కర్నూలు(అగ్రికల్చర్‌): ఉష్ణోగ్రతలు గణనీయంగా తగ్గిపోయాయి. గతంలో ఎప్పుడూ లేని విధంగా ఈ సారి ఉష్ణోగ్రతలు 47.7 డిగ్రీలకు చేరాయి. ఆ తర్వాత వాతావరణంలో వచ్చిన మార్పుల కారణంగా ఎండల తీవ్రత తగ్గుముఖం పట్టింది. ఇటు కర్నూలు, అటు నంద్యాల జిల్లాలో ఆశాజనకంగా వర్షాలు కురుస్తున్నాయి. భారీ వర్షాల వల్ల ఉమ్మడి జిల్లాలో పలు చెరువులకు భారీగా నీరు వచ్చింది. హంద్రీ కూడా ప్రవహించింది. ఈ కారణంగా ఉష్ణోగ్రతలు పడిపోయాయి. సోమవారం రాత్రి ఓర్వకల్లులో 56 మి.మీ వర్షపాతం నమోదైంది. మంగళవారం కూడా అక్కడక్కడ తేలికపాటి వర్షాలు కురిశాయి. కర్నూలు జిల్లా కౌతాళంలో అత్యధికంగా 39.4 డిగ్రీలు, అత్యల్పంగా తుగ్గలిలో 35.5 డిగ్రీలు, నంద్యాల జిల్లా ఆత్మకూరులో అత్యధికంగా 39.9, అత్యల్పంగా బేతంచెర్లలో 37 డిగ్రీల ఉష్ణోగ్రత నమోదైంది. రానున్న రోజుల్లో వివిధ ప్రాంతాల్లో వర్షాలు పడే అవకాశం ఉంది. ఇందువల్ల ఉష్ణోగ్రతలు మరింత పడిపోయే అవకాశం ఉంది. మధ్యవర్తిత్వం ద్వారా కేసుల పరిష్కారం కర్నూలు (లీగల్‌) : మధ్యవర్తిత్వ చట్టం ద్వారా కేసులకు 90 రోజుల్లో పరిష్కరించనున్నట్లు జిల్లా న్యాయ సేవాధికార సంస్థ కార్యదర్శి బి.లీలా వెంకటశేషాద్రి పేర్కొన్నారు. మంగళవారం మధ్యవర్తిత్వ చట్టంపై న్యాయసేవ సదన్‌లో అవగాహన సదస్సు నిర్వహించారు. ఈ కార్యక్రమంలో జిల్లా న్యాయ సేవాధికార సంస్థ కార్యదర్శి మాట్లాడు తూ మధ్యవర్తులుగా అర్హ త పొందిన న్యాయవాదులకు 40 గంటల పా టు మధ్యవర్తిత్వ చట్టంపై శిక్షణ ఇస్తామన్నారు. అనంతరం మధ్యవర్తిత్వులుగా నియ మిస్తామన్నారు. శాశ్వత లోక్‌ అదాలత్‌ అధ్యక్షులు ఎం.వెంకట హరినాథ్‌, బార్‌ ప్రెసిడెంట్‌ బి.కృష్ణమూర్తి, జనరల్‌ సెక్రటరీ రవికాంత్‌ ప్రసాద్‌, న్యాయవాదులు పాల్గొన్నారు. పలు రైళ్లు రద్దు నంద్యాల (సిటీ): రైల్వే లైన్‌ డబ్లింగ్‌ పనులు, సాంకేతిక కారణాలతో రైల్వే అధికారులు గుంటూరు డివిజన్‌ పరిధిలోని పలు రైళ్లను రద్దు చేశారు. గుంటూరు నుంచి పలు ప్రాంతాలకు వెళ్లాల్సిన పలు రైళ్లను ఈ నెల 16 నుంచి జూన్‌ 1వ తేదీ వరకు తాత్కాలికంగా రద్దు చేస్తున్నట్లు చీఫ్‌ ప్యాసింజర్‌ ట్రాఫికింగ్‌ మేనేజర్‌ ఏ.సురేష్‌ రెడ్డి మంగళవారం ఓ ప్రకటనలో తెలిపారు. గుంటూరు, గుంతకల్లు మధ్య నడి చే రైళ్లలో గుంటూరు – కాచిగూడ, కాచిగూడ – గుంటూరు (17251/17252), హుబ్లీ–విజయవాడ, విజయవాడ – హుబ్లీ 17329/17330 నంబర్‌ రైళ్లు తాత్కాలికంగా రద్దు చేస్తున్నట్లు వివరించారు. నేటి నుంచి ఎమ్మిగనూరు విద్యుత్‌ లైన్‌ సామర్థ్యం పెంపు పనులు కర్నూలు(అగ్రికల్చర్‌): పెరుగుతున్న విద్యు త్‌ లోడు, భవిష్యత్‌ అవసరాల దృష్టా కర్నూలు కార్బైడ్‌లో 220 కేవీ సబ్‌ స్టేషన్‌ నుంచి ఎమ్మిగనూరు లైన్‌ సామర్థ్యాన్ని పెంచనున్నారు. ఇందుకు సంబంధించిన పనులు నేటి నుంచి ప్రారంభం కానున్నట్లు విద్యుత్‌ శాఖ ఎస్‌ఈ ఉమాపతి మంగళవారం ఓ ప్రకటనలో తెలిపారు. 132 కేవీ గూడూరు, 132 కేవీ ఎమ్మిగనూరు, 132 కేవీ మాధవరం లైన్‌లను పాత ఏసీఎస్‌ఆర్‌ కండక్టర్‌ స్థానంలో అధిక సామర్థ్యం ఉన్న ఏసీఎస్‌ఎస్‌ కండక్టరును మార్పు చేస్తున్నట్లు వెల్లడించారు. ఈ నెల 15 నుంచి వచ్చే నెల 2 వరకు పనులు జరుగుతాయని పేర్కొన్నారు. పనులు జరిగే సమయంలో ఎప్పుడైనా విద్యుత్‌ సరఫరాకు అంతరాయం కలిగితే రైతులు, వినియోగదారులు సహకరించాలని కోరారు. ఎమ్మిగనూరు విద్యుత్‌ లైన్‌ సామర్థ్యం పెంపుతో రానున్న రోజుల్లో వ్యవసాయానికి మరింత నాణ్యమైన విద్యుత్‌ ఇచ్చేందుకు అవకాశం ఉంటుందని పేర్కొన్నారు. భారీగా నగదు పట్టివేత కర్నూలు : స్పెషల్‌ ఎన్‌ఫోర్స్‌మెంట్‌ బ్యూరో తనిఖీల్లో ఆధారాలు లేని నగదు పట్టుబడింది. కర్నూలు శివారులోని పంచలింగాల అంతర్‌రాష్ట్ర సరిహద్దు చెక్‌పోస్టు వద్ద సెబ్‌ ఎస్‌ఐ పృథ్వీరాజ్‌ ఆధ్వర్యంలో మంగళవారం సాయంత్రం వాహన తనిఖీలు నిర్వహించారు. హైదరాబాద్‌ వైపు నుంచి కర్నూలుకు వస్తున్న ఓ కారును ఆపి తనిఖీ చేయగా భారీగా నగదు బయటపడింది. అందులో ఉన్న డ్రైవర్‌తో పాటు యజమాని వనపర్తికి చెందిన వెంక టేష్‌ను విచారించగా కర్నూలులోని షరాఫ్‌బజార్‌లో ఉన్న ఓ దుకాణంలో బంగారు కొనుగోలుకు వెళ్తున్నట్లు తెలిపారు. అయితే, డబ్బుకు సంబంధించి ఎలాంటి ఆధారాలు చూపకపోవడంతో ఏఈఎస్‌ వినోద్‌కుమార్‌ చెక్‌పోస్టు వద్దకు చేరుకుని కౌంటింగ్‌ మిషన్‌ తెప్పించి డబ్బులు లెక్కపెట్టారు. దాదాపు రూ.35,70,000 లక్షలుండటంతో జీరో వ్యాపారిగా అధికారులు అనుమానిస్తున్నారు.

కర్నూలు(హాస్పిటల్‌): కర్నూలు ప్రభుత్వ సర్వజన వైద్యశాలలో చిల్లర దొంగలు అధికమయ్యారు. ఇప్పటి వరకు ఆసుపత్రిలోని వార్డుల్లో, వరండాల్లో కుళాయి బిరడాలు విప్పుకెళ్లి గుజిరిలో అమ్మి సొమ్ము చేసుకుని జల్సాలు చేసుకునేవారు. తాజాగా ఎక్కడ రాగి పైపులు కనిపించినా వదలడం లేదు. ఇటీవల రోగుల సౌకర్యార్థం ఆసుపత్రి అధికారులు అవసరమున్న చోట ఏసీలను ఏర్పాటు చేశారు. ముఖ్యంగా ఏఎంసీ, చిన్నపిల్లల విభాగానికి అధిక ప్రాధాన్యత ఇచ్చి అక్కడ ఏసీలు సమకూర్చారు. అయితే చిన్నపిల్లల విభాగం రెండో అంతస్తులో ఏర్పాటు చేసిన ఏసీలకు ఉన్న రాగి పైపులను దొంగలు కోసుకువెళ్తున్నారు. నాలుగు రోజుల్లో ఇలా రెండోసార్లు జరిగింది. మీటరు పొడవుండే రాగిపైపులతో పాటు ఆక్సీజన్‌ వెళ్లే పైపులను సైతం తస్కరిస్తున్నారు. ఈ కారణంగా ఒకవైపు చిన్నపిల్లల విభాగంలోని ఎన్‌ఐసీయూలో చిన్నపిల్లలకు ఆక్సిజన్‌ కొరత, ఏసీ సౌకర్యం లేకపోవడం వంటి సమస్యలు కలుగుతున్నాయి. ఆసుపత్రిలో ఇలాంటి చోరీలను అరికట్టేందుకు ఆయా విభాగాల వద్ద సెక్యూరిటీ గార్డులను ఏర్పాటు చేసినా ఫలితం లేకపోవడంతో అధికారులు ఆగ్రహం వ్యక్తం చేస్తున్నారు. సెక్యూరిటిటీ గార్డుల నిర్లక్ష్యంతోనే విలువైన పరికరాలు పాడై పోవడంతో పాటు చిన్నపిల్లల వైద్యసేవలకు అంతరాయడం ఏర్పడుతోందని మండిపడుతున్నారు.

కర్నూలు కల్చరల్‌: రాయలసీమ విశ్వవిద్యాలయం పరిధిలో ఈనెల 16 నుంచి 21వ తేదీ వరకు బీఈడీ, బీపీఈడీ, ఎంపీఈడీ సెమిస్టర్‌ పరీక్షలు నిర్వహిస్తున్నట్లు వర్సిటీ కంట్రోల్‌ ఆఫ్‌ ఎగ్జామినేషన్స్‌ డాక్టర్‌ వెంకటేశ్వర్లు తెలిపారు. వర్సిటీ వైస్‌చాన్సలర్‌ ప్రొఫెసర్‌ బి. సుధీర్‌ ప్రేమ్‌ కుమార్‌ ఆదేశాల మేరకు జిల్లా వ్యాప్తంగా 15 పరీక్ష కేంద్రాల్లో పరీక్షలు నిర్వహిస్తున్నామని పేర్కొన్నారు. బీఈడీ 3వ సెమిస్టర్‌ పరీక్షలకు రెగ్యులర్‌ 3012 మంది, సప్లిమెంటరీకి 568, బీపీఈడీ మొదటి సెమిస్టర్‌ రెగ్యులర్‌ 104, సప్లిమెంటరీకి 19, 4వ సెమిస్టర్‌ రెగ్యులర్‌ 71, సప్లిమెంటరీకి 36, ఎంపీఈడీ మొదటి సెమిస్టర్‌ రెగ్యులర్‌ 84, సప్లిమెంటరీకి 16, 4వ సెమిస్టర్‌ రెగ్యులర్‌ 122, సప్లిమెంటరీకి 16 మంది విద్యార్థులు పరీక్షలు రాయనున్నట్లు వెల్లడించారు. ఎంసెట్‌ పరీక్ష కేంద్రాల మార్పు కోవెలకుంట్ల: 2024 సార్వత్రిక ఎన్నికల కౌంటింగ్‌ నేపథ్యంలో ఎంసెట్‌ పరీక్ష కేంద్రాల కేటాయింపులో స్వల్ప మార్పులు చోటు చేసుకున్నాయి. ఈ నెల 17వ తేదీ నుంచి ఎంసెట్‌ ప్రవేశ పరీక్షలు ప్రారంభం కానున్నాయి. నంద్యాల జిల్లాలోని వివిధ కళాశాలలతోపాటు ఆర్‌జీఎం, శాంతిరాం కళాశాలలను పరీక్ష కేంద్రాలుగా ఎంపిక చేశారు. ఇందుకు సంబంధించి అభ్యర్థులు ఇటీవలే హాల్‌టికెట్లు డౌన్‌లోడ్‌ చేసుకున్నారు. అయితే ఆర్‌జీఎం, శాంతిరాం కళాశాలల్లో ఈవీఎంలను భద్రపరిచారు. ఈ కారణంగా పరీక్ష కేంద్రాల జాబితా నుంచి ఆ రెండు కళాశాలలను తొలగించారు. గతంలో హాల్‌టికెట్లు పొందిన విద్యార్థులకు ఈ కళాశాలలు పరీక్షా కేంద్రాలు ఉన్నట్లు అయితే మరలా కొత్తగా హాల్‌ టికెట్లను డౌన్‌లోడ్‌ చేసుకోవాలని, లేకపోతే ఇబ్బంది పడతారని అధికారులు సూచిస్తున్నారు. 16 నుంచి డిగ్రీ సెమిస్టర్‌ పరీక్షలు కర్నూలు కల్చరల్‌: రాయలసీమ విశ్వవిద్యాలయం పరిధిలో ఈనెల 16 నుంచి జూన్‌ 15వ తేదీ వరకు డిగ్రీ సెమిస్టర్‌ రెగ్యులర్‌, సప్లిమెంటరీ పరీక్షలు నిర్వహిస్తున్నట్లు వర్సిటీ కంట్రోల్‌ ఆఫ్‌ ఎగ్జామినేషన్స్‌ డాక్టర్‌ వెంకటేశ్వర్లు తెలిపారు. వర్సిటీ వైస్‌చాన్సలర్‌ ప్రొఫెసర్‌ బి. సుధీర్‌ ప్రేమ్‌ కుమార్‌ ఆదేశాల మేరకు పరీక్షల నిర్వహణకు షెడ్యూల్‌ ప్రకటించామని పేర్కొన్నారు. జిల్లా వ్యాప్తంగా 61 పరీక్షా కేంద్రాల్లో పరీక్షలు నిర్వహిస్తున్నామని తెలిపారు. రెండవ సెమిస్టర్‌ పరీక్షలకు రెగ్యులర్‌ 7,531 మంది, సప్లిమెంటరీకి 9,167, నాలుగో సెమిస్టర్‌ రెగ్యు లర్‌ 6,625,సప్లిమెంటరీకి 9,097 మంది విద్యార్థులు హాజరుకానున్నట్లు తెలిపారు. స్పెషల్‌ సప్లిమెంటరీ పరీక్షలకు 3,374 మంది విద్యార్థులు దరఖాస్తు చేసుకున్నారని తెలిపారు. సప్లిమెంటరీకి దరఖాస్తుల ఆహ్వానం కర్నూలు కల్చరల్‌: అనంతపురం శ్రీ కృష్ణ దేవరాయ విశ్వవిద్యాలయం పరిధిలో డిగ్రీ స్పెషల్‌ సప్లిమెంటరీ పరీక్షలకు దరఖాస్తులను ఆహ్వానిస్తున్నట్లు వర్సిటీ డైరెక్టరేట్‌ ఆఫ్‌ ఎవాల్యూయేషన్‌ అధికారులు తెలిపారు. 1994–95 నుంచి 2014 –15 సంవత్సరం వరకు డిగ్రీ చదివి ఫెయిల్‌ అయిన వారికి పరీక్షలు రాసేందుకు ఒక్క అవకాశం ఇస్తున్నట్లు పేర్కొన్నారు. ఫెయిలైన విద్యార్థులు జూన్‌ 14వ తేదీ వరకు దరఖాస్తు చేసుకోవచ్చని సూచించారు. మరిన్ని వివరాలకు www. skuniversity.ac.inవెబ్‌సైట్‌ను సందర్శించాలని తెలిపారు.

తుగ్గలి: రోడ్డు ప్రమాదంలో ఓ యువకుడు మృతి చెందిన ఘటన మంగళవారం సాయంత్రం రాంపల్లి సమీపంలో చోటు చేసుకుంది. స్థానికులు తెలిపిన వివరాల మేరకు..రాంపల్లికి చెందిన బాయిగడ్డ సుంకయ్య కుమారుడు రమేష్‌ (20) బైక్‌పై పెండేకల్లు రైల్వే జంక్షన్‌కు వెళుతుండగా మార్గమధ్యలో ఎదురుగా వస్తున్న అదే గ్రామానికి చెందిన నాగరాజు బైక్‌ ఢీకొంది. ఈ ప్రమాదంలో రమేష్‌ తలకు తీవ్రగాయాలై అక్కడికక్కడే మృతి చెందాడు. నాగరాజు కూడా గాయపడడంతో చికిత్స నిమిత్తం డోన్‌కు తరలించారు. మృతుడి తల్లిదండ్రుల ఫిర్యాదు మేరకు తుగ్గలి పోలీసులు కేసు నమోదు చేశారు. ఇరు వర్గాలపై కేసు నమోదు బొమ్మలసత్రం: స్థానిక ఫరూక్‌నగర్‌లోని పోలింగ్‌ కేంద్రం వద్ద జరిగిన సంఘటనతో ఇరువర్గాలపై పోలీసులు కేసు నమోదు చేశారు. ఈ సందర్భంగా డీఎస్పీ రవీంద్రనాఽథ్‌రెడ్డి మాట్లాడుతూ ఫరూక్‌నగర్‌లోని పోలింగ్‌ బూత్‌వద్ద టీడీపీ నేతలు ఎమ్యెల్యే అభ్యర్థి ఫరూక్‌, ఆయన తనయుడు ఫిరోజ్‌, న్యాయవాది తులసిరెడ్డితో పాటు మరి కొంత మంది, వైఎస్సార్సీపీ ఎమ్యెల్యే అభ్యర్ధి శిల్పా రవిచంద్ర కిషోర్‌రెడ్డి, ఆదిరెడ్డి, న్యాయవాది ఫణీంద్రనాధ్‌శర్మతో పాటు మరికొంత మంది మధ్య వాగ్వాదం చోటు చేసుకుని స్వల్ప ఘర్షణకు దారి తీసింది. పోలీసులు ఇరుపక్షాలకు నచ్చజెప్పి పంపారు. ఈ సంఘటనపై ఇరువర్గాలపై కేసు నమోదు చేసినట్లు డీఎస్పీ తెలిపారు.

కర్నూలు(సెంట్రల్‌): సార్వత్రిక ఎన్నికల పోలింగ్‌ ముగిసింది. ఈవీఎంలలో నిక్షిప్తమైన అభ్యర్థుల భవితవ్యాన్ని అధికారులు అత్యంత కట్టుదిట్టమైన భద్రత మధ్య రాయలసీమ యూనివర్సిటీలో ఏర్పాటు చేసిన స్ట్రాంగ్‌రూములకు తరలించి భద్రపరిచారు. ఓటరు తీర్పు ఎటు వైపు ఉన్నదో జూన్‌ 4న జరిగే ఓట్ల లెక్కింపులో తేలనున్నది. కాగా 2024 పార్లమెంట్‌, అసెంబ్లీ ఎన్నికల తుది పోలింగ్‌ వివరాలను మంగళవారం ఎన్నికల కమిషన్‌ విడుదల చేసింది. కొన్ని కేంద్రాల్లో మే 13వ తేదీ అర్ధరాత్రి వరకు పోలింగ్‌ కొనసాగడంతో ఓటింగ్‌ వివరాలు పూర్తి స్థాయిలో విడుదల కాలేదు. ఈ క్రమంలో మంగళవారం విడుదలైన వివరాల ప్రకారం కర్నూలు పార్లమెంట్‌ నియోజకవర్గంలో 76.80 శాతం ఓటింగ్‌ నమోదైంది. అలాగే జిల్లాలోని కర్నూలు, పాణ్యం, కోడుమూరు, ఎమ్మిగనూరు, మంత్రాలయం, ఆదోని, ఆలూరు, పత్తికొండ నియోజకవర్గాల్లో కలిపి మొత్తం 76.42 శాతం మంది ఓటర్లు తమ ఓటు హక్కును వినియోగించుకున్నారు. అయితే 2019 ఎన్నికలతో పోల్చుకుంటే నమోదైన ఓటింగ్‌ శాతం అసెంబ్లీల్లో స్పల్పంగా పెరగగా..పార్లమెంట్‌లో స్వల్పంగా తగ్గింది. 2019 ఎన్నికలతో పోల్చుకుంటే అసెంబ్లీల్లో 0.6 శాతం అధికం.. కర్నూలు జిల్లాలో మొత్తం 20,54,563 మంది ఓటర్లు ఉన్నారు. ఇందులో పురుషులు 10,13,794 మంది, సీ్త్రలు 10,40,451, ఇతరులు 318 మంది ఉన్నారు. అయితే మొత్తం ఓటర్లలో 15,70,007 మంది ఓటర్లు తమ ఓటు హక్కును వినియోగించుకున్నారు. ఇందులో పురుషులు 7,88,074 మంది, మహిళలు 7,81,793 మంది, ఇతరులు 135 మంది ఉన్నారు. అయితే మహిళల కంటే 6,286 మంది పురుష ఓటర్లే అధికంగా ఓటు వేశారు. మొత్తంగా అన్ని నియోజకవర్గాల్లో కలిపి 76.42 శాతం ఓటింగ్‌ నమోదైంది. కాగా, ఈ పోలింగ్‌ శాతం 2019 ఎన్నికలతో పోల్చుకుంటే 0.6 శాతం అధికంగా నమోదైంది. అలాగే కర్నూలు పార్లమెంట్‌కు సంబంధించి 2019లో 78.28 శాతం ఓటింగ్‌ నమోదైంది. ఈ ఎన్నికల్లో పార్లమెంట్‌ పరిధిలో 76.80 శాతం మంది ఓటు వేశారు. 2019 ఎన్నికలతో పోల్చుకుంటే ప్రస్తుత ఎన్నికల్లో 1.48 శాతం పోలింగ్‌ తగ్గింది. ఆర్‌యూకు తరలింపు ఎన్నికలు ముగియగానే ఈవీఎంలను పోలింగ్‌ కేంద్రాల నుంచి అత్యంత భద్రత నడుమ జీపీఎస్‌తో అనుసంధానమైన వాహనాల్లో రాయలసీమ యూనివర్సిటీలో ఏర్పాటు చేసిన రిసెప్షన్‌ సెంటర్లకు తరలించారు. ఈ క్రమంలో వాటిని మూడంచెల భద్రత, సీసీ కెమెరాల నిఘా ఉన్న స్ట్రాంగ్‌ రూమ్‌ల్లో మంగళవారం ఉదయం కలెక్టర్‌ జనరల్‌ అబ్జర్వర్‌ జాఫర్‌ వి. డాక్టర్‌ జి.సృజన, రాజకీయ పార్టీల ప్రతినిధుల సమక్షంలో భద్రపరచారు. ఏజెంట్లతో సంతకాలు తీసుకున్న తరువాత సీల్‌ వేసి తాళాలు వేశారు. కర్నూలు, ఆదోని అసెంబ్లీలు, పార్లమెంట్‌కు సంబంధించిన ఈవీఎంలను లైఫ్‌ సైన్సెస్‌ బ్లాక్‌లో, కోడుమూరు, ఎమ్మిగనూరునకు సంబంధించిన ఈవీఎంలను ఇంజినీరింగ్‌ బ్లాక్‌లో, మంత్రాలయం, పాణ్యం, ఆలూరు అసెంబ్లీలకు సంబంధించి లైబ్రేరి బాక్ల్‌లో, పత్తికొండ అసెంబ్లీకి సంబంధించిన ఈవీఎంలను లైబ్రేరి బ్లాక్‌–3 భద్రపరచారు. ఈవీఎంలను భద్రపరచే కార్యక్రమంలో ఆయా నియోజకవర్గాల ఆర్వోలు, ఏఈఆర్‌ఓలు పాల్గొన్నారు. అసెంబ్లీ 2019లో 2024లో స్థానాలు ఓటింగ్‌ శాతం ఓటింగ్‌ శాతం కర్నూలు 59.53 63.75 పత్తికొండ 83.97 84.98 కోడుమూరు 79.52 79.14 ఎమ్మిగనూరు 79.16 81.97 మంత్రాలయం 84.98 84.31 ఆదోని 65.31 66.55 ఆలూరు 79.71 80.73 పాణ్యం 74.41 74.44 కర్నూలు పార్లమెంట్‌ 78.28 76.80పత్తికొండలో అధికం... కర్నూలులో అత్యల్పంగా పోలింగ్‌ 2019 ఎన్నికలతో పోల్చుకుంటే జిల్లాలోని అన్ని నియోజకవర్గాల్లో స్వల్పంగా పోలింగ్‌ శాతం పెరిగింది. అయితే కోడుమూరు, ఎమ్మిగనూరులలో మాత్రం స్వల్పంగా పోలింగ్‌ శాతం తగ్గడం గమనార్హం. ఈ ఎన్నికల్లో పత్తికొండ, ఎమ్మిగనూరు, మంత్రాలయం, ఆలూరులలో ఏకంగా 80 శాతం పోలింగ్‌ నమోదైంది. అలాగే అత్యధికంగా పత్తికొండలో 84.98 శాతం మంది ఓటర్లు ఓటు హక్కు వినియోగించుకున్నారు. అత్యల్పంగా కర్నూలులో 63.75 శాతం ఓటింగ్‌ నమోదైంది. అయితే, 2019 ఎన్నికల్లో అత్యల్పంగా పోలింగ్‌ నమోదైన కర్నూలు, ఆదోనిలలో 75 శాతం ఓటింగ్‌ను పెంచాలని అధికారుల చేసిన ప్రయత్నం ఫలించలేదు. గత ఎన్నికల్లో కర్నూలులో 59.53 శాతం ఓటింగ్‌ నమోదు కాగా, 63.75 శాతానికి పెరిగింది. అలాగే ఆదోనిలో గత ఎన్నికల్లో 65.31 శాతం ఓటింగ్‌ నమోదు కాగా, ఈ సారి 66.55 శాతం మంది ఓటర్లు ఓటు హక్కు వినియోగించుకున్నారు. ఏదిఏమైనా ఈ రెండు నియోజకవర్గాల్లో స్వల్పంగా పోలింగ్‌ శాతం పెరిగింది. కర్నూలు పార్లమెంట్‌లో 76.80 శాతం ఓటింగ్‌ నమోదు 8 అసెంబ్లీ నియోజకవర్గాల్లో కలిపి 76.42 శాతం పోలింగ్‌ తుది పోలింగ్‌ నమోదు వివరాలు విడుదల చేసిన ఎన్నికల కమిషన్‌ జూన్‌ 4వ తేదీన ఎన్నికల కౌంటింగ్‌, ఫలితాల ప్రకటన అత్యధికంగా పత్తికొండలో 84.98 శాతం, అత్యల్పంగా కర్నూలులో 63.75 శాతం ఓటింగ్‌ స్ట్రాంగ్‌ రూమ్‌లకు మూడంచెల భద్రత