పట్టణాలపై పూర్తి ఆధిపత్యం!

27 Jul, 2019 01:48 IST|Sakshi
శుక్రవారం తెలంగాణ భవన్‌లో పార్టీ సభ్యత్వ ఇన్‌చార్జీలతో మాట్లాడుతున్న కేటీఆర్‌

సాక్షి, హైదరాబాద్‌ : మున్సిపల్‌ ఎన్నికల్లో పార్టీ పూర్తి ఆధిపత్యాన్ని ప్రదర్శించేలా నాయకులు, కార్యకర్తలు సన్నద్ధం కావాలని టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఆదేశించారు. పట్టణ ప్రాంతాల్లో బీజేపీపై పూర్తి ఆధిక్యాన్ని చాటేలా అన్ని జాగ్రత్తలు తీసుకోవాలని సూచించారు. లోక్‌సభ ఎన్నికల్లో బీజేపీ గెలిచిన 4ఎంపీ సీట్ల పరిధిలో పార్టీ సభ్యత్వాన్ని భారీగా నమోదు చేసి రాజకీయంగా బలపడేలా గట్టి చర్యలు తీసుకోవాలని ఆయా జిల్లాల సభ్యత్వ ఇన్‌చార్జీలను ఆదేశించారు. కార్పొరేషన్‌ ఎన్నికలు జరగాల్సిన హైదరాబాద్, నిజామాబాద్, కరీంనగర్‌లలో ఇప్పటి నుంచే పోలింగ్‌ బూత్‌ స్థాయి నుంచి పార్టీని, కేడర్‌ను పటిష్టం చేసుకోవాలన్నారు. బీజేపీ ఎంపీ సీట్లు గెలిచిన చోట ఎక్కడా కూడా టీఆర్‌ఎస్‌ బలం, ఓట్లు తగ్గకుండా చర్యలు తీసుకోవాలన్నారు. లోక్‌సభ ఎన్నికల్లో ఆయా నియోజకవర్గాల్లో పార్టీకి ఎదురైన ఓటములను అధిగమించేలా మున్సిపల్‌ ఎన్నికల్లో సత్తా చాటాలని ఆదేశించారు. ఈ నెలాఖరులోగా 60 లక్షల సభ్యత్వాల నమోదు పూర్తిచేయాలని, పట్టణాల్లో బూత్‌కమిటీల నియామకం చేపట్టాలని సూచించారు. శుక్రవారం తెలంగాణ భవన్‌లో పార్టీ సభ్యత్వ ఇన్‌చార్జీలు, సభ్యత్వ డిజిటలైజేషన్‌ ఇన్‌చార్జీలతో సమీక్ష సందర్భంగా ఆయా అంశా లు చర్చకు వచ్చాయి. 

చురుగ్గా సభ్యత్వ నమోదు 
ఇప్పటికే 50 లక్షల మంది పార్టీ సభ్యత్వం తీసుకున్నారని, ఇంకా సభ్యత్వ నమోదు చురుగ్గా కొనసాగుతోందని సమీక్షలో కేటీఆర్‌ పేర్కొన్నారు. దాదాపు 20 లక్షల మంది వివరాలను పార్టీ డిజిటలైజేషన్‌ పూర్తి చేసిందని చెప్పారు. పలు నియోజక వర్గాల్లో లక్ష్యాన్ని మించి సభ్యత్వ నమోదు జరిగిందని, ఇలాంటి చోట్ల మరిన్ని సభ్యత్వ నమోదు పుస్తకాలను పార్టీ కార్యాలయం నుంచి తీసుకున్నారని తెలియజేశారు. సభ్యత్వ నమోదు సందర్భంగా కార్యకర్తల పూర్తి వివరాలను సేకరించాలని ఇచ్చిన మార్గదర్శకాల మేరకు కనీస వివరాలను అందిస్తున్నారో లేదో అడిగి తెలుసుకున్నారు. ఈ వివరాల అధారంగానే కార్యకర్తల బీమా సౌకర్యం ముడిపడుందని కేటీఆర్‌ స్పష్టం చేశారు. లక్ష్యం మేరకు సభ్యత్వాన్ని పూర్తి చేసిన పార్టీ ఇన్‌చార్జీలను, స్థానిక ఎమ్మెల్యేలను అభినందించారు. 

గజ్వేల్, పాలకుర్తి టాప్‌: పల్లా 
టీఆర్‌ఎస్‌లో చేరిన సభ్యులందరికి రూ.2లక్షల చొప్పున ప్రమాదబీమా ఆగస్టు1 నుంచే అమల్లోకి వచ్చేలా కేటీఆర్‌ ఆదేశించారని టీఆర్‌ఎస్‌ ప్రధాన కార్యదర్శి పల్లా రాజేశ్వర్‌రెడ్డి తెలిపారు. కార్పొరేషన్లు, మునిసిపాలిటీల్లో బూత్‌ కమిటీల నియామకం పూర్తి చేయాలని చెప్పారన్నారు. ఈ కార్యక్రమంలో పార్టీ శ్రేణులు ఉత్సాహంగా పాల్గొంటున్నాయన్నారు. పార్టీ సభ్య త్వం తీసుకున్న వారికి శిక్షణాకార్యక్రమాలు నిర్వహించి క్రమశిక్షణతో పాటు పరిజ్ఞానం, మేధోపరంగా సుశిక్షితులైన సైనికులుగా తీర్చిదిద్దుతామన్నారు. సీఎం కేసీఆర్‌ నియోజకవర్గం గజ్వేల్, పీఆర్‌శాఖ మంత్రి ఎర్రబెల్లి దయాకరరావు నియోజకవర్గం పాలకుర్తిలలో అత్యధికంగా 70 వేలకు మించి సభ్య త్వ నమోదు జరిగిందన్నారు. 50వేల చొప్పున సభ్యత్వం దాటిన నియోజకవర్గాలు 20కి పైగానే ఉన్నాయన్నారు.

Read latest Telangana News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

తెలుగు రాష్ట్రాల్లో ఎక్కడ నుంచైనా రేషన్‌ 

చినుకు కునుకేసింది

మా ఊరికి డాక్టరొచ్చిండు

తెలంగాణకు ఐఐఐటీ

మరో నలుగురు

ఓబీసీ పార్లమెంటరీ స్టాండింగ్ కమిటీ సభ్యుడిగా బండి సంజయ్

‘హెక్టారుకు రూ. 50,000  పెట్టుబడి సాయం’

ఈనాటి ముఖ్యాంశాలు

ఆ ప్రాంతం ఏ పరిధిలోకి వస్తుంది: హైకోర్టు

‘రూ. 300 కోట్లతో ఫార్మసీ కంపెనీ’

‘రెచ్చగొట్టే వ్యాఖ్యలు చేయలేదు’

తెలంగాణ ‘నయాగరా’

అధికారి సాయంతో ఊరికి చేరిన మృతదేహం

యువతి కిడ్నాప్‌; కీలక ఆధారాలు లభ్యం..!

‘కేసీఆర్‌ వ్యాఖ్యలపై పోలీసులు ఏం చేస్తారు’

వైరల్‌.. గాంధీలో వైద్య విద్యార్థుల టిక్‌టాక్‌

తాళం వేసిన ఇళ్లే వీరి టార్గెట్‌

మాట్లాడే పుస్తకాలు వచ్చేశాయ్‌!

తొందరొద్దు..   సరిదిద్దుకుందాం!

టీఆర్‌ఎస్‌ అరాచకాలపై పోరాడతాం : బండి సంజయ్‌

జలపాతాల కనువిందు

పెట్టుబడి సొమ్ము.. బ్యాంకర్లకే!

వివాహేతర సంబంధానికి అడ్డుగా వున్నాడని..

సింగరేణి పార్క్‌ వద్ద కొండచిలువ హల్‌చల్‌

ఈ మిర్చిని అమ్మేదెలా..?

‘అవుట్‌సోర్సింగ్‌ సిబ్బంది పొట్టగొట్టారు’

ఎడ్లబండ్లు యాడికిపాయే! 

శ్రీరామ సాగరానికి 56ఏళ్లు

చదివింది ఏడు.. చేస్తుంది ఫ్రాడ్‌

ఆంధ్రప్రదేశ్
తెలంగాణ
సినిమా

గ్యాంగ్‌స్టర్‌ గానా బజానా!

రీమేక్‌ క్వీన్‌

రాజమండ్రికి పోదాం!

మిస్టర్‌ బచ్చన్‌ పాండే

మంచి కంటెంట్‌ ఉన్న సినిమా

అందరూ ఆలోచించేలా...