న్యూఢిల్లీ: టాప్ 10 క్రిమినల్స్ జాబితాలో భారత ప్రధాన మంత్రి నరేంద్ర మోదీ ఫోటో పెట్టినందుకు ప్రఖ్యాత ఇంటర్నెట్ సెర్చ్ ఇంజిన్ సంస్థ 'గూగుల్' క్షమాపణ చెప్పింది. గందరగోళం లేదా పొరపాటు కారణంగానే ఇలా జరిగిందని వివరణ ఇచ్చింది. ఇలాంటి పొరపాట్లు పునరావృతం కాకుండా జాగ్రత్తలు తీసుకుంటున్నట్టు గూగుల్ ఒక ప్రకటనలో తెలిపింది.
 
 ఆన్ లైన్ లో శోధించినప్పుడు అవాంఛిత ఫలితాలు రాకుండా ఉండేందుకు నిరంతరాయంగా పనిచేస్తున్నామని వెల్లడించింది. టాప్ 10 క్రిమినల్స్ జాబితాలో మోదీ ఫోటో రావడంపై అన్నివైపుల నుంచి విమర్శలు రావడంతో వెంటనే స్పందించిన గూగుల్ దాన్ని తొలగించింది.


 టాప్ 10 క్రిమినల్స్ జాబితా చూస్తే.. అందులో ప్రధానమంత్రి నరేంద్ర మోదీ కూడా ఉన్నారా? గూగుల్ సెర్చిలో టాప్ 10 క్రిమినల్స్ అని వెతికితే.. అందులో నరేంద్రమోదీ ఫొటో కూడా వస్తోంది. ఒసామా బిన్ లాడెన్, దావూద్ ఇబ్రహీం, అల్ జవహరి.. ఇలాంటి కరడుగట్టిన నేరస్థుల జాబితాలోనే ప్రధానమంత్రి ఫొటో కూడా పెట్టేశారు. సాంకేతికంగా ఏదో సమస్య వచ్చిందా.. లేక ఎవరైనా కావాలని ఇలా పెట్టారా అన్న విషయం ఇంకా నిర్ధారణ కాలేదు. అయితే ఇది మాత్రం ఒక్కసారిగా సోషల్ మీడియాలో గగ్గోలు పుట్టిస్తోంది.
 
 ట్విట్టర్లో ఇప్పటికే దీనిమీద భారీ సంఖ్యలో ట్వీట్లు వచ్చేస్తున్నాయి. కాంగ్రెస్ పార్టీ సీనియర్ నాయకుడు దిగ్విజయ్ సింగ్ కూడా దీనిపై వ్యాఖ్యానించారు. తన దేశ ప్రధానమంత్రి పేరు టాప్ 10 క్రిమినల్స్ జాబితాలో ఉండటం ఒక భారతీయుడిగా తనకు సిగ్గుచేటని, ఇది జాతికే అవమానమని డిగ్గీరాజా ట్వీట్ చేశారు. సిగ్గుతో తల దించుకుంటున్నానని కూడా ఆయన అన్నారు.
  
 
 pic.twitter.com/YqLN82iBGW Shocking
 — digvijaya singh (@digvijaya_28) June 3, 2015
  
  
 
 As an Indian to find my PM's name in the top 10 criminals list is a matter of National Shame. I hang my head in utter shame.
 — digvijaya singh (@digvijaya_28) June 3, 2015
  
 
 I certainly do protest though there may be an element of truth in this.
 — digvijaya singh (@digvijaya_28) June 3, 2015
  
  
 
 Why do you think Mr Modi features in #Top10Criminals? Gujarat riots? Fake encounters? Snooping? Google--why??? https://t.co/NAilSDU4fN
 — Sanjay Jha (@JhaSanjay) June 3, 2015
  
 
 Hey @google the Indian Prime Min listed in #Top10Criminals really? Time u changed ur algorithm,this is just so wrong. pic.twitter.com/ivhP7PdxVP
 — Priyanka Chaturvedi (@priyankac19) June 3, 2015