విజయ్, కీర్తీ సురేశ్‌ జంటగా భరతన్‌ దర్శకత్వంలో రూపొందిన తమిళ చిత్రం ‘భైరవ’ తెలుగులో ‘ఏజెంట్‌ భైరవ’ పేరుతో ఈ నెల 7న ప్రేక్షకుల ముందుకు రానుంది. తెలుగులో విడుదల చేస్తున్న నిర్మాత బెల్లం రామకృష్ణారెడ్డి మాట్లాడుతూ – ‘‘ఓ సమస్యలో ఇరుక్కున్న హీరోయిన్‌ని హీరో ఎలా కాపాడా డన్నదే కథ.
 
 ప్రైవేట్‌ కాలేజీ నిర్వాహకులకు కనీస విద్యార్హతలు ఉండాలనే మేసేజ్‌ కూడా సినిమాలో ఉంది. కంప్లీట్‌ మాస్‌ ఎంటర్‌టైనర్‌’’ అన్నారు. తదుపరి ప్రణాళికల గురించి రామకృష్ణారెడ్డి చెబుతూ – ‘‘నా డైరెక్షన్‌లో ఒక ప్రముఖ హీరోయిన్‌తో ఓ లేడీ ఒరియంటెడ్‌ మూవీ చేయబోతున్నాను. నిర్మాతగా కన్నా దర్శకునిగా రాణించడమే నాకు ఇష్టం. ‘దృశ్యకావ్యం–2’ ఆల్రెడీ 45 నిమిషాల షూటింగ్‌ కంప్లీట్‌ చేశాం. హీరోయిన్‌ వ్యక్తిగత సమస్యల కారణంగా ఆ సినిమాను పక్కన పెట్టవలసి వచ్చింది. తమిళ చిత్రం ‘బెలూన్‌’ని తెలుగులో విడుదల చేస్తాం’’ అన్నారు.


 విజయ్, కీర్తీ సురేశ్‌ జంటగా జగపతిబాబు ప్రధాన పాత్రలో తెరకెక్కిన చిత్రం ‘ఏజంట్‌ భైరవ’.   భరతన్‌ దర్శకుడు. బెల్లం రామకృష్ణారెడ్డి విడుదల చేస్తున్న ఈ సినిమా సెన్సార్‌ పూర్తి చేసుకుని క్లీన్‌ యు సర్టిఫికెట్‌ పొందింది. బెల్లం రామకృష్ణారెడ్డి మాట్లాడుతూ– ‘‘ఫ్యామిలీ అండ్‌ యాక్షన్‌ ఓరియంటెడ్‌ మూవీ ఇది. నేడు విజయ్‌ పుట్టినరోజు (జూన్‌ 22) సందర్భంగా ఈ చిత్రం టీజర్‌ను విడుదల చేశాం.
 
 ఈ సినిమా విజయ్‌కి తెలుగులో మంచి మైలురాయిగా నిలుస్తుంది. విజయ్, కీర్తిల నటన అందర్నీ ఆకట్టుకుంటుంది. జగపతిబాబుగారి నటన ఈ సినిమాకే హైలైట్‌. తెలుగు ప్రేక్షకులకు నచ్చే అంశాలన్నీ మా చిత్రంలో ఉంటాయి. జూలై ద్వితీయార్థంలో సినిమా విడుదలకు సన్నాహాలు చేస్తున్నాం’’ అన్నారు. సతీష్, వై.జి. మహేంద్ర, తంబిరామయ్య, డేనియల్‌ బాలాజీ, ఆపర్ణ వినోద్, పాప్రీ గోష్, హరిష్‌ ఉత్తమున్‌ తదితరులు నటిస్తున్న ఈ చిత్రానికి సంగీతం: సంతోష్‌ నారాయణ్, కెమెరా: ఎమ్‌. సుకుమార్‌.