-
శభాష్గా తెరకెక్కిస్తున్నారు
నాన్న శభాష్గా చిత్రాన్ని తెరకెక్కిస్తున్నారు అని అంటున్నారు క్రేజీ హీరోయిన్ శ్రుతిహాసన్. ఈ బ్యూటీ ఏ చిత్రం గురించి చెబుతున్నారో ఈ పాటికే అందరికీ అర్థం అయ్యి ఉంటుంది. శ్రుతిహాసన్ తొలిసారిగా తన తండ్రి, విశ్వనటుడు కమలహాసన్తో కలిసి నటిస్తున్న చిత్రం శభాష్నాయుడు. కమల్ స్వీయ దర్శకత్వంలో తన రాజ్కమల్ ఫిలిం ఇంటర్నేషనల్ పతాకంపై లైకా సంస్థతో కలిసి నిర్మిస్తున్న చిత్రం ఇది. ఈ చిత్రం ఇప్పటికే అమెరికాలో షూటింగ్ తొలి షెడ్యూల్ను పూర్తి చేసుకుంది. శభాష్నాయుడు తదుపరి షెడ్యూల్ కమల్ తన కార్యాలయంలోని మెట్ల మీద నుంచి కాలు జారి పడి ఆస్పత్రిలో చేరడం కారణంగా వాయిదా పడిన విషయం తెలిసిందే. తాజగా ఈ చిత్ర షూటింగ్కు కమలహాసన్ సన్నాహాలు చేస్తున్నారు. జనవరి తొలి వారంలో శభాష్నాయుడు మళ్లీ సెట్పైకి వెళ్లనుంది. ఇటీవల ఒక కార్యక్రమంలో పాల్గొన్న శ్రుతిహాసన్ శభాష్నాయుడు చిత్రం గురించి తెలుపుతూ నాన్న చిత్రాన్ని బ్రహ్మాండంగా స్వీయ దర్శకత్వంలో నిర్మిస్తున్నారనని చెప్పారు. ఆయన సన్నివేశం సంతృప్తిగా వచ్చే వరకూ తీస్తూనే ఉంటారని తెలిపారు.అంతగా దృష్టి పెట్టి శభాష్నాయుడికి రూపకల్పన చేస్తున్నారని వివరించారు. తనకు నచ్చేవరకూ మరో సన్నివేశం జోలికి వెళ్లరని చెప్పారు. ఈ చిత్రంలో నటించడం తనకు అద్భుతమైన అనుభవం అని పేర్కొన్నారు. అయితే నాన్నతో నటించడానికి మొదట చాలా భయపడ్డానని శ్రుతిహాసన్ అన్నారు. ప్రస్తుతం ఈ బోల్డ్ అండ్ బ్యూటీ తెలుగులో పవన్కల్యాణ్తో రొమాన్స్ చేస్తున్నారు. -
నా పేరుని మా నాన్న మరచిపోయారు!
కన్న కూతురి పేరుని తండ్రి మరచిపోతే ఎవరికైనా ఆశ్చర్యంగానే ఉంటుంది. అందుకే ‘నా పేరుని మా నాన్న మరచిపోయారు’ అని శ్రుతీహాసన్ అంటే, ఎవరైనా ఆశ్చర్యపోతారు. కమల్హాసన్ ముద్దుల కూతురు శ్రుతి ప్రస్తుతం తన తండ్రికి రీల్ డాటర్గా ‘శభాష్ నాయుడు’లో నటిస్తున్న విషయం తెలిసిందే. ఈ చిత్రానికి కమల్ రెండో కూతురు అక్షరాహాసన్ సహాయ దర్శకురాలిగా చేస్తున్నారు. తండ్రి, చెల్లితో కలిసి సినిమా చేయడం చాలా ఆనందంగా ఉందంటున్నారు శ్రుతి. ఈ చిత్ర షూటింగ్ స్పాట్లో కొన్నాళ్ళ క్రితం జరిగిన గమ్మత్తై విషయాన్ని శ్రుతీహాసన్ చెబుతూ - ‘‘కమల్ నాకు నాన్న మాత్రమే కాదు.. ఈ చిత్రదర్శకుడు, కో-స్టార్ కూడా. భలే గమ్మత్తుగా ఉంది. ఒక సీన్లో ఆయన నన్ను పేరు పెట్టి పిలవాలి. కానీ, ఈ సినిమాలో నా పాత్ర పేరుతో కాకుండా నా రియల్ నేమ్తో పిలిచారు. అప్పుడు నేను ‘రాంగ్ నేమ్ అయినా.. థ్యాంక్యూ’ అన్నాను. ఈ సినిమా నాకో స్వీట్ మెమరీ అవుతుంది’’ అనినవ్వుతూ అన్నారు. ఈ చిత్రం కాస్ట్యూమ్స్ విషయంలో గౌతమితో శ్రుతీకి మనఃస్పర్థలు వచ్చాయనే వార్త రావడం, అలాంటిదేమీ లేదని శ్రుతి స్పష్టం చేయడం తెలిసిందే. కమల్కి గౌతమి అత్యంత సన్నిహితురాలనీ, ఇద్దరూ కలసి ఉంటారనీ ప్రత్యేకంగా చెప్పక్కర్లేదు. గౌతమితో మనఃస్పర్థలు నెలకొన్నాయనే వార్త వచ్చిన తర్వాత మీరు ఆమెతో మాట్లాడారా? అని శ్రుతీని ఓ ఆంగ్ల పత్రిక అడిగితే - ‘‘మా నాన్న కాంబినేషన్లో చేస్తున్న ‘శభాష్ నాయుడు’ షూటింగ్కి చిన్న బ్రేక్ వచ్చింది. నేను నా మిగతా సినిమాల షూటింగ్స్తో బిజీగా ఉన్నాను. మా నాన్ననీ, చెల్లెల్నీ కలవడానికి కూడా తీరిక లేదు. అయితే ఒక్కటి మాత్రం చెబుతాను. ఈ ప్రపంచంలో నాకు ముఖ్యమైన వ్యక్తుల్లో మా నాన్నగారు ఒకరు. ఆయనకు ముఖ్యమైన వ్యక్తి(గౌతమి)ని నేను కచ్చితంగా గౌరవిస్తా’’ అన్నారు. -
మూడు భాషల్లో ఒకేసారి అగ్రహీరో సినిమా
విశ్వనాయకుడు కమల్హాసన్ త్వరలో మూడు భాషల్లో ఒకేసారి సినిమా తీయబోతున్నారు. తెలుగు, తమిళ భాషల్లో 'శభాష్ నాయుడు', హిందీలో 'శభాష్ కుందు' అనే పేర్లతో ఈ సినిమా తీయబోతున్నారు. ఈ విషయాన్ని కమల్ హాసన్ తన సినిమా లాంచింగ్ సందర్భంగా వెల్లడించారు. ఈ సినిమాకు టీకే రాజీవ్ కుమార్ దర్శకత్వం వహిస్తున్నారు. కమల్తో పాటు ఆయన కూతురు శ్రుతిహాసన్ కూడా ఈ సినిమాలో నటించడం మరో విశేషం. విశ్వనాయకుడి సరసన రమ్యకృష్ణ హీరోయిన్గా చేస్తుండగా, బ్రహ్మానందం కూడా ఓ ముఖ్యపాత్రలో మెరుస్తారు. గతంలో 2008 సంవత్సరంలో కమల్ తీసిన దశావతారం సినిమాలో 'బలరాం నాయుడు' అనే సీబీఐ ఆఫీసర్ పాత్రను మళ్లీ ఇందులో పోషిస్తున్నారు. ఆయన అసిస్టెంట్గా బ్రహ్మానందం కనిపిస్తారు. రాజ్కమల్ ఇంటర్నేషనల్ బ్యానర్లో తీస్తున్న ఈ సినిమా షూటింగ్ మే రెండోవారం నుంచి ప్రారంభమవుతుంది. దీనికి ఇళయరాజా సంగీతం అందిస్తున్నారు.
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: యాదవ భూమిలో ఎస్పీకి అగ్నిపరీక్ష
పీఠమెక్కేదెవరో..?
మెరుగైన వైద్యసేవలు అందించాలి
ఉచిత శిక్షణను సద్వినియోగం చేసుకోవాలి
బాబు మట్టికొట్టుకు పోతాడు
● పెన్షన్ డబ్బుల కోసం పండుటాకుల కష్టాలు ● బ్యాంకు చుట్టూ తప్పని ప్రదక్షిణలు ● ఆటోల్లో తిరగలేక నీరసిస్తున్న వృద్ధులు ● మండే ఎండల్లో అభాగ్యుల ముప్పుతిప్పలు ● ఎంత పనిచేశావు చంద్రబాబూ అంటూ కన్నీరుపెడుతున్న అవ్వాతాతలు
● ఆగమోక్తం..భాష్యకారుల ఉత్సవం
పేదల ప్రభుత్వాన్ని ఆశీర్వదించండి
మాపై ఎందుకంత కక్ష
నేడు పలమనేరుకుసీఎం వైఎస్ జగన్
తప్పక చదవండి
- అమిత్ షా డీప్ఫేక్ వీడియో.. తెలంగాణ నుంచే వైరల్
- Nyrika Holkar: గోద్రెజ్ సైనిక... నైరిక
- వైఎస్సార్సీపీ దూకుడు
- గ్యారంటీ, ష్యూరిటీల పేరుతో వ్యక్తిగత లబ్ధి ప్రచారానికి బ్రేక్
- కరెంటు కోతల్లేవ్ నిరంతరాయంగా విద్యుత్ సరఫరా చేస్తున్నాం
- Rachana Banerjee: దీదీ కాదు... దీదీ నంబర్వన్
- పట్టభద్రుల ఎమ్మెల్సీ బీఆర్ఎస్ అభ్యర్థిగా ఏనుగుల రాకేశ్రెడ్డి
- రగులుతున్న క్యాంపస్లు!
- దశ దిశ మార్చే విజన్ అంటే ఇదే కదా!
- కేకేఆర్ చేతిలో ముంబై ఓటమి.. ప్లే ఆఫ్స్ నుంచి ఔట్?
Advertisement