కేప్‌టౌన్‌: స్పాట్‌ ఫిక్సింగ్‌కు పాల్పడినందుకు దక్షిణాఫ్రికా మాజీ పేసర్‌ లోన్‌వాబో సోట్సోబ్‌పై ఆ దేశ బోర్డు ఎనిమిదేళ్ల నిషేధం విధించింది. 2015లో దక్షిణాఫ్రికా దేశవాళీ టి20 టోర్నీ రామ్‌స్లామ్‌లో అతను ఫిక్సింగ్‌కు పాల్పడ్డాడు. ఈ వివాదంలో నిషేధం ఎదుర్కొంటున్న ఏడో ఆటగాడు సోట్సోబ్‌.
 
 దక్షిణాఫ్రికా తరఫున అతను 5 టెస్టులు, 61 వన్డేలు, 23 టి20లు ఆడాడు. రెండేళ్ల క్రితం ఆర్థిక సమస్యలు ఎదుర్కొన్న సమయంలో ఫిక్సింగ్‌ వైపు మొగ్గు చూపినట్లు అంగీకరించిన సోట్సోబ్, అభిమానులను క్షమించమని కోరాడు.