-
ప్రేమ అనేది వ్యసనం.. అందుకే ఇలా అంటూ స్టార్ హీరో
‘12th ఫెయిల్’ సినిమాతో నటుడు విక్రాంత్ మాస్సే దేశవ్యాప్తంగా ట్రెండ్ అయ్యారు. నటి శీతల్ ఠాకూర్తో కొన్నేళ్ల పాటు డేటింగ్ చేసిన తర్వాత ఫిబ్రవరి 2022లో పెళ్లి చేసుకున్నారు. ఈ సంవత్సరం ప్రారంభంలో వారికి మొదటి బిడ్డ జన్మించింది. బాబుకు వర్దాన్ అని పేరు పెట్టారు. కుమారుడిపై ప్రేమతో విక్రాంత్ మాస్సే తన కుమారుడి పేరును 'వర్దాన్' చేతిపై తాజాగా టాటూగా వేపించాడు. ఆ చిత్రాన్ని తన అభిమానులకు పంచుకున్నాడు. ఫిబ్రవరి 7న వారికి వర్దన్ పుట్టినప్పటి నుంచి ఈ జంట మరింతి ఉత్సాహంగా కనిపిస్తుంది. తాజాగా ఆయన టాటూతో పాటు తన కుమారుడిపై ప్రేమను పంచుకున్నాడు. ఇక నుంచి భార్యత పాటు కుమారుడికి కూడా తన ప్రేమను పంచాలని తెలిపాడు. ప్రేమ అనేది వ్యసనం లాంటిదని చెప్పుకొచ్చాడు. మీర్జాపూర్లో బబ్లూ పండిట్ పాత్రలో కనిపించిన విక్రాంత్ తెలుగువారికి పరిచయం అయ్యాడు. ‘12th ఫెయిల్’ చిత్రం ద్వారా మరింత పాపులర్ అయ్యాడు. చాలా కాలం పాటు డేటింగ్ చేసిన ఈ జంట, మొదట ఫిబ్రవరి 14, 2022న వివాహం చేసుకున్నారు. తరువాత, ఫిబ్రవరి 18, 2022 న శీతల్ ఠాకూర్కు చెందిన హిమాచల్ ప్రదేశ్లో సాంప్రదాయ వేడుకలో వివాహం చేసుకున్నారు. బ్రోకెన్ బట్ బ్యూటిఫుల్ అనే వెబ్ సిరీస్ మొదటి సీజన్లో కనిపించిన ఈ జంట ఆ తర్వాత ప్రేమలో పడింది. 2020లోనే పెళ్లి చేసుకోవాలని అనుకున్నారు. కోవిడ్-19 మహమ్మారి కారణంగా వారి వివాహం ఆలస్యమైంది. సుమారు మూడు సంవత్సరాల పాటు డేటింగ్లో ఉన్న ఈ జంట 2022లో వివాహ బంధంలో అడుగుపెట్టింది. విక్రాంత్ ప్రస్తుతం ఫిర్ ఆయీ హస్సీన్ దిల్రూబా , ముంబైకర్ , సెక్టార్ 36, యార్ జిగ్రీ వంటి ప్రాజెక్ట్లతో బిజీగా ఉన్నాడు. View this post on Instagram A post shared by Vikrant Massey (@vikrantmassey) -
ఆ ఒక్క సినిమాతో ప్రతిష్టాత్మక అవార్డ్ కొట్టేసిన నటుడు!
చిన్న సినిమాగా వచ్చి దేశవ్యాప్తంగా క్రేజ్ సంపాదించుకున్న చిత్రం 12th ఫెయిల్. విధు వినోద్ చోప్రా తెరకెక్కించిన ఈ సినిమా కేవలం మౌత్ టాక్తోనే బ్లాక్బస్టర్ హిట్ను సొంతం చేసుకుంది. గతేడాది అక్టోబర్ 27న విడుదలైన ఈ సినిమా బాక్సాఫీస్ వద్ద భారీ వసూళ్లు సాధించింది. ఓ సాధారణ కుటుంబం నుంచి వచ్చిన వ్యక్తి ఐపీఎస్ కావాలనే కలను నిజం చేసుకున్న నిజ జీవిత కథ ఆధారంగా తెరకెక్కించారు. ఐపీఎస్ కల కోసం మనోజ్ కుమార్ శర్మ కష్టపడిన తీరును చక్కగా ఆవిష్కరించారు. ఈ సినిమాలో మనోజ్ కుమార్ శర్మ పాత్రలో విక్రాంత్ మాస్సే మెప్పించారు. తాజాగా ఈ చిత్రంలో అతని నటనకుగానూ ప్రతిష్టాత్మక అవార్డ్కు ఎంపికయ్యారు. కేంద్రమంత్రి స్మృతి ఇరానీ చేతుల మీదుగా యాక్టర్ ఆఫ్ ది ఇయర్ అవార్డ్ను(ఉత్తమ నటుడు) అందుకున్నారు. ఢిల్లీలో జరిగిన ఎన్టీటీవీ ఇండియన్ ఆఫ్ ది ఇయర్ ఈవెంట్లో ఈ అవార్డ్ను బహుకరించారు. కాగా.. ధరమ్ వీర్, బాలికా వధు, బాబా ఐసో వర్ ధూండో, యే హై ఆషికి వంటి కొన్ని సీరియల్స్లో విక్రాంత్ మాస్సే నటించారు. అంతే కాకుండా ఎ డెత్ ఇన్ ది గంజ్, ఛపాక్, హసీన్ దిల్రూబా, గ్యాస్లైట్ వంటి చిత్రాలలో కనిపించారు. బ్రోకెన్ బట్ బ్యూటిఫుల్, క్రిమినల్ జస్టిస్, మీర్జాపూర్ వంటి వెబ్ సిరీస్ల్లోనూ నటించారు. కాగా.. ప్రస్తుతం 12th ఫెయిల్ మూవీ ఓటీటీలో స్ట్రీమింగ్ అవుతోంది. -
క్షమాపణ చెప్పిన '12th ఫెయిల్' హీరో.. ఆ పోస్ట్ డిలీట్
'12th ఫెయిల్' హీరో క్షమాపణ చెప్పాడు. అప్పుడెప్పుడో ఐదారేళ్ల క్రితం చేసిన ట్వీట్ని డిలీట్ చేయడంతో పాటు అప్పుడు జరిగిన విషయమై అసలేం జరిగిందో వివరణ ఇచ్చాడు. ఇందుకు సంబంధించిన ఓ ట్వీట్.. అర్థరాత్రి చేశాడు. ప్రస్తుతం ఇది కాస్త సోషల్ మీడియాలో హాట్ టాపిక్గా మారిపోయింది. ఇంతకీ అసలేం జరిగింది? ఎందుకు సారీ చెప్పాడు? హిందీ సీరియల్ నటుడిగా గుర్తింపు తెచ్చుకున్న విక్రాంత్ మస్సే.. ఆ తర్వాత బుల్లితెర నుంచి సినిమా స్క్రీన్కి షిఫ్ట్ అయ్యాడు. కాకపోతే సినిమాల్లో అనుకున్నంతగా సక్సెస్ కాలేదు. అదే టైంలో ఓటీటీలో 'మీర్జాపుర్' లాంటి వెబ్ సిరీస్తో ఫుల్ ఫేమ్ సంపాదించాడు. గతేడాది చివర్లో '12th ఫెయిల్' మూవీతో బ్లాక్బస్టర్ సక్సెస్ అందుకున్నాడు. (ఇదీ చదవండి: ఓటీటీలోకి సూపర్స్టార్ సినిమా.. అనుకున్న టైమ్ కంటే ముందే!) అయితే విక్రాంత్ 2018లో చేసిన ఓ ట్వీట్ని నెటిజన్లు బయటకు తీశారు. రాముడు-సీత కార్టున్తో ఉన్న ఈ ట్వీట్.. హిందువులు మనోభావాలు దెబ్బతీసేలా ఉందని కొందరు విమర్శలు చేశారు. దీంతో సదరు ట్వీట్ని డిలీట్ చేసిన ఈ హీరో.. దీనికి ప్రతిగా క్షమాపణలు కూడా చెప్పాడు. '2018లో నేను కొన్ని ట్వీట్ చేశా. ఇప్పుడు వాటి గురించి కొన్ని విషయాలు మాట్లాడదామనుకుంటున్నాను. హిందు కులాన్ని కించపరచాలనేది నా ఉద్దేశం కాదు. కానీ నేను చేసిన ట్వీట్ అలా అర్థం వచ్చేలా ఉండటం నాకు బాధ కలిగించింది. పేపర్లో వచ్చిన కార్టూన్నే నేను పోస్ట్ చేశాను. కానీ ఎవరైతే ఈ ట్వీట్ వల్ల బాధపడ్డారో వాళ్లందరికీ నేను మనస్పూర్తిగా క్షమాపణలు చెబుతున్నాను. అందరూ తప్పులు చేస్తాను. ఇప్పుడు నేను చేశాను' అని విక్రాంత్ మస్సే తన ట్విట్టర్ (ఎక్స్)లో రాసుకొచ్చాడు. (ఇదీ చదవండి: పెళ్లి చేసుకున్న 'బిగ్బాస్' వాసంతి.. కుర్రాడు ఎవరంటే?) Deleted + Apology 🙏🔱🚩 pic.twitter.com/LkYOcaFxVp — ADV. ASHUTOSH J. DUBEY 🇮🇳 (@AdvAshutoshBJP) February 20, 2024 In context to one of my Tweets way back in 2018, I’d like to say a few words: It was never my intention to hurt, malign or disrespect the Hindu community. But as I reflect in hindsight about a Tweet made in jest, I also release the distasteful nature of it. The same could… — Vikrant Massey (@VikrantMassey) February 20, 2024 -
నెలకు రూ.35 లక్షలు వచ్చే పనిమానేశా: '12th ఫెయిల్' హీరో
'12th ఫెయిల్' సినిమా మీలో ఎంతమంది చూశారు? ఈ మూవీలో హీరో ఎన్నో కష్టాల్ని తట్టుకుని ఐఏఎస్ ఎలా అయ్యాడనేది చాలా అద్భుతంగా చూపించారు. దీంతో సినిమా సూపర్హిట్ అయింది. అయితే ఇందులో హీరోగా నటించిన విక్రాంత్ మస్సే నిజ జీవితంలోనూ ఇలాంటి కష్టాలే పడ్డాడంట. స్వయంగా ఇతడే ఆ విషయాలన్నీ బయటపెట్టాడు. లక్షలు సంపాదించే స్థాయి నుంచి భార్య ఇచ్చిన డబ్బులతో నెట్టుకురావాల్సిన పరిస్థితి వచ్చిందని అన్నాడు. ఓటీటీల్లో వచ్చిన పలు సినిమాలు-వెబ్ సిరీసుల వల్ల విక్రాంత్ మస్సే.. తెలుగు ప్రేక్షకులకు కాస్త పరిచయమయ్యాడు. అయితే మూవీ ఇండస్ట్రీలోకి రాకముందు ఇతడు పలు సీరియల్స్లో హీరోగా నటించాడు. అప్పట్లోనే నెలకు దాదాపు రూ.35 లక్షలకు పైనే సంపాదించాడు. అయితే అక్కడితో ఆగిపోకుండా వెండితెరపై నటుడు కావాలనుకున్నప్పుడు అసలు కష్టాలు మొదలయ్యాయి. (ఇదీ చదవండి: తన పేరుతో మోసం.. బండారం బయటపెట్టిన సీరియల్ నటి) లక్షలు రెమ్యునరేషన్ ఇచ్చే సీరియల్స్ని వదులుకున్నాడు. దీంతో ఇంట్లో ఖర్చులకు సరిపోలేదు. ఆడిషన్స్కి వెళ్దామంటే డబ్బుల్లేవు. ఇలాంటి టైంలోనే విక్రాంత్కి ప్రస్తుతం భార్యగా ఉన్న శీతల్ ఠాకుర్ సాయం చేసింది. దాదాపు నాలుగైదు నెలలు ఖర్చులకు డబ్బులిచ్చి ఆదుకుంది. అలా సినిమా ఇండస్ట్రీలో నటుడిగా ఎదిగే క్రమంలో ప్రారంభంలో కాస్త ఇబ్బంది పడ్డ విక్రాంత్.. ఓటీటీ ట్రెండ్ వల్ల మంచి మంచి పాత్రలు చేసి బోలెడంత పేరు తెచ్చుకున్నాడు. ఈ మధ్య '12th ఫెయిల్' చిత్రంతో సినిమాల్లో హీరోగా స్టార్ అయిపోయాడు. ప్రస్తుతం పలు ప్రాజెక్టులతో బిజీగా ఉన్న ఇతడు.. తాజాగా ఓ ఇంటర్వ్యూలో మాట్లాడుతూ పైన విషయాల్ని చెప్పుకొచ్చాడు. ఈ క్రమంలోనే స్టార్ హీరో నిజ జీవిత కష్టాలు చూసి అందరూ అవాక్కవుతున్నారు. (ఇదీ చదవండి: అసిస్టెంట్ డైరెక్టర్తో శంకర్ కూతురి పెళ్లి.. అధికారిక ప్రకటన) -
ఆ రికార్డ్ అందుకున్న ఏకైక ఇండియన్ చిత్రంగా '12th Fail'
అనురాగ్ పాథక్ రచించిన 12Th Fail అనే నవలను ఆధారంగా చేసుకుని.. అదే పేరుతో బాలీవుడ్ దర్శకుడు విధూ వినోద్ చోప్రా సినిమాను తెరకెక్కించారు. విక్రాంత్ మస్సే ప్రధాన పాత్రలో నటించిన ఈ చిత్రం విశేష ఆదరణ సొంతం చేసుకుంది. తాజాగా ఈ చిత్రం 100 రోజులు పూర్తి చేసుకుంది. ఈ చిత్రానికి ఫైనల్ IMDb రేటింగ్ 9.2 దక్కింది. కొద్దిరోజుల క్రితం 69వ 'ఫిలిం ఫేర్' అవార్డుల్లో ఉత్తమ చిత్రంగా నిలిచింది. ఉత్తమ దర్శకుడు, ఉత్తమ స్క్రీన్ప్లే వంటి ఐదు అవార్డులను గెలుచుకుంది. ఇవన్నీ ఒక ఎత్తు అయితే ఇప్పుడు 12Th ఫెయిల్ చిత్రం అంతర్జాతీయంగా కూడా దూసుకుపోయింది. ప్రపంచవ్యాప్తంగా 250 ఉత్తమ చిత్రాల జాబితాలో ఈ మూవీకి చోటు దక్కింది. ఏకంగా టాప్- 50లో ఈ సినిమా ఉండటం విశేషం. ఈ సంతోషకరమైన అప్డేట్ని దర్శకుడు విధు వినోద్ చోప్రా తన సోషల్ మీడియాలో షేర్ చేశాడు. టాప్ -50లో చేరిన ఏకైక ఇండియన్ చిత్రంగా 12Th ఫెయిల్ రికార్డ్ క్రియేట్ చేసింది. ఎందరినో మెప్పించిన ఈ సినిమా నిజమైన ఒక వ్యక్తి జీవితం అని తెలిసిందే. ముంబయి మహానగర అడిషనల్ కమిషనర్ మనోజ్ జీవితమే ఈ కథ. మనోజ్ జీవిత కథను ఆయన మాజీ రూమ్మేట్ పాండే ఉరఫ్ అనురాగ్ పాథక్ 12Th ఫెయిల్ అనే పుస్తకంగా రాశాడు. దాన్నే- ప్రముఖ హిందీ దర్శకుడు విధూ వినోద్ చోప్రా సినిమాగా తెరకెక్కించి సూపర్హిట్ అందుకున్నారు. ఆయన పాత్రలో కనిపించిన విక్రాంత్ మస్సే నటనకు సినీ ప్రియులు మెచ్చుకున్నారు. ఈ చిత్రంలో కథానాయికగా మేధా శంకర్ కనిపించారు. ఒక్కసారిగా ఆమె బాలీవుడ్లో గుర్తింపు పొందారు. View this post on Instagram A post shared by Vidhu Vinod Chopra Films (@vidhuvinodchoprafilms) -
తండ్రిగా ప్రమోషన్ పొందిన 12th ఫెయిల్ హీరో
12th ఫెయిల్ సినిమా హీరో విక్రాంత్ మాస్సే గుడ్న్యూస్ చెప్పాడు. తన భార్య షీతల్ ఠాకూర్ పండంటి మగబిడ్డకు జన్మనిచ్చిందని తెలిపాడు. బుధవానం (ఫిబ్రవరి 7న) సోషల్ మీడియా వేదికగా ఈ శుభవార్తను అభిమానులతో పంచుకున్నాడు. దీంతో సెలబ్రిటీలు, అభిమానులు విక్రాంత్ దంపతులకు శుభాకాంక్షలు తెలుపుతున్నారు. అప్పుడే లవ్లో పడ్డారు 12th ఫెయిల్ హీరోయిన్ మేధా శంకర్ సైతం కంగ్రాట్స్ అంటూ అతడి పోస్ట్ కింద కామెంట్ పెట్టింది. కాగా షీతల్ కూడా పలు సినిమాల్లో నటించింది. వీరిద్దరూ బ్రోకెన్ బట్ బ్యూటిఫుల్ వెబ్ సిరీస్లో నటించారు. ఈ సిరీస్ చిత్రీకరణ సమయంలో ప్రేమలో పడ్డారు. 2022లో పెళ్లి చేసుకున్నారు. ఆ మరుసటి ఏడాదే త్వరలో తల్లిదండ్రులం కాబోతున్నామోచ్ అంటూ షీతల్ గర్భవతి అయిన విషయాన్ని బయటపెట్టారు. సీరియల్స్ నుంచి సినిమాల్లోకి.. కాగా విక్రాంత్ మాస్సే నేరుగా సినిమాల్లో అడుగుపెట్టలేదు. మొదట్లో బుల్లితెరపై సీరియల్స్ చేశాడు. ధరమ్ వీర్, బాలికా వధు(చిన్నారి పెళ్లికూతురు), గుమ్రా: ఎండ్ ఆఫ్ ఇన్నోసెన్స్.. ఇలా పలు ధారావాహికల్లో నటించాడు. తర్వాత అక్కడ వచ్చిన క్రేజ్ సినిమాల్లో ఎంట్రీ ఇచ్చాడు. లూటేరా, దిల్ ధడక్నే దో, హాఫ్ గర్ల్ఫ్రెండ్ వంటి చిత్రాల్లో సహాయ నటుడిగా కనిపించాడు. ఎ డెత్ ఇన్ ద గంజ్తో హీరోగా మారాడు. ఈ మూవీ అతడి జీవితాన్నే మార్చేసింది. అప్పటినుంచి డిఫరెంట్ కాన్సెప్టులు ఎంచుకుంటూ హీరోగా రాణిస్తున్నాడు. 12th ఫెయిల్ చిత్రానికిగానూ ఉత్తమ నటుడిగా ఫిలింఫేర్ అవార్డు (క్రిటిక్స్ విభాగంలో) అందుకున్నాడు. View this post on Instagram A post shared by Vikrant Massey (@vikrantmassey) చదవండి: ఆ తమన్ అబద్ధాలే చెప్తాడు.. నేను అలా ఒక్కసారే చేశా! -
12th ఫెయిల్ చిత్రానికి అరుదైన గౌరవం.. !
ప్రముఖ ఫిల్మ్ మేకర్ విధు వినోద్ చోప్రా తెరకెక్కించిన చిత్రం 12th ఫెయిల్. గతేడాది అక్టోబర్ 27న బాలీవుడ్లో విడుదలైన ఈ చిత్రానికి మొదట్లో పెద్దగా ఆదరణ లభించలేదు. కానీ ఆ తర్వాత కేవలం మౌత్ టాక్తోనే సూపర్ హిట్గా నిలిచింది. తెలుగులో ఈ చిత్రం గతేడాది నవంబర్ 3న రిలీజైంది. తాజాగా ఓటీటీలోనూ రిలీజైన ఈ సినిమాకు అభిమానుల నుంచి విపరీతమైన రెస్పాన్స్ వస్తోంది. ఇటీవలే ఇంటర్నెట్ మూవీ డేటాబేస్ (ఐఎండీబీ)లో అత్యధిక రేటింగ్ సాధించిన ఇండియన్ మూవీగా నిలిచింది. తాజాగా ఈ చిత్రానికి మరో అరుదైన గౌరవం లభించింది. ఇటీవలే మకావులో నిర్వహించిన ఆసియా-యూరప్ యంగ్ ఫిల్మ్ ఫెస్టివల్లో ఈ చిత్రాన్ని ప్రదర్శించారు. ఈ సందర్భంగా ఫిల్మ్ ఫెస్టివల్లో పాల్గొన్న ప్రేక్షకుల నుంచి అద్భుతమైన స్పందన లభించింది. ఈ సినిమా ప్రదర్శించే సమయంలో అందరూ ఒక్కసారిగా లేచి నిలబడి అభినందించారు. 12th ఫెయిల్ స్టోరీ ఏంటి? ముంబై క్యాడర్(2005)కు చెందిన అసిస్టెంట్ పోలీస్ కమిషనర్ మనోజ్ కుమార్ శర్మ రియల్ లైఫ్ నుంచి ఇన్స్పైర్ రాసిన కథ ఇది. ఓ చిన్న పల్లెటూరికి చెందిన మనోజ్.. ఎలాంటి సపోర్ట్ లేకుండా సీవిల్స్కి ఎంపికై అందరికి ఆదర్శంగా నిలిచాడు. అయితే ఆయన సీవిల్స్కి ప్రిపేర్ అయిన సమయంలో పడిన కష్టాల నేపథ్యంలో ఈ చిత్రం సాగుతుంది. భారతీయ విద్యావ్యవస్థలోని తీరుతెన్నులను స్పృశిస్తూనే.. ఐపీఎస్, ఐఏఎస్ లాంటి ప్రభుత్వ ఉద్యోగాలకు ప్రిపేర్ అయ్యే పేద విద్యార్థుల బాధలు, కష్టాలను కళ్లకు కట్టినట్లు చూపించారు. (12th ఫెయిల్ మూవీ రివ్యూ కోసం క్లిక్ చేయండి) ఈ చిత్రంలో విక్రాంత్ మాస్సే , మేధా శంకర్ , అన్షుమాన్ పుష్కర్ , అనంత్ జోషి , హరీష్ ఖన్నా , ప్రియాంషు ఛటర్జీ కీలక పాత్రలు పోషించారు. రూ. 20 కోట్ల బడ్జెట్తో నిర్మించిన ఈ చిత్రం ప్రపంచ వ్యాప్తంగా రూ. 67 కోట్లను వసూలు చేసింది. డిసెంబర్ 29 నుంచి ప్రముఖ ఓటీటీ డిస్నీ ప్లస్ హాట్స్టార్లో స్ట్రీమింగ్ అవుతోంది. ఓటీటీలోనూ ఈ చిత్రానికి మంచి ఆదరణ లభిస్తోంది. అయితే ఈ మూవీ కేలవం హిందీలోనే స్ట్రీమింగ్ కావడంతో మిగతా భాషల్లోనూ డబ్ చేయాలని నెటిజన్స్ సోషల్ మీడియా వేదికగా ఓటీటీ సంస్థకు విజ్ఞప్తి చేస్తున్నారు. Such a memorable time @anupamachopra ! Thanks so much to #VidhuVinodChopra for bringing his fabulous #12Fail to #Macao #China for Asia-Europe Festival of Young Cinema.The universal theme really resonated with young Chinese audiences (& in our festival world #Restart is key! ) 👍 https://t.co/B6vlsZwMWF — Deepti DCunha (@deemelinda) January 12, 2024 -
12th ఫెయిల్.. అరుదైన ఘనత, హాలీవుడ్ సినిమాలనూ వెనక్కు నెట్టేసింది!
ప్రముఖ ఫిల్మ్ మేకర్ విధు వినోద్ చోప్రా తెరకెక్కించిన చిత్రం 12th ఫెయిల్. గతేడాది అక్టోబర్ 27న బాలీవుడ్లో విడుదలైన ఈ చిత్రానికి మొదట్లో పెద్దగా ఆదరణ లభించలేదు కానీ.. మౌత్ టాక్ ద్వారా బాగా పుంజుకొని సూపర్ హిట్గా నిలిచింది. తెలుగులో ఈ చిత్రం గతేడాది నవంబర్ 3న రిలీజైంది. ఇక్కడ ఈ సినిమాకు సరైన ఆదరణ లభించలేదు. కానీ ఓటీటీలో రిలీజైన తర్వాత మాత్రం దేశం మొత్తం ఈ సినిమా గురించి మాట్లాడుకుంది. విమర్శకుల ప్రశంసలు అందుకుంటూ చివరికి ఇంటర్నెట్ మూవీ డేటాబేస్ (ఐఎండీబీ)లో అత్యధిక రేటింగ్ సాధించిన ఇండియన్ మూవీగా 12th ఫెయిల్ నిలిచింది. గతేడాది హాలీవుడ్లో రిలీజైన స్పైడర్ మ్యాన్: అక్రాస్ ది స్పైడర్ వెర్స్(8.6), ఓపెన్హైమర్(8.4), గార్డియన్స్ ఆఫ్ ది గెలాక్సీ వాల్యూమ్ 3(7.9), కిల్లర్స్ ఆఫ్ ద ఫ్లవర్ మూన్(7.8), జాన్ విక్ చాప్టర్ 4(7.7) లాంటి సినిమాల ఐఎండీబీ రేటింగ్ కంటే కూడా ఎక్కువ రేటింగ్ ఈ 12th ఫెయిల్(9.2) మూవీ సొంతం చేసుకుంది. ఇండియన్ టాప్ 250 సినిమాల్లో 12th ఫెయిల్ మూవీ మొదటి స్థానంలో ఉండడం గమనార్హం. ఈ లిస్ట్ టాప్ 5లో 1993లో వచ్చిన యానిమేటెడ్ మూవీ రామాయణ, మణిరత్నం నాయకుడు, హృషికేష్ ముఖర్జీ గోల్ మాల్, మాధవన్ డైరెక్ట్ చేసిన రాకెట్రీ ఉన్నాయి. 12th ఫెయిల్ స్టోరీ ఏంటి? ముంబై క్యాడర్(2005)కు చెందిన అసిస్టెంట్ పోలీస్ కమిషనర్ మనోజ్ కుమార్ శర్మ రియల్ లైఫ్ నుంచి ఇన్స్పైర్ రాసిన కథ ఇది. ఓ చిన్న పల్లెటూరికి చెందిన మనోజ్.. ఎలాంటి సపోర్ట్ లేకుండా సీవిల్స్కి ఎంపికై అందరికి ఆదర్శంగా నిలిచాడు. అయితే ఆయన సీవిల్స్కి ప్రిపేర్ అయిన సమయంలో పడిన కష్టాల నేపథ్యంలో ఈ చిత్రం సాగుతుంది. భారతీయ విద్యావ్యవస్థలోని తీరుతెన్నులను స్పృశిస్తూనే.. ఐపీఎస్, ఐఏఎస్ లాంటి ప్రభుత్వ ఉద్యోగాలకు ప్రిపేర్ అయ్యే పేద విద్యార్థుల బాధలు, కష్టాలను కళ్లకు కట్టినట్లు చూపించారు. (12th ఫెయిల్ మూవీ రివ్యూ కోసం క్లిక్ చేయండి) ఈ చిత్రంలో విక్రాంత్ మాస్సే , మేధా శంకర్ , అన్షుమాన్ పుష్కర్ , అనంత్ జోషి , హరీష్ ఖన్నా , ప్రియాంషు ఛటర్జీ కీలక పాత్రలు పోషించారు. రూ. 20 కోట్ల బడ్జెట్తో నిర్మించిన ఈ చిత్రం ప్రపంచ వ్యాప్తంగా రూ. 67 కోట్లను వసూలు చేసింది. డిసెంబర్ 29 నుంచి ప్రముఖ ఓటీటీ డిస్నీ ప్లస్ హాట్స్టార్లో స్ట్రీమింగ్ అవుతోంది. ఓటీటీలోనూ ఈ చిత్రానికి మంచి ఆదరణ లభిస్తోంది. అయితే ఈ మూవీ కేలవం హిందీలోనే స్ట్రీమింగ్ కావడంతో మిగతా భాషల్లోనూ డబ్ చేయాలని నెటిజన్స్ సోషల్ మీడియా వేదికగా ఓటీటీ సంస్థకు విజ్ఞప్తి చేస్తున్నారు. -
ఓటీటీలోకి ఆ హిట్ మూవీ.. రెండు నెలల తర్వాత ఇప్పుడు స్ట్రీమింగ్
ఈ హిట్ సినిమా కోసం మూవీ లవర్స్ చాలారోజుల నుంచి ఎదురుచూస్తున్నారు. ఏంటి ఈ మూవీ అంత బాగుంటుందా? అని మీరు అనుకోవచ్చు. కానీ ఇది ప్రేక్షకుల మనసుల్ని గెలుచుకుంది. స్పూర్తినిచ్చే చిత్రాల జాబితాలో ఈ మూవీ నిలిచిపోయింది అనడంలో ఎలాంటి సందేహం లేదు. తెలుగులో రిలీజ్ చేసినప్పుడు అనుకోని విధంగా ఆడియెన్స్కి సరిగా రీచ్ కాలేదు. ఇప్పుడు ఓటీటీలో వచ్చేస్తుంది కాబట్టి ఇంట్లో కూర్చొనే చూసేయొచ్చు. (ఇదీ చదవండి: ఓటీటీలోకి వచ్చేస్తున్న తెలుగు హిట్ సినిమా.. డేట్ ఫిక్స్) హిందీలో పిచ్చి పిచ్చి కమర్షియల్ సినిమాలే కాకుండా అప్పుడప్పుడు మంచి భావోద్వేగభరిత చిత్రాలు కూడా వస్తుంటాయి. అలా ఈ ఏడాది బాలీవుడ్ నుంచి వచ్చిన అద్భుతమైన మూవీ '12th ఫెయిల్'. నిజ జీవిత కథతో తీసిన ఈ మూవీలో ఇంటర్మీడియట్ తప్పిన ఓ కుర్రాడు.. ఐపీఎస్ ఎలా అయ్యాడు? ఈ ప్రయాణంలో ఎలాంటి అడ్డంకులు ఎదుర్కొన్నాడు అనే కాన్సెప్ట్.. చాలామందికి కంటతడి పెట్టించింది. అక్టోబరు 27న హిందీలో రిలీజైన ఈ సినిమా.. నవంబరు 3న తెలుగు వెర్షన్ విడుదలైంది. కాకపోతే అదే రోజు 'పొలిమేర 2', 'కీడాకోలా' లాంటి చిత్రాల వల్ల దీనికి పెద్దగా థియేటర్లు దొరకలేదు. అలా మంచి కంటెంట్ ఉన్నాసరే ప్రేక్షకులకు తెలియకుండానే బిగ్ స్క్రీన్పై నుంచి మాయమైపోయింది. అలా ఇప్పుడు ఓటీటీ డేట్ ఫిక్స్ చేసుకుంది. డిసెంబరు 29 నుంచి హాట్స్టార్ స్ట్రీమింగ్ కానుందని అధికారికంగా ప్రకటించారు. సో వచ్చేవారం ఓటీటీ మూవీస్లో దీన్ని మాత్రం అస్సలు మిస్ కావొద్దు. (ఇదీ చదవండి: 'సలార్' ఊరమాస్ కలెక్షన్స్.. కొద్దిలో మిస్ అయిన 'ఆర్ఆర్ఆర్' రికార్డ్!) -
12th Fail Movie Review: 12th ఫెయిల్ మూవీ రివ్యూ
టైటిల్: 12th ఫెయిల్ నటీనటులు: విక్రాంత్ మాస్సే , మేధా శంకర్ , అన్షుమాన్ పుష్కర్ , అనంత్ జోషి , హరీష్ ఖన్నా , ప్రియాంషు ఛటర్జీ తదితరులు నిర్మాత: విధు వినోద్ చోప్రా దర్శకత్వం: విధు వినోద్ చోప్రా సంగీతం: శంతను మొయిత్రా సినిమాటోగ్రఫీ: రంగరాజన్ రామబద్రం విడుదల తేది: నవంబర్ 3, 2023 ఒక భాషలో సినిమా హిట్ అయిందంటే చాలు దాన్ని పలు భాషల్లో డబ్ చేసి రిలీజ్ చేస్తుంటారు. అలా బాలీవుడ్ నుంచి తెలుగులోకి డబ్ అయిన చిత్రమే 12th ఫెయిల్. అక్టోబర్ 27న హిందీలో రిలీజైన ఈ చిత్రం.. అక్కడ భారీ విజయం సాధించింది. దీంతో అదే టైటిల్తో నవంబర్ 3 తెలుగులో విడుదల చేశారు. ప్రస్తుతం ప్రముఖ ఓటీటీ డిస్నీ ప్లస్ హాట్స్టార్లో స్ట్రీమింగ్ అవుతోంది. మరి మూవీ కథేంటి? ఎలా ఉంది? రివ్యూలో చూద్దాం. కథేంటంటే.. ఈ సినిమా కథ 1997లో ప్రారంభం అవుతుంది. బందిపోట్లకు నిలయమైన చంబల్ ప్రాంతానికి చెందిన మనోజ్ కుమార్ శర్మ(విక్రాంత్ మెస్సీ) ఇంటర్ చదవుతుంటాడు. 12వ తరగతి పాస్ అయితే చిన్న ఉద్యోగం వస్తుందని అతని ఆశ. అందరిలాగే తాను కూడా చిట్టిలు కొట్టి పరీక్షలు పాస్ అవ్వాలనుకుంటాడు. అయితే అక్కడకు కొత్తగా వచ్చిన డీఎస్పీ దుష్యంత్ సింగ్(ప్రియాన్షు ఛటర్జీ).. విద్యార్థులు కాపీ కొట్టడాన్ని అరికడతాడు. దీంతో ఆ ఏడాది మనోజ్ 12వ తరగతిలో ఫెయిల్ అవుతాడు.మరోవైపు ఇంట్లో పూట గడవడానికి కూడా కష్టంగానే ఉంటుంది. అన్నయ్యతో కలిసి ఆటో తోలుతూ ఉంటాడు. ఓసారి ఎమ్మెల్యే మనుషుతో గొడవపడిన కారణంగా తన అన్నయ్యను జైలులో పెడతారు పోలీసులు. ఆయన్ని బయటకు రావడానికి డీఎస్పీ దుష్యంత్ సహాయం చేస్తాడు. దుష్యంత్ సిన్సియారిటీ చూసి..తాను కూడా అలాంటి పోలీసాఫీసర్ అవ్వాలనుకుంటాడు మనోజ్. దుష్యంత్ను ఇన్స్పైరింగ్గా తీసుకొని కాపీ కొట్టకుండా 12th పాస్ అవుతాడు. డిగ్రీ పూర్తి చేసి.. డీఎస్పీ కావాలని, కోచింగ్ కోసం నానమ్మ ఇచ్చిన పెన్షన్ డబ్బులతో పట్నం వెళ్తాడు. బస్సులో ప్రయాణిస్తున్న క్రమంలో అతని డబ్బులను కొట్టేసారు. మరోవైపు సిటీకి చేరుకున్నాక.. మూడేళ్లదాక నోటీఫికేషన్ లేదని ప్రభుత్వం ప్రకటిస్తుంది. దీంతో ఏం చేయాలో తెలియని పరిస్థితిలో ఉన్న మనోజ్కు.. ప్రీతమ్ పాండే(ఆనంత్ విజోషి) పరిచయం అవుతాడు. ఆయన సపోర్ట్తో ఢిల్లీకి వెళ్లి సివిల్స్కి ప్రిపేర్ అవుతాడు. ఈ క్రమంలో అతనికి ఎదురైన సవాళ్లు ఏంటి? పుస్తకాలు కొనుక్కోవడానికి కూడా డబ్బుల్లేని పరిస్థితుల్లో మనోజ్ సివిల్స్ పరీక్షలను ఎలా ఎదుర్కొన్నాడు? ఢిల్లీలో పరిచయం అయిన గౌరీ అన్న(ఆయుష్మాన్ పుస్కర్), శ్రద్ధా(మేధా శంకర్) ఎలాంటి సపోర్ట్ని అందించారు? చివరకు ఐపీఎస్ లక్ష్యాన్ని చేరుకున్నాడా లేదా? అనేదే ఈ సినిమా కథ. ఎలా ఉందంటే.. ముంబై క్యాడర్(2005)కు చెందిన అసిస్టెంట్ పోలీస్ కమిషనర్ మనోజ్ కుమార్ శర్మ రియల్ లైఫ్ నుంచి ఇన్స్పైర్ రాసిన కథ ఇది. ఓ చిన్న పల్లెటూరికి చెందిన మనోజ్.. ఎలాంటి సపోర్ట్ లేకుండా సీవిల్స్కి ఎంపికై అందరికి ఆదర్శంగా నిలిచాడు. అయితే ఆయన సీవిల్స్కి ప్రిపేర్ అయిన సమయంలో పడిన కష్టాల నేపథ్యంలో ఈ చిత్రం సాగుతుంది. భారతీయ విద్యావ్యవస్థలోని తీరుతెన్నులను స్పృశిస్తూనే.. ఐపీఎస్, ఐఏఎస్ లాంటి ప్రభుత్వ ఉద్యోగాలకు ప్రిపేర్ అయ్యే పేద విద్యార్థుల బాధలు, కష్టాలను కళ్లకు కట్టినట్లు చూపించారు. ప్రభుత్వ ఉద్యోగాలకు ప్రిపేర్ అయ్యేవాళ్లకు స్ఫూర్తినిచ్చే చిత్రమిది. జీవితంలో ఫెయిల్యూర్స్, కష్టాలు రావడం సహజమని.. వాటిని ఎదుర్కొని నిలబడితే విజయం మన సొంతం అవుతుందని చాటి చెప్పే ఇన్స్పైరింగ్ మూవీ. చంబల్ ప్రాంతంలోని అప్పటి పరిస్థితులు, అక్కడి విద్యా వ్యవస్థను చూపిస్తూ కథను ప్రారంభించాడు దర్శకుడు. నిజాయితీ కారణంగా తండ్రి ఉద్యోగం నుంచి సస్పెండ్ అవ్వడం.. ఆ తర్వాత హీరో ఫ్యామిలీ పడే కష్టాలకు సంబంధించిన సన్నీవేశాలు ఎమోషనల్కు గురి చేస్తాయి. సినిమా అంతా సీరియస్ మూడ్లో సాగిస్తూనే.. చిన్న చిన్న ఫన్ ఎలిమెంట్స్ని ఎలివేట్ చేసిన తీరు ఆకట్టుకుంటుంది. మనోజ్ కోచింగ్ కోసం పట్నం వెళ్లిన తర్వాత కథ ఎమోషనల్వైపు టర్న్ తీసుకుంటుంది. డబ్బులు లేక ఆయన పడే కష్టాలు.. హోటల్కి వెళ్లి అన్నం అడిగిన తీరు.. మనసుని కదిలిస్తాయి. ఢిల్లీలో ఐఏఎస్, ఐపీఎస్ పరీక్షల కోచింగ్ కోసం పేద విద్యార్థులు పడే కష్టాలను తెరపై వాస్తవికంగా చూపించారు. సెకండాఫ్లో కథ మరింత ఎమోషనల్గా సాగుతుంది. కోచింగ్కి డబ్బుల్లేక మనోజ్ బాత్రూమ్స్ కడగడం.. పిండిమర ఇంట్లో ఉంటూ.. రోజుకు 15 గంటలు పని చేస్తూ చదవుకోవడం... పరీక్షలో ఫెయిల్ అయిన ప్రతిసారి మనోధైర్యంతో ‘రిపీట్’ అంటూ మళ్లీ చదవడం ప్రారంభించడం..ఈ సన్నివేశాలన్నీ హృదయాలను హత్తుకుంటాయి. విధూ వినోద్ తనదైన స్క్రీన్ప్లేతో మ్యాజిక్ చేస్తూ.. ప్రేక్షకుడిని కథలో లీనమయ్యేలా చేశాడు. ఎవరెలా చేశారంటే.. మనోజ్ కుమార్ శర్మ పాత్రలో విక్రాంత్ మెస్సీ ఒదిగిపోయాడు. తెరపై మనకు మనోజ్ కుమార్ పాత్రే కనిపిస్తుంది తప్ప..ఎక్కగా విక్రాంత్ కనిపించడు. అంతలా తనదైన నటనతో ఆ పాత్రకు ప్రాణం పోశాడు. కొన్నిచోట్ల నవ్విస్తూనే.. మనల్ని ఏడిపించేస్తాడు. మనోజ్ స్నేహితుడు పాండేగా ఆనంత్ వీ జోషి నటన చాలా బాగుంది. కథంతా అతని పాత్రనే నెరేట్ చేస్తుంది. గౌరీ పాత్రలో ఆయుష్మాన్ పుస్కర్ నటన ఆకట్టుకుంటుంది. మనోజ్ ప్రియురాలు శ్రద్దాగా మేధా శంకర్ తన పాత్ర పరిధిమేర చక్కగా నటించింది. ఇక సుందర్గా విజయ్ కుమార్, డీఎస్పీగా ప్రియాంశు చటర్జీతో పాటు మిగిలిన నటీనటులు తమ పాత్రల పరిధిమేర నటించారు. సాకేతికంగా ఈ సినిమా చాలా బాగుంది. శాంతను మోయిత్రా సంగీతం సినిమాను ఫీల్గుడ్గా మార్చింది. కెమెరామెన్ పనితనం బాగుంది. ప్రతి ఫ్రేమ్ నీట్గా వాస్తవాన్ని ఆవిష్కరించేలా సహజసిద్ధంగా ఉన్నాయి. ఎడిటింగ్ బాగుంది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. చరిత్రలో ఎన్నో సినిమాలు వస్తుంటాయి. పోతుంటాయి. కానీ కొన్ని మాత్రమే ప్రేక్షకుల హృదయాలను స్పృశిస్తూ గొప్ప చిత్రాలుగా నిలుస్తాయి. అలాంటి చిత్రాల్లో 12th ఫెయిల్ ఒకటని చెప్పొచ్చు. విద్యార్థులకు ఇదొక ఇన్స్పైరింగ్ మూవీ. -అంజి శెట్టె, సాక్షి వెబ్డెస్క్
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
భర్తతో విడిపోయిన హీరోయిన్.. కూతురితో కలిసి..
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
చికిత్స పొందుతూ వృద్ధుడి మృతి
రెండ్రోజులు మోస్తరు వానలు!
రెండ్రోజులు మోస్తరు వానలు!
Lok Sabha Election 2024: నికమ్ వర్సెస్ వర్షా
తొమ్మిది మోడల్ పోలింగ్ కేంద్రాలు
సీఎం రేవంత్రెడ్డి నాయకత్వాన్ని బలపరుద్దాం
‘ఉచిత కానుకలపై గట్టి నిఘా ఉంచాలి’
జిల్లా జైలు తనిఖీ
ప్రత్యర్థుల విమర్శలు అర్థరహితం..
వందలాది కోట్లతో అభివృద్ధి పనులు..
తప్పక చదవండి
- నన్ను నమ్మండీ! నేను ఇది వరకులా కాను!!
- బర్త్ డే స్పెషల్.. విజయ్ దేవరకొండ ఎక్కడ తప్పు చేస్తున్నాడు?
- ఒక్క క్లిక్తో ‘ఏపీ పాలిసెట్’ ఫలితాలు
- సుప్రీత మైండ్ బ్లోయింగ్ గ్లామర్.. ఫారెన్ వీధుల్లో కేతిక!
- ఐసీఎంఆర్ విడుదల చేసిన ఆహార మార్గదర్శకాలు ఇవే..
- పిట్రోడా వ్యాఖ్యల దుమారం.. నిర్మలా సీతారామన్ ఆగ్రహం
- పవన్ మూవీ రిలీజ్ డేట్కి టెండర్ వేసిన 'దేవర'?
- టీ20 వరల్డ్కప్ 2024 కోసం భారత బి టీమ్.. కెప్టెన్గా కేఎల్ రాహుల్..!
- ల్యాండ్ టైట్లింగ్ చట్టం నిజాలివిగో..
- బాబోస్తే ఆరోగ్యశ్రీ గో..వింద
Advertisement