భారీ అంచనాలతో విడుదలైన జైలర్ బాక్సాఫీస్ వద్ద రూ. 650 కోట్ల రూపాయలకు పైగా వసూలు చేసింది. దీంతో సరైన సినిమా రజనీకాంత్‌కు పడితే కలెక్షన్స్‌ సునామీ ఏ రేంజ్‌లో ఉంటుందో అర్థం అవుతుంది.

తాను మొదట్లో బస్సు కండెక్టర్‌గా బెంగళూరులో జర్నీ ప్రారంభిచారు. అక్కడ జయనగర్‌ మున్సిపల్ ప్రభుత్వ రవాణా సంస్థను ఈ మధ్యే రజనీ సందర్శించారు.

అనంతరం తాజాగ రజనీకాంత్‌ తన స్వగ్రామానికి వెళ్లారు. అక్కడ ఆయన తల్లిదండ్రుల స్మారకం వద్ద నివాళులర్పించారు.

సుదీర్ఘ విరామం తర్వాత సూపర్‌స్టార్‌కు భారీ విజయం దక్కింది. జైలర్‌ బాక్సాఫీస్‌ వద్ద దుమ్మురేపింది. మరోవైపు లైకా సంస్థ నిర్మిస్తున్న రజనీ చిత్రం 170 పూజా కార్యక్రమాలు కూడా సైలెంట్‌గా సాగాయి.

బెంగళూరులోని జయనగర్‌ మెట్రోపాలిటన్ ప్రభుత్వ రవాణా సంస్థను సందర్శించిన రజనీకాంత్‌.. తొలినాళ్లలో తాను పనిచేసిన వర్క్‌షాప్‌ను మరోసారి సందర్శించారు. అక్కడ తన పాత మిత్రులను కూడా కలిశారు. ఈ ఫోటోలు, వీడియోలు సోషల్ మీడియాలో వైరల్ అయ్యాయి.

ఆ తర్వాత రజనీ అక్కడి నుంచి తన స్వగ్రామానికి వెళ్లిపోయారు. కర్ణాటకలోని కృష్ణగిరి జిల్లా నచ్చికుప్పం పరిధిలోని వేప్పనపల్లికి వెళ్లారు.

అక్కడ ఆయన అన్నయ్య సత్యనారాయణరావు గైక్వాడ్‌తో కలిసి పర్యటించారు. ఆ తర్వాత తన తల్లి దండ్రుల స్మారక చిహ్నం వద్ద పూజలు చేశారు.

చాలా కాలం తర్వాత రజనీ తన తల్లి దండ్రుల స్మారకాన్ని సందర్శించినట్లు సమాచారం. ఆయన రాకతో రజనీకాంత్‌ను చూసేందుకు వచ్చిన బంధువులతో ఫోటోలు దిగారు.

కొన్ని నెలల క్రితమే రజనీకాంత్ తన తల్లి దండ్రులకు గుడి కట్టాలని నిర్ణయించుకున్న విషయం తెలిసిందే. అందుకు సరిపడ ఏర్పాట్లు కూడా తన అన్నయ్య చూసుకుంటున్నాడు.

అక్కడి నిర్మాణ పనులను తన అన్నయ్యతో పాటుగా రజనీ సన్నిహితులు కూడా పర్యవేక్షిస్తున్నారు.

ఈ సందర్భంలో తన స్వగ్రామానికి రజనీకాంత్ అకస్మాత్తుగా వెళ్లి.. వారందరని ఆశ్చర్య పరిచారు. తన తల్లి దండ్రుల స్మారకం వద్ద చాలా సేపు కూర్చుని నివాళులర్పించారు. ఈ ఫోటోలు సోషల్‌మీడియాలో రజనీ అభిమానులు వైరల్ చేస్తున్నారు.

జైలర్‌కు భారీగా లాభాలు రావడంతో నిర్మాత కళానిధి మారన్‌ రూ. 100 కోట్ల చెక్‌ను రజనీకాంత్‌కు అందచేశారు. ఈ సినిమాకు గాను ఆయన ఇప్పటికే రూ. 110 కోట్లు తీసుకున్నట్లు సమాచారం. దీంతో మొత్తం జైలర్‌ రెమ్యునరేషన్‌ రూ.210 కోట్లకు చేరింది.