75 కేజీలు బరువున్న కేక్‌ కట్‌ చేయిస్తే ఆయన రేంజ్‌కి తగ్గట్టు ఉంటుంది... 75 అడుగుల కటౌట్‌ పెడితే ఆ కటౌట్‌కి తగ్గ మర్యాద ఇచ్చినట్లు ఉంటుంది... 75 రకాల పూలతో బొకే తయారు చేసి, ఇస్తే... బిగ్‌ బి దిల్‌ ఖుష్‌ అవుతుంది... ఒకవైపు అమితాబ్‌ అభిమానులు ఇలా డిస్కస్‌ చేసుకుంటుంటే మరోవైపు ఆయన కుటుంబ సభ్యులు భారీ ఎత్తున బర్త్‌డే సెలబ్రేషన్స్‌ని ప్లాన్‌ చేస్తున్నారని ఇండస్ట్రీలో ఓ వార్త షికారు చేస్తోంది. రేపు అమితాబ్‌ 75వ జన్మదినం. ఆయన పుట్టినరోజు వేడుకల గురించి వాడివేడి చర్చలు జరుగుతుండగా, వాటికి ఫుల్‌స్టాప్‌ పడేలా అమితాబ్‌ ఓ స్టేట్‌మెంట్‌ ఇచ్చారు. ‘‘నో సెలబ్రేషన్స్‌.. బర్త్‌డేనే కాదు.. దీపావళి పండగ కూడా జరుపుకోవడంలేదు’’ అని పేర్కొన్నారాయన. కారణాలు మాత్రం చెప్పలేదు. కారణం ఏదైనా అమితాబ్‌ ఇచ్చిన ఈ స్టేట్‌మెంట్‌ మాత్రం ఆయన అభిమానుల ఉత్సాహం మీద నీళ్లు జల్లింది. పోనీ, ఆ రోజు ఇంటికెళ్లి కలుద్దామంటే అది కూడా కుదరదట. ఎందుకంటే, బిగ్‌ బి సిటీలో ఉండటంలేదు. ఈ విషయాన్నీ ఆయనే తెలియజేశారు. ‘‘సన్నిహిత వర్గాల సమాచారం ప్రకారం బర్త్‌డే వేడుకలు భారీగా జరగబోతున్నాయని చెప్పుకుంటున్నారు. ఆ సన్నిహితులెవరో తెలియడంలేదు’’ అని కూడా బిగ్‌ బి చమత్కరించారు.


 తమిళసినిమా; తన కళాజీవితం ఇంకా చాలా కాలం కొనసాగాలని ఆశిస్తున్నట్లు విశ్వనటుడు కమలహాసన్ మంగళవారం తన ట్విట్టర్‌లో పేర్కొన్నారు. సోమవారం కమలహాసన్ పుట్టిన రోజు అన్న సంగతి తెలిసిందే. అయితే ముఖ్యమంత్రి అమ్మ అనారోగ్యంతో ఆస్పత్రిలో చికిత్స పొందుతున్న కారణంగా తన పుట్టిన రోజు వేడుకను జరుపుకోవద్దని, అభిమానులు కూడా ఎలాంటి వేడుకలను నిర్వహించవద్దని కమల్ ఇంతకు ముందే విజ్ఞప్తి చేశారు.
  
  దీంతో సోమవారం కమల్ ఎలాంటి వేడుకలు జరుపుకోలేదు. అయితే పలువురు సినీ ప్రముఖులు కమలహాసన్‌కు పుట్టిన రోజు శుభాకాంక్షలను ఫోన్ల ద్వారా తెలియజేశారు. ఈ నేపథ్యంలో కమల్ మంగళవారం ట్విట్టర్‌లో పేర్కొంటూ తనకు శుభాకాంక్షలు తెలిపిన వారందరికీ కృతజ్ఞతలు తెలుపుకుంటున్నట్లు పేర్కొన్నారు. అభిమానులు తనపై పెట్టుకున్న అంచనాలను అందుకోవడానికి నిరంతరం ప్రయత్నిస్తూనే ఉంటానని, సుదీర్ఘకాలం తన కళాజీవితాన్ని కొనసాగించాలని కోరుకుంటున్నానని ట్విట్టర్‌లో పోస్ట్ చేశారు.