న్యూఢిల్లీ: ఐదురాష్ట్రాల అసెంబ్లీ ఎన్నికల నేపథ్యంలో కేంద్ర బడ్జెట్‌ వాయిదా వేయాలన్న పిటిషన్‌పై సుప్రీంకోర్టు స్పందించింది. ఈ మేరకు దాఖలైన ప్రజాప్రయోజన వ్యాజ్యాన్ని జనవరి 20న విచారించనున్నట్లు శుక్రవారం వెల్లడించింది.
 (ఎన్నికల ఎఫెక్ట్‌: బడ్జెట్‌ వాయిదాపై ఈసీ చర్యలు)
 
 ఎన్నికలకు ముందు బ‌డ్జెట్ ప్రవేశపెడితే, ఆకర్షక పథకాల ద్వారా బీజేపీకి ప్రయోజనం చేకూరే అవకాశం లభిస్తుందని ఆరోపిస్తున్న విపక్షాలు.. బడ్జెట్‌ను వాయిదా వేసేలా ఆదేశాలు జారీచేయాలని ఎన్నికల సంఘాన్ని కోరాయి. ఈ నేపథ్యంలోనే ఎంఎల్‌ శర్మ అనే న్యాయవాది సుప్రీంకోర్టులో ప్రజాప్రయోజన వ్యాజ్యం(పిల్‌) దాఖలు చేశారు. ఈ వ్యాజ్యాన్ని అత్యవసర విచారించాలన్న పిటిషనర్ వాదనను గతవారం సుప్రీంకోర్టు తోసిపుచ్చడం, సమయం వచ్చినప్పుడే విచారిస్తానని చెప్పడం తెలిసిందే.
 (బడ్జెట్‌ ఆపే పిల్‌పై అర్జెంట్‌ లేదన్న సుప్రీం)