ఇంగ్లండ్‌ నూతన టెస్టు కోచ్‌గా న్యూజిలాండ్‌ మాజీ ఆటగాడు బ్రెండన్‌ మెక్‌కల్లమ్‌ ఎంపికయిన సంగతి తెలిసిందే. కోచ్‌ సిల్వర్‌వుడ్‌ స్థానంలో కొత్త కోచ్‌గా వచ్చిన మెక్‌కల్లమ్‌ జట్టును గాడిలో పెడతాడేమో చూడాలి. అసలే వరుస టెస్టు సిరీస్‌ వైఫల్యాలు ఇంగ్లండ్‌ను దెబ్బతీశాయి. ఈ ఓటములకు బాధ్యత వహిస్తూ జో రూట్‌ టెస్టు కెప్టెన్సీ నుంచి తప్పుకోవడంతో ఇంగ్లండ్‌ క్రికెట్‌ బోర్డు(ఈసీబీ) నాయకత్వ పగ్గాలు ఆల్‌రౌండర్‌ బెన్‌ స్టోక్స్‌కు అప్పగించింది. కొత్త కెప్టెన్‌.. కొత్త కోచ్‌ కలయికలో సరికొత్తగా కనిపిస్తున్న ఇంగ్లండ్‌ స్వదేశంలో న్యూజిలాండ్‌తో జరగనున్న మూడు టెస్టుల సిరీస్‌ను గెలిచి మళ్లీ ట్రాక్‌లోకి వస్తుందా అనేది చూడాలి. ఇదిలా ఉంటే.. మెక్‌కల్లమ్‌ నాలుగేళ్ల పాటు ఇంగ్లండ్‌ టెస్టు జట్టు కోచ్‌గా పనిచేయనున్నాడు. అందుకు సంబంధించి నాలుగేళ్ల కాలానికి గానూ మెక్‌కల్లమ్‌కు ఈసీబీ భారీగా చెల్లించనుంది. టెలిగ్రాఫ్‌.యూకే కథనం ప్రకారం 2 యూరో మిలియన్‌ డాలర్లకు(భారత కరెన్సీలో దాదాపు రూ. 18.88 కోట్లు) మెక్‌కల్లమ్‌తో నాలుగేళ్ల కాలానికి ఈసీబీ ఒప్పందం కుదుర్చుకుంది. ఒక హెడ్‌కోచ్‌కు ఈసీబీ ఇంత మొత్తంలో చెల్లించడం ఇదే మొదటిసారి అని వార్తలు వస్తు‍న్నాయి. ఆటగాళ్లకు ఎంత చెల్లిస్తామనేది గ్రేడ్స్‌ ప్రకటించే క్రికెట్‌ బోర్డులు కోచ్‌లకు ఎంత చెల్లిస్తున్నామనేది ఎక్కడా బహిరంగపరచలేదు. అయితే మెక్‌కల్లమ్‌పై ఉన్న నమ్మకంతోనే ఈసీబీ అతనికి పెద్ద మొత్తం చెల్లిస్తుందని బోర్డు అధికారి ఒకరు తెలిపారు.  ఇక ఇంగ్లండ్‌ టెస్టు హెడ్‌కోచ్‌గా ఎంపికైన మెక్‌కల్లమ్‌ స్పందించాడు. ''ఇంగ్లండ్‌ క్రికెట్‌కు సేవలందించడానికి ఉవ్విళ్లూరుతున్నా. నాపై నమ్మకంతో బోర్డు నాకు అప్పగించిన బాధ్యతలను పాజిటివ్‌ ధోరణితో నిలబెట్టుకుంటా. ఓటములతో కుంగిపోయిన ఇంగ్లండ్‌ జట్టును గాడిలో​పెట్టడానికి ప్రయత్నిసా. బెన్‌ స్టోక్స్‌తో కలిసి పనిచేసేందుకు ఎదురుచూస్తున్నా. ఇప్పటివరకు ఒక ఆటగాడిగా అతను నాకు పరిచయం.. ఇకపై ఇద్దరి సమన్వయంతో జట్టును ముందుకు నడిపించాల్సిన బాధ్యత మాపై ఉంది.'' అంటూ చెప్పుకొచ్చాడు.  భారత్ చేతిలో ఓటమి తర్వాత స్వదేశంలో న్యూజిలాండ్ చేతిలో పరాభవం, ఆతర్వాత యాషెస్‌లో ఆసీస్ చేతిలో 0-4 తేడాతో దారుణ ఓటమి, ఇటీవల విండీస్ చేతిలో 1-2 తేడాతో ఓటమి.. ఇలా ఆ జట్టు ఆడిన ప్రతి టెస్ట్‌ సిరీస్‌లోనూ ఓటమిపాలై ఇటీవలి కాలంలో ఎన్నడూ లేనంత అప్రతిష్టను మూటగట్టుకుంది. దీంతో జట్టు మొత్తాన్ని ప్రక్షాళన చేయాలని ఈసీబీపై ఒత్తిడి అధికమైంది. ఈ నేపథ్యంలోనే ఇంగ్లండ్‌ బోర్డు ఇంగ్లండ్‌ టెస్ట్‌ బృందంలో మార్పులకు శ్రీకారం చుట్టింది. మరోవైపు ఇంగ్లండ్‌ పరిమిత ఓవర్ల కోచ్‌గా దక్షిణాఫ్రికా మాజీ ఆటగాడు, టీమిండియా మాజీ కోచ్ గ్యారీ కిర్‌స్టెన్‌ పేరు దాదాపుగా ఖరారైంది. కిర్‌స్టెన్‌ ప్రస్తుతం ఐపీఎల్‌లో గుజరాత్ టైటాన్స్ మెంటార్‌గా ఉన్నాడు.  చదవండి: IPL 2022: క్రికెట్‌కు వీరాభిమాని.. ఇతని స్టైల్‌ వేరు RCB Play-Off Chances: ఆర్‌సీబీకి ప్లేఆఫ్‌ అవకాశం ఎంత?.. కోహ్లిపై డుప్లెసిస్‌ ఆసక్తికర వ్యాఖ్యలు


 రెండో టెస్టులో ఇంగ్లండ్‌పై విజయం
 సిరీస్ 1-1తో డ్రా
  
 లీడ్స్ : డ్రాగా ముగియాల్సిన తొలి టెస్టును ఆఖరి రోజు పేలవంగా ఆడి కోల్పోయిన న్యూజిలాండ్... రెండో టెస్టులో అనూహ్యంగా పుంజుకుంది. డ్రా ఖాయమనుకున్న మ్యాచ్‌లో కివీస్ బౌలర్లు అనూహ్యంగా చెలరేగి చివరి రోజు పది వికెట్లు తీసి జట్టును గెలిపిం చారు. 455 పరుగుల భారీ లక్ష్యంతో బరిలోకి దిగిన ఇంగ్లండ్ రెండో ఇన్నింగ్స్‌లో 91.5 ఓవర్లలో 255 పరుగులకు ఆలౌటయింది. విలియమ్సన్ (3/15), క్రెయిగ్ (3/73), బౌల్ట్ (2/61) అద్భుతంగా బౌలింగ్ చేశారు. దీంతో చివరిదైన రెండో టెస్టును కివీస్ 199 పరుగుల తేడాతో గెలుచుకుని సిరీస్‌ను 1-1తో డ్రా చేసింది. 
 
 ఇంగ్లండ్ లో వారికిది ఐదో టెస్టు విజయం. ఆఖరి రోజు కుక్ సేన వికెట్ నష్టపోకుండా 44 పరుగుల ఓవర్‌నైట్ స్కోరుతో ఇన్నింగ్స్ ప్రారంభించగా... లంచ్ సెషన్‌లోపే ఐదు వికెట్లను కోల్పోయింది. ఆ తర్వాత కూడా ఎవరూ పోరాడలేకపోవడంతో పరాజయం తప్పలేదు. బట్లర్ (147 బంతుల్లో 73; 13 ఫోర్లు; 1 సిక్స్), కుక్ (171 బంతుల్లో 56; 4 ఫోర్లు) అర్ధ సెంచరీలతో ఫర్వాలేదనిపించారు. మరోవైపు టెస్టుల్లో 9 వేల పరుగులు పూర్తి చేసిన అతి పిన్న వయస్కుడిగా (30 సంవత్సరాల 159 రోజులు) కుక్ రికార్డులకెక్కాడు. కివీస్ బ్యాట్స్‌మన్ వాట్లింగ్‌కు మ్యాన్ ఆఫ్ ద మ్యాచ్ అవార్డు లభించింది.


 లీడ్స్ : న్యూజిలాండ్‌తో జరుగుతున్న రెండో టెస్టులో ఇంగ్లండ్ ఎదురీదుతోంది. రెండో రోజు శనివారం తమ తొలి ఇన్నింగ్స్‌లో ఓపెనర్లు ఆడమ్ లిత్ (107; 15 ఫోర్లు) సెంచరీతో కెప్టెన్ కుక్ (75; 12 ఫోర్లు) అర్ధ సెంచరీలతో జట్టుకు శుభారంభం అందించినా... చివర్లో కివీస్ బౌలర్లు రెచ్చిపోయారు. దీంతో ఆట ముగిసే సమయానికి ఇంగ్లండ్ 88 ఓవర్లలో ఐదు వికెట్లకు 253 పరుగులు చేసింది. 70 పరుగుల వ్యవధిలోనే ఈ ఐదు వికెట్లు నేలకూలాయి. తొలి వికెట్‌కు ఓపెనర్లు 177 పరుగులు జత చేశారు.
 
 క్రీజులో బట్లర్ (6 బ్యాటింగ్) బెల్ (12 బ్యాటింగ్) ఉన్నారు. ఇంకా 97 పరుగులు వెనుకబడి ఉంది. మరోవైపు 32 పరుగుల వ్యక్తిగత స్కోరు వద్ద ఇంగ్లండ్ తరఫున టెస్టుల్లో అత్యధిక పరుగులు చేసిన ఆటగాడిగా గూచ్ (8,900) రికార్డును కుక్ అధిగమించాడు. అంతకుముందు కివీస్ తొలి ఇన్నింగ్స్‌లో 72.1 ఓవర్లలో 350 పరుగులకు ఆలౌటైంది.


 లార్డ్స్: కేన్ విలియమ్సన్ సెంచరీ (262 బంతుల్లో 132; 15 ఫోర్లు) సహాయంతో ఇంగ్లండ్‌తో జరుగుతున్న తొలి టెస్టులో న్యూజి లాండ్ జట్టు 134 పరుగుల ఆధిక్యం సాధించింది. శనివారం మూడో రోజు తమ తొలి ఇన్నింగ్స్‌లో కివీస్ 523 పరుగులకు ఆలౌటైంది. టేలర్ (62; 7 ఫోర్లు), వాట్లింగ్ (61 నాటౌట్; 11 ఫోర్లు) రాణించారు. బ్రాడ్, వుడ్, మొయిన్ అలీలకు మూడేసి వికెట్లు దక్కాయి. అనంతరం తమ రెండో ఇన్నింగ్స్ ఆరంభించిన ఇంగ్లండ్ మూడో రోజు ఆట ముగిసే సమయానికి  26 ఓవర్లలో 2 వికెట్ల నష్టానికి 74 పరుగులు చేసింది. కుక్ (32 బ్యాటింగ్), బెల్ (29 బ్యాటింగ్) క్రీజ్‌లో ఉన్నారు.


 న్యూజిలాండ్‌తో తొలి టెస్టు
  
 లార్డ్స్: మిడిలార్డర్ బ్యాట్స్‌మెన్ జో రూట్ (161 బంతుల్లో 98; 11 ఫోర్లు), బెన్ స్టోక్స్ (94 బంతుల్లో 92; 15 ఫోర్లు; 1 సిక్స్) అద్భుత ఆటతీరుతో న్యూజిలాండ్‌తో జరుగుతున్న తొలి టెస్టులో మొదటి రోజు ఇంగ్లండ్ భారీ స్కోరు చేసింది. గురువారం ప్రారంభమైన ఈ మ్యాచ్‌లో ఆట ముగిసే సమయానికి ఆతిథ్య జట్టు తమ తొలి ఇన్నింగ్స్‌లో 90 ఓవర్లలో ఏడు వికెట్లకు 354 పరుగులు చేసింది. క్రీజులో మొయిన్ అలీ (92 బంతుల్లో 49 బ్యాటింగ్; 8 ఫోర్లు) ఉన్నాడు.
 
 ఆఖరి ఓవర్ చివరి బంతికి బట్లర్ (126 బంతుల్లో 67; 9 ఫోర్లు) అవుట్ అయ్యాడు. వీరిద్దరు ఏడో వికెట్‌కు 103 పరుగులు జత చేశారు. టాస్ గెలిచి ఫీల్డింగ్ ఎంచుకున్న అనంతరం కివీస్ పేసర్లు చెలరేగడంతో 30 పరుగులకే ఇంగ్లండ్ జట్టు నాలుగు వికెట్లు కోల్పోయి ఇబ్బందుల్లో పడింది. అయితే ఫామ్‌లో ఉన్న రూట్, స్టోక్స్ ఈ పరిస్థితిలో నిలకడగా ఆడి జట్టును గట్టెక్కించారు. వీరిద్దరు ఐదో వికెట్‌కు 161 పరుగులు జోడించారు. ఈ క్రమంలో తృటిలో తమ శతకాలను కోల్పోయారు. హెన్రీకి మూడు, బౌల్ట్‌కు రెండు వికెట్లు దక్కాయి.

సౌతాఫ్రికా-శ్రీలంక జట్ల మధ్య న్యూఢిల్లీలోని అరుణ్‌ జైట్లీ స్టేడియం వేదికగా జరిగిన వన్డే ప్రపంచకప్‌లో దక్షిణాఫ్రికా సెంచరీల మోత మోగించింది. ఈ రోజు (శనివారం) జరిగిన పోరులో శ్రీలంకతో జరిగిన మ్యాచ్‌లో తొలుత బ్యాటింగ్ చేసిన సౌతాఫ్రికా బ్యాటర్లు చెలరేగిపోయారు. ఈ మ్యాచ్‌లో ఏకంగా ముగ్గురు సౌతాఫ్రికా ఆటగాళ్లు శతక్కొట్టారు. క్వింటన్‌ డికాక్‌ (84 బంతుల్లో 100; 12 ఫోర్లు, 3 సిక్సర్లు), రస్సీ వాన్‌ డెర్‌ డస్సెన్‌ (110 బంతుల్లో 108; 13 ఫోర్లు, 3 సిక్సర్లు), ఎయిడెన్‌ మార్క్రమ్‌  (54 బంతుల్లో 106; 14 ఫోర్లు, 3 సిక్సర్లు) శతకాల మోత మోగించడంతో సౌతాఫ్రికా నిర్ణీత 50 ఓవర్లలో 5 వికెట్ల నష్టానికి రికార్డు స్థాయిలో 428 పరుగులు చేసింది. వన్డే వరల్డ్‌కప్‌ చరిత్రలో ఇదే అత్యధిక టీమ్‌ స్కోర్‌గా రికార్డుల్లోకెక్కింది.   A stellar batting performance helps South Africa to a massive win in their #CWC23 clash against Sri Lanka 💪#SAvSL 📝: https://t.co/6P9uKyV5lF pic.twitter.com/LxZPnRHPKN — ICC Cricket World Cup (@cricketworldcup) October 7, 2023 అయితే 428 పరుగుల భారీ లక్ష్యాన్ని చేరుకోవడంలో శ్రీలంక జట్టు విఫలమైంది. లక్ష్య ఛేదనలో శ్రీలంక ఆరంభంలోనే ఓపెనర్లను కోల్పోయింది.  నిస్సంక (0) డకౌట్ అయ్యాడు. కాసేపటికే కుశాల్ పెరీరా (7) కూడా ఔటయ్యాడు. ఇక ఈ తరుణంలో క్రీజులోకి వచ్చిన కుశాల్ మెండీస్ మాత్రం తన ఆటతో శ్రీలంక జట్టు పై ఆశలు రేకెత్తించాడు. మొత్తం 8 సిక్సర్లతో స్టేడియాన్ని హోరెత్తించాడు. అనంతరం కగిసో రబడ బౌలింగ్లో ఔటయ్యాడు.   ఈ దశలో చరిత్ అసలంక, దాసున్ షనకలు కాసేపు జట్టు విజయం కోసం పోరాటం చేశారు. వీరిద్దరు తమ జోరు చూపించారు. ఆ సమయంలో శ్రీలంక లక్ష్యానికి చేరువయ్యే అవకాశం కనిపించింది. అయితే అసలంక, ఆ తర్వాత షనక ఔటవ్వడంతో 326 పరుగుల వద్దే శ్రీలంక కథ ముగిసింది. మొత్తానికి 102 పరుగుల భారీ తేడాతో శ్రీలంకపై సౌతాఫ్రికా ఘన విజయం సాధించింది.  స్కోర్లు: సౌతాఫ్రికా- 428, శ్రీలంక- 326

విశాఖపట్నం: జీవీఎంసీ 68వ వార్డు గుడివాడ అప్పన్నకాలనీకి చెందిన క్రికెటర్‌ సోముదల ఈశ్వర్‌(40) కన్నుమూశారు. ఆగస్టు 28వ తేదీనే ఆయన గుండెపోటుతో మృతి చెందగా.. ఆలస్యంగా ఈ విషయం వెలుగులోకి వచ్చింది. ఈ విషయం తెలిసిన క్రికెట్‌ అభిమానులు శోకసంద్రంలో మునిగిపోయారు. విశాఖలో డివిజన్‌ క్రికెట్‌ ఆడుతూనే ఈశ్వర్‌ అంచెలంచెలుగా ఎదిగాడు. ఏసీఏకు చేదోడు వాదోడుగానూ ఉంటూ.. టోర్నీల నిర్వహణలో సహాయం అందించేవాడు. అలా ఆయన ప్రతిభ ఐపీఎల్‌కు తాకింది. ఎడమ చేతి వాటం బౌలర్‌ అయిన ఈశ్వర్‌ ఐపీఎల్‌లో ఢిల్లీ క్యాపిటల్‌ బ్యాటర్లకు నెట్స్‌లో బంతులు విసిరేందుకు సహాయకుడిగా చేరాడు. ఐపీఎల్‌లో సపోర్టింగ్‌ స్టాఫ్‌గా ప్రస్థానం కొనసాగిస్తూనే.. విశాఖలో జరిగిన ఏపీఎల్‌ సీజన్‌ పాల్గొన్నాడు. ఇటీవల ఏపీఎల్‌ సీజన్‌ ముగియడంతో అప్పన్నకాలనీలోని తన ఇంటికి చేరుకున్నాడు. ఈ నెల 28న స్నేహితులతో బయటకు వెళ్లి తిరిగి రాత్రి 8.30 గంటలకు ఇంటికి వచ్చాడు. బైక్‌ దిగి స్టాండ్‌ వేస్తుండగా ఒక్కసారిగా కుప్పకూలిపోయాడని తల్లి రాములమ్మ తెలిపారు. ఆస్పత్రికి తరలించే లోపు మృతి చెందాడని బోరున విలపించారు. ఈ వార్త విన్న భారత క్రికెటర్‌ శ్రీకర్‌ భరత్‌.. ఈశ్వర్‌ ఇంటికి చేరుకుని ఆయన పార్థివదేహానికి నివాళులర్పించారు. ఈశ్వర్‌కు వివాహం కాలేదు. క్రికెటర్‌ వేణుగోపాల్‌తో సాన్నిహిత్యం తన 16వ ఏటనే క్రికెట్‌ ప్రపంచంలోకి అడుగు పెట్టిన ఈశ్వర్‌కు పేదరికం వెంటాడింది. 10వ తరగతి వరకు చదువుకున్న ఈశ్వర్‌ క్రికెట్టే ప్రపంచంగా భావించాడు. క్రికెటర్‌ వేణుగోపాల్‌, ఈశ్వర్‌ ఇద్దరూ రంజీ సెలక్షన్‌కు వెళ్లారు. వేణుగోపాల్‌ రంజీకి ఎంపిక కాగా.. ఈశ్వర్‌కు నిరాశే మిగిలింది. అయినా ఏనాడు కుంగిపోలేదు. ఈ క్రమంలో ఈశ్వర్‌పై అభిమానం పెంచుకున్న వేణుగోపాల్‌ తనతో పాటు పలు మ్యాచ్‌లకు తీసుకువెళ్లేవాడు. ఈశ్వర్‌ ఫాస్ట్‌ బౌలర్‌. గంటకు 150 కి.మీ. వేగంతో బౌలింగ్‌ చేసేవాడు. ఈశ్వర్‌ బౌలింగ్‌ అంటే భారత క్రికెటర్లకు ఎంతో ఇష్టం. అందుకే స్టార్‌ క్రికెటర్లు ఆయనతో బౌలింగ్‌ వేయించుకుని నెట్‌ ప్రాక్టీస్‌ చేసేవారు. దీంతో ఈశ్వర్‌కు ఎక్కువగా భారత క్రికెట్‌ క్యాంపుల్లో అవకాశం దక్కేది. అలా సచిన్‌ టెండూల్కర్‌, వీరేంద్ర సెహ్వాగ్‌, సౌరవ్‌ గంగూలీ, విరాట్‌ కోహ్లీ, దినేష్‌ కార్తీక్‌, రికీ పాటింగ్‌, డేవిడ్‌ వార్నర్‌.. తదితర ఎంతో మంది క్రికెటర్లకు అభిమానిగా మారాడు. ఈశ్వర్‌ను ఎక్సట్రా ప్లేయర్‌గా అన్ని విషయాల్లో సమానంగా చూసుకునే వారని కుటుంబ సభ్యులు తెలిపారు. ఈశ్వర్‌ మరణవార్త తెలుసుకున్న క్రికెటర్లు దిగ్భ్రాంతికి గురయ్యారు. తమ ప్రగాఢ సానుభూతిని కుటుంబ సభ్యులు తెలిపారు. ఈశ్వర్‌ మృతి బాధాకరం నేనూ ఢిల్లీ కాపిటల్స్‌ జట్టుకు ప్రస్తుత సీజన్‌ ఐపీఎల్‌లో ఆడాను. జట్టుతో పాటు ప్రాక్టీస్‌ చేసేప్పుడు ఈశ్వర్‌ నెట్స్‌లో బంతులు విసిరేవాడు. ఇద్దరం విశాఖ వాసులమే కావడంతో తొలినాళ్ల నుంచి అతనితో పరిచయం ఉంది. అతను అకస్మాత్తుగా మృతి చెందడం బాధాకరం. – భరత్‌, భారత టెస్ట్‌ క్రికెటర్‌ ప్రగాఢ సానుభూతి మా అన్ని శిక్షణ సెషన్స్‌, మ్యాచ్‌ల్లో జట్టుకు సహాయకారిగా ఉన్న ఈశ్వర్‌ను మిస్‌ కావడం ఇప్పటికీ నమ్మలేకపోతున్నాం. మా ప్రియమైన సైడ్‌ ఆర్మ్‌ స్పెషలిస్ట్‌ ఈశ్వర్‌ ఇకలేరు. ఈ క్లిష్ట సమయంలో అతని కుటుంబానికి మా ప్రగాఢ సానుభూతి తెలియజేస్తున్నాం. – ఢిల్లీ కాపిటల్స్‌ మేనేజ్‌మెంట్‌

క్రికెట​ రారాజు విరాట్‌కోహ్లీ ... ఫుట్‌బాల్‌ మైదానంలో సందడి చేశాడు. క్రికెట్‌ ఆటలో ఎంతో కచ్చితత్వంతో బాల్‌ని బౌండరీలు దాటించే కోహ్లీ.. అదే తీరుని ఫుట్‌బాల్‌ మైదానంలోనూ చూపించాడు. ఆక్సిడెంటల్‌ క్రాస్‌బార్‌ ఛాలెంజ్‌  పేరుతో చాలా దూరం నుంచి గోల్‌పోస్ట్‌కి గురి పెట్టాడు కోహ్లీ. తన నైపుణ్యం అంతా ఉపయోగించి బాల్‌ని కిక్‌ చేశాడు. గోల్‌కీపర్‌ను తప్పించుకుని గోల్‌పోస్ట్‌లో బాల్‌ పడినట్టే అనిపించింది. అయితే చివరి క్షణంలో గోల్‌పోస్ట్‌ పోల్‌కి బాల్‌కి అడ్డుగా నిలిచింది. దీంతో గోల్‌ మిస్‌ అయ్యింది. క్రికెట్‌లోనే కాదు ఫుట్‌బాల్‌లోనూ కోహ్లీ  ఆటకు అభిమానులు ఫిదా అవుతున్నారు Accidental crossbar challenge 😂 pic.twitter.com/koeSSKGQeb — Virat Kohli (@imVkohli) May 25, 2021

లండన్‌: న్యూజిలాండ్‌తో టెస్టు సిరీస్‌కు ముందు ఇంగ్లండ్‌కు గట్టి ఎదురు దెబ్బ తగిలింది. ఆ జట్టు ప్రధాన ఫాస్ట్‌ బౌలర్‌ జోఫ్రా ఆర్చర్‌ గాయం కారణంగా దూరమయ్యాడు. మోచేతి గాయం తిరగబెట్టడంతో వచ్చే నెలలో న్యూజిలాండ్‌తో జరిగే రెండు టెస్టులకు అతడు అందుబాటులో ఉండడని ఇంగ్లాండ్‌ క్రికెట్‌ బోర్డు తెలిపింది. గాయం కారణంగా భారత్‌ పర్యటన, ఐపీఎల్‌లకు దూరమైన ఆర్చర్‌.. కౌంటీ క్రికెట్‌లో ససెక్స్‌ తరపున పునరాగమనం చేశాడు. మళ్లీ గాయం తిరగబెట్టడంతో కేవలం ఐదు ఓవర్లు బౌలింగ్‌ చేసిన వెంటనే మైదానాన్ని వీడాడు.  ఇంగ్లాండ్‌, ససెక్స్‌ సీమర్‌ జోఫ్రా ఆర్చర్‌ వచ్చే నెల న్యూజిలాండ్‌తో జరిగే టెస్టు సిరీస్‌ నుంచి తప్పుకున్నాడని ఇంగ్లాండ్‌ అండ్‌ వేల్స్‌ క్రికెట్‌ బోర్డు ఒక ప్రకటనలో పేర్కొంది. బౌలింగ్‌ చేసేటప్పుడు అతని కుడి మోచేయి నొప్పితో బాధపడ్డాడు. మ్యాచ్‌ చివరి రెండు రోజులలో బౌలింగ్‌ చేయలేకపోయాడని ఈసీబీ వివరించింది. ఇంగ్లండ్,న్యూజిలాండ్ మధ్య మొదటి టెస్ట్ జూన్ 2న లార్డ్స్ మైదానంలో ప్రారంభంకానుంది. చదవండి: శ్రీ‌లంక ఆటగాళ్ల జీతాల్లో 35 శాతం కోత

కొలంబో: శ్రీ‌లంక క్రికెట్‌ బోర్డులో ఆట‌గాళ్ల జీతాలు తగ్గించడంపై వివాదం తలెత్తింది. ఆట‌గాళ్ల జీతాల్లో 35 శాతం కోత విధిస్తూ శ్రీ‌లంక క్రికెట్ బోర్డ్ నిర్ణ‌యం తీసుకొన్న‌ది. దీంతో కెప్టెన్ క‌రుణ‌ర‌త్నే, మాథ్యూస్,సురంగ లక్మల్,దినేష్ చండిమల్  సహా పలువురు సీనియర్ క్రికెటర్లు ఒప్పందంపై సంతకం చేయడానికి నిరాకరించారు. కొత్త కేంద్ర ఒప్పందం ప్రకారం వికెట్ కీపర్లు నిరోషన్ దిక్వేలా, ధనంజయ్ డి సిల్వా మాత్ర‌మే ల‌బ్ధి పొంద‌నున్నారు. ఈ ఇద్దరు ఆటగాళ్ల నెలసరి జీతం దాదాపు రూ.73 లక్షలు. బోర్డు వీరిని టాప్ క్యాట‌గిరిలో వేసింది. దీంతో మ‌రో వారం రోజుల్లో ప్రారంభం కానున్న బంగ్లాదేశ్ వ‌న్డే సిరీస్‌పై నీలినీడ‌లు క‌మ్ముకున్నాయి. మే 23 నుంచి బంగ్లాదేశ్లో ఈ జట్టు 3 మ్యాచ్‌ల వన్డే సిరీస్ ఆడవలసి ఉన్న‌ది. కెప్టెన్‌కు కూడా త‌గ్గ‌నున్న జీతం అద్భుతమైన ఫామ్‌లో ఉన్న కెప్టెన్ కరుణరత్నేకు కూడా ఆయ‌న జీతంలో రూ.22 లక్షలు కోత విధించారు. ఈ ఏడాది జనవరిలో వాండరర్స్‌లో దక్షిణాఫ్రికాతో జరిగిన టెస్టులో సెంచరీ చేసిన క‌రున‌ర‌త్నే.. బంగ్లాదేశ్‌తో సిరీస్‌లో 3 ఇన్నింగ్స్‌ల‌లో 427 పరుగులు చేసి తానేంటో నిరూపించుకున్నాడు. అయిన‌ప్ప‌టికీ బోర్డు నుంచి ఏమాత్రం ఉప‌శ‌మ‌నం ల‌భించలేదు. కొత్త కాంట్రాక్టులో కరుణరత్నే జీతం రూ.73 లక్షల నుంచి రూ.51 లక్షలకు త‌గ్గించారు. (చదవండి:10-12 ఏళ్లు.. ఎన్నో నిద్రలేని రాత్రులు గడిపా: సచిన్‌)