TV
హయత్‌నగర్(హైదరాబాద్): అద్దె ఇంట్లో గుట్టుగా వ్యభిచారం నిర్వహిస్తున్న ఓ ముఠాను పోలీసులు గుట్టురట్టు చేసిన సంఘటన మంగళవారం హయత్‌నగర్ పోలీస్‌స్టేషన్ పరిధిలో జరిగింది. పోలీసుల కథనం ప్రకారం... గుంటూరుకు చెందిన సత్యవతి పెద్దఅంబర్‌పేటలోని సాయినగర్ కాలనీలో ఓ ఇంటిని అద్దెకు తీసుకుని వ్యభిచారం గృహం నిర్వహిస్తోంది.
సమాచారం అందుకున్న ఎస్‌వోటీ పోలీసులు మంగళవారం దాడి చేశారు. నల్లగొండ జిల్లా రామన్నపేట మండలం ఎల్లంకి గ్రామానికి చెందిన దొండ మధుసూదన్‌రెడ్డి, రాజేందర్‌రెడ్డి అనే విటులతో పాటు బెంగాలికి చెందిన ఓ మహిళను అదుపులోకి తీసుకున్నారు. మహిళను, నిర్వాహకురాలు సత్యవతిలను అదుపులోకి తీసుకుని పోలీస్‌స్టేషన్‌కు తరలించారు. వారి వద్ద నుంచి 5 సెల్‌ఫోన్లు, ఓ బైకు, రూ.1500 నగదు స్వాధీనం చేసుకున్నారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.
