హైదరాబాద్: ఏసు క్రీస్తు జన్మదినాన్ని పురస్కరించుకుని ప్రపంచ వ్యాప్తంగా క్రైస్తవులు గురువారం క్రిస్మస్‌ వేడుకలను ఘనంగా జరుపు కుంటున్నారు. క్రిస్మస్ పర్వదినం సందర్భంగా క్రిస్మస్ సంబరాలు ప్రారంభమైయ్యాయి. చర్చిల్లో క్రైస్తవ సోదరులు ప్రత్యేక ప్రార్థనలు చేస్తున్నారు. ముఖ్యంగా తెలుగు రాష్ట్రాల్లో క్రిస్మస్ సందర్భంగా ప్రధాన చర్చిలను సాంప్రదాయ పద్దతిలో ప్రత్యేకంగా అలంకరించారు. ప్రఖ్యాత మెదక్ చర్చిలో క్రిస్మస్ వేడుకలు మొదలయ్యాయి.
 
 ఈ వేడుకలకు భారీ సంఖ్యలో భక్తులు హాజరయ్యారు. చర్చిలో మతపెద్దలు శిలువను ఊరేగించి ప్రత్యేక ప్రార్థనలు చేశారు. జంట నగరాల్లో క్రైస్తవ సోదరులతో చర్చిలు కిటకిటలాడుతున్నాయి.