సాక్షి, అమరావతి: ఆరోగ్యశ్రీ నెట్‌వర్క్‌ ఆసుపత్రులకు రూ.203 కోట్లు బిల్లు చెల్లింపులు చేపట్టినట్లు ఆరోగ్యశ్రీ ముఖ్య కార్యనిర్వహణాధికారి (సీఈవో) డాక్టర్‌ లక్ష్మిషా మంగళవారం తెలిపారు. మిగతా బిల్లుల చెల్లింపులు వీలైనంత త్వరగా చేపడతామన్నారు. ఆసుపత్రుల యాజమాన్యాలు సహకరించాలని విజ్ఞప్తి చేశారు. ఈ పథకం కింద పేద, మధ్యతరగతి రోగులకు ఉచిత వైద్యసేవలు అందించేందుకు ప్రాధాన్యత ఇస్తున్నట్లు తెలిపారు. పెండింగ్‌ బిల్లుల చెల్లింపులపై ఆరోగ్యశ్రీ ట్రస్ట్‌ అధికారులు, ఆంధ్రప్రదేశ్‌ స్పెషాలిటీ హాస్పిటల్‌ అసోసియేషన్‌ (ఆశా) ప్రతినిధుల మధ్య చర్చలు జరుగుతున​ సంగతి తెలిసిందే. మరోవైపు.. రాష్ట్ర వ్యాప్తంగా ఆరోగ్యశ్రీ సేవలు యథావిధిగా కొనసాగుతున్నాయని ఆరోగ్యశ్రీ సీఈవో డాక్టర్‌ లక్ష్మిషా స్పష్టం చేశారు.

తిరుపతి, సాక్షి: తిరుమల శ్రీవారి దర్శనం కోసం భక్తుల రద్దీ కొనసాగుతోంది. శ్రీవారి దర్శనానికి కంపార్టుమెంట్లన్ని నిండి వెలుపల క్యూలైన్‌లో భక్తులు ఉన్నారని తిరుమల తిరుపతి దేవస్థానం(టీటీడీ) పేర్కొంది. ప్రత్యేక దర్శనానికి 5 గంటల సమయం కాగా, సర్వదర్శనం కోసం 18 గంటల సమయం పడుతోంది.ఇక.. నిన్న(మంగళవారం) 80,744 మంది భక్తులు స్వామివారిని దర్శించుకున్నారు. భక్తుల్లో 35,726 తలనీలాలు సమర్పించారు. మొత్తంగా శ్రీవారి హుండీ ఆదాయం రూ.3.67 కోట్లుగా లెక్క తేలింది.

విజయనగరం అర్బన్‌: విద్యార్థులు పాఠశాల స్థాయి నుంచి మాతృభాషపై పట్టు సాధించాలని జిల్లా గ్రంథాయ సంస్థ కార్యదర్శి బి.లక్ష్మి అన్నారు. జిల్లా కేంద్ర గ్రంథాలయంలో నిర్వహిస్తున్న వేసవి విజ్ఞాన శిబిరంలో భాగంగా మంగళవారం శతక పద్యాల ప్రాధాన్యం, నీతి, మాతృభాషపై పట్టు వంటి అంశాలపై విద్యార్థులకు అవగాహన కల్పించారు. కథలు చదివించడం, పిల్లలతో కథలు చెప్పించడం వంటి కార్యక్రమాల నిర్వహించారు. తొలుత గ్రంథాలయ ప్రాంతంలోని సరస్వతీ విగ్రహానికి పూలమాలలు వేసి విద్యార్థులతో ప్రార్థన చేయించారు. అనంతరం గణితంలో మెలుకువలను నేర్పించారు. గాజులరేగ బ్రాంచ్‌ కార్యాలయంలో గ్రామీణ క్రీడా పోటీలు నిర్వహించారు. శిక్షణ కార్యక్రమంలో వివిధ ప్రాంతాల విద్యార్థులు పాల్గొన్నారు.

విజయనగరం అర్బన్‌: విజయనగరం పార్లమెంట్‌ స్థానానికి సంబంధించిన పోస్టల్‌ బ్యాలెట్‌ లెక్కింపు కేంద్రం ఏర్పాటును జిల్లా ఎన్నికల అధికారి, కలెక్టర్‌ నాగలక్ష్మి పరిశీలించారు. లెండి ఇంజినీరింగ్‌ కళాశాలలోని కౌంటింగ్‌ కేంద్రాలను మంగళవారం సా యంత్రం సందర్శించారు. సిబ్బందికి పలు సూచనలు చేశారు. ఈ కేంద్రంలో లెక్కింపు త్వరగా పూర్తి చేసేందుకు వీలుగా 20 టేబుల్స్‌ ఏర్పాటు చేయాలని ఆదేశించారు. ఏజెంట్లు, రిటర్నింగ్‌ అధికారి, ఇతర సిబ్బంది కూర్చోడానికి అవసరమైన ఏర్పాట్లు చేయాలని సూచించారు. అనంతరం ఇక్కడ ఏర్పాటు చేసిన ఈవీఎం స్ట్రాంగ్‌ రూమ్‌లను పరిశీలించి భద్రతా ఏర్పాట్లపై సమీక్షించారు. ఈ పర్యటనలో జాయింట్‌ కలెక్టర్‌ కె.కార్తీక్‌, ఆర్డీఓ ఎంవీసూర్యకళ, ఇతర అధికారులు, రెవెన్యూ సిబ్బంది పాల్గొన్నారు.

విజయనగరం ఫోర్ట్‌: ప్రభుత్వ సర్వజన ఆస్పత్రిలో తొలిసారిగా హిప్‌ రీప్లేస్‌మెంట్‌ (తుంటి ఎముక మార్పిడి) శస్త్ర చికిత్సను వైద్యులు విజయవంతంగా నిర్వహించారు. విశాఖపట్నానికి చెందిన వెంకటరమణ అనే వ్యక్తి కొంతకాలంగా తుంటిఎముక నొప్పితో తీవ్ర ఇబ్బంది పడుతున్నాడు. కొద్ది రోజుల కిందట సర్వజన ఆస్పత్రిలోని ఎముకల విభాగం వార్డులో చేరాడు. అతనికి వైద్య పరీక్షలు, స్కానింగ్‌ చేసి శస్త్రచికిత్స అవసరమని వైద్యులు నిర్ధారించారు. ఈ నెల 10వ తేదీన ఎముకల విభాగం ప్రొఫెసర్‌ డాక్టర్‌ మణికుమార్‌ ఆధ్వర్యంలో శస్త్రచికిత్స నిర్వహించారు. పూర్తిగా కోలుకోవడంతో మంగళవారం డిశ్చార్జ్‌ చేశారు. వైద్య బృందాన్ని ఆస్పత్రి సూపరింటెండెంట్‌ శంబంగి అప్పలనాయుడు అభినందించారు. కార్యక్రమంలో ఆర్‌ఎంఓ ఎన్‌.సురేష్‌బాబు, అరుణ్‌, బీమేష్‌, ఉమామహేశ్వరి పాల్గొన్నారు. తొలిసారిగా తుంటి ఎముక శస్త్రచికిత్స నిర్వహించిన వైద్యులు