సాక్షి ప్రతినిధి, ఖమ్మం: సాధారణ ఎన్నికల అనంతరం జిల్లాలో నామమాత్రంగా మారిన తెలుగుదేశం పార్టీ తన ఉనికిని కాపాడుకోవడం కోసం మరో రాజకీయ ప్రయత్నానికి తెరలేపింది. శాసనసభ ఎన్నికల్లో ఒకే ఒక్క ఎమ్మెల్యే స్థానానికి పరిమితమైన ఆ పార్టీ క్రమంగా ప్రాభవాన్ని కోల్పోతోంది. ఇప్పటి వరకు పార్టీని, కార్యకర్తలను పట్టించుకోని అధిష్టానం ఒక్కసారిగా జిల్లాపై దృష్టి సారించడం, హడావుడిగా రాష్ట్రస్థాయి నేతలను జిల్లాకు పంపిస్తున్న తీరు ఆ పార్టీ దుస్థితికి అద్దంపడుతోంది. సార్వత్రిక ఎన్నికల్లో పార్టీ పరాజయం తర్వాత కనీసం రాష్ట్రస్థాయి నేతలు, జిల్లా ముఖ్యులు నియోజకవర్గాల వారీగా సమీక్ష సమావేశాలు సైతం నిర్వహించకపోవడంతో కార్యకర్తలు అధిష్టానంపై ఆగ్రహంతో ఉన్నారు.
రైతు కుటుంబాలను ఆదుకునే పేరుతో పర్యటన
రైతు కుటుంబాలను ఆదుకునే పేరుతో టీడీపీ రాష్ట్ర ముఖ్యనాయకులు జిల్లా పర్యటనకు శుక్రవారం వస్తున్నారు. టీటీడీపీ చైర్మన్ రమణ, టీడీఎల్పీ నేత ఎర్రబెల్లి దయాకర్రావు, పార్టీ ఎమ్మెల్యే రేవంత్రెడ్డితో పాటు జిల్లాకు చెందిన ముఖ్యనాయకులు ఆత్మహత్యలు చేసుకున్న రైతు కుటుంబాలను పరామర్శిస్తారు. ఆర్థిక సహాయం అందిస్తారు. రైతు పరామర్శల పేరుతో వస్తున్నప్పటికీ పార్టీలో అలముకున్న తీవ్ర నిస్తేజాన్ని తొలగించడమే ఈ పర్యటన ముఖ్య ఉద్దేశంగా తెలుస్తోంది. పార్టీ కోసం అహర్నిశలు శ్రమించిన కార్యకర్తలను ఈ ఆరునెలల్లో ఏనాడూ పలకరించని మండల, జిల్లాస్థాయి నేతలు కొందరు శుక్రవారం నాటి సభకు చేస్తున్న హడావిడి ఆ పార్టీ కార్యకర్తలనే ఆశ్చర్యపరుస్తోంది.
పార్టీలో లుకలుకలు..
చెల్లాచెదురైన కేడర్
గత కొంతకాలంగా పార్టీ జిల్లా నాయకత్వంలో సమన్వయం కొరవడిందని కార్యకర్తలు అంటున్నారు. తమను పట్టించుకునే నాథుడే లేకపోయాడని వారు వాపోతున్నారు. ఈ నేపథ్యంలో ఎన్నికల ఫలితాలు వెల్లడైన కొద్దిరోజులకే పలువురు కార్యకర్తలు పార్టీకి రాంరాం చెప్పారు. ఇతర పార్టీలను ఆశ్రయించారు. ఈ పరిస్థితులను ఎదుర్కోవడానికి కార్యకర్తలను సమాయత్తం చేయకపోవడం, రాష్ట్రంలో టీఆర్ఎస్ ప్రభుత్వం అధికారంలోకి రావడం, జిల్లా టీడీపీలో రెండు వర్గాలుగా ఉండటం, మాజీ మంత్రి తుమ్మల నాగేశ్వరరావు, మాజీ ఎంపీ నామా నాగేశ్వరరావు వర్గాల మధ్య పచ్చగడ్డి వేస్తే భగ్గుమన్న వైనం..వీటన్నింటి మధ్య తుమ్మల పార్టీకి రాజీనామా చేశారు. ఆయనబాటలోనే పలువురు టీడీపీ కార్యకర్తలు నడిచారు.
పంచాయతీ, మండల పరిషత్, జెడ్పీటీసీ ఎన్నికల వరకు కొంత మెరుగ్గా ఉన్న టీడీపీ పరిస్థితి తుమ్మల రాజీనామాతో మరింతగా దిగజారిపోయింది. టీడీపీ నుంచి జడ్పీటీసీలుగా గెలిచిన 18 మందిలో ఒకరిద్దరు మినహా మిగిలిన వారందరూ టీఆర్ఎస్లో చేరారు. పలువురు ఎంపీపీలు సైతం టీఆర్ఎస్ తీర్థం పుచ్చుకున్నారు. గ్రామసర్పంచ్లు, సహకార సంఘాల అధ్యక్షులు, చివరికి డీసీసీబీ చైర్మన్ మువ్యా విజయ్బాబు, జడ్పీ చైర్పర్సన్ కవిత, ఎమ్మెల్సీ బాలసాని లక్ష్మీనారాయణ, అప్పటి వరకు ఆ పార్టీ అధ్యక్షునిగా ఉన్న కొండబాల కోటేశ్వరరావు, డీసీఎంఎస్ చైర్మన్ అంజయ్య కూడా ఆ పార్టీని వీడారు. ఈ పరిణామాలతో ఆ పార్టీలో తీవ్ర గందరగోళం నెలకొంది.
తుళ్లూరికి పగ్గాలు
తుమ్మలతోపాటు ముఖ్యనేతలు పార్టీ వీడిన తర్వాత పార్టీ సీనియర్ నేత తుళ్లూరి బ్రహ్మయ్యకు టీడీపీ జిల్లా పగ్గాలు అప్పగించారు. అయితే మాజీ ఎంపీ నామా నాగేశ్వరరావు గత ఎన్నికల్లో ఓటమి తర్వాత పార్టీ జిల్లా కార్యకలాపాలపై దృష్టి సారించకపోవడంపై కార్యకర్తల్లో చర్చ సాగుతోంది. శుక్రవారం జిల్లాకు వచ్చే టీడీపీ ముఖ్యనేతల పర్యటన ఏమేరకు సఫలీకృతం అవుతుందో వేచిచూడక తప్పదు.
టీడీపీ ఫీట్లు
Published Fri, Dec 5 2014 2:52 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
టీ20 వరల్డ్కప్కు స్కాట్లాండ్ జట్టు ప్రకటన..
పాకిస్తాన్ టీ20 వరల్డ్ కప్ జెర్సీ రివీల్.. ఫోటోలు వైర్
వారి వల్లే మా ఎంగేజ్మెంట్ జరిగింది: అదితిరావు హైదరీ
పెళ్లి చేసుకున్న తెలుగు సీరియల్ నటి (ఫోటోలు)
రాణించిన హెడ్, కమ్మిన్స్.. ముంబై టార్గెట్ ఎంతంటే?
'దీదీ గిరి' అంగీకరించను: పశ్చిమ బెంగాల్ గవర్నర్
బాబే కాదు ప్రధాని మోదీ కూడా యూటర్న్ తీసుకున్నారు: అమర్నాథ్
త్వరలోనే బిడ్డకు జన్మనివ్వనున్న టాలీవుడ్ హీరోయిన్.. భర్తపై అలాంటి పోస్ట్!
తెలంగాణ రైతులకు గుడ్ న్యూస్.. ఖాతాల్లోకి నగదు
T20 WC 2024: టీమిండియా టీ20 వరల్డ్ కప్ జెర్సీ ఇదే.. ఫోటోలు వైరల్
తప్పక చదవండి
- సోనాక్షితో ఇంటిమేట్ సీన్స్.. ఆమె తల్లి ఏమన్నారంటే: నటుడు
- అలా చేస్తే ఆ కిక్కే వేరు! అతడితో లవ్లో ఉన్నా: నటి
- హీట్వేవ్ నుంచి ఉపశమనం.. త్వరలో వర్షాలు: వాతావరణ శాఖ
- డైరెక్టర్తో హీరోయిన్ పెళ్లి.. మామయ్యను మండపానికి రానివ్వలేదట!
- మాచర్లలో సీఎం జగన్ ప్రచారం.. పోటెత్తిన ప్రజాభిమానం (ఫొటోలు)
- కాంగ్రెస్ కీలక నిర్ణయం: బరిలోకి మాజీ ముఖ్యమంత్రులు
- హార్దిక్ కాదు!.. రోహిత్ తర్వాత టీమిండియా కెప్టెన్ అతడే!
- సమ్మర్లో కొబ్బరిబోండంలోని నీటిని నేరుగా తాగేస్తున్నారా..?
- చంద్రబాబు మోసాల చరిత్రను గుర్తు తెచ్చుకోండి: సీఎం జగన్
- కల్వకుంట్ల కవితకు బిగ్ షాక్
Advertisement