ల్యాండ్‌ టైట్లింగ్‌ యాక్ట్‌.. ఏపీ రాజకీయాల్లో ప్రస్తుతం ఈ అంశం హాట్‌టాపిక్‌గా మారింది. భూ యజమానులకు శాశ్వత భూ హక్కులు కల్పించే లక్ష్యంతో ముఖ్యమంత్రి వైఎస్‌ జగన్‌మోహన్‌రెడ్డి తీసుకొచ్చిన ఈ చట్టంపై చంద్రబాబు, ఆయన గ్యాంగ్ నానాయాగీ చేస్తోంది. ఇంకా అమల్లోకే రాని చట్టంపై‌ ప్రజల్లో లేనిపోని అనుమానాలు సృష్టించే ప్రయత్నం చేస్తోంది. ప్రతిపక్ష కూటమికి ఎన్నికల్లో ఓటమి కళ్ల ముందు కనిపిస్తుండంతో ఏం చేయాలో తోచక సీఎం జగన్‌పై, ఆయన ప్రభుత్వంపైన దుష్ప్రచారం చేస్తోంది. ఇందులో భాగంగానే ప్రజల భూములపై వారికే హక్కులు కల్పించేలా వైఎస్‌ జగన్‌ ప్రభుత్వం తెస్తున్న ల్యాండ్‌ టైట్లింగ్‌ యాక్ట్‌పై నీచమైన ప్రచారం చేస్తూ.. ప్రజలను పక్కదోవ పట్టించే ప్రయత్నం చేస్తోంది. భూముల వ్యవస్థను సమూలంగా మార్చడం ద్వారా ప్రజలకు.. తద్వారా సమాజానికి, రాష్ట్రానికి ఎంతో మేలు చేసే ఈ చట్టాన్ని స్వలాభం కోసం వివాదాస్పదంగా మారుస్తోంది.తాజాగా ల్యాండ్‌ టైట్లింగ్‌ యాక్ట్‌ వివాదంపై ఏపీ మాజీ చీఫ్‌ సెక్రటరీ, బీజేపీ నాయకుడు ఐవైఆర్‌ కృష్ణారావు స్పందించారు. ఈ చట్టంపై చంద్రబాబు, ఎల్లోమీడియా చేస్తున్న దుష్ప్రచారాన్ని ఎక్స్‌ వేదికగా ఆయన తిప్పికొట్టారు."ఈ ప్రకటనను ఇచ్చినది టీడీపీ తరఫున లేక కూటమి తరఫున? కూటమిలో ‌ఏపీ బీజేపీ భాగస్వామి. ల్యాండ్ టైటిలింగ్ చట్టం కర్త కర్మ జాతీయ‌ బీజేపీ. క్రియ మాత్రమే రాష్ట్ర ప్రభుత్వాలు. మరి ఇటువంటి ప్రకటనలకు ఏపీ బీజేపీ భాగస్వామ్యం ఎలా తీసుకుంటుంది? ఏపీ బీజేపీ నిద్రావస్థలో ఉందా? మరింకేమైనా కారణమా?’ అని ట్వీట్‌ చేశారు..కాగా శుక్రవారం నాటి ఆంధ్రజ్యోతి ప్రతికలో ‘మీ భూమి మీది కాదు’ అనే నినాదంతో ఫస్ట​ పేజ్‌లో  భారీగా వాణిజ్య ప్ర‌క‌ట‌న‌లు ఇచ్చారు.దీనిని  కృష్ణారావు షేర్‌ చేస్తూ..  ల్యాండ్ టైటిలింగ్ చ‌ట్టానికి క‌ర్త‌, క‌ర్మ కేంద్రంలోని బీజేపీదేనని తెలిపారు. కేవ‌లం అమ‌లు చేసేది మాత్రమే రాష్ట్ర ప్ర‌భుత్వాల‌ని ఆయ‌న పేర్కొన్నారు. అయితే ఇలాంటి ప్ర‌క‌ట‌న‌లో ఏపీ బీజేపీని భాగ‌స్వామ్యం చేయ‌డాన్ని ఆయ‌న ప్ర‌శ్నించారు.ఏపీ బీజేపీ అధ్య‌క్షురాలు ద‌గ్గుబాటి పురందేశ్వ‌రి నిద్ర‌పోతున్నారా? అని ఆయ‌న ప‌రోక్షంగా ప్ర‌శ్నించారు. లేదంటే ఇంకేమైనా కార‌ణం వుందా? అని కూడా ఆయ‌న నిల‌దీయ‌డం గ‌మ‌నార్హం. ఈ ప్రకటనను ఇచ్చినది @JaiTDP తరఫున లేక కూటమి తరఫున? కూటమిలో ‌@bjp4andhra భాగస్వామి. ల్యాండ్ టైటిలింగ్ చట్టం కర్త కర్మ @BJP4India . క్రియ మాత్రమే రాష్ట్ర ప్రభుత్వాలు. మరి ఇటువంటి ప్రకటనలకు @BJP4Andhra భాగస్వామ్యం ఎలా తీసుకుంటుంది? @BJP4Andhra నిద్రావస్థలో ఉందా? మరింకేమైనా కారణమా? pic.twitter.com/rxbli0ZqFm— IYRKRao , Retd IAS (@IYRKRao) May 10, 2024

● 28 గ్రామాలకు ట్యాంకర్ల ద్వారా నీరు ● జీడీపీ నుంచి హంద్రీ తీర గ్రామాలకు తాగునీరు కర్నూలు(అర్బన్‌): పలు మండలాల్లోని వివిధ గ్రామాల్లో ఇప్పటికే ఉత్పన్నమైన తాగునీటి సమస్యను పరిష్కరించేందుకు ప్రభుత్వం పటిష్టమైన చర్యలను చేపట్టింది. సమీపంలోని వ్యవసాయ బోర్లను ఆద్దెకు తీసుకొని ట్యాంకర్ల ద్వారా గ్రామ ప్రజల అవసరాల మేరకు నీటిని అందించే కార్యక్రమాన్ని ఆర్‌డబ్ల్యూఎస్‌ ఇంజినీర్లు ప్రారంభించారు. ప్రస్తుత వేసవిలో తప్పక నీటి సమస్య ఉత్పన్నమయ్యే అవకాశాలు ఉంటాయని ముందుగానే ఒక అంచనాకు వచ్చిన అధికారులు వేసవి ప్రారంభం కాక ముందే గ్రామ సచివాలయాల్లోని ఇంజనీరింగ్‌ అసిస్టెంట్ల ద్వారా గ్రామ ప్రజల జనాభా, నీటి అవసరాలపై వాటర్‌ ఆడిట్‌ నిర్వహించారు. ఏప్రిల్‌ నుంచి జూన్‌ వరకు జిల్లాలోని వేర్వేరు మండలాల్లోని 128 గ్రామాల్లో నీటి సమస్య తలెత్తుందనే ప్రాథమిక అంచనాకు వచ్చారు. ఇంజినీరింగ్‌ అసిస్టెంట్‌ నిర్వహించిన ఆడిట్‌ నివేదికలను ఆర్‌డబ్ల్యూఎస్‌ ఏఈ ద్వారా ఎంపీడీఓ, జిల్లా జాయింట్‌ కలెక్టర్‌, జిల్లా కలెక్టర్‌కు పంపారు. జిల్లా కలెక్టర్‌ పంపిన నివేదికలపై ఆయా నెలల్లో ఆయా ప్రాంతాల్లో ఉత్పన్నమయే నీటి సమస్యను అధిగమించేందుకు అవసరమైన చర్యలు చేపట్టాలని ప్రభుత్వం నుంచి స్పష్టమైన ఆదేశాలు అందాయి. ఈ మేరకు ప్రస్తుతం తీవ్ర తాగునీటి ఎద్దడి నెలకొన్న 28 గ్రామాల్లో ట్యాంకర్ల ద్వారా నీటిని సరఫరా చేస్తున్నారు. నీటి సరఫరాలో ఎక్కడా అవినీతి అక్రమాలకు తావు లేకుండా ఆర్‌డబ్ల్యూఎస్‌ యాప్‌ ద్వారా ట్రిప్పులను లెక్కగడుతున్నారు. ఆయా గ్రామాల్లో జనాభాను బట్టి మూడు నుంచి ఐదు ట్రిప్పుల వరకు ట్యాంకర్ల ద్వారా నీటిని సరఫరా చేస్తున్నారు. ఇందుకు 5 కిలోమీటర్ల దూరానికి ఒక ట్రిప్పుకు రూ.567, 10 కిలోమీటర్లకు రూ.718, 15 కిలోమీటర్లకు రూ.869లను చెల్లించనున్నారు. అలాగే జూన్‌ నెల వరకు నీటి ఎద్దడి తలెత్తనున్న గ్రామాల ప్రజలకు నీటిని అందించేందుకు ఇప్పటికే రూ.12 కోట్లు అవసరమని ప్రభుత్వానికి ప్రతిపాదనలు కూడా పంపారు. జీడీపీ నుంచి హంద్రీ తీర గ్రామాలకు ... హంద్రీనది తీర గ్రామాల్లోని ప్రజల నీటి అవసరాలను తీర్చేందుకు జిల్లా కలెక్టర్‌ ఆదేశాల మేరకు జలవనరుల శాఖ,ఆర్‌డబ్ల్యూఎస్‌ ఇంజినీర్ల సమన్వయ ంతో ప్రత్యేక చర్యలు చేపట్టారు.హంద్రీ తీరం వెంట ఉన్న గోనెగండ్ల, కోడుమూరు, గూడురు మండలా ల్లోని పలు గ్రామాలకు గాజులదిన్నె ప్రాజెక్టు నీటిని అందిస్తున్నారు. జీడీపీ నుంచి ఇప్పటికే రెండు పర్యాయాలు హంద్రీకి నీటిని విడుదల చేయడం వల్ల ప్ర ధానంగా కోడుమూరు దాహార్తిని కొంతమేర తీర్చడ ంతోపాటు పలు గ్రామాలకు నీటిని అందిస్తున్నారు. 28 గ్రామాలకు ట్యాంకర్ల ద్వారా నీటి సరఫరా ... నీటి ఎద్దడి నెలకొన్న పుప్పాలదొడ్డి, తొగలగల్లు, తురవగళ్లు, తంగరడోణ, కల్లుదేవకుంట, చెట్నేహళ్లి, సోయాజులపల్లి, హుసేనాపురం, శకునాల, తిప్పాయిపల్లి, చెన్నంశెట్టిపల్లి, వెంకటాపురం, పెరవలి, రేమట, గువ్వలకుంట్ల, చిన్న జొన్నగిరి, జొన్నగిరి, హుసేనాపురం, బాటతాండా, పగిడిరాయి కొత్తూరు, దేశాయితాండా, వాగులగుడిసెలు, గుడిసెగుప్పరాళ్ల, పీ చింతలకొండ, శభాష్‌పురం, కడమకుంట్ల, తుగ్గలి గ్రామాలకు ట్యాంకర్ల ద్వారా నీటిని సరఫరా చేస్తున్నారు.

జన కెరటం.. సభకు తరలివచ్చిన అశేష జనంరాయలసీమ ముఖద్వారం కర్నూలు జనసంద్రమైంది. వైఎస్సార్‌ సర్కిల్‌లోని నాలుగు రోడ్ల కూడలి పోటెత్తి కనిపించింది. అభిమాన నేత సీఎం వైఎస్‌ జగన్‌మోహన్‌రెడ్డిని చూసేందుకు ప్రజలు ప్రవాహంలా తరలివచ్చారు. ఈలలు, కేకలతో.. జై జగన్‌ నినాదాలతో హోరెత్తించారు. బహిరంగ సభలో ముఖ్యమంత్రి ప్రసంగానికి విశేష స్పందన లభించింది. చంద్రబాబును నమ్మేది లేదంటూ చేతులు ఎత్తి ప్రజలు సంఘీభావం తెలిపారు. ఫ్యాన్‌ గుర్తు చూపించిన సందర్భంలో వేళ్లు తిప్పుతూసందడి చేశారు. సభ విజయవంతం కావడంతో వైఎస్సార్‌సీపీ శ్రేణుల్లో ఉత్సాహం ఉరకలేసింది. మళ్లీ వైఎస్సార్‌సీపీ ప్రభుత్వమేవస్తుందన్న నమ్మకం ప్రజలందరిలోనూ కనిపించింది. – కర్నూలు ఆనందమానందమాయె.. జననేతను చూసిన ఆనందంలో అభిమానుల కోలాహలం

కర్నూలు(సెంట్రల్‌): ఇది అత్యంత కీలకమైన సమయం అని, మద్యం, నగదు పంపిణీపై స్టాటిక్‌ సర్వేలెన్స్‌ టీమ్‌లు(ఎస్‌ఎస్‌టీ) ప్రత్యేక నిఘా ఉంచాలని ఎన్నికల ప్రత్యేక వ్యయ పరిశీలకురాలు, రిటైర్డ్‌ ఐఆర్‌ఎస్‌ అధికారి నీనానిగమ్‌ సూచించారు. గురువారం కలెక్టరేట్‌లోని సమావేశ మందిరంలో ఎన్నికల నిర్వహణపై జనరల్‌ అబ్జర్వర్‌ జాఫర్‌, జిల్లా ఎన్నికల అధికారి డాక్టర్‌ జి.సృజన, జిల్లా ఎస్పీ జి.కృష్ణకాంత్‌, ఎన్నికల వ్యయ పరిశీలకులతో కలసి ఆమె సమీక్ష నిర్వహించారు. ఈ సందర్భంగా ఆమె మాట్లాడుతూ.. ఓటర్లను తమ వైపు తిప్పుకోవడానికి రాజకీయ పార్టీలు డబ్బు, మద్యం పంపిణీ చేస్తాయన్నారు. వీటిని అడ్డుకోవడానికి అధికారులు చర్యలు తీసుకోవాలన్నారు. మద్యం దుకాణాలు, బార్లను తనిఖీ చేసే సమయంలో సీటింగ్‌ సామర్థ్యాన్ని బట్టి అమ్మకాలు ఉన్నాయో లేదో పరిశీలన చేయాలన్నారు. అబ్జర్వర్లు, వ్యయ పరిశీలకులు తమకు కేటాయించిన నియోజకవర్గాల్లో పక్కా ప్రణాళికలతో వ్యవహరిస్తే మద్యం, డబ్బు పంపిణీని అరికట్టవచ్చన్నారు. రాత్రి వేళల్లో ఆకస్మింకగా తనిఖీలు చేయాలన్నారు. ఓటర్ల స్లిప్పు ద్వారా యూపీఐ లావాదేవీలు జరిగే అవకాశం ఉండడంతో అప్రమత్తంగా ఉండాలన్నారు. అభ్యర్థులు ఓటరు స్లిప్పులను పంపిణీ చేయరాదని, చేస్తే అలాంటి వారిపై చర్యలు తీసుకోవాలన్నారు.జిల్లా ఎస్పీ జి.కృష్ణకాంత్‌ మాట్లాడుతూ..ఇప్పటి వరకు 17వేల లీటర్ల మద్యాన్ని సీజ్‌ చేసినట్లు చెప్పారు. సమావేశంలో ఎన్నికల వ్యయ పరిశీలకులు ఆర్‌ఆర్‌ శుక్లా, రాకేష్‌ భడాదియ, అరిందం ముఖోపాధ్య, ఎస్‌.మణికందన్‌, కిరణ్‌, అశోకన్‌,టీకారాం మీనా పాల్గొన్నారు.

బొమ్మలసత్రం: పట్టణంలోని స్థానిక శ్రీనివాస సెంటర్‌ సమీపంలో నడిరోడ్డుపై బుధవారం షేక్‌ బాబాఫకృద్దీన్‌పై హత్యాయత్నానికి పాల్పడిన ఐదుగురు నిందితులను వన్‌టౌన్‌ పోలీసులు గురువారం అరెస్ట్‌ చేశా రు. సీఐ చలపతి తెలిపిన వివరాల మేరకు.. శ్యామకాలవ సమీపంలో నివసిస్తున్న చాకలి మధురాజు, చాకలి మాధవ, వడ్డె రాజశేఖర్‌, పెద్ద మాతంగి లక్ష్మయ్య, చంద్రశేఖర్‌ బార్‌లో మద్యం సేవించి మద్యం మత్తులో అక్కడే ఉన్న బాబా ఫకృద్దీన్‌పై బీర్‌ సీసాతో దాడి చేశారు. వారి నుంచి తప్పించుకునే ప్రయత్నంలో బయటకు వచ్చినా వదిలేయకుండా నడిరోడ్డుపై అందరూ చూస్తుండగా గొంతును కాలితో నులిమి హత్యచేసేందుకు యత్నించారు. స్థానికులు తిరగబడటంతో ఐదుగురు నిందితులు పరారయ్యారు. బాధితుడిని చికిత్స నిమిత్తం ఆసుపత్రికి తరలించారు. బాధితుని తండ్రి జమాల్‌వలి ఫిర్యాదు మేరకు కేసు నమోదు చేశారు. స్థానిక ఎస్‌పీజీ గ్రౌండ్‌లో నిందితులు ఉన్నట్లు తెలుసుకుని అరెస్ట్‌ చేశారు. ఈ మేరకు కోర్టులో హాజరుపరచగా జడ్జి 14 రోజులు రిమాండ్‌ విధించారు.