‘లాస్ వెగాస్’, ‘బోస్టర్ లీగల్’, ‘డిస్పరేట్ హౌస్‌వైఫ్స్’ లాంటి అమెరికన్ టీవీ సిరీస్‌లలో నటించిన లక్ష్మీ ప్రసన్న ఆ తర్వాత నిర్మాతగా, నటిగా టాలీవుడ్‌లో బిజీ అయిపోయారు. కొంత గ్యాప్ తర్వాత ఆమె హాలీవుడ్‌కి వెళ్లారు. ‘బాస్మతి బ్లూస్’ టైటిల్‌తో రూపొందిన హాలీవుడ్ చిత్రంలో నటించారామె. ఇందులో సీత అనే అమ్మాయి పాత్ర చేశారు లక్ష్మీప్రసన్న. ఈ ఏడాది ఉత్తమ నటిగా ఆస్కార్ గెలుచుకున్న బ్రీ లార్సెన్, డోనాల్డ్, స్కాట్ బకుల ముఖ్యపాత్రల్లో ఈ చిత్రం తెరకెక్కింది. డాన్ బ్యారెన్ దర్శకుడు. ఇండియాకు వచ్చిన ఓ సైంటిస్ట్ జీవితంలో జరిగిన అనూహ్య  పరిణామాల నేపథ్యంలో ఈ చిత్రం రూపొందింది.  ఈ సినిమా షూటింగ్ ఎక్కువ భాగం ఇక్కడే జరుపుకుంది. త్వరలోనే ఈ చిత్రం విడుదల కానుంది.


  ఇంట గెలిచి రచ్చ గెలవమన్నారు. కానీ, మంచు లక్ష్మీప్రసన్న ముందు రచ్చ గెలిచి, ఆ తర్వాత ఇంట గెలిచారు. తెలుగు తెరపై కనిపించకముందు ఆమె లాస్ వేగాస్, ఇఆర్, డెస్పరేట్ హౌస్‌వైవ్స్ లాంటి అమెరికన్ షోస్‌లో నటించారు. అలాగే, ది ఓడ్, డెడ్ ఎయిర్‌లాంటి చిత్రాల్లోనూ యాక్ట్ చేశారు. దాదాపు ఐదేళ్ల గ్యాప్ తర్వాత ఆమె మళ్లీ హాలీవుడ్‌లో ఓ చిత్రంలో నటిస్తున్నారు. ‘బాస్మతి బ్లూస్’ పేరుతో రూపొందుతోన్న ఈ చిత్రంలో లక్ష్మీ పోషిస్తున్న పాత్ర పేరు సీత. ఓ శాస్త్రవేత్త బియ్యం తయారు చేస్తాడట. ఆ వ్యాపారం నిమిత్తం అతను ఇండియా రావడం, ఇక్కడి అమ్మాయితో ప్రేమలో పడటం తదితర అంశాలతో ఈ చిత్రం సాగుతుందని సమాచారం. ఇది రొమాంటిక్ మ్యూజికల్ కామెడీ మూవీ. ప్రస్తుతం ఈ చిత్రం నిర్మాణానంతర కార్యక్రమాలు జరుగుతున్నాయి.