నగరాల్లో పెరుగుతున్న ట్రాఫికర్.. అంబులెన్స్‌లోని క్షతగాత్రుల పాలిట శాపంగా పరిణమిస్తోంది. సకాలంలో అంబులెన్స్ రాక, వచ్చినా ఆస్పత్రికి చేరుకోలేక ఎందరో ప్రాణాలు గాల్లో కలసిపోతున్నాయి. ఈ సమస్యకు చెక్ పెడుతూ.. బెంగళూర్‌లో టూ వీలర్ అంబులెన్స్ తీసుకొచ్చింది అక్కడి ప్రభుత్వం. ఈ బైక్ అంబులెన్స్‌లో ఫస్ట్ ఎయిడ్ కిట్‌తో పాటు అత్యవసర పరిస్థితుల్లో అందించాల్సిన మందులు, ఆక్సిజన్ సిలిండర్‌ను కూడా అందుబాటులో ఉంచారు. ప్రమాదంలో గాయపడిన వ్యక్తిని ట్రాఫిక్ పద్మవ్యూహాన్ని దాటుకుని.. నిమిషాల వ్యవధిలో ఆస్పత్రికి చేర్చాలంటే.. ఇంతకంటే బెటర్ ఆప్షన్ లేదంటున్నారు బెంగళూరువాసులు.