‘అంతకుమించి’ విజయం సాధిస్తుంది

15 Jan, 2018 11:40 IST|Sakshi

తూర్పుగోదావరి, కడియం : అంతకుమించి.. సినిమా ఘన విజయం సాధిస్తుందని, వచ్చేనెలలో విడుదలకు సిద్ధమైందని హీరో సతీష్‌ జై తెలిపారు. సంక్రాంతి వేడుకలకు స్వగ్రామమైన కడియం మండలం దామిరెడ్డిపల్లికి విచ్చేసిన సతీష్, ఆదివారం పల్ల వెంకన్న నర్సరీలో స్థానిక విలేకరులతో మాట్లాడారు. రేష్మి కథానాయికగా ఈ చిత్రంలో నటిస్తోందని, రొమాంటిక్‌ హర్రర్‌ థ్రిల్లర్‌గా ఈ చిత్రం తెరకెక్కిందని వివరించారు. జానీ దర్శకత్వంలో సునీల్‌కృష్ణ అద్భుతమైన సంగీతాన్నందించారన్నారు.

బాలారెడ్డి కెమెరామెన్‌గా ఉన్న ఈ సినిమాలో సూర్య, మధునందన్, అజయ్‌ఘోష్, రవిప్రకాష్‌ ఇతర తారాగణమన్నారు. గతంలో చార్మి హీరోయిన్‌గా విడుదలైన రొమాన్స్‌ విత్‌ ఫైనాన్స్‌ సినిమాలో కూడా సతీష్‌ హీరోగా నటించారు. బాల్యస్నేహితులు, బంధువుల మధ్య పచ్చని వాతావరణంలో ఈ సంక్రాంతి జరుపుకోవడం ఎంతో ఆనందంగా ఉంటుందన్నారు.  సమావేశంలో ఐఎన్‌ఏ అధ్యక్షులు పల్ల సుబ్రహ్మణ్యం, నర్సరీ రైతులు సత్తిబాబు పాల్గొన్నారు.

Read latest Tollywood News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు