వైఎస్సార్‌ సీపీ హయాంలో జీవీఎంసీ పరిధిలో అభివృద్ధి పనులు రెట్టింపయ్యాయి. 2014–2019 మధ్య కాలంలో టీడీపీ హయాంలో రూ.1,450 కోట్లను మాత్రమే ఖర్చు చేస్తే.. వైఎస్సార్‌సీపీ హయాంలో 2019–2024 మధ్య కాలంలో అభివృద్ధి పనులకు రూ.2,490 కోట్ల మేర వ్యయం చేసింది. గడపగడపకు మన ప్రభుత్వం కార్యక్రమంలో భాగంగా గుర్తించిన సమస్యలను పరిష్కరించేందుకుగానూ మరో రూ. 66 కోట్ల మేర ఖర్చు చేసింది. ఫలితంగా ఐదేళ్ల కాలంలో నగర రూపురేఖలు ఎంతో మారిపోయాయి. 2014–19 వరకు టీడీపీ చేసిన ఖర్చు రూ.1,450 కోట్లు టీడీపీ ఐదేళ్ల హయాంలో చేపట్టిన పనులు 4,450 2019–2024 వరకు వైఎస్సార్‌ సీపీ చేసిన ఖర్చు రూ.2,490 కోట్లు వైఎస్సార్‌ సీపీ హయాంలో చేపట్టిన పనులు 9,920

తాటిచెట్లపాలెం: ప్రయాణికుల సౌకర్యార్థం ఆయా ప్రాంతాలకు సమ్మర్‌స్పెషల్‌ రైళ్లు నడుపుతున్నట్లు వాల్తేర్‌ డివిజన్‌, సీనియర్‌ డివిజనల్‌ కమర్షియల్‌ మేనేజర్‌ సందీప్‌ తెలిపారు. విశాఖ–చైన్నె ఎగ్మోర్‌ (08577)సమ్మర్‌ స్పెషల్‌ ప్రతీ సోమవారాల్లో సాయంత్రం 5.35 గంటలకు విశాఖలో బయల్దేరి మరుసటిరోజు ఉదయం 8.45గంటలకు చైన్నె ఎగ్మోర్‌ చేరుకుంటుంది. ఈ స్పెషల్‌ రైలు జూన్‌ 24వ తేదీ వరకు నడుస్తుంది. తిరుగు ప్రయాణంలో చైన్నె ఎగ్మోర్‌– విశాఖ(08578)సమ్మర్‌ స్పెషల్‌ ప్రతీ మంగళవారాల్లో ఉదయం 10.30 గంటలకు చైన్నె ఎగ్మోర్‌లో బయల్దేరి బుధవారం తెల్లవారు 1 గంటకు విశాఖ చేరుకుంటుంది. ఈ స్పెషల్‌ రైళ్లు జూన్‌ 25వ తేదీ వరకు నడుస్తాయి. పూనే–భువనేశ్వర్‌(01047) సమ్మర్‌స్పెషల్‌ మే11న ఉదయం 11.30గంటలకు పూనేలో బయల్దేరి మరుసటిరోజు ఉదయం 9.50గంటలకు విశాఖ చేరుకుని, 10.10గంటలకు బయల్దేరి అదేరోజు సాయంత్రం 4.45గంటలకు భువనేశ్వర్‌ చేరుకుంటుంది. తిరుగు ప్రయాణంలో భువనేశ్వర్‌–పూణే (01048) సమ్మర్‌స్పెషల్‌ మే 12వ తేదీన రాత్రి 9.25గంటలకు భువనేశ్వర్‌లో బయల్దేరి మరుసటిరోజు తెల్లవారు 3.50గంటలకు విశాఖ చేరుకుని, 4.10 గంటలకు బయల్దేరి మంళవారం ఉదయం 5.30 గంటలకు పూనే చేరుకుంటుంది. ముంబయి–భువనేశ్వర్‌(01049) సమ్మర్‌ స్పెషల్‌ ఈ నెల 11న శనివారం ఉదయం 11.05గంటలకు ముంబయిలో బయల్దేరి మరుసటిరోజు సాయంత్రం 5.45గంటలకు దువ్వాడ చేరుకుని, 5.50గంటలకు బయల్దేరి సోమవారం తెల్లవారు 1.45గంటలకు భువనేశ్వర్‌ చేరుకుంటుంది. తిరుగు ప్రయాణంలో భువనేశ్వర్‌–ముంబయి (01050) సమ్మర్‌ స్పెషల్‌ భువనేశ్వర్‌లో ఈ నెల 13వ తేదీ రాత్రి 11గంటలకు బయల్దేరి మరుసటిరోజు ఉదయం 6.45గంటలకు దువ్వాడ చేరుకుని, అక్కడ నుంచి 6.50గంటలకు బయల్దేరి మరుసటిరోజు బుధవారం మధ్యాహ్నం 12.15గంటలకు ముంబయి చేరుకుంటుంది.

విశాఖను బీచ్‌ ఐటీ కారిడార్‌గా అభివృద్ధి చేస్తున్నట్లు ప్రభుత్వం ప్రకటించింది. ఫలితంగా ప్రధాన ఐటీ కంపెనీ ఇన్ఫోసిస్‌ తన డెవలప్‌మెంట్‌ సెంటర్‌ను విశాఖలో ఏర్పాటు చేసింది. రుషికొండ ఐటీ సెజ్‌లోని హిల్‌ నంబర్‌–2లో ఈ కార్యాలయాన్ని సీఎం జగన్‌ ప్రారంభించారు. టెక్‌ మహీంద్రా, హెచ్‌సీఎల్‌, యాక్సెంచర్‌, రాండ్‌స్టాడ్‌, డబ్ల్యూఎన్‌ఎస్‌, అమెజాన్‌ తదితర ఐటీ, ఐటీ అనుబంధ దిగ్గజ సంస్థలన్నీ విశాఖ వైపు అడుగులు వేశాయి. విప్రో దశల వారీగా 1000 సీట్లకు విస్తరించేందుకు సిద్ధమని ప్రకటించింది. అమెరికాకు చెందిన ఎడ్యుకేషనల్‌ టెక్నాలజీ సంస్థ చెగ్‌.. విశాఖలో కొత్త బ్రాంచ్‌ను ప్రారంభించింది.

● విశాఖ సుందరిలా తీర్చిదిద్దారు ● రోడ్లు, పార్కులు, బీచ్‌లు సుందరీకరణ ● ఐదేళ్లలో మారిన నగర రూపురేఖలు ● ఇంటి వద్దకే సంక్షేమ పథకాలు ● పాలనలో జగన్‌ సరికొత్త ఒరవడి ● ఆయన మళ్లీ సీఎం కాకపోతే పథకాలు ఆగిపోతాయని మహిళల్లో భయం ● స్నీపర్‌ పార్కులోని ‘రచ్చబండ’లో సీతమ్మధార మహిళల మనోగతం సాక్షి, విశాఖపట్నం/సీతమ్మధార: ‘ఒకప్పటి వైజాగ్‌కి, ఇప్పటి వైజాగ్‌కి ఎంత తేడా? నల్ల తాచుల్లాంటి తారు రోడ్లు.. సకల సదుపాయాలతో పార్కులు, బీచ్‌లు.. ప్రపంచ ప్రఖ్యాత ఇనార్బిట్‌ మాల్‌, ఇన్ఫోసిస్‌, అదానీ డేటా సెంటర్‌, భోగాపురం ఇంటర్నేషనల్‌ ఎయిర్‌పోర్టు.. ఇలా చెప్పుకుంటూ పోతే ఒకటా? రెండా? ఎన్నో, మరెన్నో అభివృద్ధి పనులు విశాఖ విశిష్టతను మరింత పెంచాయి. నగర స్వరూపాన్ని, రూపు రేఖలనూ మార్చాయి. వైజాగ్‌ సుందరిని మరింత సౌందర్యంగా తీర్చి దిద్దాయి. మా పిల్లలతో బయటకు వెళితే.. వావ్‌.. ఇది మన వైజాగేనా? అనిపిస్తోంది. ఈ ఐదేళ్లలోనే ఇంతలా మారిపోయిందా? అని ఆశ్చర్యమేస్తోంది. ఎటు చూసినా అభివృద్ధి చేసిన ఈ పార్కులు, బీచ్‌ల్లోనూ కూర్చుంటే ఎంతసేపైనా ఇంటికి వెళ్లాలనిపించడం లేదు. ఇలా నగర రమణీయతను ఎంతలా ఆస్వాదించినా తనివి తీరడం లేదు. ఇక మహిళలకు సంక్షేమ పథకాలు, వలంటీర్లు, సచివాలయ వ్యవస్థల ద్వారా సేవలు, ప్రతి నెలా ఒకటో తారీఖున ఇంటికే పెన్షన్లు.. లంచాలకు ఆస్కారం లేకుండా జనం కోరుకునే సుపరిపాలనను జగన్‌మోహన్‌రెడ్డి అందిస్తున్నారు. అందుకే ఈ ఎన్నికల్లో మళ్లీ ఆయనే ముఖ్యమంత్రి కావాలి. ఆయనొస్తేనే విశాఖకు మరింత అభివృద్ధి జరుగుతుంది. ఆయన కాకుండా మరెవరొచ్చినా ఇప్పుడు అందుతున్న సంక్షేమ పథకాలన్నీ ఆగిపోతాయి.. నో డౌట్‌!’అంటూ విశాఖ నగరంలోని సీతమ్మధార స్నీపర్‌ పార్కులో వాహ్యాళికి వచ్చిన ఉన్నత వర్గాలకు చెందిన కొందరు మహిళలు సేద తీరుతూ చర్చించుకుంటున్నారు. ‘సాక్షి’ వారిని పలకరించినప్పుడు తమ మనసులో భావాలను ఇలా పంచుకున్నారు. మేలు పొందిన వారు జగన్‌కే ఓటేస్తారు.. వైఎస్సార్‌సీపీ గవర్నమెంటు వచ్చాక వెల్ఫేర్‌ స్కీమ్స్‌ వల్ల పేద, మధ్య తరగతి ప్రజలు ఎంతో మేలు పొందారు. పెన్షన్లు ఇంటికే తెచ్చి ఇస్తున్నారు. గతంలో ఏ గవర్నమెంటూ ఇలా చేయలేదు. అందుకే పెన్షన్లు, స్కీములు అందుకుంటున్న వారంతా సీఎం జగన్‌కే ఓటేస్తారు. వైజాగ్‌ డెవలప్‌ చేస్తుండడం వల్ల ఉపాధి అవకాశాలూ పెరుగుతున్నాయి. – సుభద్ర, గృహిణి, సీతమ్మధార ఎమ్మెల్యే కాకపోయినా ఎంతో అభివృద్ధి.. గత ఎలక్షన్లో పోటీ చేసి ఓడినా కేకే రాజు విశాఖ ఉత్తర నియోజకవర్గం అభివృద్ధికి పాటు పడుతూనే ఉన్నారు. ఇక్కడ నుంచి గెలిచిన ఎమ్మెల్యే గంటా శ్రీనివాసరావు పత్తా లేకుండా పోయారు. కేకే రాజు నియోజకవర్గంలో ఇంటింటికి వెళ్లి ప్రజల సమస్యలు తెలుసుకుంటూ వాటి పరిష్కారానికి కృషి చేస్తున్నారు. రోడ్లు, పార్కులు అభివృద్ధి చేశారు. ఈసారి ఇక్కడ కేకే రాజును, అక్కడ వైఎస్‌ జగన్‌ను గెలిపించుకుంటాం. – కె.ఉదయలక్ష్మి, సీతమ్మధార పథకాలకు మహిళలు ఖుషీ ముఖ్యమంత్రి జగన్‌ ఇస్తున్న సంక్షేమ పథకాలతో మహిళలు చాలా ఖుషీ అవుతున్నారు. అమ్మ ఒడి, చేయూత, ఆసరా, ఆరోగ్యశ్రీలే కాదు.. వృద్ధులు, వితంతులు, దివ్యాంగులకు ఇంటికే పెన్షన్ల సొమ్ము ఠంచనుగా ఒకటో తారీఖునే తెచ్చి ఇవ్వడం గొప్ప విషయం కదా? ఇలాంటి పరిస్థితి గత ప్రభుత్వంలోనూ లేదు.. ఇతర రాష్ట్రాల్లోనూ లేదు. ఈ స్కీములు అందుకునే వారు ఒక్క రూపాయి లంచం కూడా ఇవ్వడం లేదు. అందుకే వీరంతా మళ్లీ జగనే సీఎం కావాలని కోరుకుంటున్నారు. – యు.శ్రీలత, సీతమ్మధార జగన్‌ ప్రభుత్వంలో ఆనందంగా మహిళలు జగనొచ్చాక తమలాంటి వారికి ఎన్నో వెల్ఫేర్‌ స్కీమ్స్‌ అందుతున్నాయని చాలామంది మహిళలు సంతోషంగా చెప్పుకుంటున్నారు. మళ్లీ ఆయన సీఎం కాకపోతే ఇప్పుడిస్తున్న సంక్షేమ పథకాలన్నీ ఆగిపోతాయని వారు భయపడుతున్నారు. గతంలో ఎప్పుడూ లేడీస్‌ ఇంత ఆనందంగా ఉండే వారు కాదు. – మారుతి, సీతమ్మధార

పార్కు పేరు పార్కు ఉన్న ప్రదేశం ఖర్చు చేసిన వ్యయం జీవీఎంసీ థీమ్‌ పార్క్‌ ఎంఎస్సార్‌ లే అవుట్‌ రూ.1.94 కోట్లు యోగా, మెడిటేషన్‌ థీమ్‌ పార్క్‌ పీఎంపాలెం లాస్ట్‌ బస్‌స్టాప్‌ రూ.1.92 కోట్లు స్పోర్ట్స్‌ థీమ్‌ పార్క్‌ బక్కన్నపాలెం రూ.1.95 కోట్లు పామ్‌ గార్డెన్స్‌ థీమ్‌ పార్క్‌ వైఎల్పీ లే అవుట్‌, ఎండాడ రూ.1.34 కోట్లు శివాజీ పార్క్‌ శివాజీ పాలెం రూ.1.53 కోట్లు ఎంవీపీ సెక్టార్‌–11 పార్క్‌ ఎంవీపీ సెక్టార్‌–11 రూ.1.12 కోట్లు స్పోర్ట్స్‌ థీమ్‌ పార్క్‌ సుజాతనగర్‌ రూ.1.78 కోట్లు ఏపీహెచ్‌బీ కాలనీ పార్క్‌ గాజువాక రూ.4.90 కోట్లు