TV
మాస్‌రాజా రవితేజ ప్రస్తుతం రామారావు ఆన్‌డ్యూటీ అనే చిత్రంలో నటిస్తున్న సంగతి తెలిసిందే. శరత్‌ మండవ దర్శకత్వం వహిస్తున్న ఈ సినిమాలో రవితేజ డిప్యూటీ కలెక్టర్‌గా కనిపించనున్నారు.సుధాకర్ చెరుకూరి ఈ చిత్రాన్ని నిర్మిస్తున్నారు. తాజాగా ఈ సినిమా సాంగ్‌ షూటింగ్ కోసం చిత్ర బృందం స్పెయిన్‌ వెళ్లింది. ఈ సందర్భంగా అక్కడి అందమైన లొకేషన్స్‌లో పాటలను చిత్రీకరించనున్నారు.
ఈ సాంగ్స్‌ మూవీకి హైలైట్‌గా నిలుస్తాయని డైరెక్టర్‌ శరత్‌ మండవ తెలిపారు. ఇక ఈ సినిమాతో సీనియర్‌ హీరో వేణు తొట్టెంపూడి రీ ఎంట్రీ ఇస్తున్నారు. నాజర్‌, నరేష్‌, తనికెళ్ల భరణి కీలక పాత్రల్లో కనిపించనున్నారు.
