● జిల్లా కేంద్రంలో వ్యాపారులకుసూచించిన సీఆర్‌ఓ ప్రతినిధులు ● పలు స్థావరాలను పరిశీలించిమున్సిపల్‌ కమిషనర్‌కు ఫిర్యాదు మహబూబ్‌నగర్‌ మున్సిపాలిటీ: కృత్రిమ పద్ధతిలో మామిడి, అరటికాయలను మాగబెట్టొద్ద ని వినియోగదారుల హక్కుల సంస్థ (కన్సూమర్‌ రైట్స్‌ ఆర్గనైజేషన్‌–సీఆర్‌ఓ) జిల్లా అధ్యక్షుడు జి.బాలరాజు, ప్రధాన కార్యదర్శి నాగ రాజు వ్యాపారులకు సూచించారు. జిల్లా కేంద్రంలోని కొన్ని ప్రాంతాలలో ఈ పద్ధతిని అవలంబిస్తున్నారని తెలుసుకున్న వారు గురువా రం సీఆర్‌ఓ సభ్యులతో కలిసి పరిశీలించారు. ముఖ్యంగా పది కిలోల మామిడి గల బాక్స్‌లో ఎక్కువ మోతాదులో ఎతిలిన్‌ కెమికల్‌ పాకెట్లను నేరుగా పెట్టడాన్ని గమనించారు. ఈ పండ్లను ప్రజలు తిన్న తర్వాత అనారోగ్యం పాలవుతారని, ఫుడ్‌ సేఫ్టీ అండ్‌ స్టాండర్డ్‌ మార్గదర్శకాలను పట్టించుకోకుండా నిషేధిత పద్ధతిలో పండ్లను మాగబెట్టడం తగదన్నారు. అలాగే అరటికాయలకు సైతం ఇదే పద్ధతిని పాటిస్తున్నట్లు వారు తెలుసుకున్నారు. ముఖ్యంగా మామిడిపండ్లు, అరటికాయలు కొనే ముందు అన్ని జాగ్రత్తలు తీసుకోవాలని ప్రజలను కోరారు. అనంతరం ఇలా విచ్ఛలవిడిగా కొనసాగుతున్న ఈ తతంగాన్ని మున్సిపల్‌ కమిషనర్‌ డి.మహేశ్వర్‌రెడ్డిని కలిసి ఫిర్యాదు చేశారు. కాగా, ఆయా స్థావరాలను వెంటనే పరిశీలించి బాధ్యులపై తగు చర్యలు తీసుకుంటామని ఆయన హామీ ఇచ్చారు. కార్యక్రమంలో సీఆర్‌ఓ జిల్లా ఉపాధ్యక్షులు బాలచందర్‌, రామేశ్వర్‌ రెడ్డి, జేఏ సత్యనారాయణ, సంయుక్త కార్యదర్శి చందు, సభ్యులు తిమ్మాపురం నరసింహ, నరేందర్‌ తదితరులు పాల్గొన్నారు.

మహబూబ్‌నగర్‌ (వ్యవసాయం)/మిడ్జిల్‌/అడ్డాకుల: జిల్లాలోని పలు ప్రాంతాల్లో గురువారం మోస్తరు వర్షం కురిసింది. సాయంత్రం ఒక్కసారిగా ఆకాశం మేఘావృతమై ఈదురుగాలులతో కూడిన వర్షం కురిసింది. మూసాపేట, అడ్డాకుల, భూత్పూర్‌ మండలాల్లో అత్యధిక వర్షపాతం నమోదు కాగా.. మిగతా మండలాల్లో ఓ మోస్తరు వర్షం కురిసింది. అకాల వర్షంతో ఆరబెట్టిన ధాన్యంతో పాటు కొనుగోలు కేంద్రాల్లో నిల్వ ఉంచిన ధాన్యం రాశులు తడచి ముద్దయ్యాయి. ధాన్యం కుప్పల కిందకు నీరు చేరకుండా రైతులు నానా తంటాలు పడ్డారు. ఈదురుగాలులతో మామిడికాయలు రాలిపోయాయి. కాగా, వర్షంతో వాతావరణం చల్లబడింది. అడ్డాకులలో కురుస్తున్న వర్షం

జిల్లాలో 3.21 లక్షలకు పైగా ఎకరాల్లో పంటల సాగు అంచనా మహబూబ్‌నగర్‌ (వ్యవసాయం): వానాకాలం పంటల ప్రణాళికను వ్యవసాయశాఖ సిద్ధం చేసింది. ఈ ఏడాది ముందుగానే రుతుపవనాలు వచ్చే అవకాశం ఉందని వాతావరణ శాఖ సూచిస్తున్న నేపథ్యంలో రైతులకు సరిపడా ఎరువులు, విత్తనాలు అందుబాటులో ఉండేవిధంగా చర్యలు చేపట్టింది. ప్రభుత్వ ఆదేశాల మేరకు ఎరువుల కొరత ఏర్పడకుండా పక్కా ప్రణాళిక రూపొందించింది. మరోవైపు సొసైటీలు, డీలర్ల వద్ద డీఏపీ, యూరియా, ఇతర కాంప్లెక్స్‌ ఎరువుల నిల్వలపై వ్యవసాయశాఖ అధికారులు ఆరా తీస్తున్నారు. ప్రస్తుతం ఉన్న నిల్వలు, వానాకాలం పంటలకు అవసరమయ్యే ఎరువులపై లెక్కలు తీస్తున్నారు. జిల్లా, డివిజన్‌, మండల స్థాయి వ్యవసాయ అధికారులు రోజువారీగా పర్యటించి, తమ పరిధిలో ఉన్న డీలర్ల వద్ద ఎరువుల నిల్వలను తనిఖీ చేసి, ప్రభుత్వానికి నివేదికలు పంపుతున్నారు. ● వానాకాలం సీజన్‌ ప్రారంభానికి ముందే 50 శాతం విత్తనాలు, ఎరువులు మార్కెట్‌లో అందుబాటులో ఉండేలా అధికారులు చర్యలు తీసుకుంటున్నారు. ఎరువులకు సంబంధించి ప్రతి రైతు తప్పనిసరిగా పట్టాదారు పాస్‌పుస్తకం, ఆధార్‌ జిరాక్స్‌ ఇవ్వాల్సి ఉంటుంది. ఒరిజినల్స్‌తో పాటు జిరాక్స్‌ తీసుకెళ్తేనే సబ్సిడీపై ఎరువులు అందజేస్తారు. రైతులు కొనుగోలుచేసిన ఎరువులకు తప్పకుండా బిల్లులు తీసుకోవాలని అధికారులు పేర్కొంటున్నారు. గరిష్ట ధర, సబ్సిడీ వివరాలు ఎరువుల బస్తాపై స్పష్టంగా రాస్తారని సూచిస్తున్నారు. అన్ని ఏర్పాట్లు పూర్తిచేశాం.. ప్రభుత్వ ఆదేశాల మేరకు వానాకాలం పంటల సా గుకు సంబంధించి అన్ని ఏర్పాట్లను పూర్తిచేశాం. 3,21,523 ఎకరాల్లో వివిఽ ద పంటలు సాగయ్యే అవకాశాలు ఉన్నాయి. అందుకు సంబంధించి వరి, పత్తి విత్తనాలతో పాటు పప్పు దినుసులు ఇతర విత్తనాలన్నింటినీ ముందుగానే సిద్ధంచేసి ఉంచుతాం. అదేవిధంగా ఎరువులు కూడా అందుబాటులో ఉండేవిధంగా ఏర్పాట్లు చేస్తున్నాం. – బి.వెంకటేష్‌, జిల్లా వ్యవసాయశాఖ అధికారి 3.21 లక్షల ఎకరాల్లో.. వానాకాలంలో జిల్లావ్యాప్తంగా 3,21,523 ఎకరాల్లో పంటలు సాగవుతాయని వ్యవసాయశాఖ ప్రభుత్వానికి నివేదించింది. వరి 1,70,445 ఎకరాల్లో సాగు కానుండగా.. 42,612 క్వింటాళ్ల విత్తనాలు అందుబాటులో ఉంచనున్నారు. అదేవిధంగా పత్తి 85,379 ఎకరాల్లో సాగు కానుండగా.. 853.79 క్వింటాళ్ల విత్తనాలు సిద్ధంగా ఉంచాలని ప్రణాళిక రూపొందించారు. మొక్కజొన్న 33,894 ఎకరాలకు గాను 2,711.52 క్వింటాళ్ల విత్తనాలు, కందులు 18,229 ఎకరాలకుగాను 546 క్వింటాళ్ల విత్తనాలు, జొన్నలు 11,312 ఎకరాలకు గాను 452 క్వింటాళ్లు, ఆముదం 921 ఎకరాలకుగాను 18.42 క్వింటాళ్లు, రాగులు 1,079 ఎకరాలకుగాను 21.58 క్వింటాళ్లు, పెసర్లు 174 ఎకరాలకుగాను 13.92 క్వింటాళ్లు, వేరుశనగ పంట సాగుకు 27 క్వింటాళ్ల విత్తనాలను సిద్ధం చేయనున్నారు. ఇతర పంటలు 45 ఎకరాలకుగాను 3.6 క్వింటాళ్ల విత్తనాలు అందుబాటులో ఉంచాలని వ్యవసాయశాఖ నిర్ణయం తీసుకుంది. అత్యధికంగా వరి, పత్తి పంటలు సాగయ్యే అవకాశం సీజన్‌కు ముందే సరిపడా ఎరువుల నిల్వలు అవసరమయ్యే ఎరువులు 70,160మెట్రిక్‌ టన్నులు అందుబాటులో ఉన్న ఎరువులు 51,053మెట్రిక్‌ టన్నులు

గండేడ్‌/మహమ్మదాబాద్‌: కొనుగోలు కేంద్రాల్లో రైతులకు ఎలాంటి ఇబ్బందులు కలగకుండా ధాన్యం సేకరణ చేపట్టాలని అదనపు కలెక్టర్‌ మోహన్‌రావు అన్నారు. ఉమ్మడి మండలంలోని వెంకట్‌రెడ్డిపల్లి, గండేడ్‌, సల్కర్‌పేట్‌ గ్రామాల్లో ధాన్యం కొనుగోలు కేంద్రాలను పరిశీలించారు. ఈసందర్భంగా రైతులతో మాట్లాడి సమస్యలను తెలుసుకున్నారు. తూకం ఏమేర వేస్తున్నారు.. తరుగు ఏమైనా తీస్తున్నారా అని ఆరా తీశారు. అనంతరం అదనపు కలెక్టర్‌ మాట్లాడుతూ.. కొనుగోలు కేంద్రాల్లో రైతులకు నీడ, తాగునీటి వసతి కల్పించాలని నిర్వాహకులకు సూచించారు. గన్నీ బ్యాగుల కొరత ఉంటే తమ దృష్టికి తీసుకురావాలని తెలిపారు. ఇటీవల వర్షాలు కురుస్తున్న దృష్ట్యా కొనుగోలు కేంద్రాలకు తీసుకొచ్చిన ధాన్యం తడవకుండా జాగ్రత్తలు తీసుకోవాలన్నారు. తూకం వేసిన ధాన్యాన్ని సకాలంలో తరలించాలని సూచించారు. ధాన్యం అమ్మిన రైతుల వివరాలను ఎప్పటికప్పుడు ట్యాబ్‌లలో నమోదు చేయాలని తెలిపారు. అదనపు కలెక్టర్‌ వెంట తహసీల్దార్‌ నాగలక్ష్మి, ఏపీఎం బాలకృష్ణ తదితరులు ఉన్నారు.

మహబూబ్‌నగర్‌ న్యూటౌన్‌: అమ్మ ఆదర్శ పాఠశాలల్లో చేపట్టాల్సిన కనీస మౌలిక వసతులకు సంబంధించిన పనులను త్వరితగతిన పూర్తిచేయాలని కలెక్టర్‌ జి.రవి నాయక్‌ అధికారులను ఆదేశించారు. గురువారం కలెక్టరేట్‌ సమావేశం మందిరం నుంచి వెబెక్స్‌ ద్వారా ఎంపీడీఓలు, ఎంఈఓలు, మండల ప్రత్యేక అధికారులు, ఇంజినీరింగ్‌ అధికారులు, ఏపీఎంలు, మండల నోడల్‌ అధికారులు, కాంప్లెక్స్‌ స్కూల్‌ హెడ్‌ మాస్టర్‌లతో అమ్మ ఆదర్శ పాఠశాలల్లో చేపట్టిన పనులపై మండలాల వారీగా సమీక్షించారు. కలెక్టర్‌ మాట్లాడుతూ అమ్మ ఆదర్శ పాఠశాలల కమిటీల ద్వారా ప్రభుత్వ పాఠశాలల్లో తాగునీటి సౌకర్యం, టాయిలెట్స్‌, ఎలక్ట్రిసిటీ, పెయింటింగ్‌, మరమ్మతులు, పాఠశాలలో మౌలిక వసతుల కల్పనకు చేపట్టాల్సిన పనులను పూర్తిచేయాలని అన్నారు. పనులు నాణ్యతగా ఉండాలన్నారు. ఇంకా పనులు మొదలు పెట్టని పాఠశాలల్లో వెంటనే చేయాలని ఆదేశించారు. పనుల అంచనాల్లో 25 శాతం నిధులు ఎంపీడీఓలకు విడుదల చేసినట్లు, వారి ద్వారా వీఓలకు చేరుతాయనితెలిపారు. మండల అధికారులు పనులు క్షేత్ర స్థాయిలో పరిశీలించాలని ఆదేశించారు. ఏమైనా సమస్యలు ఉంటే సంబంధితశాఖల అధికారుల దృష్టికి తీసుకురావాలన్నారు. జిల్లా విద్యా శాఖ అధికారి మాట్లాడుతూ విద్యార్థులకు స్కూల్‌ యూనిఫాం 18న వస్తుందని, ఎంఈఓలు మండలంలో గుర్తించిన మహిళా సంఘాల ద్వారా కుట్టించాలని అన్నారు. ప్రజావాణి దరఖాస్తులుపరిష్కరించాలి ప్రజావాణి, సీఎం కార్యాలయం నుంచి వచ్చిన దరఖాస్తులు వెంటనే పరిష్కరించాలని కలెక్టర్‌ ఆదేశించారు. కలెక్టరేట్‌ కార్యాలయం నుంచి పెండింగ్‌ దరఖాస్తులు,ఽ ధరణి, మీ సేవ పెండింగ్‌ దరఖాస్తులు, ఇసుక పెనాల్టీలకు, లేఅవుట్‌ల అనుమతి తదితర అంశాలపై సమీక్షించారు. ఇసుక అక్రమ మైనింగ్‌, అక్రమ రవాణా పై మైనింగ్‌ అధికారులు తనిఖీ నిర్వహించి జరిమాన విధించాలని అన్నారు. ధరణి పోర్టల్‌ లో పెండింగ్‌ దరఖాస్తులు రెవెన్యూ అధికారులు పరిష్కరించాలని అన్నారు. మొదలు పెట్టని పనులు వెంటనే గ్రౌండింగ్‌ చేయాలి: కలెక్టర్‌ రవినాయక్‌