కలకత్తా:శ్రీరామనవమి వేడుకలను అడ్డుకునేందుకు తృణమూల్‌ కాంగ్రెస్‌(టీఎంసీ) కుట్ర పన్నిందని ప్రధాని మోదీ ఆరోపించారు. మంగళవారం(ఏప్రిల్‌ 16) పశ్చిమబెంగాల్‌లోని బలూర్‌ఘాట్‌లో జరిగిన ఎన్నికల సభలో మోదీ ప్రసంగించారు. ‘అయోధ్యలో రామ్‌లల్లా ప్రతిష్టాపన జరిగిన తర్వాత జరుగుతున్న మొదటి రామనవమి వేడుక ఇది, రామ్‌నవమి వేడుకలను ఆపేందుకు టీఎంసీ ఎల్లప్పుడూ ప్రయత్నిస్తుంది. ఎన్నో కుట్రలు చేస్తుంది. కానీ చివరికి నిజమే గెలుస్తుంది. ఈసారి రామ్‌నవమి వేడుకలు జరుపుకునేందుకు కోర్టు అనుమతిచ్చింది. రామ్‌నవమి ఊరేగింపు అంగరంగ వైభవంగా, భక్తిశ్రద్ధలతో జరిగి తీరుతుంది. ఇందుకుగాను బెంగాల్‌ సోదరులు, సోదరీమణులకు నేను అభినందనలు తెలుపుతున్నాను’అని మోదీ అన్నారు.     ఇదీ చదవండి.. ఈడీ, సీబీఐల దర్యాప్తు.. శ్వేతపత్రం విడుదల చేయండి: దీదీ


 భద్రాచలం: శ్రీ రామనవమి సందర్భంగా భద్రాచలంలోని శ్రీ సీతారామచంద్ర స్వామి కల్యాణం ఈనెల 5వ తేదీన జరగనున్న సందర్భంగా సోమవారం ధ్వజారోహణ కార్యక్రమాన్ని వైభవంగా నిర్వహిస్తున్నారు. ప్రస్తుతం జరుగుతున్న బ్రహ్మోత్సవాలలో భాగంగా మాడ వీధులు భక్తులతో సందడిగా మారాయి. సోమవారం స్వామివారు ముత్తంగి రూపంలో భక్తులకు దర్శనమిచ్చారు. ఈ సందర్భంగా యాగశాలలో హోమం నిర్వహించారు. అగ్ని ప్రతిష్ఠ్రాపన కన్నులపండువగా జరిగింది. ఈ వేడుకులను వీక్షించేందుకు వచ్చిన భక్తులతో రామాలయం కిటకిటలాడింది. కోవెలలో పుష్పాలంకరణతో పాటు మామిడి తోరణాలను అలంకరించడంతో ఆలయ వాతావరణం శోభాయమానంగా మారింది.