బుల్లితెరపై ‘మొగలి రేకులు’ ధారావాహిక సృష్టించిన సంచలనం అంతా ఇంతా కాదు. అందులో ఆర్కే నాయుడు పాత్రలో అద్భుతంగా రాణించిన సాగర్ హీరోగా రామదూత క్రియేషన్స్ పతాకంపై దాసరి కిరణ్‌కుమార్ ‘సిద్ధార్థ’ సినిమా నిర్మించనున్నారు. ‘అలియాస్ జానకి’ ఫేమ్ కొడవటిగంటి దయ ఈ చిత్రానికి దర్శకుడు. ప్రముఖ ఛాయాగ్రాహకుడు ఎస్. గోపాలరెడ్డి ఈ చిత్రానికి కెమేరామేన్. ఆయన పుట్టినరోజు సందర్భంగా జరిగిన వేడుకలో దాసరి కిరణ్ కుమార్ మాట్లాడుతూ -‘‘ఎస్. గోపాలరెడ్డి మా సంస్థకు వెన్నెముకలాంటివారు. ఆయన సలహాలూ, సూచనలతో వరుసగా సినిమాలు చేస్తాను. ఈ నెలలో మలేసియాలో 22 రోజులు భారీ షెడ్యూలు చేయబోతున్నాం’’ అని తెలిపారు. ఈ కార్యక్రమంలో రచయిత విసు, సమర్పకులు లింగాల బుచ్చిరెడ్డి తదితరులు పాల్గొన్నారు.