గాంధీనగర్: తమ డిమాండ్లు పరిష్కరించకుంటే ఈ నెల 25 నుంచి నిరవధిక సమ్మె చేపట్టనున్నట్టు రేషన్ డీలర్లు ప్రకటించారు. రాష్ట్ర సంఘం పిలుపు మేరకు విజయవాడ రేషన్ డీలర్ల సంక్షేమ సంఘం ఆధ్వర్యంలో బుధవారం నుంచి ఇక్కడ రిలే నిరాహార దీక్షలు ప్రారంభమయ్యాయి. ఈ నెల 24 వరకు ఇవి కొనసాగనున్నాయి. ఇతర రాష్ట్రాల్లో మాదిరిగా ఇక్కడ కూడా తమకు వేతనాలు ఇవ్వాలని, డిపోల నుంచి చౌక దుకాణాల వరకు సరుకులను చేరవేయాలని, తూకం ప్రకారం అందివ్వాలని వారు డిమాండ్ చేశారు.