పట్నా: బిహార్  లో పెళ్లింట విషాదం చోటుచేసుకుంది.  అర్రా గ్రామంలోని పెళ్లి వేడుకల్లో జరిగిన ప్రమాదం ఓ చిన్నారిని పొట్టన పెట్టుకుంది. వివాహ  ఊరేగింపులో  ఉపయోగించిన బాణా సంచా పేలుడులో  ఒక్కసారిగా మంటలు అలుముకున్నాయి. ఈ ఘటనలో ఒక చిన్నారి చనిపోగా, మరికొంతమంది తీవ్ర గాయాలపాలయ్యారు.   వీరిలోఇద్దరి పరిస్థితి విషమంగా ఉన్నట్టు సమాచారం.  దీంతో  స్థానికంగా ఆందోళన చెలరేగింది. సంఘటనా స్థలానికి చేరుకున్న పోలీసులు క్షతగాత్రులను ఆసుపత్రికి తరలించారు. కేసు నమోదు  చేసి విచారణ చేపట్టారు.   మరిన్ని  వివరాలు అందాల్సి ఉంది.