బాబు మాయలో పడొద్దు ● అబద్ధాల మేనిఫెస్టో నమ్మొదు ● నేదురుమల్లి రామ్‌కుమార్‌రెడ్డి వెంకటగిరి(సైదాపురం) : ‘ఎన్నికల సమయంలో ఎనేన్నో హామీలు ఇవ్వడం.. గెలిచాక వాటిని విస్మరించడం బాబుకు వెన్నతో పెట్టిన విద్య. ఇప్పుడు ఆయన ప్రవేశపెట్టిన సూపర్‌ సిక్స్‌ కూడా ఇలాంటిదే. బాబు మాయమాటలు నమ్మి, ఆయన మాయలో పడొద్దు’ అని వైఎస్సార్‌సీపీ తిరుపతి జిల్లా అధ్యక్షులు, వెంకటగిరి నియోజకవర్గ ఎమ్మెల్యే అభ్యర్థి నేదురుమల్లి రామ్‌కుమార్‌రెడ్డి ఓటర్లకు విజ్ఙప్తి చేశారు. ఆయన గురువారం వెంకటగిరిలోని ఎన్‌జేఆర్‌ భవనంలో జరిగిన విలేకరుల సమావేశంలో మాట్లాడుతూ చంద్రబాబునాయుడు 2014 ఎన్నికల్లో ఇంటికో ఉద్యోగం, నిరుద్యోగ భృతి ఇస్తామని చెప్పి నిలువునా ముంచాడన్నారు. రైతులు, డ్వాక్రా రుణాలు మాఫీ చేయలేదని గుర్తుచేశారు. తన తల్లి రాజ్యలక్ష్మి 2005 వెంకటగిరిని మున్సిపాలిటీ చేశారని, అదేవిధంగా 2006లో వెంకటగిరి ప్రజల దాహార్తికి సమ్మర్‌స్టోరేజ్‌ ఏర్పాటు చేశారని గుర్తుచేశారు. పదేళ్లలో కురుగొండ్ల ఏమి చేశారు? టీడీపీ ఎమ్మెల్యే అభ్యర్థి కురుగొండ్ల రామకృష్ణ 2014 నుంచి 2019 వరకు ప్రజలకు ఏం చేశారో చెప్పాలని రామ్‌కుమార్‌రెడ్డి డిమాండ్‌ చేశారు. చేనేత కార్మికులు పడుతున్న ఇబ్బందులను గుర్తించి నేతన్న నేస్తం కింద ఏటా రూ.24 వేలను సీఎం జగనన్న ఇచ్చారని గుర్తు చేశారు. సమావేశంలో పద్మశాలి కార్పొరేషన్‌ రాష్ట్ర చైర్మన్‌ జింకా విజయలక్ష్మి పాల్గొన్నారు.

పచ్చపత్రిక తన అనుయాయులను అందలమెక్కించేందుకు విలువలు, విశ్వసనీయతను పక్కనబెట్టి కట్టు కథలతో ప్రజలను తప్పుదోవ పట్టిస్తోందని రామ్‌కుమార్‌రెడ్డి విరుచుకుపడ్డారు. రమణారెడ్డి, అనీల్‌ పార్టీ మారుతున్నారన్ని ఆరోపణలు చేయడం సమంజసం కాదన్నారు. వారు టీడీపీ కండువాలు కప్పుకున్నట్లు ఆధారాలు ఉంటే చూపించాలన్నారు. అదేవిధంగా జెడ్పీటీసీ ప్రశాంతి అని రాశారని, నియోజకవర్గంలో జెడ్పీటీసీ ప్రశాంతి ఎవరో చూపించాలని నిలదీశారు. వెంకటగిరి, రాపూరు ఏఎంసీ చైర్మన్లు అని రాశారని, వారి పదవీ కాలం ముగిసి ఆరు నెలలు అయ్యిందన్నారు.

● 14 ఏళ్ల చంద్రబాబు పరిపాలనలో లీడర్ల జేబులు నిండేవి ● జగనన్న పాలనలో పేదల జేబులు నిండుతున్నాయ్‌ ● ఏర్పేడు సభలో రాజ్యసభ్యుడు ఆర్‌.కృష్ణయ్య వెల్లడి ఏర్పేడు: ‘రాష్ట్రంలో అమలవుతున్న సంక్షేమ పథకాలు మాకు కావాలి.. జగన్‌ లాంటి సీఎం మాకు కావాలి’అని పక్క రాష్ట్రాల ప్రజలు కోరుకుంటున్నారని రాష్ట్ర బీసీ సంఘం అధ్యక్షుడు, రాజ్యసభ సభ్యుడు ఆర్‌.కృష్ణయ్య తెలిపారు. ఏర్పేడు ఆర్టీసీ బస్టాండు కూడలిలో గురువారం రాత్రి జరిగిన బహిరంగ సభలో ఆయన ముఖ్యఅతిథిగా హాజరయ్యారు. అనంతరం శ్రీకాళహస్తి ఎమ్మెల్యే బియ్యపు మధుసూదన్‌రెడ్డి, జిల్లాకు చెందిన పలువురు బీసీ సంఘం నాయకులతో కలిసి ప్రసంగించారు. రాష్ట్రంలో పేదరిక నిర్మూ లనే ధ్యేయంగా ముఖ్యమంత్రి వైఎస్‌.జగన్‌మోహన్‌ రెడ్డి నవరత్నాల పేరుతో సంక్షేమ పథకాలను అమలు చేస్తున్నారని కొనియాడారు. ఇటీవల తాను తమిళనాడు, కర్ణాటక, ఒడిశా రాష్ట్రాల్లో పర్యటించానని, అక్కడ ఏపీలో అమలవుతున్న పథకాలు ఇక్కడ లేవని, ఆ పథకాలు పేదల జీవితాలను మారుస్తాయని, తమకు కూడా జగన్‌ లాంటి ముఖ్యమంత్రి కావాలని అక్కడి ప్రజలు తమ మనోగతాన్ని తనతో పంచుకున్నారని వివరించారు. కర్ణాటక, తమిళనాడు రాష్ట్రాలను బీసీలు పాలిస్తున్నా బడుగు, బలహీన వర్గాల ప్రజలకు ఒరిగిందేమీ లేదన్నారు. ఒడిశాలో తాను పర్యటించినప్పుడు రోడ్డు పక్కన చిన్న దుకాణాల్లో బడికి వెళ్లాల్సిన చిన్న పిల్లలు వెట్టిచాకిరీ చేస్తూ కనిపించారని, ఆ దృశ్యాలు తనను బాధించాయని చెప్పారు. మన రాష్ట్రంలో బడి ఈడు పిల్లలకు ముఖ్యమంత్రి వైఎస్‌.జగన్‌మోహన్‌రెడ్డి దయవల్ల అలాంటి పరిస్థితి లేదన్నారు. స్కూళ్లు మారడమే కాకుండా ఇంగ్లిష్‌ మీడియం, డిజిటల్‌ బోధన, అమ్మఒడి పేరుతో తల్లుల ఖాతాల్లో ఏటా రూ.15వేలు వేసి ఆదుకుంటున్నట్టు వెల్లడించారు. పేదలను పట్టించుకోని బాబు 14 ఏళ్లు ముఖ్యమంత్రిగా చేసిన చంద్రబాబు నాయుడు పాలనలో పేదల సంక్షేమం కోసం ఏ నాడూ ఆలోచించలేదని, ఆయన ధనికుల జేబులు నింపి పేద ప్రజలను గాలికొదిలేశారని కృష్ణయ్య మండిపడ్డారు. అయితే జగన్‌మోహన్‌రెడ్డి పాలనలో పేదప్రజల జేబులు నిండాయని, వారి జీవితాలు వికశించాయన్నారు. బీజేపీ కూడా పెత్తందార్లు, కార్పొరేటర్లకు కొమ్ముకాస్తోందని ధ్వజమెత్తారు. శ్రీకాళహస్తి ఎమ్మెల్యే బియ్యపు మధుసూదన్‌రెడ్డికి రాష్ట్ర స్థాయిలో మంచి గుర్తింపు ఉందని, ఆయన పేదల సంక్షేమం కోసం సొంతంగా అనేక సేవా కార్యక్రమాలను చేస్తున్నారని కొనియాడారు. ఈనెల 13న జరగనున్న సార్వత్రిక ఎన్నికల్లో శ్రీకాళహస్తి ఎమ్మెల్యేగా బియ్యపు మధుసూదన్‌రెడ్డి, తిరుపతి ఎంపీగా మద్దిల గురుమూర్తిని అత్యధిక మెజారిటీతో గెలిపించాలని కోరారు. రాష్ట్ర గొర్రెల పెంపకం సంఘం అధ్యక్షుడు గన్నేరు ప్రకాష్‌యాదవ్‌, మండల ఇన్‌చార్జి గున్నేరి కిషోర్‌రెడ్డి, వైఎస్సా ర్‌ సీపీ మండల అధ్యక్షుడు కూనాటి రమణయ్య యాదవ్‌, కో–ఆప్షన్‌ సభ్యుడు బత్తిశెట్టి, వైస్‌ ఎంపీపీ శ్రీనివాసులుయాదవ్‌, సింగిల్‌విండో అధ్యక్షుడు జనార్దన్‌ యాదవ్‌, సర్పంచ్‌ శివయ్య పాల్గొన్నారు.

తిరుపతి అర్బన్‌: సార్వత్రిక ఎన్నికలకు 72 గంటలు సమయం ఉన్న నేపథ్యంలో సిబ్బంది అన్ని చర్యలు పూర్తి చేయాలని రాష్ట్ర ప్రధాన ఎన్నికల అధికారి ముఖేష్‌కుమార్‌మీనా స్పష్టం చేశారు. ఈ మేరకు ఆయన గురువారం రాత్రి వెలగపూడిలోని రాష్ట్ర సచివాలయం నుంచి వీడియో కాన్ఫరెన్స్‌ ద్వారా సమీక్ష సమావేశం నిర్వహించారు. తిరుపతి కలెక్టరేట్‌ నుంచి కలెక్టర్‌తోపాటు ఎస్పీ కృష్ణకాంత్‌పటేల్‌ తదితరులు పాల్గొన్నారు. ఈసందర్భంగా ఎన్నికల ప్రధాన అధికారి వారికి దిశానిర్దేశం చేశారు. అనంతరం కలెక్టర్‌ మాట్లాడుతూ పోలింగ్‌ కేంద్రాల్లో ఓటర్లకు ఇబ్బందులు లేకుండా తీసుకున్న చర్యలను వెల్లడించారు. డీఆర్వో పెంచలకిషోర్‌, అదనపు ఎస్పీ వెంకట్రావు, జిల్లా నోడల్‌ అధికారులు పాల్గొన్నారు.

పుత్తూరు:సార్వత్రిక ఎన్నికల ప్రచారంలో భాగంగా సీఎం వైఎస్‌ జగన్‌మోహన్‌రెడ్డి శుక్రవారం పుత్తూరుకు రానున్నారు. పట్టణంలో నిర్వహిస్తున్న ‘మేమంతా సిద్ధం’ సభలో పాల్గొననున్నారు. ఈ సందర్భంగా పార్టీ శ్రేణులు చురుగ్గా ఏర్పాట్లు చేస్తున్నారు. మధ్యాహ్నం 1.45 గంటలకు సీఎం హెలీక్యాప్టర్‌లో స్థానిక డిగ్రీ కళాశాల మైదానంలో హెలీప్యాడ్‌కు చేరుకుంటా రు.. అక్కడి నుంచి రోడ్డు మార్గంలో కాపువీధి సర్కిల్‌ వద్ద ఏర్పాటు చేసిన బహిరంగ సభకు చేరుకుని ప్రసంగించనున్నారు. 3 గంటలకు పుత్తూరు హెలీప్యాడ్‌ నుంచి వైఎస్సార్‌ కడప జిల్లాకు బయలు దేరనున్నారు..గురువారం తిరుపతి జిల్లా ఎస్పీ కృష్ణకాంత్‌ సభాస్థలిని పరిశీలించారు. దరఖాస్తుల ఆహ్వానం తిరుపతి(అలిపిరి): తపాల శాఖలో తపాలా బీమా ఏజెంట్ల కోసం దరఖాస్తులు స్వీకరిస్తున్నామని.. ఆసక్తి గల అభ్యర్థులు దరఖాస్తు చేసుకోవాలని తపాలా సీనియన్‌ సూపరింటెండెంట్‌ జేఎన్‌ వసంత గురువారం ఓ ప్రకటనలో తెలిపారు. ఈనెల 18వ తేదీ వరకు దరఖాస్తులను తిరుపతిలోని కార్యాలయంలో ఉదయం 11 నుంచి సాయంత్రం 5 గంటలలోపు అందించాలన్నారు. ఈనెల 22వ తేదీన దరఖాస్తుల పరిశీలన, అనంతరం ఎంపికై న వారిని తలాపా బీమా ఏజెంట్లుగా నియమించనున్నుట్ల ఆమె పేర్కొన్నారు. ఏజెంట్లకు ఆకర్షణీయమైన ఇన్‌సెంటీవ్స్‌ ఇవ్వనున్నట్లు వెల్లడించారు. 48 గంటల్లో ప్రచారానికి తెర తిరుపతి అర్బన్‌: మరో 48 గంటల్లో ప్రచారానికి తెరపడనుందని జిల్లా ఎన్నికల అధికారి, కలెక్టర్‌ ప్రవీణ్‌కుమార్‌ తెలిపారు. గురువారం ఆయన ఎస్పీ కృష్ణకాంత్‌ పటేల్‌తో కలిసి కలెక్టరేట్‌లో ఆర్వోలు, ఏఆర్వోలు, సెక్టార్‌ అధికారులు, బీఎల్వోలతో ప్రత్యేకంగా సమావేశం నిర్వహించారు. అనంతరం ఆయన మాట్లాడుతూ ఎన్నికల ప్రచారానికి మరో రెండు రోజులు మాత్రమే గడువు ఉందని చెప్పారు. శనివారం సాయంత్రం 5 గంటల్లోపు ప్రచారం నిలుపుదల చేయాలన్నారు. ఎస్పీ మాట్లాడుతూ 46 రూట్‌ మొబైల్‌లు ఏర్పాటు చేశామన్నారు. ఎలాంటి అవాంఛనీయ సంఘటనలు చోటు చేసుకోకుండా బందోబస్తు ఏర్పాటు ఉంటుందని తెలిపారు. వెంకటగిరి ఆర్వో, జేసీ ధ్యానచంద్ర, తిరుపతి ఆర్వో అదితిసింగ్‌, ఇతర అసెంబ్లీ నియోజకవర్గాల రిటర్నింగ్‌ అధికారులు, అదనపు ఎస్పీ వెంకట్రావు, జిల్లా నోడల్‌ అధికారులు పాల్గొన్నారు. పకడ్బందీగా ఎన్నికల కోడ్‌ తిరుపతి అర్బన్‌: జిల్లాలో సార్వత్రిక ఎన్నికల కోడ్‌ పకడ్బందీగా అమలు చేస్తున్నట్టు జిల్లా ఎన్నికల అధికారి ప్రవీణ్‌కుమార్‌ తెలిపారు. గురువారం ఆయన మాట్లాడుతూ ఇప్పటి వరకు రాజకీయ ప్రకటనలకు సంబంధించి 31,261 మందివి తొలగించామన్నారు. అలాగే కోడ్‌ ఉల్లంఘించిన 12 మంది కాంట్రాక్టర్‌ ఉద్యోగులను విధుల నుంచి తొలగించినట్టు వెల్లడించారు. 12 మంది శాశ్వత ఉద్యోగులపైన చర్యలు తీసుకన్నుట్టు చెప్పారు. ఇప్పటి వరకు స్వాధీనం చేసుకున్న నగదు రూ.161.73 లక్షలుగా ఉందన్నారు. ప్రశాంతంగా పోస్టల్‌ బ్యాలెట్‌ ఓటింగ్‌తిరుపతి అర్బన్‌:సార్వత్రిక ఎన్నికలకు సంబంధించి ప్రశాంతంగా పోస్టల్‌ బ్యాలెట్‌ ఓటింగ్‌ పూర్తి చేశామని జిల్లా ఎన్నికల అధికారి ప్రవీణ్‌కుమార్‌ తెలిపారు. గురువారం ఆయన మాట్లాడుతూ ఈనెల 5 నుంచి 9వ తేదీ వరకు పోస్టల్‌ బ్యాలెట్‌ నిర్వహించినట్టు తెలిపారు. ఆ మేరకు ఫెసిలిటేషన్‌ సెంటర్లలో ఉద్యోగులందరూ తమ ఓటుహక్కు వినియోగించుకున్నట్టు వెల్లడించారు. ఎన్నికల ఏర్పాట్ల పరిశీలన శ్రీకాళహస్తి: సార్వత్రిక ఎన్నికల నేపథ్యంలో ఈ నెల 13న జరగనున్న పోలింగ్‌ ఏర్పాట్లను కేంద్ర ఎన్నికల అధికారి ఉజ్వల్‌కుమార్‌ఘోష్‌ పరిశీలించారు. గురువారం స్కిట్‌ కళాశాలకు చేరుకున్న ఆయన 12వ తేదీన ఆయా బూత్‌లకు ఈవీఎంలను ఎలా తరలిస్తున్నారో ఆర్డీఓ రవిశంకర్‌రెడ్డిని అడిగి తెలుసుకున్నారు. అనంతరం ఆర్డీఓ కార్యాలయానికి చేరుకుని ఓటర్ల జాబితాను పరిశీలించారు. అనంతరం ఆర్డీఓ మాట్లాడుతూ ఇప్పటికే స్కిట్‌ కళాశాలలోని స్ట్రాంగ్‌రూమ్‌లో ఈవీఎంలను ఏర్పాటు చేశామన్నారు. 12వ తేదీన వాటిని సంబంధిత పోలింగ్‌ కేంద్రాలకు తరలిస్తామని చెప్పారు. శ్రీకాళహస్తి నియోజకవర్గంలో 80 సమస్యాత్మక పోలింగ్‌ బూత్‌లను గుర్తించినట్టు వెల్లడించారు. ఈ మేరకు ఏర్పాట్లు చేపట్టామని చెప్పారు.