మండేలా తెలుగు రీమేక్‌: హీరోగా సునీల్‌?

7 May, 2021 00:45 IST|Sakshi

ఓ భాషలో హిట్‌ అయిన చిత్రాన్ని ఇతర భాషల్లో రీమేక్‌ చేయడం తెలిసిందే. తాజాగా తమిళంలో ఘనవిజయం సాధించిన ‘మండేలా’ చిత్రాన్ని తెలుగులో రీమేక్‌ చేసేందుకు సన్నాహాలు జరుగుతున్నాయి. యోగిబాబు హీరోగా మడోన్నే అశ్విన్‌ దర్శకత్వంలో తెరకెక్కిన ఈ చిత్రం ఏప్రిల్‌ 29న నెట్‌ఫ్లిక్స్‌లో విడుదలై, మంచి హిట్‌ అయింది. ఈ సినిమా తెలుగు రీమేక్‌ హక్కులను అనిల్‌ సుంకర దక్కించుకున్నారు.

తమిళంలో కమెడియన్‌ యోగిబాబు ప్రధాన పాత్రలో నటించిన ఈ సినిమా పొలిటికల్‌ సెటైరికల్‌ నేపథ్యంలో నాయీబ్రాహ్మణులకు సంబంధించిన కథాంశంతో తెరకెక్కింది. తెలుగు రీమేక్‌లో హీరోగా సునీల్‌ నటించనున్నారని టాక్‌. మరి.. మండేలాగా సునీల్‌ కనిపిస్తారా? ఈ చిత్రానికి ఎవరు దర్శకత్వం వహిస్తారు? అనేది త్వరలోనే తెలుస్తుంది.

మరిన్ని వార్తలు