మా ఊర్లోకి రావొద్దు..ప్రత్తిపాడు: టీడీపీ ప్రత్తిపాడు అభ్యర్థి బూర్ల రామాంజనేయులుకు చేదు అనుభవం ఎదురయ్యింది. ఎన్ని కల ప్రచారంలో భాగంగా బుధవారం రాత్రి బూర్ల పెదనందిపాడు మండలం గొరిజవోలుగుంటపాలెం (జీజీపాలెం)లో పర్యటించారు. గ్రామంలో తిరుగు తూ సైకిల్‌కు ఓటు వేయాలని ఓటర్లను అభ్యర్థించారు. దీంతో స్థానికులు.. మీకు, మీ పార్టీకి ఎందుకు ఓటెయ్యాలి? మీకు వెయ్యం.. మేము ఫ్యాన్‌ గుర్తుకే ఓటేస్తాం అంటూ మొఖం మీదనే ఖరాఖండీగా తేల్చిచెప్పారు. ఊహించని పరిణామంతో ఖంగుతిన్న బూర్ల రామాంజనేయులు ఓకే.. ఓకే.. అంటూ అక్కడి నుంచి చిత్తగించేశారు. ఇదిలా ఉంటే బూర్ల గ్రామంలో పర్యటిస్తున్నప్పటికీ జనం బయటకు రావడం గానీ, బయట బల్లలపైనా, చప్టాల పైనా ఉన్నవారు కనీసం చేతులు ఊపడం గానీ చెయ్యకపోవడం, గ్రామస్తుల నుంచి కనీస స్పందన లేకపోవడంతో బూర్లకు పరువుపోయినంత పనయ్యింది. కార్లతో హంగామాగా రావొద్దంటూ.. పెదనందిపాడు మండలంలో జీజీపాలెం వైఎస్సార్‌ సీపీకి కంచుకోట. అలాంటి గ్రామంలో అలజడి సృష్టించేందుకు బూర్ల రామాంజనేయులు బుధవారం రాత్రి గ్రామంలో ఎన్నికల ప్రచారానికి పూనుకు న్నారు. ఓ ఆరేడు కార్లుతో నానా హంగామాగా మాజీ ఎమ్మెల్యే రావి వెంకటరమణతో కలిసి గ్రామంలోనికి వెళ్లేందుకు ప్రయత్నించారు. విష యం తెలుసుకున్న గ్రామస్తులు, మహిళలు కాన్వాయ్‌ వద్దకు చేరుకుని, ఇంత హంగూ ఆర్భాటాలతో ఇన్నిన్ని కార్లుతో ఊరేగింపుగా గ్రామంలోనికి వద్దన్నారు. కావాలంటే నడిచి వెళ్లి మీ ప్రచారం మీరు చేసుకోవాలని సూచించారు. దీంతో నివ్వెరపోయిన బూర్ల రామాంజనేయులు కారు దిగి కొద్దిదూరం నడుచుకుంటూ గ్రామంలోనికి వెళ్లాల్సి వచ్చింది. ఇంతలో పెదనందిపాడు పోలీసులు అక్కడకు చేరుకుని ఎలాంటి అవాంఛనీయ ఘటనలు చోటుచేసుకోకుండా అప్రమత్తమయ్యారు. పెదనందిపాడు మండలం జీజీపాలెంలో ప్రత్తిపాడు టీడీపీ అభ్యర్థి బూర్ల రామాంజనేయులుకు చేదు అనుభవం కార్లతో ఊరేగింపుగా ఊర్లోకి రావొద్దన్న మహిళలు ప్రచారానికి స్పందన శూన్యం నివ్వెరపోయిన ‘బూర్ల’

సాక్షి ప్రతినిధి, గుంటూరు: ఎన్డీఏ గెలుపు కోసం సాక్షాత్తు ప్రధానమంత్రి నరేంద్ర మోదీ బుధవారం విజయవాడలో రోడ్‌ షోకు హాజరయ్యారు. ఈ రోడ్‌షోను విజయవంతం చేయడం కోసం ఎన్టీఆర్‌ జిల్లాతో పాటు పక్కనే ఉన్న గుంటూరు జిల్లా నుంచి కూడా ప్రజలను తరలించాలని నిర్ణయించారు. అయితే తెలుగుదేశం నాయకులు మాత్రం మిత్ర ధర్మాన్ని పక్కనపెట్టి పక్కనే ఉన్న మంగళగిరిలో ప్రచార కార్యక్రమాలు పెట్టడం చర్చనీయాంశంగా మారింది. తెలుగుదేశం పార్టీ అధినేత చంద్రబాబు తనయుడు లోకేష్‌ మంగళగిరి అభ్యర్థిగా పోటీలో ఉండటంతో తెలుగుదేశం నేతలు మోదీ కార్యక్రమానికి డుమ్మా కొట్టి మంగళగిరిలో వరుసగా ఎన్నికల ప్రచార కార్యక్రమాలు నిర్వహించారు. దీంతో కమలనాథులు మిత్రధర్మం పాటించని టీడీపీ నేతలపై మండిపడుతున్నారు. ● మంగళగిరి నియోజకవర్గంలో బుధవారం టీడీపీ మంగళగిరి నియోజకవర్గ ఎమ్మెల్యే అభ్యర్థి నారాలోకేష్‌ సతీమణి నారా బ్రాహ్మణి, గుంటూరు ఎంపీ అభ్యర్థి డాక్టర్‌ పెమ్మసాని చంద్రశేఖర్‌లు చేనేత కార్మికులతో ఆత్మీయ సమావేశం ఏర్పాటు చేశారు. మంగళగిరిలోని పలు డివిజన్‌లలో పర్యటనతోపాటు, కాజా, చినకాకాని, ఆత్మకూరు, గ్రామాల్లో కూడా టీడీపీ ఎన్నికల ప్రచారం నిర్వహిస్తున్నారు. ఇదంతా మోదీ రోడ్‌షో చేసే సమయంలోనే కావడం విశేషం. ఈ విషయాన్ని బీజేపీ నేతలు వాట్సాప్‌ గ్రూపుల ద్వారా సర్క్యులేట్‌ చేస్తున్నారు. తెలుగుదేశం పార్టీ మిత్ర ద్రోహానికి పాల్పడుతోందని వారికి తగిన బుద్ధి చెప్పాలంటూ తమ సొంత గ్రూపుల్లో మెసేజులు పెడుతున్నట్లు సమాచారం. ఇప్పటికే ప్రచార కార్యక్రమాలకు కేవలం జనసేన, తెలుగుదేశం జెండాలు మాత్రమే ప్రదర్శిస్తూ బీజేపీ జెండాలు పక్కన పడేయడంపై బీజేపీ నేతలు గుర్రుగా ఉన్నారు. మరోపక్క ప్రచార కార్యక్రమాలకు సైతం బీజేపీ నేతలను ఆహ్వానించకుండా అవమానపరుస్తున్నారని ఆవేదన వ్యక్తం చేస్తున్నారు. కొంతమందిని ప్రచారాలకు పిలిచినా కేవలం ఉత్సవ విగ్రహాల మాదిరిగా బీజేపీ నేతలను కూర్చొబెడుతున్నారు తప్పితే ఎలాంటి ప్రాధాన్యత ఇవ్వడం లేదంటున్నారు. ప్రధాని రోడ్‌షో సమయంలో మంగళగిరిలో టీడీపీ నేతల ప్రచారం టీడీపీ నేతలపై మండిపడుతున్న కమలనాథులు

పెదకాకాని: సామాజిక వర్గం అభ్యర్థులను అత్యధిక మెజార్టీతో గెలిపించుకొని కాపుల సత్తా నిరూపించుకోవాలని ఎమ్మెల్సీ ఉమ్మారెడ్డి వెంకటేశ్వర్లు పిలుపునిచ్చారు. పెదకాకాని శివారులోని ఎస్‌.కన్వెన్షన్‌లో బుధవారం రాత్రి పెదకాకాని మండలం కాపు సంఘం ఆత్మీయ సమావేశం జరిగింది. ఈ సమావేశానికి కాపు సంఘం నాయకుడు మాదా రాధాకృష్ణమూర్తి అధ్యక్షత వహించారు. ముఖ్యఅతిథిగా విచ్చేసిన ఎమ్మెల్సీ ఉమ్మారెడ్డి వెంకటేశ్వర్లు మాట్లాడుతూ సీఎం వైఎస్‌ జగన్‌మోహన్‌రెడ్డి పాలనలో కాపులకు మంచి గుర్తింపు, గౌరవం దక్కిందన్నారు. కాపుల జనాభా లెక్క ప్రకారం రాజ్యాధికారం దిశగా ప్రాధాన్యత ఇచ్చిన ఏకై క ముఖ్యమంత్రి సీఎం వైఎస్‌ జగన్‌మోహన్‌రెడ్డి అని కొనియాడారు. ప్రజలు ఇచ్చిన అవకాశాన్ని భగవంతుడు ఇచ్చిన మంచి ఆలోచనలతో రాష్ట్రాన్ని అభివృద్ధి, సంక్షేమ రాష్ట్రంగా తీర్చిదిద్దుతున్నారని అన్నారు. 21 సీట్లతో రాజ్యాధికారం వస్తుందా..?: అంబటి మురళీకృష్ణ టీడీపీ పవన్‌ కల్యాణ్‌ కు కేటాయించిన 21 సీట్లతో రాజ్యాధికారం వస్తుందా అని వైఎస్సార్‌ సీపీ పొన్నూరు ఎమ్మెల్యే అభ్యర్థి అంబటి మురళీకృష్ణ పేర్కొన్నారు. పొన్నూరు వచ్చిన సమయంలో పవన్‌ కల్యాణ్‌ అంబటి మురళీకృష్ణకు, కిలారి వెంకట రోశయ్య ఓటు వేయొద్దని చెప్పలేదని, అయితే టీడీపీ అభ్యర్థి ధూళిపాళ్ల నరేంద్ర మాత్రం వైఎస్సార్‌ కాంగ్రెస్‌ పార్టీ గుంటూరు ఎంపీ సీటు, పొన్నూరు ఎమ్మెల్యే సీట్లు కాపులకు కేటాయిస్తే కాపులు ఓడించాలని చెప్పడం న్యాయమా అన్నారు. కాపు సంఘం నాయకులు వాసా మాణిక్యాలరావు, కామినేని శ్రీనివాసరావు ఆకుల వెంకటేశ్వరరావు, అమ్మిశెట్టి శివశంకర్‌రావు, తోట శ్రీనివాసరావు, నడింపల్లి కోటేశ్వరమ్మ, దంతాల శివ పార్వతి, బందెల ఉదయ శంకర్‌, బొలిశెట్టి విజయ్‌ కుమార్‌, అల్లా వెంకట్రావు, బెజవాడ శివయ్య, ఆలపాటి రాఘవ, తోటకూర వెంకటేశ్వరావు, గుమ్మడి వెంకట్రావు, కానుగోలు శంకర్‌రావు, పల్లంపాటి శ్రీనివాసరావు తదితరులు పాల్గొన్నారు. ఆదిలోనే పవన్‌ కల్యాణ్‌కు వెన్నుపోటు : చందు సాంబశివరావు ఆదిలోనే టీడీపీ సీట్లు కేటాయించే విషయంలో జనసేన అధినేత పవన్‌ కల్యాణ్‌ను వెన్నుపోటు పొడిచిందన్నారు. జనసేనకు 30 సీట్లు 40 సీట్లు ఇస్తామని చెప్పి 21 సీట్లు కేటాయిస్తే కాపులకు రాజ్యాధికారం వస్తుందా ముమ్మాటికీ కాపులను అణగదొక్కటమే అన్నారు. ప్రజాభిమానం మెండుగా ఉన్న పవన్‌ కల్యాణ్‌ను రాష్ట్రంలో ఎన్నికల ప్రచారానికి జన సమీకరణ అవసరం లేకుండా ఉపయోగపడతాడని ఒక వ్యూహం ప్రకారమే టీడీపీ వాడుకుంటుందన్నారు. జనసేనకి ఇచ్చిన 21 సీట్లతో పవన్‌ కల్యాణ్‌ రాజ్యాధికారం సాధించేది లేదు, కాపులకు మేలు జరిగేది లేదని స్పష్టం చేశారు. కాపు అభ్యర్థులను గెలిపించుకుందాం కాపుల ఆత్మీయ సమావేశంలో ఏకగ్రీవ తీర్మానం సీఎం జగన్‌ పాలనలోనే కాపులకు గుర్తింపు టీడీపీ కాపులను ఓటు బ్యాంకుగానే చూస్తోంది కాపులను అణగదొక్కడమే టీడీపీ లక్ష్యం కాపులను వెన్నుపోటు పొడిచిన టీడీపీ డాక్టర్‌ టీవీ రావు కాపులను రాజకీయంగా ఎదగనీయకుండా వెన్నుపోటు పొడుస్తున్న టీడీపీకి కాపు సోదరులందరూ బుద్ధి చెప్పాలని డాక్టర్‌ పీవీ రావు అన్నారు. రాష్ట్రంలో 175 స్థానాల్లో కాపులకు వైఎస్సార్‌ సీపీ 31 ఎమ్మెల్యే టికెట్లు, 5 ఎంపీ టికెట్లు కేటాయిస్తే టీడీపీ కాపుల్లో పోటీ చేసే అభ్యర్థులు కనిపించకపోవడం దురదృష్టకరమన్నారు. గుంటూరు జిల్లాలో జనసేన పార్టీ నుంచి పోటీ చేసే అర్హత ఉన్న కాపులే కనిపించలేదా అని ప్రశ్నించారు. ఎక్కువ ఓట్లు కలిగిన కాపు సామాజిక వర్గానికి తక్కువ సీట్లు, తక్కువ ఓట్లు కలిగిన కమ్మ సామాజిక వర్గానికి ఎక్కువ సీట్లు ఇస్తూ కాపులను కేవలం ఓటు బ్యాంకుగా టీడీపీ వాడుకుంటుందన్నారు. కాపు అభ్యర్థుల గెలుపే మన లక్ష్యం కావాలని పిలుపునిచ్చారు.

నెహ్రూనగర్‌: బీసీల సంక్షేమానికి ఐదేళ్ల కాలంలో ఏకంగా రూ.2లక్షల కోట్లు ఖర్చు చేసిన గొప్ప నేత రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి అని రాష్ట్ర వైద్య ఆరోగ్యశాఖ మంత్రి, గుంటూరు పశ్చిమ ఎమ్మెల్యే అభ్యర్థి విడదల రజిని తెలిపారు. స్థానిక కొరిటెపాడులోని కొమ్మినేని గార్డెన్స్‌లో మంగళవారం యాదవులతో ఆత్మీయ సమావేశాన్ని నిర్వహించారు. కార్యక్రమానికి మంత్రి విడదల రజిని ముఖ్య అతిథిగా హాజరయ్యారు. మంత్రి మాట్లాడుతూ తమ ప్రభుత్వ హయాంలో బీసీ సంక్షేమం కోసం జగనన్న ఎంతో చేశారని తెలిపారు. డీబీటీ ద్వారా ఏకంగా రూ.1.3 లక్షల కోట్లు, నాన్‌ డీబీటీ ద్వారా ఏకంగా రూ.55వేల కోట్లు ఖర్చు చేసిన ఘనత జగనన్నకే దక్కుతుందన్నారు. మొత్తం రూ.1.85 లక్షల కోట్ల రూపాయల లబ్ధి ఈ ఐదేళ్ల కాలంలో మన రాష్ట్రంలో ఒక్క బీసీలకే చేకూరిందని చెప్పారు. కీలక సీట్లు యాదవ సోదరులకు... మంత్రి విడదల రజిని మాట్లాడుతూ రాజకీయంగా జగనన్న యాదవ సామాజికవర్గానికి ఎంతో ప్రాధాన్యత ఇస్తున్నారని చెప్పారు. నరసరావుపేట, ఏలూరులాంటి లోక్‌సభ సీట్లను యాదవులకే జగనన్న కేటాయించారని తెలిపారు. ఈ రెండు లోక్‌ సభస్థానాలు ఎంతో కీలకమైనవని, రాజకీయ ప్రాబల్యం బాగా ఉండే కులాలు మాత్రమే ఇక్కడ ఇప్పటివరకు గెలుస్తూ వచ్చాయని వివరించారు. ఇలాంటి చోట్ల యాదవులకు సీట్లు ఇవ్వడం అంటే అది సాహసమని, ఆ సాహసాన్ని చేసిన నాయకుడు జగనన్న అని పేర్కొన్నారు. ఈ ఎన్నికలలో యాదవ సామాజికవర్గానికి అత్యంత ప్రాధాన్యత ఇచ్చారన్నారు. టీడీపీకి మాత్రం యాదవ కులం అంటే ఒక్క యనమల రామకృష్ణుడి కుటుంబమే కనిపిస్తుందన్నారు. ఇక రాష్ట్రంలో యాదవులు ఎవరూ లేరన్నట్లు.. యనమల రామకృష్ణుడి కుటుంబం ఒక్కటే యాదవ కులం అయినట్లు.. యనమల కుమార్తెకు, ఆయన వియ్యంకుడు సుధాకర్‌ యాదవ్‌కు, అల్లుడు మహేశ్‌ యాదవ్‌కు టికెట్లు ఇచ్చారని దుయ్యబట్టారు. మిగిలిన యాదవులందరినీ టీడీపీ అవమానించిందని మండిపడ్డారు. యాదవులు నమ్మితే ప్రాణాలు ఇస్తారని, మీ నమ్మకాన్ని వమ్ము చేయకుండా మీ అందరికి అందుబాటులో ఉంటానన్నారు. డబ్బు అహంకారంతో విర్రవీగుతున్నారు.. : కిలారి వెంకటరోశయ్య డబ్బులు ఉన్నాయన్న అహంకారంతో టీడీపీ ఎంపీ అభ్యర్థి పెమ్మసాని చంద్రశేఖర్‌ విర్రవీగుతున్నాడని గుంటూరు ఎంపీ అభ్యర్థి కిలారి వెంకటరోశయ్య పేర్కొన్నారు. బీసీల సంక్షేమం కోసం ముఖ్యమంత్రి వై.ఎస్‌.జగన్‌మోహన్‌రెడ్డి ఎన్నో పథకాలు అమలు చేశారన్నారు. చనిపోయిన ప్రతి గొర్రెకు రూ. 6వేలు ఆర్థిక సహాయం అందజేసిన ఘనత సీఎం జగనన్నకే దక్కుతోందన్నారు. స్థానికంగా ఉన్న నాయకులను గెలిపించుకుని పార్లమెంట్‌ నియోజకవర్గ పరిధిని అభివృద్ధి పథంలో నడిపించేందుకు కృషి చేయాలని కోరారు. బీసీలకు పెద్దపీట : ఎంపీ ఆర్‌.కృష్ణయ్య రాజ్యసభ సభ్యులు ఆర్‌.కృష్ణయ్య మాట్లాడుతూ జగనన్న ఈ ఎన్నికల్లో మొత్తం లోక్‌ సభ, అసెంబ్లీ స్థానాలు ఏపీలో 200 ఉండగా.. అందులో 100 సీట్లు బీసీలకే కేటాయించి తన చిత్తశుద్ధి చాటారని పేర్కొన్నారు. బీసీలను బ్యాక్‌ బోన్‌ క్లాస్‌గా చేశారని చెప్పారు. డెప్యూటీ సీఎం, స్పీకర్‌, మంత్రిపదవులు, రాజ్యసభ సభ్యత్వాలు, నామినేటెడ్‌ పోస్టులు, ఇలా రాజకీయ సాధికారతనూ బీసీలకు సాకారం చేసిన గొప్ప నాయకుడు జగనన్న అని చెప్పారు. బీసీ, ఎస్సీ, ఎస్టీ మైనారిటీల రాజకీయ ఎదుగుదల కోసం అన్ని నామినేటెడ్‌ పదవుల్లో 50 శాతం రిజర్వేషన్‌ కల్పిస్తూ చట్టం చేశామని చెప్పారు. బీసీల పార్టీ వైఎస్సార్‌సీపీ అని... దాన్ని మనం సొంతం చేసుకోవాలన్నారు. యాదవులకు అత్యంత రాజకీయ ప్రాధాన్యం : ఎంపీ బీదా మస్తాన్‌ రావు రాజ్యసభ సభ్యుడు బీదా మస్తాన్‌రావు మాట్లా డుతూ తిరుమలలో శ్రీవారి గర్భగుడి తలుపులు సన్నిధి గొల్లలు తెరిచే సంప్రదాయాన్ని పునరుద్ధరించింది జగనన్నే అని చెప్పారు. చనిపోయే ప్రతి గొర్రెకు రూ.6వేలు ఆర్థిక సాయం అందేలా బీమా సదుపాయాన్ని జగనన్న కల్పించారని, దీనివల్ల గొర్రెల కాపరులకు ఎంతో మేలు జరిగిందని తెలిపారు. ఈ రాష్ట్రంలో యాదవులకు అత్యంత రాజకీయ ప్రాధాన్య కల్పిస్తున్న నాయకుడు ముఖ్యమంత్రి వైఎస్‌ జగన్‌మోహన్‌రెడ్డి మాత్రమేనని చెప్పారు. యాదవులంటే నమ్మకం, విశ్వాసం : మండలి విప్‌ లేళ్ల అప్పిరెడ్డి ఏపీలో కాపు, కమ్మ, రెడ్డిలాంటి మూడు అగ్రకులాలకు దీటుగా యాదవ సామాజికవర్గాన్ని కూడా తొలిసారిగా జగనన్న రాజకీయంగా ముందుకు తీసుకొస్తున్నారని మండలి విప్‌ లేళ్ల అప్పిరెడ్డి వెల్లడించారు. బీసీ ఉప ప్రణాళిక అమలు చేశార న్నారు. శాశ్వత ప్రాతిపదికన బీసీ కమిషన్‌ ఏర్పాటు చేశారని తెలిపారు. యాదవులంటే నమ్మకం, విశ్వాసమని, వారు నమ్మితే ఏదైనా చేస్తారన్నారు. ఎమ్మెల్సీ ఏసురత్నం మాట్లాడుతూ కుల సర్వేని చేపట్టామని చెప్పారు. ఎమ్మెల్యే మద్దాలి గిరి మాట్లాడుతూ బీసీల్లో ఉపకులాలలకు 56 కొత్త కార్పొరేషన్లు ఏర్పాటుచేశామన్నారు. గుంటూరు మార్కెట్‌ యార్డు చైర్మన్‌ నిమ్మకాయల రాజనారాయణ, పార్టీ నాయకులు నాగార్జున యాదవ్‌, యాదవ సంఘ ముఖ్య నాయకులు లాకా వెంగళరావు, అంగిరేకుల ఆదిశేషు, రాజాయాదవ్‌, గోళ్ల శివకుమార్‌, ఆయా డివిజన్ల కార్పొరేటర్లు, అధ్యక్షులు పాల్గొన్నారు. బీసీల సంక్షేమానికి రూ.1.85 లక్షల కోట్లు ఈ ఐదేళ్లలో జగనన్న చేసిన ఖర్చు ఇది 50 శాతం సీట్లు బీసీలకే ఇచ్చిన ఘనత జగనన్నది యాదవ సామాజికవర్గానికి ఎంతో మేలు చేసిన ప్రభుత్వం మాది శ్రీవారి గర్భగుడి తలుపులు సన్నిధి గొల్లలే తెరిచేలా జీఓ తెచ్చాం నరసరావుపేట, ఏలూరు లాంటి కీలక పార్లమెంటు టికెట్లు యాదవులకే ఇవ్వడం ఒక చరిత్ర టీడీపీలో యాదవులు అంటే కేవలం యనమల కుటుంబసభ్యులే రాష్ట్ర వైద్య ఆరోగ్యశాఖ మంత్రి విడదల రజిని గుంటూరులో భారీస్థాయిలో యాదవుల ఆత్మీయ సమావేశం

నెహ్రూనగర్‌: రాష్ట్రంలో వైఎస్‌ జగన్‌మోహన్‌రెడ్డి ముఖ్యమంత్రి అయిన తరువాత ప్రభుత్వ ఉద్యోగుల స్థితిగతుల్లో సమూల మార్పులు వచ్చినట్లు ఏసీ కాలేజీ మాజీ ప్రిన్సిపాల్‌, వైఎస్సార్‌ సీపీ క్రిస్టియన్‌ మైనార్టీ సెల్‌ రాష్ట్ర ప్రధాన కార్యదర్శి డాక్టర్‌ పోలే ముత్యం, రెడ్డి కాలేజీ మాజీ ప్రిన్సిపాల్‌ డాక్టర్‌ కంజుల సత్యనారాయణ రెడ్డి, వైఎసార్‌ సీపీ టీచర్స్‌ అసోసియేషన్‌ రాష్ట్ర నాయకులు మాదిరెడ్డి శ్రీనివాసరెడ్డి పేర్కొన్నారు. బుధవారం నగరంపాలెంలో జరిగిన సమావేశంలో వారు మాట్లాడుతూ గతంలో ఏ ప్రభుత్వం కూడా ఉద్యోగుల ప్రయోజనాలకు కట్టుబడిన దాఖలాలు లేవని వారు స్పష్టం చేశారు. ఉద్యోగుల సంక్షేమానికి కట్టుబడడమే కాకుండా సమర్థులైన ఉద్యోగులకు సరైన గుర్తింపు, సముచిత గౌరవం కల్పించడంలో ముఖ్యమంత్రి జగన్‌ ఎప్పుడూ ఒకడుగు ముందే ఉంటారని పేర్కొన్నారు. పోలైన 5076పోస్టల్‌ బ్యాలెట్‌ ఓట్లు గుంటూరు వెస్ట్‌: పోస్టల్‌ బ్యాలెట్‌ ఓటింగ్‌లో బుధవారం జిల్లావ్యాప్తంగా ఎన్నికల విధుల్లో ఉన్న సిబ్బంది, జర్నలిస్టులు, అత్యవసర సిబ్బంది ఉత్సాహంగా పాల్గొన్నారు. ఓటింగ్‌ మొత్తం ప్రశాంతంగా జరిగింది. ఈక్రమంలో తాడికొండలో 462, మంగళగిరిలో 1088, పొన్నూరు 426, తెనాలి 442, ప్రత్తిపాడు 394, గుంటూరు పశ్చిమ 1595, గుంటూరు తూర్పు 669.. మొత్తం 5076 ఓట్లు పోలయ్యాయి. యార్డులో 70,776 బస్తాల మిర్చి విక్రయం కొరిటెపాడు(గుంటూరు): గుంటూరు మార్కెట్‌ యార్డుకు బుధవారం 57,850 మిర్చి బస్తాలు రాగా, గత నిల్వలతో కలిపి ఈ–నామ్‌ విధానం ద్వారా 70,776 బస్తాలు అమ్మకాలు జరిగాయి. నాన్‌ ఏసీ కామన్‌ రకం 334, నంబర్‌–5, 273, 341, 4884, సూపర్‌–10 రకాల మిర్చి సగటు ధర రూ.8,500 నుంచి రూ. 18,000 వరకు పలికింది. నాన్‌ ఏసీ ప్రత్యేక రకం తేజ, బాడిగ, దేవనూరు డీలక్స్‌ రకాల మిర్చి సగటు ధర రూ.8,000 నుంచి 20,000 వరకు లభించింది. తాలు రకం మిర్చికి రూ.5,000 నుంచి రూ.11,500 వరకు ధర పలికింది. అమ్మకాలు ముగిసే సమయానికి యార్డులో ఇంకా 42,624 బస్తాల మిర్చి నిల్వ ఉన్నట్లు యార్డు ఇన్‌చార్జి కార్యదర్శి కాకుమాను శ్రీనివాసరావు తెలిపారు. పాస్టర్లకు డిగ్రీ పట్టాలుఅందజేత గుంటూరు మెడికల్‌: కౌన్సిల్‌ ఆఫ్‌ రీఫార్మ్‌డ్‌ చర్చెస్‌ ఆఫ్‌ ఇండియా, వైజాగ్‌ వారు మంగళవారం స్థానిక గాంధీనగర్‌ పవర్‌ గాస్పల్‌ మినిస్ట్రీస్‌లో రెవ.పి.వరప్రసాద్‌ ఆధ్వర్యంలో దైవసేవకులకు పట్టాలు అందజేశారు. వేదాంత విద్యలో భాగంగా సర్టిఫికెట్స్‌, వివాహ పట్టాలు 20 మంది పాస్టర్లకు అందజేశారు. ఆర్చ్‌ బిషప్‌ జి.విజయరాజు, బిషప్స్‌ నతానియేలు, దేశిరాజు, పాస్టర్లు, ఇవాంజిలిస్టులు, బైబిల్‌ ఉమెన్స్‌, స్థానిక సంఘ విశ్వాసులు, తదితరులు పాల్గొన్నారు. పట్టాల అందజేత అనంతరం అభిషక్తులకు సన్మానం చేశారు. ల్యాండ్‌ టైట్లింగ్‌ చట్టంపై టీడీపీ దుష్ప్రచారం కొరిటెపాడు(గుంటూరు): టీడీపీ నేత చంద్రబాబునాయుడుకు ఓటమి భయం పట్టుకుందని గిరిజన ప్రజా సమాఖ్య(జీపీఎస్‌) వ్యవస్థాపక జాతీయ అధ్యక్షుడు వడిత్యా శంకర్‌నాయక్‌ బుధవారం ఒక ప్రకటనలో పేర్కొన్నారు.ల్యాండ్‌ టైట్లింగ్‌ చట్టంపై దుష్ప్రచారం చేస్తూ ప్రజలను భయబ్రాంతులకు గురిచేస్తున్నారని మండిపడ్డారు. ల్యాండ్‌ టైట్లింగ్‌ చట్టంతో మన భూములకు మరింత రక్షణ ఉంటుందన్నారు. భావితరాలకు వివాద రహిత భూమిని అందించడమే ముఖ్యమంత్రి వైఎస్‌ జగన్‌మోహన్‌రెడ్డి ఏకై క లక్ష్యమని స్పష్టం చేశారు.