● కావటి శివ నాగమనోహర్‌నాయుడు మంచివాడు, సౌమ్యుడు మంచి చేయాలని ఉద్దేశంతో ఉన్నవాడని సీఎం జగన్‌ అన్నారు. ‘గుంటూరు మేయర్‌గా ఉన్న మనోహర్‌ను చిలకలూరిపేట ప్రజలకు సేవ కావాలి, వారికి అండగా ఉండాలి అంటే వచ్చాడు. మీ చల్లని దీవెనలు ఆశీస్సులు ఇవ్వండి. ఇక్కడే నివాసం ఉంటాడు అందరికీ అందుబాటులో ఉంటాడు, ఇది మీ జగన్‌ హామీ’ అని పేర్కొన్నారు. ● అనిల్‌ నా తమ్ముడు, యువకుడు, ఉత్సాహవంతుడు మంచి చేయడానికి ముందుకు వచ్చాడు, మీ చల్లని దీవెనలు, చల్లని ఆశీస్సులు అనిల్‌పై ఉంచాలని సవినయంగా కోరుతు న్నానన్నారు. వైఎస్సార్‌ సీపీలో చేరిన కాంగ్రెస్‌ నేత సీఎం వైఎస్‌ జగన్‌మోహన్‌రెడ్డి సమక్షంలో కాంగ్రెస్‌పార్టీ నేత అట్లూరి విజయ్‌కుమార్‌ వైఎస్సార్‌సీపీలో చేరారు. విజయ్‌కుమార్‌ 2019లో వినుకొండ కాంగ్రెస్‌ పార్టీ అభ్యర్థిగా పోటీ చేశారు.

ఐదేళ్లలో వినుకొండ రూపురేఖలు మార్చాం వినుకొండ(నూజెండ్ల): సార్వత్రిక ఎన్నికల్లో ప్రశాంతంగా ప్రజలు ఓటు హక్కును వినియోగించుకోవాలని ఎమ్మెల్యే బొల్లా బ్రహ్మనాయుడు అన్నారు. స్థానిక వైఎస్సార్‌ సీపీ కార్యాలయంలో పార్టీ పరిశీలకులు యర్రం వెంకటేశ్వరరెడ్డి, న్యాయవాది ఎం.ఎన్‌.ప్రసాద్‌లతో కలసి విలేకరుల సమావేశం నిర్వహించారు. ఎమ్మెల్యే మాట్లాడుతూ టీడీపీ శ్రేణులు ఓటమి భయంతో గొడవలు చేసే అవకాశం ఉందని, ప్రతిఒక్కరూ ఉదయాన్నే పోలింగ్‌ కేంద్రాలకు చేరుకొని ఓటు హక్కు వినియోగించుకోవాలని కోరారు. వినుకొండ నియోజకవర్గంలో ఐదేళ్లలో ఎనలేని అభివృద్ధి చేశామని వెల్లడించారు. వినుకొండకు తాగునీటి సమస్య పరిష్కారంతో పాటు వంద పడకల ఆస్పత్రి, ట్రామాకేర్‌ సెంటర్‌, ఎన్‌ఎస్‌పీ కాలువల అభివృద్ధి, ఘాట్‌రోడ్డు నిర్మాణం, మున్సిపల్‌ షాపింగ్‌ కాంప్లెక్స్‌లు, స్టేడియం వంటి ఎన్నో అభివృద్ధి పనులు చేపట్టామన్నారు. రానున్న రోజుల్లో అగ్రికల్చర్‌, హార్టికల్చర్‌, నర్సింగ్‌, ఇంజినీరింగ్‌ కళాశాలలు వినుకొండ ప్రజలకు అందుబాటులోకి తీసుకొస్తామన్నారు. మాజీ ఎమ్మెల్యే మక్కెన మల్లికార్జునరావు, జీవీ ఆంజనేయులు చేస్తున్న అసత్య ప్రచారాలను నమ్మ వద్దని, గతంలో ప్రజాధనాన్ని దోచుకొని ప్రభుత్వ చేపల చెరువులు కూడా సొంతగా చేపల వ్యాపారం చేసుకొని అన్నివర్గాలను మోసం చేశారని, అలాంటి మోసగాళ్ల మాటలు నమ్మి టీడీపీకి ఓటు వేస్తే ప్రజల ఆస్తులకు రక్షణ ఉండదని అన్నారు. ఎన్నికల్లో ఓటర్లు సరైన నిర్ణయం తీసుకొని వైఎస్సార్‌ సీపీ ఎమ్మెల్యే అభ్యర్థి అయిన తనకు, ఎంపీ అభ్యర్థి అనిల్‌కుమార్‌యాదవ్‌కు ఫ్యాన్‌ గుర్తుపై ఓటు వేసి గెలిపించాలని పిలుపునిచ్చారు. ఎమ్మెల్యే అభ్యర్థి బొల్లా బ్రహ్మనాయుడు మరో అవకాశం ఇస్తే ఇంజినీరింగ్‌, అగ్రికల్చర్‌, హార్టికల్చర్‌ కళాశాలలు ఏర్పాటుకు కృషి

మాచర్ల రూరల్‌: ఎన్నికలు నిష్పక్షపాతంగా నిర్వహించేందుకు అన్ని ఏర్పాట్లు చేసినట్లు జిల్లా జాయింట్‌ కలెక్టర్‌, మాచర్ల ఎన్నికల రిటర్నింగ్‌ అధికారి ఎ.శ్యాంప్రసాద్‌ తెలిపారు. స్థానిక తహసీల్దార్‌ కార్యాలయంలో పోలీసు అధికారులు, పోలింగ్‌ సిబ్బందితో శనివారం సమీక్ష సమావేశం నిర్వహించారు. ఆర్వో మాట్లాడుతూ నియోజకవర్గంలోని 299 పోలింగ్‌ కేంద్రాలలో సీసీ కెమెరాలతో, ప్రతి పోలింగ్‌ కేంద్రంలో ఐదుగురు ఆఽయుధాలతో కలిగిన పోలీసు భద్రతతో పాటు ఓటు హక్కు వినియోగించుకునే వారికి మౌలిక సదుపాయాలన్నీ కల్పించినట్లు వెల్లడించారు. ఘటన జరిగిన ఐదు నిమిషాల్లోనే భద్రతా సిబ్బంది అక్కడకు చేరుకునేలా అన్నీ ఏర్పాట్లు పూర్తి చేశామని, పోలీసు అధికారులు అప్రమత్తంగా ఉండి ఎన్నికల ఓటింగ్‌ను పర్యవేక్షించాలని ఆదేశించారు. ఎన్నికలలో విధులు నిర్వహించే ఉద్యోగులు ఇక్కడకు వచ్చేందుకు నరసరావుపేట, వినుకొండ, చిలకలూరిపేట, సత్తెనపల్లి, గుంటూరు కేంద్రాల నుంచి ప్రత్యేక బస్సులు ఏర్పాటు చేశామని, ఇక్కడ నుంచి ఇతర ప్రాంతాలకు వెళ్ళే వారికి బస్సు సౌకర్యం కల్పించినట్లు పేర్కొన్నారు. పోలింగ్‌ నిర్వహణపై ఫిర్యాదులు స్వీకరించేందుకు 08642 – 297366, 8142482720 నంబర్లుకు తెలియజేయాలన్నారు. సమావేశంలో తహసీల్దార్‌ మంజునాఽథ్‌రెడ్డి, డెప్యూటీ తహసీల్దార్‌ సుధాకర్‌ శర్మ, షేక్‌ బాషా పాల్గొన్నారు.

నరసరావుపేట: ఈనెల 13న జరిగే ఎన్నికల పోలింగ్‌లో ఏజెంట్లతో పాటు వైఎస్సార్‌ సీపీ శ్రేణులు అప్రమత్తంగా ఉండాలని ఎంపీ, ఎమ్మెల్యే అభ్యర్థులు పి.అనిల్‌కుమార్‌ యాదవ్‌, డాక్టర్‌ గోపిరెడ్డి శ్రీనివాసరెడ్డి పేర్కొన్నారు. ఎన్నికల ప్రచారం ముగింపు సందర్భంగా శనివారం సాయంత్రం పట్టణంలో భారీ ర్యాలీ నిర్వహించారు. పలు గ్రామాల నుంచి ట్రాక్టర్లు, ద్విచక్రవాహనాలతో వచ్చిన నాయకులు, కార్యకర్తలు తీన్‌మార్‌, బాణసంచా మోతల మధ్య మండుటెండను లెక్కచేయకుండా ర్యాలీలో పాల్గొన్నారు. అభ్యర్థులు రెడ్డినగర్‌లోని వరసిద్ధి వినాయకస్వామి, అభయాంజనేయస్వామికి ప్రత్యేక పూజలు నిర్వహించారు. పల్నాడు రోడ్డు, గడియారం స్థంభం, శివునిబొమ్మసెంటర్‌, మెయిన్‌రోడ్డు మీదగా మల్లమ్మసెంటర్‌ వరకు నిర్వహించారు. అక్కడి నుంచి ఓవర్‌ బ్రిడ్జి మీదుగా ఆర్టీసీ బస్టాండ్‌ మీదుగా ప్రకాష్‌నగర్‌లోని పార్టీ కార్యాలయం వరకు ర్యాలీ కొనసాగింది. మధ్యలో ర్యాలీలో కార్యకర్తలతో కలసి డాక్టర్‌ గోపిరెడ్డి ట్రాక్టర్‌, ద్విచక్ర వాహనం నడుపుతూ కనిపించారు. డాక్టర్‌ అనిల్‌కుమార్‌ యాదవ్‌ ర్యాలీలో నడుస్తూ ముందుకు సాగారు. పలు గ్రామాల నుంచి ట్రాక్టర్లతో రైతన్నలు పాల్గొన్నారు. టీడీపీ గుర్తు సైకిల్‌ను కొందరు యువకులు బైక్‌కు కట్టి ఈడ్చి ధ్వంసం చేశారు. దానిపై నుంచి ట్రాక్టర్లను రైతన్నలు నడిపారు. ఉప్పలపాడు గ్రామం నుంచి వందలాది మంది నాయకులు, కార్యకర్తలు ద్విచక్ర వాహనాలతో ర్యాలీగా వచ్చి పాల్గొన్నారు. పాల్గొన్న వారందరికీ ఎమ్మెల్యే డాక్టర్‌ గోపిరెడ్డి కృతజ్ఞతలు తెలిపారు. కార్యక్రమంలో పౌడా చైర్మన్‌ మిట్టపల్లి రమేష్‌, పట్టణ కన్వీనర్‌ ఎస్‌ఏ హనీఫ్‌, జెడ్పీటీసీ సభ్యుడు పదముత్తం చిట్టిబాబు, ముదిరాజు, స్వచ్చాంధ్ర, గిరిజన, మాదిగ కార్పొరేషన్‌ డైరెక్టర్లు ఈఎం స్వామి, ఎస్‌.సుజాతాపాల్‌, పాలపర్తి వెంకటేశ్వరరావు, కందుల ఎజ్రా, జిల్లా యువజన విభాగ అధ్యక్షులు పడాల సాంబశివారెడ్డి, డాక్టర్లు కేజే మోహనరెడ్డి, కామిరెడ్డి శ్రీనివాసరెడ్డి, కొండపల్లి వెంకటేశ్వర్లు, కొమ్మసాని కమలాకరరెడ్డి, కనకా పుల్లారెడ్డి, కాపులపల్లి ఆదిరెడ్డి, చల్లా నారపరెడ్డి పాల్గొన్నారు. ఎన్నికల ప్రచారం ముగింపు సందర్భంగా భారీ ర్యాలీ ప్రచార రథంపై ఎంపీ, ఎమ్మెల్యే అభ్యర్థులు అనిల్‌, డాక్టర్‌ గోపిరెడ్డి మండుటెండలో కదం తొక్కిన వైఎస్సార్‌ సీపీ శ్రేణులు

పోలింగ్‌ వివరాలు తక్షణమే అందించాలి నరసరావుపేట: మైక్రో అబ్జర్వర్లు ఎప్పటికప్పుడు తమ పరిధిలోని పోలింగ్‌ స్టేషన్లను పరిశీలిస్తూ సంబంధిత నిర్ణీత ప్రొఫార్మాలో వివరాలు పొందుపర్చాలని ఎన్నికల సాధారణ పరిశీలకులు భూరేశ్వర నరేంద్ర, శ్రీహరి ప్రతాప్‌ షాహి ఆదేశించారు. సత్తెనపల్లి, గురజాల, మాచర్ల, పెదకూరపాడు నియోజకవర్గాలకు సాధారణ పరిశీలకులుగా నియమితులైన నరేంద్ర భువనచంద్ర టౌన్‌హాలులో శనివారం మాట్లాడారు. నియోజకవర్గంలో పోలింగ్‌ సమయంలో ఏదైనా సమస్యలు ఉత్పన్నమైతే 9154690367కు కాల్‌చేసి వివరించాలని ఆయన తెలిపారు. ఎన్నికల విధులు నిబద్ధతతో పటిష్టంగా నిర్వహించాలన్నారు. అదే విధంగా నరసరావుపేట, వినుకొండ, చిలకలూరిపేట నియోజకవర్గాలకు సాధారణ పరిశీలకునిగా నియమితులైన శ్రీహరి ప్రతాప్‌ షాహి మాట్లాడుతూ ఫామ్‌–28ను అందజేసి దానిపై అవగాహన కల్పించాలన్నారు. పోలింగ్‌ సమయంలో ఏదైనా సమస్యలు ఉత్పన్నమైతే 91546 90375 నంబర్‌కి కాల్‌చేసి వివరించాలని సూచించారు.