌, హెయిర్‌ మసాజ్‌, కమ్యూనికేషన్‌ అండ్‌ గ్రూమింగ్‌, ఫేషియల్స్‌, సారీ డ్రాపింగ్‌. రిజిస్ట్రేషన్‌ స్వీకరించు తేదీలు : ఈ నెల 17వ తేదీ (నేటి) నుంచి 21వ తేదీ వరకు ఉదయం 10నుంచి సాయంత్రం 6గంటల వరకు. వర్క్‌షాప్‌ షెడ్యూల్‌ తేదీలు: ఈ నెల 22వ తేదీ నుంచి జూన్‌ 21వ తేదీ వరకు ఉదయం 10 నుంచి మధ్యాహ్నం 1గంట వరకు శిక్షణ ఉంటుంది. రిజిస్ట్రేషన్స్‌, శిక్షణ స్థలం : శ్రీ శైలి బ్యూటీపార్లర్‌, మొదటి అంతస్తు, భూషణం కాంప్లెక్స్‌ పోలీస్‌ స్టేషన్‌ ఎదురుగా, హనుమకొండ చౌరస్తా, హనుమకొండ. సెల్‌ : 95055 14424 ఫీజు : రూ.3 వేలు

కేయూ క్యాంపస్‌ : కేయూ పరిధిలోని ఎస్‌డీఎల్‌సీఈ సైన్స్‌కోర్సుల అసిస్టెంట్‌ డైరెక్టర్‌(ఏడీ)గా యూనివర్సిటీ మైక్రోబయాలజీ విభాగం కాంట్రా క్టు అసిస్టెంట్‌ ప్రొఫెసర్‌ బి.వెంకటగోపీనాఽథ్‌ను నియమిస్తూ రిజిస్ట్రార్‌ పి.మల్లారెడ్డి ఉత్తర్వులు జారీ చేశారు. ఈ మేరకు గురువారం కేయూ వీసీ తాటికొండ రమేశ్‌ చేతుల మీదుగా ఆయన ఉత్తర్వులు అందుకున్నారు. ఇప్పటివరకు సైన్స్‌కోర్సుల అసిస్టెంట్‌ డైరెక్టర్‌గా బాధ్యతలు నిర్వర్తించిన బాటనీ విభాగం కాంట్రాక్టు అసిస్టెంట్‌ ప్రొఫెసర్‌ పి.కరుణా కర్‌ నుంచి ఈనెల 17న గోపీనాథ్‌ బాధ్యతలు స్వీకరించనున్నారు.

జనగామ: జిల్లాలోని గురువారం రాత్రి ఉరుములు, మెరుపులతో కూడిన జోరు వాన కురిసింది. కొనుగోలు కేంద్రాల్లో చివరలో మిగిలిన ధాన్యం కొంత మేర తడిసిపోగా.. రైతులు అప్పటికే టార్పాలిన్‌ కవర్లు కప్పి ఉంచారు. పట్టణంలో కురిసిన వర్షంతో హైదరాబాద్‌, హనుమకొండ రోడ్డువైపు రహదారులు నీటమునిగాయి. ముత్తిరెడ్డి యాదగిరిరెడ్డి ఎమ్మెల్యేగా ఉన్న సమయంలో శ్రీనగర్‌కాలనీ నుంచి హైదరాబాద్‌రోడ్డును వరద ముప్పు నుంచి తప్పించేందుకు రూ.9 కోట్లతో భారీ నాలా నిర్మించినట్లు అప్పట్లో ఆయన చెప్పారు. గడిచిన 20 రోజుల్లో మూడుసార్లు కురిసిన వర్షానికి రోడ్లన్నీ మునిగి పోతున్నాయి. ఇంజనీరింగ్‌ ప్లాన్‌ లేకుండా కోట్లాది రూపాయల నిధులతో నాలా నిర్మాణం ఇష్టారాజ్యంగా చేపట్టడంతోనే ఈ పరిస్థితి నెలకొందని ప్రజలు మండి పడుతున్నారు. గురువారం కురిసిన వర్షంతో నాలాలు, డ్రెయినేజీల నుంచి నీరు వెళ్లే దారిలేక మురికి, వరద రోడ్డును ముంచేయడంతో రహదారులకు ఇరువైపులా ఉన్న దుకాణాల షట్టర్ల వద్దకు చేరింది. హనుమకొండ రోడ్డులోని బస్టాండు ఇన్‌గేట్‌ సమీప రోడ్డుపై చేరిన మురికి నీటితో దుర్వాసన వెదజల్లుతోంది. షాపులకు వెళ్లే దారి పూర్తిగా మూసుకు పోయింది. కాగా రైల్వేస్టేషన్‌ ఏరి యా అమ్మబావి సమీపంలోని గుండ్లగడ్డకు వెళ్లే ప్రధాన రహదారి కల్వర్టు వద్ద చెత్త పేరుకు పోవడంతో కింద నుంచి వెళ్లాల్సిన వరద నీరు.. పైనుంచి పరుగులు పెడుతోంది. రెడ్డిస్ట్రీట్‌లో ఇదే పరిస్థితి. వర్షపాతం వివరాలు.. జిల్లాలో రాత్రి 8.30 వరకు 12.3 మిల్లీమీటర్ల వర్షపాతం కురిసింది. జఫర్‌గఢ్‌లో 54.5 మి.మీ, జనగామ 44.5, పాలకుర్తి 39.5, రఘునాథపల్లి 34.5, దేవరుప్పుల 25.8, లింగాలఘణపురం 15.3, కొడకండ్ల 8.3, బచ్చన్నపేట 7.8, తరిగొప్పు ల 5.3, మి.మీటర్ల వర్షపాతం నమోదైనట్లు వాతావరణ శాఖ అధికారులు తెలిపారు. జఫర్‌గఢ్‌ భారీ వర్షం జఫర్‌గఢ్‌: మండల పరిధి పలు గ్రామాల్లో గురువారం రాత్రి ఉరుములు, మెరుపులు, ఈదురు గాలులతో కూడిన భారీ వర్షం కురిసింది. సుమారు గంటన్నర పాటు కురిసిన వానతో మండల కేంద్రంలో రోడ్లు జలమయం అయ్యాయి. విద్యుత్‌ సరఫరా నిలిచిపోయింది. రాకపోకలకు తీవ్ర అంతరా యం ఏర్పడింది. పలు గ్రామాల్లో కోతకు వచ్చిన వరి పంట నీటిపాలైంది. 12.3 మి.మీటర్ల వర్షపాతం నమోదు నీట మునిగిన రహదారులు అమ్మబావి వద్ద కల్వర్టు పైకెక్కిన నీరు రెడ్డి స్ట్రీట్‌ను ముంచెత్తిన డ్రెయినేజీ మురుగు పలు మండలాల్లో తడిసిన ధాన్యం