బాకీ తీర్చని ఓ టీనేజర్‌పై సీనియర్లు దాష్టికానికి దిగారు.  తీర్చాల్సిన బాకీ కంటే ఎన్నో రెట్ల డబ్బులివ్వాలంటూ బెదిరించారు. ఇవ్వలేనని చెప్పడంతో వేధింపులకు దిగారు. ఆ వేధించడం మరీ హింసాత్మకంగా ఉండడం.. ఆ వీడియో కాస్త వైరల్‌ కావడంతో పోలీసులు జోక్యం చేసుకోవాల్సి వచ్చింది.ఉత్తరప్రదేశ్‌ ఎటావాకు చెందిన టీనేజర్‌.. నీట్‌ కోచింగ్‌ కోసం కాన్పూర్‌ వచ్చాడు. కోచింగ్‌ సెంటర్‌లో సీనియర్లతో స్నేహం కుదిరి..వాళ్లు ఉంటున్న ప్లాట్‌కి మకాం మార్చాడు. ఆన్‌లైన్‌ బెట్టింగ్‌ గేమ్‌ కోసం వాళ్ల దగ్గరి నుంచి రూ.20 వేలు తీసుకున్నాడు. అయితే గేమ్‌లో ఆ డబ్బంతా పొగొట్టుకున్నాడు.దీంతో.. ఆ సీనియర్లు 20 వేలకు బదులు రూ.2 లక్షలు ఇవ్వాలంటూ బెదిరింపులకు దిగారు. సదరు విద్యార్థి చెల్లించకలేకపోయేసరికి.. అతన్ని చిత్రహింసలు పెడుతూ ఆ తతంగం అంతా వీడియో తీశారు. ఆ విద్యార్థినిని కింద పడేసి చితకబాదారు. కాళ్లు మొక్కుతున్నా విడిచిపెట్టకుండా.. బలవంతంగా అతని దుస్తులు విప్పించారు. మర్మాంగానికి ఇటుకను కట్టి వేలాడదీస్తూ వేధించారు. ఈ దాష్టీకం ఇంతటితోనే ఆగలేదు. అతని వెంట్రుకల్ని తగలబెట్టే ప్రయత్నమూ చేశారు.#UttarPradesh: Students preparing for #NEET in #Kanpur brutally beat up their classmate. He was hung by tying a rope around his private part. They tried to burn his hair with fire spray.Actually, the victim student lost 20K in an online game. pic.twitter.com/TO1MhtAt0y— Siraj Noorani (@sirajnoorani) May 7, 2024చివరకు బాధితుడు తల్లిదండ్రులకు ఈ విషయం చెప్పడంతో.. వాళ్లు పోలీసులకు ఫిర్యాదు చేశారు. అయితే ఎటావా పోలీసులు నిందితులను పిలిపించి.. కేవలం మందలించి వదిలేశారు. ఈలోపు టీనేజర్‌ను వేధించిన వీడియోలు వాట్సాప్‌ ద్వారా బయటకు వచ్చాయి. దీంతో పోలీసులు  ఈసారి సీరియస్‌ యాక్షన్‌ తీసుకున్నారు. వీడియోలో ఉన్న ఆరుగురు నిందితులను గుర్తించి.. అరెస్ట్‌ చేశారు. ఒక ముఠాగా మారి కోచింగ్‌సెంటర్‌కు వచ్చే విద్యార్థులను వీళ్లు టార్గెట్‌ చేసినట్లు పోలీసులు చెబుతున్నారు.

యశవంతపుర: అంబులెన్స్‌– కారు ఢీకొన్న ప్రమాదంలో ముగ్గురు మృతి చెందిన దుర్ఘటన కర్ణాటక– కేరళ సరిహద్దుల్లోని కాసరగోడులో మంగళవారం జరిగింది. మృతులను కేరళ త్రిసూరు జిల్లా గురువాయురుకు చెందిన శ్రీనాథ్‌ (54), ఆయన కొడుకులు శరత్‌ (18), మనన్‌ (15) గుర్తించారు  శ్రీనాథ్‌ దుబాయ్‌లో ఉద్యోగం చేస్తూ సెలవులు పెట్టి ఊరికి వచ్చాడు. ఆయన భార్య స్మిత అక్కడే ఓ ఇంటర్నెట్‌ సెంటర్‌ నిర్వహిస్తున్నారు. ఆమెకు ఆరోగ్యం బాగా లేకపోవడంతో వారితో పాటు రాలేకపోయారు. ఈ క్రమంలో ముగ్గురూ కలిసి బెంగళూరులో బంధువులను కలవాలని బయల్దేరారు. ముగ్గురూ కారులో కొల్లూరు మూకాంబిక ఆలయంలో అమ్మవారి దర్శనం చేసుకుని వెళుతుండగా, మంజేశ్వర వద్ద ఎదురుగా వేగంగా వచ్చిన అంబులెన్స్‌ ఢీకొట్టింది. ఆ ధాటికి రెండు వాహనాలూ పలీ్టలు కొట్టాయి. తండ్రీ కొడుకులు కారులోనే దుర్మరణం చెందారు. అంబులెన్స్‌ డ్రైవర్, ఇద్దరికి కూడా గాయాలు తగిలాయి. ప్రమాదం ఊళ్లోనే జరగడంతో పెద్దసంఖ్యలో జనం పోగయ్యారు. పోలీసులు చేరుకుని మృతదేహాలను, బాధితులను ఆస్పత్రులకు తరలించారు. ఘటనాస్థలమంతా రక్తసిక్తమై భీతావహంగా మారింది. ఈ విషయాన్ని ఊళ్లోని శ్రీనాథ్‌ భార్యకు ఇంకా చెప్పలేదని, ఇంత ఘోరం జరుగుతుందనుకోలేదని మృతుల బంధువుల విలపించారు.      

సాక్షి, న్యూఢిల్లీ: ఢిల్లీ మద్యం విధానం కుంభకోణం కేసులో బీఆర్‌ఎస్‌ ఎమ్మెల్సీ కల్వకుంట్ల కవిత జ్యుడీషియల్‌ కస్టడీని ప్రత్యేక కోర్టు మరోసారి పొడిగించింది. ఈడీ కేసులో ఈ నెల 14వ తేదీ వరకు.. సీబీఐ కేసులో ఈ నెల 20వ తేదీ వరకు పొడిగిస్తూ ప్రత్యేక కోర్టు న్యాయమూర్తి కావేరి బవేజా మంగళవారం ఆదేశాలు జారీ చేశారు. ఈ కేసుల్లో ఇంతకు ముందు విధించిన జ్యుడీషియల్‌ కస్టడీ గడువు ముగియడంతో.. అధికారులు కవితను రౌజ్‌ అవెన్యూ కోర్టులో హాజరుపరిచారు. దర్యాప్తు కీలక దశలో ఉన్నందున కస్టడీ పొడిగించాలని ఈడీ తరఫు న్యాయవాది నవీన్‌కుమార్‌ మట్టా కోరారు.కుంభకోణంలో కవిత పాత్రపై ఒకట్రెండు రోజుల్లో చార్జిషీటు దాఖలు చేస్తామని కోర్టుకు వివరించారు. మరోవైపు సీబీఐ కేసులో న్యాయవాది పంకజ్‌ గుప్తా వాదనలు వినిపిస్తూ.. కవితతో సంబంధాలు ఉన్న మరికొందరిని విచారించాల్సి ఉందని, దర్యాప్తు సజావుగా సాగాలంటే జ్యుడీషియల్‌ కస్టడీ పొడిగించాలని కోరారు. ఇక ఈడీ కేసులో కవిత తరఫు న్యాయవాది నితీశ్‌రాణా వాదనలు వినిపిస్తూ.. కుటుంబ సభ్యులు కవితతో 15 నిమిషాలు మాట్లాడటానికి అనుమతించాలని కోరారు. కోర్టు లాకప్‌లో పిటిషనర్‌ భర్త తీసుకొచ్చిన ఆహారాన్ని అనుమతించాలని విజ్ఞప్తి చేశారు. జైలుకు పంపుతున్న ఇంటి భోజనాన్ని కూడా జైలు సూపరింటెండెంట్‌ ఒక్కరే తనిఖీ చేసేలా ఆదేశాలు ఇవ్వాలని కోరారు. అయితే న్యాయమూర్తి జోక్యం చేసుకుని.. కవితకు ఇంటి భోజనం నిలిపివేశాక కూడా మళ్లీ ఎందుకు అడుగుతున్నారని, దీనిపై జైలు సూపరింటెండెంట్‌ వివరణ ఇవ్వాలని ఆదేశించారు. తర్వాత కవిత జ్యుడీషి యల్‌ కస్టడీలను పొడిగిస్తూ ఉత్తర్వులు ఇచ్చారు. కవితకు చదువుకోవ డానికి పది పుస్తకా లను అనుమతించాల ని జైలు అధికారులకు సూచించారు. ఈడీ, సీబీఐ కేసులలో ప్రత్యేక కోర్టుకు కవితకు బెయిల్‌ నిరాకరించిన నేపథ్యంలో.. ఆమె న్యాయవా దులు బుధవారం ఢిల్లీ హైకోర్టును ఆశ్రయించాలని నిర్ణయించినట్టు తెలిసింది.నా అరెస్టు అన్యాయం: కవితఅధికారులు ప్రత్యేక కోర్టు ప్రాంగణంలోకి కవితను తీసుకువచ్చినప్పుడు.. ‘జైతెలంగాణ.. జై భారత్‌’ అంటూ నినాదాలు చేశారు. కోర్టు హాల్‌ నుంచి బయటకు వస్తున్న సమయంలో.. ప్రజ్వల్‌ రేవణ్ణ వంటి వాళ్లను దేశం దాటించి, తనలాంటి వారిని అరెస్టు చేయడం అన్యాయమని కవిత వ్యాఖ్యానించారు. ఈ విషయాన్ని ప్రజలు గమనించాలని పేర్కొన్నారు.

శివాజీనగర: ప్రజ్వల్‌ రేవణ్ణ కేసులో డీసీఎం డీ.కే.శివకుమార్‌ హస్తం ఉన్న ఆరోపణలు నేపథ్యంలో డిప్యూటీ సీఎం డీకే శివకుమార్‌ను మంత్రి వర్గం నుంచి తప్పించాలని జేడీఎస్‌ నేత హెచ్‌డీ కుమారస్వామి డిమాండ్‌ చేశారు. మంగళవారం మీడియాతో మాట్లాడిన ఆయన డీ.కే.శివకుమార్‌ చరిత్ర అందరికి తెలుసు. రేవణ్ణను అరెస్ట్‌ చేయించిన సీఎం ముందుగా తన క్యాబినెట్‌ నుండి డీ.కే.శివకుమార్‌ను తొలగించాలని కుమారస్వామి ధ్వజమెత్తారు. కేసు నిష్పక్షపాతంగా, పారదర్శకంగా జరగాలంటే డీకేశిని పదవి నుంచి తప్పించాలని అన్నారు. తమ పేరును పదే పదే ఉపయోగించుకొంటున్న నేపథ్యంలో స్టే తీసుకొచ్చాం. తాను ఇక్కడ నేడు ప్రజా ప్రతినిధి ఆ బాధ్యతతో కూర్చొన్నాను. తన వ్యక్తిగతం కాదు ఇది. రాష్ట్రంలో పెనుమార్పుల నేపథ్యంలో ప్రజల ముందు తీసుకొచ్చేందుకు ఇక్కడికి వచ్చి మాట్లాడుతున్నానని తెలిపారు. ప్రజ్వల్‌ కేసులో 16 ఏళ్ల బాలిక కూడా బాధితురాలని కాంగ్రెస్‌ నాయకుడు రాహుల్‌ గాంధీ బహిరంగంగా చెప్పారు. ఏ ఆధారంతో రాహుల్‌ ఆ వ్యాఖ్యలు చేశారు. ప్రభుత్వం బాధితులకు భద్రత కల్పించడం పట్టించుకోదు, ఈ ప్రభుత్వానికి కావాల్సింది కేవలం ప్రచారం మాత్రమేనని దుయ్యబట్టారు. కావాలనే వేలాది పెన్‌డ్రైవ్‌లను హాసన్‌లో వెదజల్లారని ఆరోపించారు. జేడీఎస్‌ నేత హెచ్‌డీ కుమారస్వామి డిమాండ్‌

మండ్య: మండ్య నగరంతో పాటు తాలూకా పరిధిలో సోమవారం రాత్రి గాలీవాన బీభత్సం కలిగించింది. అనేక చోట్ల చెట్లు కూలిపోయాయి. నగరంలో జనరల్‌ ఆస్పత్రి రోడ్డులో వ్యాన్‌పై చెట్టు కూలి తాలూకాలోని జ.బొమ్మనహళ్ళికి చెందిన కార్తీక్‌ (28) అనే యువకుడు మరణించగా, ఇద్దరికి స్వల్ప గాయాలయ్యాయి. బుధవారం కార్తీక్‌ పుట్టిన రోజు ఉండడంతో మారుతి వ్యాన్‌లో ఇద్దరు స్నేహితులో కలిసి మండ్యకు వచ్చి బట్టలు కొనుగోలు చేసి వెళ్తుండగా గాలీవాన వచ్చింది. దీంతో రోడ్డు పక్కన చెట్టు కింద వ్యాన్‌ నిలపగా చెట్టు కూలి పడిపోయింది. అది ధ్వంసం కాగా కార్తీక్‌ తీవ్ర గాయాలతో చనిపోయాడు. ఇక మండ్య, పరిసర ప్రాంతాల్లో చెట్లు, కరెంటు స్తంభాలు పడిపోయాయి. కేబుల్‌ వైర్లు తెగిపడ్డాయి. చాలాచోట్ల రాత్రంతా కరెంటు పోయింది. మంగళవారం ఉదయం కొమ్మల తొలగింపు చేపట్టారు. మారుతి వ్యాన్‌పై చెట్టు పడి ఒకరు మృతి