-
కొత్త సరకు
లావా మాగ్నమ్ ఫ్యాబ్లెట్... దేశీ స్మార్ట్ఫోన్ తయారీ సంస్థ లావా లేటెస్ట్ ఆండ్రాయిడ్ ఆపరేటింగ్ సిస్టమ్ కిట్క్యాట్తో పనిచేసే సరికొత్త ఫ్యాబ్లెట్ను మార్కెట్లోకి విడుదల చేసింది. ఆరు అంగుళాల స్క్రీన్ సైజుగల ఈ ఎక్స్604 1.2 గిగాహెర్ట్జ్ క్వాడ్కోర్ ప్రాసెసర్పై నడుస్తుంది. కిట్క్యాట్ అతితక్కువ మెమరీని ఉపయోగించుకుంటుంది కాబట్టి ప్రాసెసర్ వేగం మరింత ఎక్కువగా ఉంటుందన్నమాట. ఒక గిగబైట్ ర్యామ్, 8 జీబీల మెమరీ ఉన్న ఈ ఫ్లాబ్లెట్లో బీఎస్ఐ సెన్సర్తో కూడిన 8 ఎంపీ ప్రధాన కెమెరా ఉంది. వీడియో కాలింగ్ కోసం రెండు ఎంపీల కెమెరాను వాడారు. కేవలం 8.9 మిల్లీమీటర్ల మందం, 210 గ్రాముల బరువు ఎక్స్604 ప్రత్యేకతలు. 2800 ఎంఏహెచ్ బ్యాటరీతో ఎనిమిది గంటల టాక్టైమ్, 200 గంటల స్టాండ్బై టైమ్ లభిస్తుందని కంపెనీ చెబుతోంది. తెలుపు, నలుపు రంగుల్లో లభించే ఈ ఫ్యాబ్లెట్ ఖరీదు రూ.11,999. 36.3 ఎంపీ రెజల్యూషన్తో నికాన్ డీ810 స్మార్ట్ఫోన్లు అందుబాటులోకి వచ్చిన తరువాత కెమెరాలతో పనిలేకుండా పోయింది. కానీ చిత్రాల్లో స్పష్టత, రకరకాల పరిస్థితుల్లో ఫొటోలు తీసుకోవాలంటే మాత్రం పూర్తిస్థాయి కెమెరాలను వాడాల్సిందే. ఈ నేపథ్యంలో అటు ఫొటోగ్రఫీ వృత్తిలో ఉన్నవారికి, ఇటు ఔత్సాహికులకూ ఉపయోగపడేలా నికాన్ కంపెనీ సరికొత్త డీఎస్ఎల్ఆర్ కెమెరా ఒకదాన్ని విడుదల చేసింది. డీ810 అని పిలుస్తున్న ఈ కొత్త కెమెరా రెజల్యూషన్ 36.3 ఎంపీ కావడం విశేషం. ఫుల్ హెచ్డీ క్వాలిటీతో వీడియోలు తీసుకోగలగడం మరో ప్రత్యేకత. ఈ వీడియో కెమెరా ఏకంగా సెకనుకు 60 ఫ్రేమ్లు రికార్డు చేయగలదు. డీ810 ఎఫ్ఎక్స్ అంటే ఫుల్ ఫ్రేమ్ ఫార్మాట్లో పనిచేస్తుంది కాబట్టి ఫొటోలను ఎంతగా ఎన్లార్జ్ చేసినప్పటికీ చిత్ర నాణ్యత తగ్గదు. హెచ్డీఎంఐ ఔట్పుట్ ద్వారా వీడియోలు, ఫొటోలను కెమెరాలో కాకుండా ఇతర మాధ్యమాల్లో నేరుగా స్టోర్ చేసుకోవచ్చు. అత్యాధునిక నికార్ లెన్సులు, ఎక్స్స్పీడ్ 4 ఇమేజ్ ప్రాసెసింగ్ ఇంజిన్ల ద్వారా చిత్ర నాణ్యతను పెంచుకునే అవకాశాలు ఎక్కువగా ఉంటాయని కంపెనీ చెబుతోంది. -
టీసీఎస్ సోషల్ సాకర్
భలే ఆప్స్ ప్రపంచకప్ ఫుట్బాల్ పోటీలు బ్రెజిల్లో ఉత్కంఠభరితంగా సాగుతున్నాయి. లీగ్ దశ దాటి నాకౌట్కు చేరుకున్న ఈ టోర్నీ వివరాలు ఎలాగైనా తెలుసుకోవచ్చు. కానీ పోటీల సందర్భంగా సోషల్ నెట్వర్కింగ్ సైట్లలోని ఉత్సాహాన్ని, ఆసక్తికరమైన కామెంట్ల గురించి తెలుసుకోవాలంటే మాత్రం టీసీఎస్ సోషల్ సాకర్ అప్లికేషన్ను వాడాల్సిందే. ప్రముఖ ఐటీ సంస్థ టాటా కన్సల్టెన్సీ సర్వీసెస్ అభివృద్ధి చేసిన ఈ అప్లికేషన్ ప్రపంచవ్యాప్తంగా ఉన్న ఫుట్బాల్ ప్రేమికులు మ్యాచ్లపై ఎలాంటి కామెంట్లు చేశారు? వారి మూడ్స్ ఎలా ఉన్నాయి? అన్నది ఎప్పటికప్పుడు తెలియజేస్తుంది. హైటెక్ అల్గారిథమ్స్ సాయంతో రియల్టైమ్లో మ్యాచ్ అనాలసిస్ ఇవ్వడంతోపాటు ట్విట్టర్ డేటాను కూడా సేకరించి ఇస్తుంది ఈ అప్లికేషన్. అంతేకాకుండా సహచర ఫ్యాన్స్తో మాట్లాడేందుకు, అభిప్రాయాలు పంచుకునేందుకు వేదికగా నిలుస్తుంది. మీకిష్టమైన టీమ్ వివరాలను ఎప్పటికప్పుడు తెలుసుకోవచ్చు. లొకేషన్ ఆధారిత సెంటిమెంట్లను కూడా తెలుసుకోవచ్చు. ప్రతి టీంపై ఎవరు ఏమనుకుంటున్నారో కూడా ఎప్పటికప్పుడు తెలిసిపోతుంది. ఆండ్రాయిడ్తోపాటు ఆపిల్ ఐఓఎస్కూ అందుబాటులో ఉన్న ఈ సోషల్ సాకర్ అప్లికేషన్ను App Store/iOS: http://on.tcs.com/SocSociOS, Play Store/Android: http://on.tcs.com/SocSocAndroidలింక్ల ద్వారా డౌన్లోడ్ చేసుకోవచ్చు. -
స్నాప్డీల్... ఆల్ఫా ఫెదర్
ప్రముఖ ఇంటర్నెట్ షాపింగ్ పోర్టల్ స్నాప్డీల్ తాజాగా ఆల్ఫా ఫెదర్ పేరుతో ఓ స్మార్ట్ఫోన్ను అందుబాటులోకి తెచ్చింది. దీంతోపాటే క్లిక్ ప్రో పేరుతో ఓ స్పోర్ట్స్ కెమెరాను కూడా పరిచయం చేసింది. మార్కెట్ డిమాండ్లకు అనుగుణంగా ఉత్పత్తులను తయారు చేసే లక్ష్యంతో స్నాప్డీల్ ఏర్పాటు చేసిన లాంచ్పాడ్ ప్రోగ్రామ్ ద్వారా ఈ రెండు గాడ్జెట్స్ తయారవడం విశేషం. ఆల్ఫా ఫెదర్ స్మార్ట్ఫోన్ ఫీచర్ల విషయానికొస్తే... ఇది ప్రపంచంలోనే అత్యంత తేలికైన ఐదంగుళాల స్మార్ట్ఫోన్ అని కంపెనీ చెబుతోంది. కేవలం 125 గ్రాములు తూగే ఈ స్మార్ట్ఫోన్ ఆండ్రాయిడ్ కిట్క్యాట్ ఆపరేటింగ్ సిస్టమ్తో పనిచేస్తుంది. స్క్రీన్ రెజల్యూషన్ 1920 బై 1080... అంటే అత్యంత స్పష్టమైన చిత్రాలకు అవకాశమున్నట్లు లెక్క. ప్రాసెసర్ ఏ కంపెనీదో తెలియనప్పటికీ నాలుగు కోర్లు ఉంటాయని, 1.30 గిగాహెర్ట్జ్ క్లాక్స్పీడ్ ఉంటుందని కంపెనీ చెబుతోంది. ఆల్ఫా ఫెదర్లో ర్యామ్ 2 జీబీ కాగా, మెమరీ 4 జీబీలు. మైక్రోఎస్డీ కార్డు ద్వారా 32 జీబీ వరకూ పెంచుకోవచ్చు. ప్రధాన కెమెరా రెజల్యూషన్ 13 ఎంపీ కాగా, వీడియో కాలింగ్ కెమెరా 8 ఎంపీతో వస్తోంది. దాదాపు 2500 ఎంఏహెచ్ బ్యాటరీతో నాలుగు గంటల టాక్టైమ్ లభిస్తుందని కంపెనీ తెలిపింది. ధర రూ.12,999. క్లిక్ ప్రో కెమెరా అకలస్ ప్లస్ స్పోర్ట్స్ హెచ్డీ డీవీ, అకలస్ వైఫై స్పోర్ట్స్ క్యామ్ పేర్లతో రెండు వెర్షన్లు ఉన్నాయి. మొదటిదాంట్లో 12 ఎంపీ సీమాస్ సెన్సర్, 1.5 అంగుళాల డిస్ప్లే, 4ఎక్స్ జూమ్, 30 మీటర్ల వరకూ అండర్వాటర్ రెసిస్టెన్స్ ఉండగా, వైఫై స్పోర్ట్ప్లో 5ఎంపీ సీమాస్ సెన్సర్ ఉంది.
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
‘గుమ్మనూరు’ను అనర్హుడిగా ప్రకటించాలి
Lok Sabha Election 2024: పేలేది మళ్లీ షాట్ గన్నే!
శ్రీకాంత్ కథలో నటించడం గౌరవంగా ఉంది: జ్యోతిక
సజావుగా పోస్టల్ బ్యాలెట్ ఓటింగ్
స్ట్రాంగ్ రూమ్ల వద్ద పటిష్ట బందోబస్తు
హత్యలు టు నాటుసారా వయా పేకాట
ఎన్నికల విధులకు వెళ్తూ గుండెపోటుతో మృతి
ఆర్టీసీ బస్సు– బైక్ ఢీ ●
వీడిన మహిళ హత్య కేసు మిస్టరీ
అంబేడ్కర్ కళాశాలలో దొడ్డమణి గోల్మాల్
తప్పక చదవండి
- ఓటమి భయంతో బరితెగిస్తున్న పచ్చమూకలు
- పారిస్ ఒలింపిక్స్కు భారత రిలే జట్లు అర్హత
- వింటున్నావా ఈసీ.. బాబు కారుకూతలు
- సెన్సెక్స్ ప్లస్, నిఫ్టీ మైనస్
- భారత్ సేవల రంగం నెమ్మది
- Lok Sabha Election 2024: మల్లికార్జున ఖర్గే ‘ఇంట’ గెలిచేనా..?’
- నీకే దిక్కు లేదు.. నా కూతురికి సీటు ఇస్తావా?
- అందరివాడు జగన్ను ఆశీర్వదించండి
- పేదల అక్షరంపై కక్ష
- సూర్య విధ్వంసకర సెంచరీ.. ఎస్ఆర్హెచ్పై ముంబై విజయం
Advertisement